Corr. Princes

« Le soing que nous avons de tenir noz frontières en seuretté, nous a obligé d'y mectre de bonnes et grandes forces, tant de cheval que de pied, par le moyen desquelles nous espérons empescher tous les desseings que l’on pourroit avoir préjudiciables au bien de noz affaires, estans mesmement conduictes et exploictées par des grandz et signallez personnages, de l’expériance, valleur et fidellité desquelz nous prenons plaine et entière confiance ; spéciallement en l’armée que nous avons mis sus en nostre païs Messin, composée entre autres gens de guerre de bon nombre de cavallerie, de laquelle nous faisons grand estat pour cognoistre tous les cappitaines particuliers de chacune des compagnies, braves, courageux et très affectionnez à nostre service.

« Et d'autant qu’il est nécessaire de commettre quelqu'un qui la puisse commander, scachans que nous ne pouvons faire meilleure ny plus digne eslection que de vostre personne, pour les bonnes et excellantes quallitez dont vous estes abondamment et richement revestu, Nous, à ces causes et à plains confians de vos sens, suffisance, loyauté, preud’hommie, expériance et bonne dilligence, vous avons commis, députté et estably, commettons, députtons et establissons par ces présentes, signées de nostre propre main, mareschal de camp de noz armées, pour commander à nostredicte cavallerie legère, estant à présent et qui pourra estre ci après en nostre armée du pais Messin, conduicte par nostre très cher cousin le duc d’'Angoulesme, nostre lieutenant général en icelle, et en tous les lieux et endroictz où elle sera par luy exploictée ; et ce en l'absence de nostre très cher cousin le comte d'Alex, colonnel général de nostre cavallerie légère, avec plain pouvoir de commander et conduire, aux occasions qui s’en offriront, toutes les compagnies de chevaux légers qui sont et se trouveront en nostredicte armée, leur ordonner conjoinctement ou séparément ce qu’elles auront à faire pour nostre service, selon qu’il sera commandé par nostredict cousin le duc d'Angoulesme, et les faire vivre en bonne pollice et discipline et faire tout ce que nostredict cousin le comte d’Alex feroit ou faire pourroit, s’il y estoit en personne, tant et si longuement que nostredicte armée sera sur pied ; et ce’aux estatz à apparoir, qui vous seront par nous ordonnez.

« De ce faire vous avons donné et donnons plain pouvoir, auctorité, commission et mandement spécial. Mandons et commandons à nostredict cousin le duc d’Angoulesme qu’en ce qui dépendra de ladicte charge, il ayt à vous faire

obéir et recognoistre par tous ceux que besoing sera, et à tous les cappitaines chefs desdictes compagnies de chevaulx légers, arquebuziers à cheval, officiers et soldatz d'icelles, et à tous autres qu’il appartiendra, qu’à vous, en ce faisant, ilz obéissent et entendent dilligemment ez choses touchans et concernans la présente commission : car tel est nostre plaisir.

« Donné à Paris le xvije jour de mars, l’an de grâce mil six cens vingt cinq, et de nostre règne le quinziesme.

« Louis.

« Par le Roi: De BEauceerc. »

Chart. de Thouars. Original.

1627, 20 avril. Saint-Macaire. — « Procès-verbal de plantement de poteau au bourg de Saint-Maquaire. »

« Le mardy vingtiesme jour d’apvril mil six cens vingt sept, nous, Anthoine Clabat, escuier, sieur de la Maïisonneufve, licentié ès loix, advocat en parlement et au siège presidial de Poictiers, seneschal et juge ordinaire du duché et pairie de Thouars, et Pierre Pelletier, greffier ordinaire audict lieu, à la requeste et en presence de maistre Joseph Favereau, procureur fiscal dudit duché de Thouars, nous sommes transportés de la ville dudict Thouars, nostre demeure, jusques au bourg de Saint-Macquaire,ayans avecq nous maistre Daniel Guerineau, recepveur audict duché; Nicollas Janson, sergent ordinaire d’icelluy duché, et René Falligan, sergent bailliager du bailliage de la Petitte Marche; où estans, avons, ce requerant ledict procureur fiscal, et suivant le commendemant de monseigneur le duc dudict Thouars, faict planter ung pot-

teau auquel sont les armes de mon dict seigneur, peintes, de fer blanc et attachées de clous, en la face d’icelluy, posé au bout du cimetiere de l’eglize dudict Saint-Macquaire, au carrefour y estant, et prez le grand chemin tendant de ladicte eglize de Saint-Macquaire au Puy-Nostre-Dame, comme estant icelluy bourg et parroisse de Saint-Macquaire, en sa jurisdiction et chastellenie de Thouars et Ferrière, ès marches communes d'Anjou et Poictou, et à faire la fosse pour lapposition dudict posteau et enlevement d’icelluy, aurions faict venir par devant nous les nommez Jehan Rouger et Audet Dupuy, demeurans en la ville de Thouars, et autres habitans dudict bourg et parroisse Saint-Macquaire, lesquelz aurions menez audict carrefour ; et par eux faict faire ladicte fosse et enlevement de potteau ; de laquelle apposition de potteau avons audict procureur fiscal, ce requerant, octroyé acte pour servir et valloir à mon dict seigneur, en temps et lieu, ce que de raison; faict et faisons deffences à touttes personnes, de quelque quallitté et condition qu’ilz soient, de faire ne entreprendre aucune chose contre et au prejudice de ce que dessus et des presentes, sur les peines que de droit, et encorres decerné acte audict procureur de ce que, estans entrez en ladicte églize de Sainct-Macquaire, nous avons trouvé par le dedans d’icelle et au dessus de la porte principalle et fort proche de la vouste, les armes de mon dict seigneur gravées en pierre ; et au dessoubz d'icelles, autres armes que le vicquaire nous auroit dict estre celles des comtes de Sanzay, pour servir et valloir ce que de raison audict procureur.

« Faict audict bourg de Saint-Macquaire!, les jour et an susdicts. Ainsi signé en la minutte du present procès verbal : A. Clabat; Favereau ; D. Guerineau et Pelletier, greffier.

« (Signé) : ALLARD, commis du greffier

« trante solz. »

Chartrier de Thouars. Orig. parch.

1. Saint-Macaire-du-Bois (Maine-et-Loire, canton de Montreuil-Bellay).

1628. — Conversion du duc de La Trémoiïlle.

« Monsieur le Cardinal de Richelieu ayant reconnu en quelques conferences qu’il eut avec monsieur le duc de La Trémoille qu’il n’avoit pas peu de disposition à se faire instruire, il voulut estre luy-mèême le principal ministre de sa conversion. Il luy donna diverses fois quelques heures de son loisir, et comme il n'y a rien d’égal à sa doctrine et à la clarté de son esprit, il luy fit voir des lumières qui resolurent en peu de temps tous ses doutes et qui dissipèrent son erreur.

« Ce seigneur estoit né avec tant de modération et avoit conduit ses actions avec une telle douceur, mesme dans l’ardeur de sa jeunesse, qu’il ne participoit nullement à l’orgueil et à l’insolence ordinaire de ceux dont il avoit la créance ; et comme les espritz moderez sont beaucoup plus capables d'instruction que les autres, il se portoit assez facilement à suivre les instinctz dont la main de Dieu le touchoit. Neantmoins il voulut voir la verité et estre satisfaict sur plusieurs difficultez; auxquelles personne n’avoit donné jusques à l'heure de resolution qui le contentast; mais ayant esté si heureux que d'en estre instruict par Monsieur le Cardinal, il luy fut d'autant plus facile d'abandonner son erreur que l'esprit incomparable de ce grand ministre de l'Eglise et de l'estat la luy fit connoistre clairement, comme il a diverses fois declaré luy-mesmes. Ce ne furent ny les honneurs ny les richesses qui le porterent à changer de religion. Il estoit né dans la gloire que ses ancestres luy avoient donnée par succession, ainsy que dans les grands biens qu’ils luy avoient laissez. Mais ce fut la seule cognoissance de la verité, dont il voulut estre tellement instruict, avant que faire sa profession de foy, qu’il n’y a aucun poinct dont il n’eust une exacte connoissance. La joye qu’en receut le Roy fut telle qu'il n’y a jamais eu de trophées ny de depouilles de l’ennemy qui luy ayent plus agrée que la victoire que Monsieur le Cardinal remporta en ceste occasion. Aussy

pour temoigner au duc de La Trémoille la joye qu’il en recevoit, Sa Majesté luy promit qu'il communieroit avec luy à la première feste. Et mesme le sieur de la Curée s’estant demis de la charge de mestre de camp de la cavalerie legère, que son aage ne luy permettoit plus d'exercer, elle l’en honora, s’estudiant de faire voir en sa personne combien elle estoit affectionnée au salut de ses sujets. »

Bibl. nat. Cabinet des Titres. Vol. rel. 561.

1636. — Description de la ville de Laval.

« De Cossé qui est à M" de La Trimouille et en partie à un gentilhomme de la, sieur de Montmartin, à Laval, 4 lieues de très horrible chemin par les fondrières, en hyver. Ruisseau du Pont au Bray, moitié chemin,..….

« Laval, bonne ville, comté très célèbre, en errière de la comté du Mayne, et jouissant du privilege de pairie de France, apartient à Henry, duc de La Trimouille et de Thouars, par succession de Guy 20°, comte de Laval, mort en Hongrie, comme sera dit cy-aprez de luy. Il a de longueur 20 lieues ; mais de largeur peu et contient 24 paroices ; vaut 20 mil livres de bail à ferme sans les forges, le bois, les reliefs et autres casuels, et la pollette des offices y subjets et qui payent aus coffres du comte susdict. Le tout va as presquez à 25 ou 30 mille livres par an; la ville et fauxbourg fournira cinq ou six mille habitans en armes, 15 à 20 mil communians et en tout 20 à 30 mille âmes. Les deux fauxbourgs ensemble sont plus grands et plus peuplés que la ville qui est ramassée, et le petit, mais beau circuit, bien tourrelé, à la mode d’autrefois, de lan 1300 et l’an 1400. Dans son enclos, il y a un chasteau sur le fin ault precipiteux du costau, finissant sur la rivière du Mayne, laquelle passe

le long dudit costeau ; et au dessous dudict chasteau, entre le fauxbourg et pont de Mayne cy aprez et ledict chasteau, c’est à dire la ville. Ce chasteau est un vieil bastiment de pierre cailloteuse avec grand’salle et apartemens ault exaucés, au bout duquel, avec quelque intervalle vuide, est une gallerie couverte et fermée soustenue sur un ambulacre ouvert accompagné d’un balcon ou terrace suspendue du costé de la rivière, ayant une très belle veue ; et du costé de la couste du chasteau et de là, il y ha une grande place verte en quarré, jadis jardin, au bout de laquelle estle portail séparant le pourpris de tout le chasteau d’avec la ville; le premier logis de laquelle est le parquet ou chambre de la justice de Laval, où les sièges et parois au dessus d’iceux sont tendus d’une tapisserie d'azur semée d’alerions ou aiglettes d’or qui sont les armes de La Trimouille, petit bourg en Poitou, simple seigneurie, quoy que le seigneur, qui est bien duc de Thouars, se face aussy appeller duc de La Trimouille. La justice de Laval ordinaire est au comte... Chambre des Comptes de Laval, unique de France avec celles de Nevers et de Blois, qui sont les 3 seules chambres des Comptes non royales et à seigneurs particuliers. »

Itinéraire de Bretagne, dans lequel il est parlé des bourgs, villages, fleuves, rivières, églises, monastères, familles, villes de Bretagne et de ses limites, par Mr Dubuisson Aubenay, fait en 1636 (relié sur la fin de l’année 1688). Bibl. nat. Nouv. fr. 4375.

1643, 15 mai. Paris. — Permission donnée par Henri de La Trémoille de bâtir un temple à Thouars.

« Henry, duc de la Trémoille et de Thouars, pair de France, prince de Talmond, comte de Laval, Monfort et Taillebourg, vicomte de Rennes, baron de Vitré, etc., salut.

« Scavoir faisons que, sur l’advis qui nous a esté donné par l'advocat fiscal de nostre duché dudict Thouars, en consequence des plaintes cy devant portées aux Grands Jours de Poictiers, que le lieu où se faict à present l'exercice de la Religion prétendue reformée est scitué entre l’eglize parroissielle de Sainct- Medard et l’eglize des Cordeliers, et par sa proximité aporte de l’incommoditté aux catholicques en l'exercice de leur religion ; et bien que les habitans de ladite Religion prétendue reformée soient en pocession dudict lieu depuis l’année mil cinq cens quatre vingtz neuf, ainsy qu’ilz nous ont fait voir par actes valables, mesmes par la concession dudict lieu qui leur a esté faicte par feu nostre très honoré seigneur et père ; et nous ayent requis les maintenir en la pocession dudict lieu ; neantmoins desirant favorablement traicter lesdicts catholicques, depuis que nous avons embrassé la religion catholicque, apostolicque et romaine, et oster ausdicts habitans de l’une et l’autre religion tout pretexte de division, et les entretenir, en paix, en l'observation des ecdictz: à ces causes, nous declarons que nostre intention est de changer le lieu de l'exercice de ceux de ladicte religion prétendue reformée et l’esloigner desdictes églizes de Sainct-Medard et des Cordeliers et le transferer en un autre endroict qui n’aporte aacune incommodité aux catholicques. Et après avoir faict visiter les lieux convenables pour ledict exercice par nos officiers catholicques et avoir ouy leur raport, nous avons jugé qu’il n’y en avoit point de plus propre que le lieu qui sert à présent de cimetiere à ceux de la dicte religion prétendue reformée ; scitué près les murailles de la dicte ville et y joignant par le derrière; d'autre par le devant à la rue qui va du carrefour Tifauge au batteau de passage du bourg Sainct-Jacques ; d’une heurée‘ aux maisons et jardin de la veufve et heritiers Paul Geslin, sieur de la Pilletière ; d'autre heurée à la rue qui va dudict carrefour ausdictes murailles : lequel lieu leur a esté donné par les commissaires de Sa Majesté. En consequence de quoy, nous entendons et ordonnons que l’exercice de ladicte religion y soit transferé ; et, pour cet effect, permettons aux habitans de ladicte religion prétendue reformée d’y bastir un temple en telle forme qu’ilz adviseront pour y continuer par eux et leurs successeurs à l’advenir l'exercice de ladicte religion, sans toutefois que lesdicts