TITRES DU COMTÉ DE LAVAL

(Sans date). « Mémoïre sur ce qui peult appartenir à Monseigneur le Comte et à Madamoïselle au Comté de Laval.

« En mettant le comté de Laval en soixante et douze escuz, les premiers puisnez qui sont messieurs de Guymené, la Roche-Guyon et Chastillon en emportent le tiers, qui sont vingt quatre escuz. — Des quarente huict restans, Mrs de Boisdauphin, Noirmoustier, Sancerre et Mirepoix, en emportent le tiers qui sont seize escuz. — Des trente deux restans, madame la Princesse en emporte le tiers, qui sont dix et deux tiers. — Des vingt ung et ung tiers restans, monsieur le comte de Laval et madamoiselle de La Trémoïlle en ont tous deux sept escuz et ung neufviesme.

« C’est ung dixième qu’ilz ont eux deux, desduict le préciput.

« Quand monsieur le comte de Laval est déceddé, il debvoit cinq cens mille Livres au plus sur toute la succession de Laval, Rieux et d’Andelot, dont Laval debvoit environ le cinquième, qui est cent mille livres ; partant doibvent lesdits puisnez environ dix mille livres eux deux.

« Et leur dixième vault à prendre le comté à VIIC Lx. liv., outre le préciput la somme de soixante quinze mille livres.

« Tellement qu'il leur revient de net soixante cinq mille livres aux deux pour le regard du principal.

« Quant aux fruitz à prendre, le Comté tout entier et non démembré a quinze mille livres de rente, il leur en revient quinze cens livres par an, sur quoy fault

desduire la rente et fraiz des dix mille livres qu’ils doibvent, qu'il fault prendre à environ sept cens livres, resteroit huict cens livres par an qui est en treize années, finies en décembre 1618, dix mille huict cens livres ; mais il fault desduire environ ung tiers à cause de Ja jouissance de madame de Fervacques, tellement qu'il ne reste que sept mille deux cens livres. «a Somme toute de ce que Laval doibt ausdicts puisnés ....,. Lxx1% nc liv. « Laquelle somme il leur fault desduire sur ce qu'ilz doibvent de la succession

de La Trémoille, ainsy qu'il sera dict en la feuille de papier cy attachée.

Chartrier de Thouars. P. pap.

1429, 17 juillet. Reims. — Erection de Laval en comté.

a Charles, par la grâce de Dieu, Roy de France et de Navarre, sçavoir faisons à tous présens et advenir, que ayans bien en mémoire la bonne loyauté que entre tous autres nous ont recommandablement et de tout temps tenue nos chères et amées cousines les dames de Laval, et nostre cher et féal cousin, le sire de Laval, leur aisné fils, ct leurs autres enfans en eux tenans fermes et stables en nostre vraye obéissance, sans jamais avoir voulu varier, quelque temps qui ayt couru pour menaces ou promesses que leur ayent peu faire nos anciens ennemis les Anglois, ne pour pertes de plusieurs de leurs baronnies, villes, chasteaux et terres, ayant regard aussi aux très grands bons et honorables services que nous ont faits, tant en l'expédition de nos guerres contre nosdits anciens ennemis que autrement leurs dits enfans, et encores font pré-

sentement en cestuy nostre voyage à Reims, où avons ce jour d’huy receu, s’il

a pleu à Nostre Seigneur, nostre sacre et couronnement, et que ont fait paravant leurs prédécesseurs et ceux de leur hostel à la maison de France en plu= sieurs manières ; en quoy, sans aucune espargne, ils ont exposé leurs corps, amis, puissance et chevance, et fait de très grands et grosses mises en portant le faix et charge de la guerre à leurs propres cousts et despens contre nos dits ennemis ès frontières où leurs places sont assizes; voulans et désirans leur dite loyauté et iceux services reconnoistre tellement (comme bien l’ontdéservy) que ce soit à l’exaltation, honneur et décoration d’eux et de leur postérité et hostel, et que les autres nobles et vassaux de nous et de nostre royaume, à celle exemple soient plus enclins de nous et de nos successeurs bien et loyaument servir ; considérant aussi que leur terre et seigneurie de Laval est une noble, ancienne et grosse baronnie moult notable et de grand nom et valeur ; outre les autres terres et baronnyes qu'ils tiennent en Bretagne, Normandie, Flandre, Haynau et ailleurs en ce royaume en divers lieux, et qu’en icelle baronnye a ville notable et plusieurs chasteaux, chastellenyes, seigneuries et autres notables et anciennes places mouvans et tenues de ladite baronnye, dont ceux qui les tiennent sont hommes et vassaux de ladite seigneurie et baronnie de Laval;

« Nous, pour les causes et considérations dessusdites et autres bien raisonnables, de nostre mouvement, et par l’advis aussi et délibération de plusieurs de nostre sang et lignage et autres de nostre grand conseil, icelle seigneurie et baronnie de Laval, de nostre certaine science, pleine puissance et authorité royale, avons créé et eslevé, et par la teneur de ces présentes, de grace spécial créons et eslevons en comté de Laval, Voulons, ordonnons et décernons que d’oresnavant et perpétuellement nosdites cousines et cousin, et leurs successeurs, seigneurs de Laval, soient tenus, réputez, appellez comtesses et comte de Laval, jouyssent et usent en tous cas de tous droicts, noblesses, authoritez, prééminences et prérogatives en faicts de guerre, assemblées de nobles et autrement, en tous lieux et places, dont usent et jouyssent et ont accoustumé jouyr et user les autres comtes de nostre royaume, et que tous les vassaux et autres geus‘de. quelque estat et condition qu’ils soient, tenus noblement ou roturièrement de ladite seigneurie de Laval, quand ils feront leurs hommages et baïilleront desnombrement de leurs terres, les fassent et baïllent à nostre cousine la dame de Laval, la jeune, propriétaire et usufructuaire de ladite Ibaronie, et après elle à

nostre dit cousin et féal son aisné fils, et à leurs successeurs, comme à comtesse et comte de Laval. Etoutre, voulons, ordonnons et décernons que nostredite cousine de Laval, la jeune, nostre dit cousin, son fils aisné, et leurs successeurs, tiennent et possèdent d’oresnavant ladite comté de Laval aux charges deues et anciennes, tant envers nous, comme autres, sans quelconque condition ou accroissement de charge ou redevance nouvelle, et en la forme et manière qu’elle estoit tenue paravant qu’elle feust créée et eslevée en comté. Si donnons en mandement, par la teneur de ces présentes, à nos amez et féaux conseillers les gens de nostre parlement et de nos comtes, et à tous nos sénéchaux, baillifs, prévosts et autres nos justiciers et officiers, ou à leurs lieutenans qui sont à présent et seront pour le temps advenir et à chacun d'eux, si comme à luy appartiendra, que nosdites cousines et cousins et leurs successeurs, comtes de Laval, fassent et souffrent jouyr et user de nostre dite présente grâce, création et ordonnance, et en la forme et manière que sont et ont accoustumé de faire les autres comtesses et comtes de nostre dit royaume et qu’il appartiendra par raison, en contraignant à ce faire et souffrir, si mestier est, ceux qui seront à contraindre, par toutes voyes et manières, deues et raisonnables. Et afin que ce soit chose ferme et stable à tousjours, nous avons fait mettre nostre scel à ces présentes, sauf en autres choses nostre droict et l’autruy en toutes.

« Donné à Reims, le dix septième jour de juillet, l'an de grâce mil quatre cens vingt neuf et de nostre règne le septiesme. Ainsi signé sur le reply : Par le Roy en son grand conseil, auquel monseigneur le duc d'Alençon, les comtes de Clermont et de Vendosme, vous, les évesques de Chaalons, de Séez et d’Orléans, les sieurs de Lebret et de La Trémoille, le bastard d'Orléans, le maréchal de Saincte-Sévère, le maistre des arbalestriers, l’admiral, les sires de Raïix, de Montjean, d’Argenton, de Gaucourt et de Tucé, le doyen de Paris et plusieurs autres estans. Signé au dessous : Budé, Visa ; et sellées en lacqs de soye vert et rouge, de cire verte, et au dos est écrit: lecta et publicata Pictavis in parlamento regio, decima septima die maïi, anno millesimo quadringentesimo trigesimo primo. Ainsi signé : BLois. >»