ES << A
1630, 10 juin. Paris. — Quittance de François Macaïre, carrossier.
« Fut présent en sa personne François Macaire, maistre seillier, lormier et carossier à Paris, demeurant rue S' Honnoré, paroisse S' Germain de l’Auxerois, lequel a recongnu et confessé avoir eu et receu de très haute et illustre princesse madame Charlotte de La Trimoille, épouze de très hault et illustre prince monseigneur Jacques de Stanlay, comte d’Herby, prince de l’isle de Men, au royaume d’Angleterre, par les mains de noble Jacques de Rozemont, conseiller et secretaire de monseigneur le duc de La Trémoille, à ce présent et de ses deniers, la somme de douze cens quatre vingt cinq livres seize sols, scavoir douze cens livres de pris faict et cinquante livres de suplement, ordonné par très haulte et ileustre princesse madame Charlotte de Nassau, princesse en Orenge, duchesse douairière de La Trémoille, mère de madicte dame, pour le carosse complet, faict, fourny et livré suivant le marché verbal faict avec ledict sieur de Rozemont et ledict Macaire, ledict carosse monté sur son train, couvert de cuir de vache doublée de vellours rouge cramoisy, rideaux de damars de Genne, et tout ce qui en depend, avec les harnois de chevaulx et une selle de postillon, et trente cinq livres seize sols pour un rideau de damars de Genne servant au devant du dict carosse, et ce qu’il a convenu pour couvrir et emballer le dehors dudict carosse, fourny par le dict Matière (sic) outre et pardessus ce qu’il estoit tenu par ledict marché...
« Faict et passé en l’estude de Capitain, notaire, l'an mil six cens trente le dixième jour de juing, avant midy.
« CAPITAIN. »
Ch. de Thouars. O. pap.
1578, 22 février. Paris. — Procès-verbal de la création de la tutelle et curatelle de messieurs de La Trémoïlle, pour dame Jehanne de Montmorency, duchesse de Thouars.
« …… Sont comparuz en la chambre civil du Chastellet de Paris, maïistre Jullian Chauveau, procureur en la court de Parlement, ou nom et comme procureur de ladicte dame, mère desdicts mineurs, assisté de Tanneguy du Chesneau, escuyer, sieur de La Doulcinière, maistre d’hostel de ladicte dame, et de maistre Jehan Roubhet, advocat en ladicte court; maistre Jehan Lefebvre, pro- cureur ou chastellet de Paris, ou nom et comme procureur de hault et puissant seigneur messire Georges de La Trimouille, chevallier de l’ordre du roy, seigneur et baron de Royen, Ollonne et Aspremont, oncle unicque du costé paternel, assisté de Charles de Hénault, escuyer, sieur de Curzon ; monseigneur le révérendissime Charles, cardinal de Bourbon, archevesque de Rouen, comparant par maistre Pierre André, advocat en Parlement, sieur de La Garde, fondé de procuration spécialle dudict sieur en dacte du mardy unziesme jour de ce moys, signée: Francquelin et Croiset; monseigneur Loys de Bourbon, duc de Montpensier, pair de France, aussi comparant par ledict André, fondé de procuration passée à Myrebeau, le vingt-cinquiesme jour de janvier, signée: Gabault; hault et puissant seigneur messire François de La Trimouille, filz
unicque de deffunct hault et puissant seigneur messire Claude de La Trimouille, luy vivant, chevallier de l’ordre du roy, seigneur et baron de Nayrmoutier, comparant par maïistre Jacques Marceron procureur en Parlement ; hault et puissant seigneur messire Loys de Rohan, prince de Guymenay, chevallier de l’ordre du roy, comparant par maistre Jehan Lasnier, procureur en la court de Parlement, fondé de procuration passée en la court de la chastellenye du Verger, par devant Jacques Gueretin et Jehan du Fossé, notaires royaulx, le pénultiesme jour de janvier dernier passé ; hault et puissant seigneur messire Jehan de Laval, seigneur de Loué et marquis de Nesle, chevallier de l’ordre du roy, cappitaine de cinquante hommes d’armes de ses ordonnances, comparant par ledict Lagnier, fondé de procuration, passée à Paris par devant Cothereau et Bontemps, notaires, le mercredy vingt-deuxiesme janvier dernier passé ; hault et puissant seigneur Guy, conte de Laval, de Montfort, Quentin et Harcourt, baron de Victry, comparant par ledict Lagnier, fondé de procuration passée par devant Charil et Després, notaires royaulx de la court de Rennes, le premier febvrier oudict an; hault et puissant seigneur messire Anthoine de Silly, chevallier, sieur de La Rochepot, cappitaine de cinquante hommes d'armes de ses ordonnances, baron de Montmirel, comparant par maistre Estienne Morineau, procureur en la court de Parlement ; hault et puissant seigneur messire Jacques d'Amboise, chevallier de l’ordre du roy, marquis de Reyvel, baron de Bussy et de Saxe-Fontaine, comparant par ledict Morineau, cousin paternel ; hault et puissant seigneur messire Lois d’Amboise, marquis de Reyvel, baron de Bussy et de Saxe-Fontaine, premier chambellan de Monseigneur, fils unicque de France, et lieutenant-général pour le roy et mondict sieur au pays d'Anjou, comparant par ledict Morineau; messire Charles de Chambe, chevallier de l’ordre du roy, conte de Montsoreau, comparant par maistre Anthoine Beaucorps, procureur ou Chastellet de Paris, fondé de procuration; hault et puissant seigneur, messire François de La Tour-Landry, chevallier de l’ordre du roy, conseiller et chambellan ordinaire de monseigneur, conte de Chasteauroux, baron dudict lieu, La Roche d'Indre, de La Tour et de Clervaulx, des seigneuries de Bourmont, comparant par ledict Beaucorps ; haulte et puissante dame dame Anthoinette de La Tour, dame ordinaire de la royne mère du roy, duchesse de Rouannoys, dame entre aultres
lieulx de Sainct-Nicollas, comparant par ledict maistre Jacques Merceron, procureur en Parlement, fondé de procuration passée soubz le scel aux contractz de Sainct-Loup, le troysiesme jour des présent mois et an, signée Razay et scellée ; Révérend Père en Dieu messire Toussainctz Barry, sieur de Vincelles, abbé de Ferrières et de Sainct-Lo, chanoine de la Saincte Chappelle du pallais à Paris, ou nom et comme procureur de très-haulte et puissante dame dame Magdalaine de Savoye, duchesse de Montmorency, vefve feu de louable mémoire très-hault et très-puissant seigneur monseigneur Anne, luy vivant, duc de Montmorency, pair et connestable de France, ayeulle maternelle, fondé de procuration passée par devant Coyart et Boreau, notaires, le quatreiesme febvrier mil cinq cens soixante dix-huict, ledict sieur de Vincelles ou nom et comme procureur de hault et puissant seigneur messire François, duc de Montmorency, pair et mareschal de France, gouverneur et lieutenant-général pour le roy à Paris et Isle de France, oncle maternel, fondé de procuration passée par devant lesdictz notaires, le neufiesme jour desdictz mois et an ; ledict sieur de Vincelles aussi procureur de messire Henry de Montmorency, seigneur de Dampville, aussi mareschal de France, gouverneur et lieutenantgénéral pour le roy au pays de Languedocq, fondé de procuration passée à Béziers dans le logis épiscopal, le vingt septiesme jour de décembre mil cinq cens soixante dix-sept, 'signé : Ratre, notaire royal, habitant de ladicte ville de Béziers; ledict de Vincelles, procureur de messire Charles de Montmorency, sieur de Méru, chevallier de l’ordre du roy, cappitaine de cinquante lances de ses ordonnances et collonnel général des Suisses, fondé de procuration passée par devant Jacques Derin, notaire pour le roy à Pontoise, le trenteiesme janvier mil cinq cens soixante dix-huict, et encores ledict sieur de Vincelles procureur de messire Guillaume de Montmorency, seigneur de Thoré, aussi chevallier de l’ordre et cappitaine de cinquante lances, collonnel-général de la cavallerye légère de Piedmont, aussi oncles maternelz, fondé de procuration passée le trenteiesme jour de décembre mil cinq cens soixante dix-sept par devant Jehan Roiet, notaire royal en la ville de Montpellier ; hault et puissant seigneur messire Arthus de Cossé, conte de Secondigny, mareschal de France, comparant par mtre Jehan Taignier, fondé de procuration passée par devant Carrel et Contesse, notaires, le douzeiesme jour desdictz mois et an.
« Après lesquelles comparutions desdictz seigneurs et dames ou procureur pour eulx, ledict maistre Jehan Le Fevre, procureur dudict messire Georges de La Trimouille, seigneur et baron de Royen, a dict et remonstré qu’il y avoit plusieurs parens desdictz mineurs du costé paternel et mesmes des plus proches qui n’avoient esté appellez, et entre aultres les seigneurs cardinal de Guise, ducz de Guise et du Maine, marquis d'Elbœuf et seigneurs de Fontaines-Guérin, lesquelz il convenoit appeller pour procedder à ladicte eslection. A quoy par ledict Chauveau, procureur de ladicte dame de La Trémoille, a esté dict que pour le regard desdicts seigneurs de Guise et aultres de leur maison, ne leur avoit esté donné assignation, d’aultant qu’il y avoit assez grand nombre de parens, ostant qu’ilz estoient remetz et eslongnez de consanguinité et aultres demeurans en loingtain pais, ès montz Pirénées distant de deux cens lieues de ceste ville, et joinct qu’il y avoit nombre de parens illustres, auroit requis estre passé oultre... et prendre le serment des procureurs cy-dessus nommez..….
« Surquoy a esté ordonné qu'il sera passé oultre à l’eslection d’un tuteur et curateur ausdictz mineurs pour régir et gouverner leurs personnes et biens, par les procureurs cy-dessus nommez.., et néantmoins paravant ordonner sur la dation de ladicte tutelle, que lesdictz seigneurs cardinal de Guise, ducz de Guise et du Maine, marquis d'Elbœuf et le seigneur de Fontaines seront appellez et convocquez par devant nous à mercredy prochain en nostre hostel pour donner voix et procédder à ladicte eslection..... » Après avoir reçu l'avis des procureurs ci-dessus nommés il a été « ordonné que ladicte dame Jehanne de Montmorency, dame de La Trémoille, mère et tutrice desdictz seigneurs, sera et demeurera en la charge de tutrice et curatrice desdictz seigneurs, ses enfans, pour régir, gouverner, et administrer leurs personnes et biens et ledict sieur de La Trémoille, sieur de Royan, pour subrogé tuteur quant à leurs actions, confections d’inventayre, partages, et reddiction de comptes...
« Ce fut faict au Chastellet de Paris par noble homme et sage maïstre Pierre Séguier, conseiller du roy, lieutenant cryminel de ladicte prévosté, le sabmedy vingt-deulxiesme jour de febvrier l’an mil ve soixante dix-huict. Est signé : Drouaro. »
Chartrier de Thouars. Copie parchemin.
IT
1580, 27 septembre. Anvers. — « Nativité de mademoyselle Brabantine Charlotte.
« Mardy. Le xxvire de septembre 1580, à cinq heures du matin, madicte dame la princesse accoucha en Anvers de sa cincquiesme fille qui fut baptisée au Temple du chasteau le xxve d'octobre en suivant et nommée Brabantine par
messieurs les Estatz de Brabant qui luy ont accordé une rente de deux mil florins par an. »
Chart. de Thouars. P. pap.
1588, & décembre. La Rochelle. — Décharge par Henri de Na-
varre, au S’ de La Corbinière, pour poudre et boulets achetés lors du siège de Vouvant par Claude de La Trémoille.
« Henry, par la grâce de Dieu, roy de Navarre, premier prince du sang, premier pair de France, gouverneur et lieutenant général pour le roy, en Guienne et Poitou, à tous qu’il apartiendra, salut.
« Scavoir faisons que, sur la requeste à nous présentée par nostre amé et féal conseiller, procureur général de nostre party, le Sr de La Corbinière, qu’au mois de febvrier dernier, nostre cher et bien amé cousin le Sr de La Trémoille, ayant assiegé et battu de canon la ville de Vouvant et maison forte de La Coutandière en Poictou, qu’il auroit prinse d’assault, après avoir enduré plusieurs coups de canon, pour lesquelz coups fournir, oultre les boulletz et pouldres menées
de ceste ville devant la dicte ville de Vouvant, ledict de La Corbinière, ayant seul la charge de l'artillerie et des vivres, auroit, par l’advis et commandement de nostredict cousin, envoyé en dilligence en la presente ville, le dix neufième dudict febvrier, achapté six vingtz balles pour les deux grosses piéces de canon estantz au dict siége, et un millier et demy de pouldre fine, n’y ayant lors à canon en la dicte ville, le tout ayant esté emploié, voires tiré, jusques à la dernière piéce, tellement que lors que ledict assault fut donné il ne restoit ne pouldre, ne boulletz, fortz de deux petittes piéces ; et pour faire ledict achapt, ledict de La Corbinière auroit prins de Me Pierre Varenne, reccpveur commis au tablier et recepte par nous estably à l’Herbregement-[dreau audict Poictou, aussy par l’advis de notre cousin, la somme de cinq cens quatre vingts quatre escuz, de laquelle il auroit faict la promesse, dont il nous a suplié estre deschargé et que Île dict Varenne en demeure quicte.
« Veu en nostre dict conseil la dicte requeste, où estoit nostre dict cousin le Sr de La Trémoille, qui a certiffié le contenu en icelle estre véritable, ensemble les srs des Bessons et Boisdulis estantz en nostre dict conseil et qui estoient aussy au dict siége et prinse de La Coutandière, avons deschargé et deschargeons ledict de La Corbinière de la dicte somme de cinq cens quatre vingtz quatre escuz par luy receuz dudict Varenne et emploiez en l’achapt des dictes pouldres et balles, vallidé et vallidons ce qui a esté par luy pour ce regard faict et negotié, sans qu’il soit tennu porter l’'employ et despence par le menu tant de ladicte somme que des ditz pouldres et boulletz, ne autres descharge que ces présentes qui serviront aussy partout d’acquit vallable audict Varenne, rapportant lesquelles, avecq la promesse qu’il a dudict de La Corbinière, voullons ladicte somme de cinq cens escuz estre passée et allouée en ses comptes par les auditeurs d’iceulx ausquelz est mandé le faire sans difficulté.
« Donné à La Rochelle, le huictiesme jour de décembre mil cinq cens quatre vingtz huict. |
« HENRY
« Par le roy de Navarre, premier prince du sang, premier pair de France « DE LOMENIE. »
Orig. parch.
1592. — Lettre de du Molin à Madame de La Trémoille.
« Madame, le voyage de S' Jehan est si necessaire qu'il ne le fault plus retarder pour les raisons que le porteur vous dira, ayant prins confidence de luy qui est né vostre serviteur. J’ay conferé avec luy plus avant de ce que je desire que Monseigneur, vostre filz, face pour l’establissement de ses affaires. Aultrement je crains qu’il soit enfin deceu selon la lumiere que j'ay de deça et de l'humeur de la sayson dont le mal est quasi incurable. Je n’ay rien en ce monde plus à cueur que le salut de ses affaires et de ceulx qui vous touchent de si près ; touttes les actions de mon ame y sont tendues et n’ay contentement qu’à vous y faire service fidellement. Madame d’Uzès ‘ vous baise humblement les mains; elle desire vous communicquer de grandes intelligences en ce long séjour qu’elle fera en ce pays. Elle ayme unicquement vostre maison, speciallement Monseigneur vostre filz. Je luy ay promis, Madame, de vous donner advis, comme elle le veult perpetuellement aymer comme son filz et l’advantager par adoption qu’elle le veult marier en lieu dont il tirera ung million d’or, à une damoyselle bien née, belle et vertueuse et dont le pere est honoré de reputation, de creance et de gloire, en ung beau gouvernement qui luy seroyt ung jour acquis, qu’elle a la puissance de conduire ce maryage à sa perfection et au contentement de vous, Madame, et de tous les vostres, en quoy elle promet beaucoup d’ailleurs, n’ayant point d’enfans. — Vous adviserez sur cela, Madame ; car je me trouve obligé de luy en faire quelque response, ayant promis de vous en escripre si particulierement, elle veult s’asseurer de moy et croyt de moy plus que je ne puys. Honorez moy, Madame, de la continuation
1. Sur ce personnage, voir un récent article de M. de La Ferrière dans la Rev. Nouvelle.
de voz bonnes graces et vous souvenez de mes services, car je seray toutte ma Vyes « Madame,
« Vostre tres humble et tres affectionné serviteur,
« Du Moi. »
1594, 19 janvier. Nantes. — Ordonnance d'Henri IV pour les préséances.
« Le roy ayant voulu en la ceremonye qui s’est faicte pour entendre la plainte de la royne douarière, vefve du feu roy dernier deceddé, que Dieu absolve, estre assisté de messieurs les officiers de la Couronne et entre autres de messieurs les maréschaux de Matignon et de Buillon en leur qualité de mareschaux de France, Sa Majesté leur a commandé de prandre leur rang et séance selon leur ordre et reception en leurs dictes charges, sans que cela leur puisse nuire ne préjudicier à l’advenir au rang que ledict sieur duc de Bouillon et monsieur de La Trimouille pretendent leur apartenir par dessus messieurs les mareschaulx de France, à cause de leurs qualitez de ducs, eta declaré qu’elle entendratous-
/ jours volontiers les raisons qu'ilz vouldront alléguer pour la conservation du droit qu’ilz pretendent en la dicte préséance, pour y apporter tel réglement qu’elle verra estre nécessaire, et cependant sa dite Majesté m’a commandé leur délivrer le présent acte qu’elle a voulu signer de sa propre main, icelluy faict contresigner par moy son conseiller et secrétaire d’estat.
« Faict à Nantes, le xix° jour de janvier mil v® quatre vingtz quatorze.
« Henry.
« Ruzé. »
Ch. de Thouars. O. parch.
1595, août. Lyon. — Érection de Thouars en pairie.
« Henry par la grâce de Dieu roy de France et de Navarre, à tous présens et à venir salut. |
« Nous estant tousjours disposé, le plus soigneusement qu’il nous a esté possible, à recongnoistre envers Dieu les grandes bénédictions et assistances qu’il luy a pleu nous départir pour la conservation de nostre royaume, nous voulons aussi laisser à la postérité des marques éternelles du désir que nous avons de recongnoistre les grands, signalez et recommandables services qui nous ont esté faictz, en ceste longue et périlleuse guerre, par les princes de nostre sang et les seigneurs, qui n’ont espargné leurs biens ny leur vie pour nous ayder à restaurer cest estat et nous ayder à le délivrer de la servitude de laquelle il estoit menacé par les estrangers, anciens ennemys de ceste couronne. Entre lesquelz nostre très cher et très amé cousin Claude de La Trémoille, duc de Thouars, ayant tousjours paru imitant la générosité, prouesse et fidélité de ses ancestres, mesmes de feu Loys sr de La Trémoille, [son]trisayeul, qui estoit lieutenant général du roy Charles VIIÏe en la bataille de Sainct-Aulbin, et en la journée de Marignan et depuis en celle de Pavie, combattant près de la personne du roy François Ier, nostre très honnoré seigneur et ayeul, fut tué, comme avoit esté en la susdicte journée de Marignan Charles de La Trémoille, prince de Talmond, son filz. Depuis lesquels tous ceux qui sont descenduz d’eulx auroient tousjours continué la mesme affection et obéissance envers noz prédécesseurs, pour la conservation et grandeur de ce royaume, dont ilz ont laissé de très grands tesmoignages ; desquelz nostre très honnoré seigneur et frère le feu roy Charles IX° en auroit perpétué la mémoire, s’estant représenté ceux qu'il auroit pareillement receus de feu nostre cher et amé cousin Loys de La Trémoille, père dudit Claude de La Trémoille, ayant par lettres patentes du mois de juillet mil V cens soixante trois, leues et publiées en nostre court
de Parlement le vingt uniesme jour d'octobre audit an, érigé ledit duché de Thouars aux mesmes dignitez, honneurs, prérogatives et prééminances dont ont accoustumé jouyr les autres ducz de nostre royaume, tant en justice, séeance et jurisdiction, faictz d'armes, assemblées qu’autrement, ainsy qu'il est amplement porté par les lettres de chartre de nostredit feu seigneur et frère ; lesquelz exemples domesticques ont tellement animé nostredit cousin dès sa première jeunesse que, tant auparavant nostre advènement à la couronne que depuis, nous l’avons tousjours eu à noz costez aux plus dures et périlleuses rencontres que nous avons eu de nos ennemys et en deux grandes batailles dont Dieu nous a donné la victoire, mesme en ceste signalée journée d’Ivry. Ayans aussi mis en considération que nostredit cousin, outre les susditz mérites, nous attouchant de 8i près, est digne d’estre honoré, avec la qualité de duc, de celle de pair de France, ce qui fera à jamais congnoistre en quelle recommandation nous avons eu noz bons et fidelles subjects qui se sont maïintenuz en nostre obéissance, mesmes ceux qui nous attouchent de si près comme faict nostredit cousin ;
« Sçavoir faisons que nous, pour ces causes et autres bonnes considérations à ce nous mouvans et par ce qu'ainsy nous a pleu et plaist estre faict, de nostre certaine science, pleine puissance et auctorité royale, avons audit duché de Thouars uny et incorporé, unissons et incorporons la qualité de Pair de France ; laquelle qualité nous avons créée et érigée, créons et érigeons, par tes présentes signées de nostre propre main, aux mesmes nom, droictz, dignitez et prééminances que les autres duchez et pairies de France.
« Voulons et nous plaist que ledit duché et pairie de Thouars, ses appartenances et deppendances, soit d'ores en avant dit et appelé Duché et Pairie de Thouars, et qu’en cestedicte qualité nostredit cousin de La Trémoille le puisse tenir et en jouyr et user par luy;, ses hoirs, successeurs masles, perpétuelement et à tousjours, à telz et semblables droictz, honneurs, auctoritez, privilèges, prééminances dont ont accoustumé de jouyr et user les autres ducz et pairs de nostre royaume, soit en justice, séeance et jurisdiction, faictz d'armes, assemblées de nobles ou autrement. Et laquelle duché et pairie de Thouars, ses appartenances et deppendances, nous avons d’abondant en tout cas distraicte et exemptée, distrayons et exemptons, par cesdictes présentes, des ressortz et ju-
risdictions de nostre séneschal de Poictou, ses lieutenans généraux et particuliers, ensemble de tous autres juges et ressortz, fors et excepté des cas royaux dont la congnoissance appartiendra aux juges ausquelz la cause en appartenoit auparavant la présente création et érection. Et ce faisant, que la justice soit administrée audit duché et pairie de Thouars, et autres villes en deppendantes, par les juges et officiers de nostredit cousin; les appellations desquelz ressortiront en nostre court de Parlement de Paris, sans que nostredit séneschal de Poictou, sesditz lieutenans ny autres en puissent pretendre aucune court, jurisdiction et congnoissance, sinon ès susditz cas ; et à la charge que nostredit cousin, ses descendans masles, tiendront ledit duché et pairie de nous, à cause de nostre couronne de France et de nostre chasteau du Louvre, à Paris, aux charges anciennes et accoutumées et sans aucun accroissement d’icelles. Et seront les vassaux dudit duché et pairie tenuz noblement ou roturièrement d’icelles baronnies, terres et seigneuries, en faisant les hommages et baillant les dénombremens, adveuz et déclarations par escript, et à tous les actes, généralement quelconques, tenuz et abstrainctz doresnavant de nommer, advouer et recongnoistre nostredit cousin et ses descendans masles ducz et pairs dudit Thouars, et reprendront d’eulx leursditz fiefz à cause dudit duché et pairie; et lequel nostredit cousin sesditz hoirs et successeurs masles tenans ledit duché et pairie de Thouars, seront intitulez et nommez ducs et pairs en tous actes et instrumens, soit ès foy et hommage qu'’ilz presteront et qui leur seront prestez, en leurs papiers terriers, censiers et tous autres actes quelconques. Et en défault d’hoirs et descendans masles, demeurera ladicte pairie esteinte et ladicte terre en tel estat qu’elle estoit auparavant les présentes, qui seront pour non faictes et non advenues, sans que par le moyen de nostre présente érection et de nostre édict faict à Paris au mois de juillet V cens soixante six, sur l’érection des terres et seigneuries en duchez, marquizats et comtez, et réversion et réunion d’iceux à la couronne de France, en défault d’hoirs masles, on puisse prétendre ores ne pour l’advenir, en défault d’hoirs masles en ladicte maison de La Trémoille, ledit duché et pairie estre réuni à nostre couronne, et sans que nous ou noz successeurs Roys puissent audit cas vindicquer ledit duché ; auquel nostredit édict, attendu les causes susdictes, nous avons, pour le regard de nostredit cousin et ses successeurs et ayans cause, masles ou femelles, der-
rogé et derrogeons par ces présentes; sans laquelle derrogation nostredit cousin n’eust accepté nostredit présent don, grâce et libéralité, ne consenty en aucune chose à la présente érection et création; et soubz ceste charge et condition nous a faict et presté lesdictes foy et hommage et serment de pair, auquel et à la condition et charges susdictes nous l’avons receu comme dit est, et non autrement, le tout sans tirer à conséquence pour autres.
« Si donnons en mandement, par ces présentes, à noz amez et féaux les gens de noz courtz de Parlement, chambre de noz comptes à Paris, présidens et trésoriers généraux de France au bureau de noz finances estably à Tours et Poictiers, au séneschal de Poictou, Anjou, Touraine, leurs lieutenans et gens tenans les siéges présidiaux en chascun desditz lieux, et à tous nos officiers, justiciers et à chascun d’eulx si comme il appartiendra, que noz présens création, érection, establissement de païrie et union d’icelle audit duché, ilz facent lire, publier et enregistrer, et tout le contenu en cesdictes présentes garder et observer inviolablement de poinct en poinct, selon leur forme et teneur, et en faire jouir et user nostredit cousin Claude de La Trémoille et les siens, comme dit est, ensemble sesditz vassaux et subjects, cessans et faisans cesser tous troubles et empeschemens au contraire ; et à ce faire, souffrir et obéir contraignent ou facent contraindre tous ceux qu’il appartiendra, par toutes voyes et manières deues et raisonnables. Car tel est nostre plaisir, nonobstant quelzconques édictz, ordonnances, mandemens, restrinctions, statuz et autres choses à ce contraires, ausquelz, et à la derrogatoire de la derrogatoire y contenue, nous avons de nostre grâce spécialle derrogé et derrogeons par ces présentes, sauf en autres choses nostre droict et l’autruy en toutes. :
« Donné à Lyon, ou mois d’aoust, l’an de grâce mil cinq cens quatre vingtz quinze, et de nostre règne le septiesme.
« HENRY
« Par le roy: Forcer.
« Leues, publiées et registrées, oy le procureur général du Roy et ledit de La Trémoille, receu duc et pair, pour jouir du tiltre et prérogatives, sans préjudice de la réunion au dommayne de la couronne prétendue par le procureur gé-
néral du Roy du vicomté de Thouars; et prononcé en Parlement, le dix septiesme de décembre l’an mil cinq cens quatre vingtz dix neuf.
« Du TiLLET. »
Chartrier de Thouars.
1596, 2 juillet. Thouars. — Lettre de Claude de La Trémoille au Connétable Henri de Montmorency.
« Monsieur, j'ay su par Madame vostre sœur l’honneur que vous me faiste d’avoir agréable la recherge que je fais de madamoiselle de Toré. Sella ne me pœut pas rendre davantage vostre serviteur, mais bien m'oblige si étroitement à vostre servise que je reconnois vous devoir plus quà personne qui vive. Elle me faist sest honneur de me mander sertaines difficultés que vous faiste, je luy en mande mon avis si conforme à la raison que je me promès, Monsieur, que vous jugerés que je ne le puis aultrement, me promettant tant de vostre bon naturel que vous surmonterés sertaines formalités indifférantes à Madamoiselle de Toré, mais fort importents à mon particulier. Trouvès bon, Monsieur, que je ne fase rien qui blese ma consciense, mon honneur et ma créanse. Vous pouvés tirer des servises de moy, ses trois point conservés, aussi fidelles et aussi utilles que d’aultre parent que vous ayés. Monsieur, faistes moy tour de père et croyès qu’en mobligent je n’en seray ingrat. Je vous ay fort particulièrement faict entendre par Bouron se qui se passe à Loudun, qui m’empeschera de vous en dire rien par setre lettre, sinon que mes travaux pourront un jour servir à l'estat et au soutien de vostre maison. Faiste moy sest honneur de prendre un pœu de soin des affaires de cœux de la religion, vous resouvenant des servises cavés resu d’œux, et pois — qui portent au mintien de l’état et de vostre hotorité — contre les anemis de vostre maison, sest un. faict auquel vous devès
penser; car je vous jure qui n’est plus posible de mintenir les chosses en l’estat qu’elles sont, comme je l’ay escrit au roy et à vous, je recevray tres grand déplaisir lorsque les affaires ne se termineront à vostre contantement. Je y travailleray, espèrant que la venue de Mr le présedent de Tou aporte quelque bon acheminement, pourvœu que les effais suivent desquels nous avons grand besoin. Le barbe que maves donné est le meillœur et le plus beau cheval de Franse, j'oseray vous dire que vous n’en avés pas un à vostre escurie plus beau ; il se metteroit à aller de lair de largentin, ayant des ailes comme il avoit autant de disposision. Mais que les revoyés, vous le jugerés trop beau pour moy. Je vous baise très humblement les mains, Monsieur. « De Touars, ce 2 juillet
« Vostre très humble nevœu et serviteur,
Bibl. nat. Mss. f. franç. 3551, fol. 88.
1597, 21 septembre. Châtellerault. — Lettre de Claude de La Trémoille au connétable Henry de Montmorency.
« Monsieur, souden que j'ay reseu le commandement du roy, j'ay faict partir le régiment de [en blanc] pour aller trouver Sa Majesté, se que j'usse moi mesmes faict sens un extrême maladie que j'ai qui m’en a empesché. Je vous assure, Monsieur, que mon mal n’est point si grand que le déplaisir que j'ay de ne pouvoir estre en une si bonne et importante occasion. Si Dieu m’en donne la forse je prenderay la poste, m’asurant que je trouveray un cheval en
vostre écurie pour estre le jour de la bataille après vous. Se gentilhomme vous fera entendre tout se qui se passe ysy et comme toutes choses sont au contentement du roy. Je vous supplie très humblement me conserver vos bonnes grasses et vous assurer que je seray toute ma vie
« Vostre très humble nevœu et serviteur « CLAUDE DE LA TRÉMOILLE.
« De Chastellerostle 21 septembre. »
Bibl. nat. Mss. f. franc. 3551, fol. 86.
Vers 1597. — Instruction pour le s' de Bourron.
« Premièrement, fera entendre au roy qu’ayans sceu par quelcun de mes amis que Sa Majesté avoit trouvé mauvais de ce qu’il n’avoit esté parlé du mariage de madamoiselle de Nassau et de moy, m’estimant si mal advisé que de vouloir rechercher une estrangère sans le commandement et permission de Sa Majesté, j’ay creu estre de mon devoir de lui despescher le sr de Bourron pour lui dire
« Que c’est la vérité que monsr de Bouillon a envoyé le sr de La Forest pour ses affaires particulières en Hollande et que je l’ay prié de scavoir si madame la princesse d'Orange et monsieur le prince Maurice auroyent agréable que je recherchasse madamoiselle de Nassau.
« Ce qu'ayant sceu, devant que d'y envoyer de ma part, je n’ay voulu manquer de supplier très humblement Sa Majesté de me permettre de prendre ceste alliance.
« Representera à Sa Majesté que de plusieurs autres alliances qui se sont présentées, j’ay creu que celle là lui debvoit estre la plus agréable pour ne m’embrouiller en aucune des factions de ce royaume, et n’y avoir rien en ceste alliance que la grandeur de leur maison, et d’avoir une femme bien nourrie et de mesme religion que moy, et que je deppends tellement des volonté de Sa Majesté que je ne voudroys pour rien du monde faire chose qu’il luy fust désagréable.
« Il dira d’ailleurs toutes les raisons qu'il pourra pour monstrer au roy que je n’ay point d’interest particulier, et que je me suis absolument résolu de dependre de ses volontés.
« Si le roy luy parle du voyage du sr de Saint-Germain ou quil n’en scache pas le nom le nommant le st de Chaligny, luy dira que je luy ay commandé d’asseurer Sa Majesté qu’il ne s’y est rien fait au préjudice de son service et que ce voyage n’a esté seulement fondé que pour empescher que les actions de ceux de l'assemblée ne fussent calomniées envers les estrangers, comme les lettres qui avoyent esté escrites de sa cour tant en Angleterre que ès Pays Bas chargoient la dicte assemblée de grande calomnie.
« Que Sa Majesté doit faire cest honneur à Mr: les ducs de Bouillon, de La Trémoille et du Plessis de croire qu’ils ne sont si peu affectionnés à son service que d’avoir voulu estre tesmoins d’une depesche qui eust peu offenser Sa Majesté, laquelle scait mieux que nul autre qu'en pareilles occasions les églises de France ont tousjours informé les estrangers qui sont de mesme confession qu'eux de leurs justes et necessaires procédures.
« Voirra le st Aydemont auquel il ne dira rien parlant de nos affaires qui monstre foiblesse et luy monstrera nostre union la plus ferme et la plus solide qu’il pourra, et nos moyens capables de se deffendre en cas que ce mal arrivast.
« Apprendra du dict Aydemont l’estat de l'affaire pour laquelle il est venu en court.
« Luy parlant du traicté d’Espagne, luy dira que nous l’estimons utile à la Crestienté pourveu que la royne d'Angleterre et les autres princes qui y sont interressés y interviennent.
« Apprendra dudict st Aydemont s’il luy est possible l’estat auquel est le dict traité d'Espagne.
« Fera voir, passant à Saumur, à Mr du Plessis la présente instruction le suppliant d’y adjouster ou diminuer ce qu'il y trouvera à propos. »
Ch. de Thouars. P. pap.
1597, 23 octobre. Oldenzeel. — Le prince d'Orange donne pouvoir à Louise de Coligny de traiter en son nom le mariage de sa sœur avec Claude de La Trémoille.
« Nous Maurice, prince en Orange, conte de Nassau, gouverneur et capitaine général du pays et duché de Gueldres.. admiral de la mer, à tous ceulx qui ces présentes noz lettres patentes verront, salut. Comme ainsi soit que, depuis quelque temps en ça, se soient présentées diverses communications et entreparlers de future alliance et mariage entre hault et puissant seigneur Claude de La Trimouille, duc de Tuars, prince de Talmont..… et nostre très chière et très aimée sœur damoiselle Charlotte Brabantine, princesse au dict Orange, contesse de Nassau... fille de feu très hault et puissant prince Guillaume, par la grâce de Dieu, prince d'Orange, conte de Nassau, nostre très honnoré seigneur et père, et de très haulte et très illustre feue dame Charlotte, duchesse de Bourbon, princesse d’Oranges, contesse de Nassau, lesquelles communications se seroient avancez jusques à là que pour en conclure et arrester il convienne d'entrer en ultérieure conférence sur les points et articles d’un traicté antenuptial, à l'honneur et la gloire de Dieu et au contentement du dit seigneur et damoiselle princesse, à laquelle conférence ne pouvans, ainsi que le vouldrions bien, nous trouver et y vacquer en personne, tant à cause de noz gouvernemens et charges publicques qu’aultres urgens affaires et empeschemens.
« Scavoir faisons que, pour ne faillir en rien à l'amour et affection singulière que portons à nostre dicte très aimée et très chière sœur, et pour de notre part assister à l'avancement de ladicte alliance et faire paroistre combien elle nous est aggréable, avons prié, requis, deputé et commis,.… haulte et très illustre dame Loyse de Colligny, princesse douaigière dudict Orange, contesse de Nassau,.… notre très honnorée et très chière belle-mère, pour entendre, deliberer, resouldre et conclure de et en tous poincts, concernans le dict traicté antenuptial, avec très hault et très puissant prince le duc de Montpensier, cousin germain maternel de notre dicte bonne sœur... et que ledict traicté conclu et arresté, il plaise à notre dicte très honnorée et très chière belle-mère, à la solennisation du dict mariage, et le festin des nopces, estre, tenir place et furnir à notre dicte très chière et bien aimée sœur, de bonne mère, en notre nom...
« Faict au camp devant la ville d'Oldenzegl, le 23° jour du mois d'octobre, l'an xv° quatre vingtz et dix sept.
« Maurice DE Nassau. »
Ch. de Thouars. ©. parch.
« 1597, 23 octobre. — Contrat de mariage de « très hault et très puissant seigneur, monseigneur Claude de La Tremoille, duc de Thouars, pair de France, prince de Talmond, comte de Guynes, Benon et Taillebourg, baron de Sully, Mauléon, Doué, Montaigu, L’Isle-Bouchard, Berrie, Didonne, Meschère, Rochefort, etc., conseiller du roy en ses conseils d’estat et privé, capitaine de cent hommes d’armes de ses ordonnances, et filz de très hault et très puissant seigneur Loys de La Trémoille, duc de Thouars,... et de très haulte et très puissante dame, madame Jehanne de Montmorancy, duchesse de Thouars... assisté de très hault et très puissant seigneur, monseigneur Henry de La Tour, duc de Bouillon, prince souverain de Sédan,.… et de très hault et très
puissant seigneur Henry, comte de Colligny, seigneur de Chastillon, admiral de Guyenne, d’une part », avec « très haulte et très illustre princesse madamoiselle Charlotte-Barbantine de Nassau, princesseen Oranges, comtesse de Nassau, etc., fille de feu très hault et très puissant prince Guillaume, par la grâce de Dieu, prince d'Oranges, comte de Nassau, etc., et de très haulte et très illustre princesse feue madame Charlotte de Bourbon, princesse d'Oranges, comtesse de Nassau, etc., assistée de Loys de Chezelles, escuier, seigneur du Perron », procureur de Henri de Bourbon, duc de Montpensier, « et de très haulte et très illustre madame Loyse de Colligny, princesse douairière du dict Oranges, comtesse de Nassau, etc...
« Faict au camp devant la ville d'Oldenzeel, le 23 octobre 1597. »
Ch. de Thouars. Cop. pap.
« 1599, 3 décembre. Paris. — « Le roy... désirant bien et favorablement traiter la dame de La Trémoille, duchesse de Thouars », lui permet de « faire porter harquebuze en l’estendue de toutes ses terres par telz de ses serviteurs domestisques que bon luy en semblera, pour en tirer aux oyseaux de rivière, loups, renardz, blereaux, bizetz et autre gibier non deflendu par les ordonnances. »
« (Signé) Henry, (et contresigné) Porier. »
Ch. de Thouars. Orig. parch.
1604, 26 mars. — Testament de Claude de La Trémoille(Extraits).
« Au nom du Père, etc. Nous considerans la mizère hummaine et qu’il est ordonné à tous hommes de mourir, avons de notre propre mouvement et inspiré par la grâce et miséricorde de Dieu, faict.. notre testament... comme il s’ensuit, ascavoir que nous croions de cœur et confessons de bouche que Dieu, créateur de toutes choses, s’est reconcillié les hommes et a parfait notre sallut par la mort et passion de son filz bien aimé, nostre saulveur et rédempteur Jésus-Christ, nom bien heureux et auquel les Prophetes et Apostres rendent tesmoignage que par icelluy nous avons sallut en vie éternelle ; nous croyons et confessons que la vraie et parfaitte religion en icelluy Jésus-Christ, nostre saulveur, est celle de laquelle les églizes reformées de France font proffession, à la connoissance de laquelle nous avons esté appellez par la grâce et miséricorde que Dieu nous a faitte; protestons, moiennant la mesme grâce, de perseverer jusqu’a la fin de noz jours, voullons et commandons en aucthorité de père à noz chers enfants de vivre et mourir en la mesme proffesion et religion, hors de laquelle il n’y a point de sallut, et que lorsqu’ilz seront en aage de se marier de ne s’allier à d’autres personnes, quelqu’aventage qu’humainement ilz en pourroient recevoir, qui ne facent ouverte profession de la religion reformée en France, sur peine de ma malédiction ; et sur les mesmes peines leur commandons de porter tout honneur, respect et obéissance à ma chère et bien aymée femme, leur mère, sa piété et vertu nous estants tellement connües et en sommes sy parfaittement persuadez que nous ordonnons et voullons qu’après nostre mort, elle ait la tutelle, gouvernement et administration de nostre bien aymé filz aisné et principal héritier et de noz autres enfants. Nous luy avons donné et donnons par ces présentes, par don et donnation perpetuelle et aux siens, tous noz biens meubles... avecq la tierce partie de tous noz propres domaines et héritages.…
« Nous voullons et ordonnons que les pensions des ministres et proposants soient payées, selon qu'’ilz sont maintenant, et que les fermiers et receveurs soient chargez de les acquitter préferablement à toutes autres assignations, et après que le proposant qui est à présent aux escolles aura parfaict ses estudes et sera appellé au ministère, qu’il en soit mis ung en sa place, aux mesmes gages et pensions que celuy qui est à présent entretenu et ainsi estre faict successivement, ce que nous enjoignons à nostre espouze, et après elle à nostre principal héritier et à noz autres enfants, car il n’est pas possible d’avoir bénédiction de Dieu sy l’on n’a soing que Dieu soit servy, car il fault que ce soing aille devant tous autres... |
« Et advenant vaccation des cappitainneries de noz chasteaux et places fortes, nous voullons estre pourveu de personnes faisans profession de la religion reformée, dont la fidellité au service de Dieu et de ses églizes soit connue...
« Nous deffendons que les munitions de guerre, pièces d’artillerie, armes et toutes autres choses servants à la garde de noz places fortes soient vendues pour quelque occasion que ce soit.
« Ce jourd’huy, vendredi, xxvr° jour de mars mil six cents quatre.
« J'ordonne aussy que Hannibal sera entretenu au collège jusque en l’eage de seize ans, et puis sera envoyé en Hollande porter les armes, entretenu en
gentilhomme et reconnu pour mon filz naturel, auquel j’ordonne en le mariant six mille livres... »
Ch. de Thouars. Cop. pap.
1604, 26 octobre. Thouars. — Ouverture du testament de Claude de La Trémoille.
« Aujourd’huy, vingt sixiesme jour d'octobre l’an mil six cens quatre, sur
l’heure de midy dudict jour, très haulte et très puissante personne madame
Charlotte de Nassau, princesse en Orange, vefve de feu très hault et très puissant messire Claude de La Trémoille, vivant duc de Thouars, pair de France, prince de Talmond, comte de Guynes, Benon et Taillebourg, advertye que messieurs Mre Philipes de Mornay, chevalier, sieur du Plessis-Marly, cappitaine de cinquante hommes d'armes des ordonnances du roy, gouverneur pour Sa Majesté à Saumur, messire Odet de La Noue, chevalier, sieur dudit lieu, du Chastellicer, de Monstreuil-Bonnyn, messire Gabriel de Poulignac, chevalier, sieur de Sainct-Germain, et Théodoze (sic) Agrippa d’Aubigné, escuier, sieur dudit lieu et de Mursay, tous amys dudict deffunct et qui se sont trouvez à son déces, advenu en ceste maison et chastel de Thouars, le jour d'hier, à une heure après mynuict, estoient en déliberacion de partir de ladicte maison pour se retirer, elle les a envoyé supplier de surçcoir leur département jusques après l'ouverture du testament dudict seigneur deffunct, lequel elle leur a envoyé clos et seellée par M: Nicolas du Monceau, conseiller et secrétaire de mondit seigneur et dame, par lequel elle les a suppliez de voulloir faire ouverture dudict testament avecq les formes et solempnitez en tel cas requises, et lequel testament la dicte dame a déclaré avoir trouvé en une boiste ou cassette que ledit deffunct son seigneur et mary luy avoit baillé à garder ; lesquelz dessus nommez ayans veu le dict testament clos et seellé et superescript des deux costez Claude de La Trémoille, ont mandé M°: Pierre Pelleus et Mathurin de Marnay, notaires audict duché et pairie de Thouars, en la présence desquelz a esté faict acte de la forme dudict testament et ouverture d'icelluy. En foy et assurance de quoy ladicte dame et les dicts sieurs susnommez ont signé ces présentes pour servir en temps et licu auquel appartiendra par raison.
« Faict au chastel de Thouars, les jour et an susdictz : Charlotte de Nassau. — Philippes de Mornay. — Odet de La Noue. — Gabriel de Polignac. — A. d’Aubigné.
« Du Monceau. »
Chartrier de Thouars. Orig. pap.
1605, 13 avril. Thouars. — Inventaire des bijoux et de la 1'aisselle plate de Claude de La Trémoille.
«a L'an de grace mil six cens cinq et le mercredy treziesme jour d'avril, nous, Loys de Saincte-Marthe, escuier, docteur en droictz, conseiller du Roy nostre sire, lieutenant general en la seneschalcée et sicge presidial de Poictou,.. nous sommes transportez de la ville de Poictiers, nostre demeure ordinaire, en la ville et chasteau de Thouars.. pour procedder à l'inventaire des meubles et tiltres et apreciation desditz meubles demeurez du decedz de deffunct tres hault et illustre Claude de La Trémoille, duc de Thouars, pair de France, prince de Thalmont ; auquel lieu aurions trouvé tres haulte et illustre princesse madame Charlotte de Nassau, princesse en Oranges..
« Premierement
« I. Une chayne de cristal avec gerbes d'or esmaillé, apretiée par ledict Bouchereau ‘ à la somme de deux cens livres tournoys, cy..........,.,.. nelt. «a II. Douze noeudz esmaillez de gris garny de douze petits diamans, scavoyr une roze au millieu de sept et quatre à l'entour, apretiez à la somme de mil quatre vingtz dix livres, cy............................ MIHMX(t. « III. Ung grand’ diament en triangle, qui est d'ancienneté à la maison, apretié à quatre mil cinq cens livres tournoys, cy................... numvel.t. « IIII. Deux cordes de perles rondes, à raison de six livres pièce lesdictes deux cordes, contiennent le nombre de troys cens perles, apretiées à la somme de dix huict cens livres tournoys, cy.......ss...esses..osse..e XVINC Lt.
1. Anthoine Bouchereau, maître orfèvre, expert et appréciateur pour les bagues, joyaux, vaisselle d'argent.
« V. Une corde de perles d'Escosse contenant sept vingtz troys perles, à raison de quarante solz piece, à quoy elles ont esté apretyées; se monte la somme de deux cens quatre vingtz six livres, cy.... .......,........ NON viILt.
« VI. Une chaine de boutons de parfun contenant cinquante grains, garnis de gerbes d'or esmaillé de gris, estimée la somme de deux cens livres tour- NOYS, CY coovensosneesers sense rose ose ssss ressens esesmeseseceses lt.
« VIT. Une chaine de grains d’amatiste, contenant deux cens dix grains, ou il y a entre deux, quatre à quatre, six cens soixante douze perles à l’once, seize gros grains d'amatiste qui les marquent et trante grosses perles qui marquent avecq les grains; estimée ladicte chayne à trois cens livres tournoys, cy. mufl.t.
« VIII. Treize pieces de carcans desquelles il y en a quatre de rubiz et neuf de perles, deux à deux, dont il y en a six de perdues, apretiées à la somme de deux cens livres tOUFnOYS, CY.-sess ses sde essssshssesssesse CRE
« IX. Deux cordes de petittes perles à l’once, estimées la somme de cinquante livres tournoys, Cÿ ......s.ssssososessesosssvesosessesosses Let.
« X. Six gros bouttons d’or où il y a dix diamans sur chacun boutton, estimez à la somme de cent cinquante livres chescun, qui est pour lesdictz six bouttons, neuf cens livres tournoys, cy ............0. sesssssos.os IXCLt.
« XI. Ung grand nœud d'or esmaillé, gris et vert, au millieu duquel y a ung grand brilland de neuf diamans, estimé à la somme de douze cens livres, à
« XII. Une enseigne ronde ou il y a quatre vingtz dix sept diamans, estimez la somme de mil livres tournoys, cy....... ses... + MT
« XIII. Une enseigne de diamans et rubiz contenant vingt cinq diamans, : comprins celluy du millieu, apretyés à la somme de cinq cens livres tournoys,
« XITIT. Cinquante deux petitz brillans, ou il y a quatre diamans sur chescun, estimez la piece vingt livres qui seroit pour le tout la somme de mil quarante livres tournoys, Cy........................ Sons secs MXEL TC
« XV. Une paire de pendans d'oreille en poyre d'emeraulde, estimés la somme de cent cinquante livres tournois, cy.. .................. tisse CL
« XVI. Deux escotz d’or ou sont troys dyamans sur chacun, appretiez à la somme de quatre vingtz dix livres tournoys, cy.......... ...... nn“xlt.
« XVII. Ung mirouer d’or avecq une chesne aussy d’or, ledict mirouer esmaillé de zizolin, estimé la somme de cent cinquante livrestournois, cy. cl.t. « XVIII. Ung plotton d'or avecq une chaine d’or representant quatre A ; à chacun desquelz y a ung rubiz, apretié à la somme de soixante quinze livres (OUPNOYS, CViesiiiodserde Made tes soucis divesasaentes deze CLIN LT « XIX. Une boiste à mettre portraict d’or esmaillé de vert, estimée trante livres LOUrnOYS, Cy..-sssissssnesesatesestenedeseesesescuusee MEET « XX. Une paire de pendans d'oreille de Chastellerault, estimez à la somme de six livres tournoys, Cy..........e..s.nosesssosscosseosoosecoess VILT. « XXI. Ung saphir viollet en cœur,estimé la somme de cent livres tournoys, CV dis enensaiéemenneiedess lo csssdiensenosecedesoesnsseues CL « XXII. Une bague d’un cœur de ruby viollet avecq deux petits diamans, esmaillée de vert, estimée la somme de quarante livres tournoys, cy. xL 1. 1. « XXIII. Ung bracelet contenant cinquante grains d’or et cinquante perles, apretié à la somme de trante six livres tournoys, cy.............. XXXVIL. t. « XXITIT. Une paire de pendans d'oreille, à chacun desquelz y a vingt ung diamans ; apretié à la somme de quatre cens livres tournoys, CY.... lt. « XXV. Ung bracelet contenant trante boutons de parfun et soixante perles à l’once, apretié à la somme de douze livres tournoys, cy..........., xnl.t.
