GABRIELF DE BOURBON. — GARROT

Chartrier de Thouars. Orig. pap.

nn —e ee

1486 (v.s.) 6 mars. — Pierre Rideau reconnaît avoir reçu de Gabrielle de Bourbon différents bijoux en gages.

« Je Pierre Rideau, filz de Jehan Rideau, de Poitiers, seigneur de Bernay et de Prés, près Poitiers, congnois.. avoir eu et receu de très noble et puissante damoiselle Gabrielle de Bourbon, vicontesse de Thouars, contesse de Benon et princesse de Thallemond, ung tableau d’or ouquel il y a au dehors ung saint Paoul esmaillé de roge cler, le manteau et le dedans d'azur et le champ esmaillé de vert, de l’autre cousté ung saint Jehan l'Evangeliste esmaillé d’azeur, le manteau et le champ esmaillé de roge cler, et par le dedans une Annunciacion, pesant le dict tableau ung marc d’or ung groux moins ou environ, et ung fremaillet d’or où il y a ung ange qui tient devant soy ung grenat en table, au dessoubz dudict grenat ung safir dedans une fueille de chou par le derrière, pesant deux onces ou environ ung groux moins, pour lesquelles choses susdictes j'ai baillé à ma dicte damoiselle la somme de unze vings livres tournois, pour me rendre de Pasques qui viennent en ung an, par ainsi que je serai tenu luy rendre les bagues d’or susdictes, et, en cas de deffault, j'en pourray faire à ma guise.

« En tesmoing de ce, j'ai signé ces présentes de ma main.

« Fait le VI° jour de mars, l'an mil CCCC quatre vings et six.