REGNAULT. — GUERRY
Chartrier de Thouars. Orig. pap.
1524, 9 septembre. — Marché fait avec Jean Symon, fondeur à Nantes, pour deux pièces d'artillerie.
Le neufiesme jour de septembre, l’an mil cinq cens vintg quatre, par nostre court de Nantes, o submission et prorogacion de jurisdiction, etc., etc., furent confessans Jehan Charles, ou nom et
comme receveur pour le seigneur de La Trémoille en la seigneurie de Nermoutier, d’une part, et Jehan Symon, marchant, demourant en ceste ville de Nantes, d'autre, avoir ce jourd’huy enssemble fait marché, gré et convenant, par lequel ledit Symon a prins, et prand par ces présentes, à faire audit receveur deux pièces d’artillerie de fonte, du poix de mil livres chascune ou environ, de neuf piedz et demy chascune ; que ledit Symon a promis et s’est obligé, promect et s’oblige, sur l’ypothèque et obligacion de tout son bien, rendre preste, savoir lymée, lentéee, eslisée et aprouvée bonne et compectante, audit receveur en ceste ville de Nantes, ès lieu où sera advisé l’aprouver près cestedicte ville. Pour en poyer ledit receveur audit Symon, qui fournira de toutes matières à ses propres coustz et despens, preste, sans garniture de boys ne de fer, par chascun cent la somme de saeze livres quinze soulz monnoie tournoys, que ledit receveur a promis, sur paroille obligacion que dessus, poier et bailler en ceste ville audit Symon, à la livraison desdictes pieczes; : sur lesquelx trois pans de chascune desdictes pieczes seront semées de fleurs de liz, avecques un escuczon sur la charge où il sera escript La Trémoille. Et a csté dit entre lesdictes parties que, si chascune desdictes pièces a plus grant poys, ledit receveur sera subject et a promis le poyer audit Symon; ès quelles pièces et chascune n’y aura aucun potin, et paroillement si moins poisent que le pris susdit, sera audit Symon rabatu sur son poiement. [Lejquel Symon, en ce faisant, a promis rendre lesdictes pièces prestes, savoir l’une dedans six sepmaines et l’autre dedans le derroin jour de novembre prouchain d'illec ensuyvant. A valloir sur lequel marché a ledit receveur poyé et baïllé réellement, en noz présences, audit Symon la somme de cent livres monnoie tournoys, en poiement de douzains et trezains, qui l’a eue et receue et s'en est tenu
contant, etc., etc. À Nantes, etc., etc., en la méson dudit Symon, les jour et an sourdits.
JEHAN SyYMoN, voir est.
J. CHARLES, vray est.
Ro. MuizLarT, passeur.
Original, à la suite duquel est la quittance dudit Symon, en date du 17 janvier suivant, pour les 393 livres tournois qui lui restaient dues.
1524 (v. s.), 10 février. Thouars. — Mandement de Louise de Valentinois pour la défense de l'île de Noirmoutier.
« Au recepveur de Noirmoustier. — Recepveur de Noirmoustier, nous avons esté avertye de quelque entreprinse faicte par les galyons d’Espaigne de prandre et envahir nostre ysle, et, pour y obvier, y avons ordonné et commis Thomas de Chargé, s° de Bessay, lequel y envoyons avecques quelques gens qu'il mayne avecques luy pour avoir l'œil et mectre en ordre nostre chastel du dit lieu, et y faire en ladicte ysle ce qu’il verra estre convenable et nécessaire pour la sureté et tuycion d'icelle et des gens y habitans et de leurs biens. °
« À ceste cause, vous mandons que baillez et payez audit s’ de Bessay et aultres qu’il mayne avecques luy, les payemens et choses que Monseigneur, l’année passée, par son mandement, ordonna, et tout ainsi que feitez la dicte année passée, et y employer jusques à
la somme de six cens livres tournoys et au dessoubz, et ce jucques ad ce que aultrement y ayons pourveu.….
« Donné à Thouars, le X° jour de février, l'an mil cinq cens vingt et quatre.
« LOYSE DE VALANTYNOYS. »
Chartrier de Thouars. Orig. pap.
1524 (v. s.), 29 mars. — Dépenses pour l’obsèque de Louis IT de La Trémoille.
« Parties fournies par Jehan Claveau, Robert Fichepain et René Tardif pour l’obsecque de feu monseigneur de La Trémoille, par commandement de mons' le maistre, mons' de Narczay.
« Le XXITX”* jour de mars M V° XXIIII.
« À Thouars, livré au brodeur de Madame une aulne toille d'or trect à faire escussons aulx armes de feu Monseigneur, vallent XV escus sol., pour ce. ........ . + « + + + XXX lv.
« Item, aulx brodeurs de Tours, quatre aulnes ung XVI"° de la dite toille pour faire quarente des dits escussons, audit pris . . . . . . . . .« VI“Iliv. XVII Ss. VId.
« Item, pour troys aulnes satin blanc pour faire six mytres pour les évesques qui doivent assister audit obsecque, à II escuz sol, POUTCé, mass eee amor eds ss s cn au AN.
« Item, deux aulnes taffetas blanc pour doubler les dites mytres, A XXX:S, DOUFCE 4 à su ma du k sde se es EXS.
« Item, pour XIIII aulnes taffetas à faire les estendars et banières, audit pris . . . . . . + + + + + «+ + + XXI liv. « SOMME . « . . « + « IX* VII livres
« Je Jehannot de Montléon, s’ de Narczay, certiffie que les parties cy-dessus escriptes ont esté fournies par les dessus nommés pour servir à l’obsèque de feu Monseigneur, lesquelles leur sont deuhes et les ay prinse d’eulx par le commandement de Madame.
« Faict à Thouars, le XXVIII** jour d’apvril mil cinq cens vingt et cinq.
« JANOT DE MouLÉoON. »
Chartrier de Thouars. Pièce papier.
1525. — Extrait des Comptes de funérailles de Louis II de La Trémoille.
« Loys de La Trémoille, tué en Italie (24 février 1525, n. s., à la bataille de Pavie), son corps fut amené en France, dont les fraiz furent de plus de dix mil livres. »
« Le XII1"° jour de mars mil V°XXIIII, livré (à Lyon) XVI aulnes toille d’or frizé broché d'or fillé à faire poille à mectre sur le corps de feu mondit Seigneur. »
« Le mardi XXV° jour d'avril V° XXV, à l’hoste de Lodun pour le nombre de XIIII potz de vin à XVI deniers pot, pour la disnée des gentilzhommes et du train qui allèrent à L’Isle-Bouchard de
Thouars pour quérir le corps de feu mondit Seigneur qui y estoit, XVIII s. VIII d.; à luy pour V douzaines pain à III s. douzaine, XV s. Pour la disnée de XXXI cheval à XV d., pour ce XXX VIII s. IX d. Pour belle chère, XXII s. VI d. Pour ce, IIII Liv. XIII s. XI d.
« Item, baillé à l’aumosnier de feu Monseigneur pour donner les aumosnes par les chemyns en portant le corps audit Thouars, XXIII iv. XII s.
« Item, baillé à ung homme qu'il envoya de Lodun par toutes les paroisses circonvoisines pour se trouver en ordre au pas de jeu au devant du corps et icelluy conduire selon qu'il avoit esté advisé, la somme de V s. tourn. »
Chartrier de Thouars.
1483, 29 septembre. Amboise. — Lettres patentes de Charles VIII en faveur de ses « amés et féaulx cousins, Loys, Jehan, Jacques et Georges de La Trémoille », enfants de Louis I de la Trémoille et de Marguerite d'Amboise, ordonnant qu’on leur restituât les terres de « Thallemont, Chasteaugautier, Olonne, Curson, Bran et Brandois », s’il était démontré que ces terres « appartinssent à ladite Marguerite, leur mère, par donnacion à elle faite par Louis d’'Amboise, son père, ou traicté de son mariage » avec Louis [ de La Trémoille.
Chartrier de Thouars. Orig. parch.
IT
1484, 28 juillet. Château « d’Escole en Bourbonnoiïis. » — Contrat de mariage passé « au chastel d’Escole en Bourbonnois, » sous le sceau de la cour de Montferrant, entre Louis II de La Trémoille et « très noble damoiselle madamoiselle Gabriele de Bourbon, fille émancipée, naturelle et légitime », de
Louis de Bourbon, comte de Montpensier et de Clermont, dauphin d’Auvergne, et de Gabrielle de La Tour, « moyennant l’aide, conseil et bon plesir de très hault et très puissant prince monseigneur le duc de Bourbonnois et d'Auvergne, de très révérend père en Dieu, monsr Charles, cardinal de Bourbon, de monsr Pierre de Bourbon, seigneur de Beaujeu, nepveux de mondit seigneur le comte de Montpancier, de très hault et très puissant seigneur monseigneur Gilbert de Bourbon, conte daulphin, » frère de la dite Gabrielle de Bourbon.
Chartrier de Thouars. Pièce parchemin.
1487, 13 mai. Laval. — Exemption par Charles VIII du ban et de l'arrière-ban pour les capitaines des places appartenant à Louis II de La Trémoille.
a Charles, par la grâce de Dieu, roy de France, aux bailliz de Montargis, Chartres, Berry, Saint-Pierre-le-Moustier, Touraine, sénéchaulx de Poictou, Xantonge, Anjou, Le Maine, gouverneur de La Rochelle, et aux commissaires par nous commis et à commectre sur le fait de notre ban et arrière-ban èsdits bailliaiges, séneschaucées et gouvernement, et à tous noz autres justiciers et officiers ou à leurs lieuxtenans ou commis, salut.
« Nostre cher et féal cousin, le sire de La Trimoille, conte de Benon et viconte de Thouars, nous a dit et remonstré que à luy compectent et appartiennent plusieurs villes, chasteaulx et places assises en notre royaume, les aucunes desquelles sont belles et bonnes places de guerre et y a de ses gens et serviteurs qui en ont la garde de par luy, et pour la seureté d’icelles leur a commandé et ordonné eux y tenir pour en faire bonne et seure garde pour
nous, à ce que, au moyen des divisions qui sont intervenuz en notre dit royaume, ne si face aucune surprinse. Et pour ce que ses dits serviteurs, ayans le gouvernement des dites places, tiennent fiefz et choses nobles, à raison de quoy ilz sont tenuz d’aller ou envoier à noz ban et arrière-ban, et que à présent ilz ne sauroient bonnement faire sans délaisser lesdites places despourveues, dont inconvénient en pourroit avenir. À ceste cause nous a supplié et requis les exempter de notre dit ban et arrière-ban et sur ce leur impartir notre grâce.
« Pourquoy, nous, ces choses considérées, inclinans libérallement à la supplicacion et requeste de notre dit cousin, pour ces causes et autres à ce nous mouvans, avons octroié et octroyons à noz chiers et bien amez,
« Merlin de Cordebeuf, cappitaine de Thouars,
« Pierre de Salleignac, cappitaine de Mauléon,
Pierre Brossin, cappitaine de Craon,
Loys Suriecte, cappitaine de Sainct-Ermyne, Anthoine Menart, cappitaine de Thallemond,
Adam de Ravenel, cappitaine de Brandoys,
Aubert de Montjouen, gouverneur de l'Isle de Ré,
Pierre Le Jay, cappitaine de Sully,
Guyon de Lalende, cappitaine de Marueil, « Guillaume Lignault, cappitaine de Nermoustier,
Charlot de Mailly, cappitaine de Doué, Jehan Méron, cappitaine de Rochefort,
Pierre Tillon, cappitaine de La Possonnière,
Odet Estourneau, cappitaine de Chasteau-Guillaume,
Jehan de Marueil, cappitaine de La Trimoille,
Charlot de La Tousche, cappitaine de l’Isle-Bouchart, Lyepart de la Jumellière, cappitaine de Benon, Tristan de Sazillé, cappitaine de Chasteauneuf,
Loys de La Crossonnière, cappitaine du Buron, Charles de Laage, cappitaine de Lussac,
Jehan Chastaignier, cappitaine de Marant,
François Serpillon, cappitaine de Chantonnetz,
« Jehan Le Jay, cappitaine de La Basse-Guyerche,
« Jaques Bahort, cappitaine de Chasteau-Gaultier,
« Guillaume Le Gras, cappitaine de La Chèze-le-Viconte,
« Mathurin Athon, cappitaine de Luçon,
« et Lyenard Junyer, cappitaine du Puybellyart,
« tous serviteurs d’icelluy notre cousin, qu’ilz ne soient tenuz d’aller ou envoyer audit ban et arrière-ban et auquel ilz sont tenuz d’aller ou envoier, comme dit est, mais voulons et nous plaist qu’ilz demeurent ésdites places et en facent bonne et seure garde pour nous, et dudit ban et arrière-ban, durant ce présent affaire, les avons, et chacun d’eulx, exemptez et exemptons par ces dites présentes...
« Donné à Laval, le treiziesme jour de may, l’an de grâce mil CCCC quatre vings et sept, et de notre règne le quatreiesme.
« Par le roy, les contes de Clermont, de Monpencier et de Vendosme, les seigneurs de Chastillon, de Curton, de Richebourg, de Baudricourt, de l'Isle et autres présens.
« Damonr. »
Chartrier de Thouars. Orig. parch.
1487, (v.s.), 11 mars. Les Montils-lès-Tours. — Lettres patentes qui nomment Louis de La Trémoille lieutenant - général de l'armée du roi en Bretagne.
« Charles, par la grâce de Dieu roi de France, à tous ceux qui ces présentes lettres verront, salut. :
« Comme pour résister aux entreprises que le duc de Bretagne et autres sei-
gneurs de notre sang, nos rebelles et désobéissans sujets se sont efforcés et efforcent faire chacun jour en nous menant la guerre, et aussi à nos bons et loyaux sujets, pour laquelle cause ayons envoyé ès marches dudit [duc de] Bretagne partie de notre armée, afin de y résister et pourvoir, et pour ce faire, et afin que bon ordre soit tenu en notre armée, soit besoin et nécessaire commettre et ordonner aucun grand et notable personnage pour notre lieutenantgénéral en icelle armée et en qui ayons fiance ;
« Savoir faisons que nous, ce considéré et pour la bonne et entière confiance que nous avons de la personne de notre cher et amé cousin Louis, s&f de La Trémoille, comte de Benon, vicomte de Thouars, et de ses grandes noblesse, vaillance, suffisance, loyauté, prud’homie et bonne diligence, icelui, pour ces causes, et de l’avis et délibération d’aucuns des princes et seigneurs de notre sang et lignage et gens de notre conseil étans lès nous, et pour aucunes considérations à ce nous mouvans, avons commis, ordonné, établi et par ces présentes commettons, ordonnons et établissons notre lieutenant-général en notre armée et marche de Bretagne. Et lui avons donné et donnons plein pouvoir et autorité de faire marcher notredite armée ès lieux, villes, places, ainsi qu’il verra être à faire pour notre service, icelle renforcée de tel nombre de gens de guerre, tant de cheval que de pied, en bon ordre et police, à la moindre charge de notre peuple que faire se pourra; de réduire et mettre en notre obéissance, par les moyens que possible sera, toutes villes, places, châteaux à nous désobéissans, les faire sommer d’eux rendre et mettre sous notre obéissance ; icelles faire assièger, composer et prendre à mercy ; faire abattre et démolir telles desdites villes, places et châteaux qu’il verra être à faire et qui nous pourroient porter nuisance et grevance ; et avec ce de recevoir à serment les nobles et autres habitans dudit pays de Bretagne qui se voudroient retirer et prendre notre parti, les prendre et mettre sous notre sûreté, protection et sauvegarde spéciales, leur quitter, pardonner, abolir tous crimes, offenses et maléfices qu’ils pourroient avoir commis; de pourvoir à la sûreté et garde desdites villes et places et aux offices d’icelles de personnes à nous sûres et stables ; de baïller sûreté et saufconduits à ceux de parti à nons contraire, afin de les faire attraire et tirer à notre service, de leur octroyer toutes et chacunes les provisions en raison et justice qui leur sont nécessaires ; avec
ce de faire faire les montres et revues de tous nos gens de guerre, iceux faire payer de leurs gages et soldes; aussi de faire corriger et punir tous les cas et maléfices, faire administrer raison et justice à tous ceux qui le requerroient et touchant les matières qui dépendent du fait de la dite guerre ; et généralement de faire et besogner ès choses dessusdites, leurs circonstances et dépendances, tout ainsi que nous ferions et faire pourrions si présent en notre propre personne y étions, et d’en baïller et faire expédier sous scel toutes les lettres dont octroi et provisions à cette cause seront nécessaires : promettant, en bonne foi et parole de Roi, les avoir pour agréables, tenir fermes et stables à toujours et d’en baïiller lettres et confirmation telles que au cas appartiendra et que requis en serons.
« Si donnons en mandement par ces mêmes présentes à tous baillis, sénéchaux, capitaines, chefs et conducteurs de gens de guerre et ceux de leur charge étant en notre service, gouverneurs, maires, échevins et officiers justiciers de villes, cités, châteaux, forteresses, ponts, ports, passages, juridictions et détroits, et à tous nos justiciers, officiers et sujets, que notre dit cousin ils reçoivent comme notre lieutenant-général en icelle armée de Bretagne et lui obéissent et entendent tout ainsi qu’ils feroient à notre propre personne et fassent ce qu’il leur ordonnera et enjoindra de par nous, le reçoivent èsdites villes, places avec tels de nos gens de guerre qu’il voudra et ordonnera, lui en fassent ouverture sans aucune difficulté ; et afin que on ne puisse prétendre de ce cause d’ignorance, fassent, si métier est, publier l'effet et contenu de cesdites présentes par tous les lieux où besoin sera.
« En témoin de ce, nous avons fait mettre notre scel à cesdites présentes.
« Donné aux Montils-lès-Tours, le onzième jour de mars, l’an de grâce mil quatre cents quatre vingt sept et de notre règne le cinquième.
« Sur le repli: par le Roi, les comtes d'Angoulême, de Beaujeu et de Bresse, l'archevêque de Bordeaux, l’Amiral, les seigneurs du Fou, de l'Isle, de la Pellequenant et de Grimault et plusieurs autres présens.
Signé: PARENT. »
Chartrier de Thouars. Orig. parch.
1488, 18 avril. Tours. — Lettres patentes de Charles VIII, par lesquelles le roi ordonne au « premier huissier » de son Parlement, qui sur ce sera requis, de’ faire commandement à Gilbert de Bourbon, comte de Montpencier, frère aîné de Gabrielle de Bourbon, d’avoir à renoncer aux clauses du contrat de mariage de cette dernière avec Louis II de La Trémoille, parce que ces clauses arrachées à la faiblesse de Louis de Bourbon, lésaient les droits de Gabrielle de Bourbon. Ces lettres apprennent que du mariage de Louis de Bourbon, comte de Montpencier, et de Gabrielle de La Tour, étaient issus cinq enfants : 1° Gilbert de Bourbon, 2° Jehan de Bourbon, 3° Louis de Bour- . bon, 4° Charlotte de Bourbon, mariée avec le comte de Boucan, 5° Gabrielle de Bourbon, femme de Louis II de La Trémoille.
Chartrier de Thouars. Pièce parchemin scellée.
1488, 20 septembre. La Flèche. — Lettres patentes de Charles VIIT par lesquelles le roi « considérans les très grans et recommandables services » rendus par son « cher et féal cousin, conseiller et chambellan, Loys, seigneur de La Trimoille », particulièrement en « ceste présente guerre de Bretaigne », lui donne « l’office de cappitaine des ville et chastel de Fougières, naguères par luy prinz et reduictz en » l’obéissance royale, avec « la somme de deux mille livres tournois à. prendre par chacun an de et sur le prouffit, revenu et émolument du domaine de la baronnie et seigneurie dudit lieu de Fougères, oultre et par dessus les gaiges à la dite cappitainerie appartenans. »
Chartrier de Thouars. Orig. parch.
1488, 22 septembre. La Flèche. — Lettres patentes de Charles VIII par lesquelles celui-ci, voulant se conformer à la volonté de son père, Louis XI, délivre à son « cher et féal cousin, conseiller et chambellan, Loys, seigneur de La Trémoille », pour le récompenser de ses grands services, « la viconté de Thouars », provenant de l'héritage de Louis d’Amboise, à la condition que ledit Louis de La Trémoille abandonne ses droits sur « la baronnie, terre et seigneurie d'Amboise s.
Chartrier de Thouars. Vidimus parch.
1490. 5 octobre. Les Montils-lès-Tours. — Lettres patentes de Charles VIII par lesquelles le roi, voulant s'opposer aux efforts des « anciens ennemys, les Angloiz et autres » ses adversaires, institue son « chier et amé cousin le sire de Ia Trimoille, conte de Benon, viconte de Thouars ax, son « lieutenant général sur le fait de la guerre ès pays de Poictou, Xaintonge, Angoulmoys, Anjou et ailleurs ès pays et marches de Bretaigne, deçà la rivière de Loyre, et aussi ès lieux et baronnies de Craon et Fougières, oultre la dite rivière ».
Chartrier de Thouars. Orig. parch.
1491, 17 mai. Les Montils-lès-Tours. — Charles VIII, « considérans les grans, vertueulx et recommandables services » de son « cher et féal cousin,
conseiller et chambellan, Loys, sire de La Trimoille,.… mesmement ou fait de noz guerres de Bretaigne où il a esté principal conducteur et encore est des armées que avons mises sus en icellui pays, en quoi il s’est vertueusement employé et porté sans riens y espargner », donne et transporte audit Louis de La Trémoille « toutes et chacunes les salines et saulx estans au Croisic, Guerrande et ailleurs en... Bretaigne, appartenans à ceulx qui tiennent parti. contraire » au roi, « avenuz et eschuz » audit Charles VIII « par droit de confiscacion et forfaiture », pour en jouir lui et ses successeurs comme de leur propre héritage.
Chartrier de Thouars. Orig. parch.
1491, 25 juillet. Les Montils-lès-Tours. — Nomination par Charles VIII de Louis II de La Trémoille à l'office de capitaine de Nantes.
« Charles, par la grâce de Dieu, roy de France, à tous ceulx qui ces présentes lettres verront, salut. |
« Savoir faisons que, nous considérans les grans, vertueulx et recommandables services que notre cher et féal cousin, conseiller et chambellan, Loys, seigneur de La Trémoille, nous a par ci-devant faiz en plusieurs manières, et mesmement ou fait de noz guerres de Bretaigne et en la redduction de noz ville, cité et chastel de Nantes, en quoy il s’est grandement et vertueusement employé, sans y espargner corps ne biens, et fait chacun jour en nostre armée de Bretaigne, dont il est nostre lieutenant général, en grant cure et dilligence, et espérons que plus face cy-après, considérans aussi que, par sa bonne conduite et grant exercice depuis que l’avons fait notre dit lieutenant en nostre dite armée de Bretaigne, les choses se sont tousjours si bien portées à nostre avan-
taige et prouffit, que, grâce à Dieu nostre Créateur, avons desjà en noz mains et bonne obéissance presque tout le pays, et afin que en ce qui se reste à réduire, comme est la ville de Rennes, il soit ou temps avenir enclin à perseverer et continuer en son bon service et que noz autres bons serviteurs, à son bon exemplaire, facent le semblable envers nous, confians grandement de la loyaulté, preudommye, bonne vaillance, conduicte et grant dilligence de la personne de nostre dit cousin, à icelui, pour ces causes et autres à ce nous mouvans, avons donné et octroyé, donnons et octroyons par ces présentes, l'office de cappitaine et garde de nos dite ville, cité et chastel de Nantes, ouquel office, depuis la dite réduction d’iceulx en noz mains et obéissance, n’a encores par nous esté pourveu, pour icellui office avoir et tenir doresenavant par nostre dit cousin aux honneurs, prérogatives, prééminences, franchises, libertez, gaiges, droitz, prouffiz et émolumens acoustumez et qui y appartiennent.
« Si donnons en mandement, par ces mesmes présentes, à nostre amé et féal chancelier, que prins et receu de nostre dit cousin de La Trémoille le serement en tel cas acoustumé, icelui mecte et institue ou face mectre et instituer, de par nous, en possession et saisine dudit office de cappitaine et garde de nostre ville, cité et chastel de Nantes... Mandons en oultre à nostre amé et féal conseiller Jehan Francoys de Cardonne, général ayant la charge et administracion de toutes noz finances, tant ordinaires que extraordinaires, en nostre dit pays et duché de Bretaigne, que, par nostre receveur ordinaire dudit lieu de Nantes ou autre, que lesdits gaiges audit office appartenans a acoustumé de paier, il les face paier et baïller à nostre dit cousin doresenavant par chacun an aux termes et en la manière acoustumez...
« En tesmoing de ce nous avons fait mectre notre scel à ces dites présentes.
« Donné aux Montilz-lès-Tours, le XXVe jour de juillet, l’an de grâce mil cccc quatre vings et unze, et de nostre règne le huitiesme.
« (Sur le repli) Par le roy, monseigneur le duc d'Orléans, les contes de Montpancier et de Foix, les sires de Graville, admiral, et de Grimault, sénes-
chal de Beaucaire, et autres présens.
« BoniEr. »
Chartrier de Thouars. Orig. parch.
1491, 10-14 novembre. — Information faite par Jean de Sallignac, châtelain de Talemont, pour Louis II de La Trémoille, par le commandement de Gabrielle de Bourbon, contre Etienne de Chiros, capitaine de la nef la Gabrielle.
« Arnaud Bride, cannonier, natif de la ville d'Arras, demeurant à présent en la ville de Thalemont, aagé de XLI ans ou environ, deppose.. que, environ la feste Dieu, derrenière passée, il se mist en la nef de haulte et puissante dame madame la vicontesse de Thouars, contesse de Benon, et princesse de Thalemont, avecques les autres compaignons estans en la dicte nef, soubz la charge de Estienne de Chiros, cappitaine d'’icelle, où le dit Arnault estoit maïistre canonnier, laquelle nef fut mise en la mer en guerre pour aller à son adventure environ la feste saint Jehan-Baptiste après ensuivant. Et eulx estans à la couste de Barbarie, entre Harmerye et Oram, ilz rencontrèrent ung navire d'Espaigne, chargé de Sarazins, hommes et femmes, qu’ilz abordèrent, et prindrent oudit navire les dits Sarazins prisonniers qui paièrent les tous ensemble pour leur ranczon quatre vingts croisades que receut le dit capitaine, sanz y comprendre une More qu’ilz amenèrent avecques eulx. Et oudit navire prindrent pareillement de deniers d’argent et de realles, monnoye de Sarazinisme, deux plains chappeaux ou environ et quatre vingts doubles d’or, qui vallent ung viel escu la pièce. Dit qu’il fut pareillement prins en la dite nef par Charles Vignon et ung nommé Potin quatre cens croysades, ainsi qu’il ouyt dire au dit Potin, qui vallent ung ducat chacune pièce. Dit aussi qu’ilz prindrent en icelle nef douze manilles d’or, que le cappitaine receut qui estoient pour mectre aux braz, tous plains de pierreries par le dessus et faiz à huit pans qui valloient bien grant somme de deniers qu’il ne scauroit estimer, deux colliers d’argent fort gros et à chacun bout ung gros boillon carré faiz à nelleure, et aussi vingt quatre aurillectes d’or qu’on mect à l’entour de la teste des femmes, et à cha-
cune des dites aurillectes y avoit autres petites aurillectes pendans à petites chaignes d’or et les dites petites aurillectes estoient plaines de pierreries fort riches, que pareillement il ne scauroit estimer, car il dit que lennuyt elles donnoient grant clarté, et desquelles aurillectes ledit qui deppose en print en la manche d’un nommé Yvon Le Breton, demourant au Croysic, six, lesquelles il bailla audit cappitaine, présent ung nommé Guillaume qui de présent est à la garde de la nef de ma dite dame. Aussi fut prins dix huit coytes poinctes faictes à fil de saye de diverses couleurs de tappiz, et de banchers ung bon nombre, faiz à la faczon des dites coytes pointes, une piecze de taffetas ranforcé, une tasse d'argent, et grant nombre de beau linge, entre lequel linge y avoit de fort beaux tablées, une pipe de saye, quinze jarres d’uylle d’olif, toute leur artillerie et autres appareilz de navire, et furent vendus lesdits Sarazins au lieu de Cassaqualles le pris susdit.
« Dit aussi que après ce ilz virent ung navire de Biscain qui les aborda et assaillit et se batirent longuement, tellement que à la fin ilz furent les maistres, et en iceluy prindrent quatre botes de lances, dix huit pièces d’artillerye, dix huit grosses de dars et autres appareilz de navire, et n’eurent point de marchandise, parce que ledit navire estoit chargié de merrain ou boys à vin? et aussi prindrent oudit navire VIxx livres de pouldre de canon.
« Et par après, eulx estans au cap de Saint-Vincent fort avant en la mer, rencontrèrent ung navire d'Angleterre qu’ilz abordèrent, lequel estoit chargié partie de draps et d’autres choses, ouquel ilz prindrent douze pacques de draps, desquelles Jacques Le marchant, à qui estoient les dits draps, leur deist qu’il y avoit ung des dits pacques toute d'escarlate et de migraine, et qu’il en y avoit vingt et cinq pièces en icelle pacque, et failloit bien dix ou douze hommes à lever chacun des dits pacques, toutes lesquelles le dit marchant Angloys vouloit rançonner deux mille nobles, et que au regard de luy et de ses compaignons qu’ilz les meissent oultre les dits I[m nobles à telle rançon qu’ilz leur plairoit, mais ne voulut le capitaine de ladite nef prandre les dits II" nobles pour les dits pacques et les retint et mist en sa nef, et fut mis le dit marchant angloys et ses dits compaignons à ranczon par le dit cappitaine à la somme de VIII xx croysades qu’il poya content en une chaigne d’or poysant TITI xx croysades et le parsus en or content que receut iceluy capitaine que le
dit marchant alla quérir à Lissebonne où est la bourse d'Angleterre. Fut aussi prins audit navire environ troys milliers de suyf, une barricque plaine de bonnetz que luy qui deppose mist ou bateau de ladite nef et croit qu’il en y avoit environ dix sept grosses dont en chacune grosse y a douze douzaines. Fut pareillement pris six douzaines de chappeaux fort fins de plusieurs coulleurs, grant nombre de coffres, mais luy qui deppose ne scet qu'il y avoit ès dits coffres parce qu’ilz estoient fermés de clef, touteffoiz il dit qu’il convenoit estre troys ou quatre hommes à porter chacun des dits coffres.
« Dit plus que tantost après, eulx estans à la couste de Portugal, en venant à la Brelingue, ilz firent frapper à terre ung autre navire d'Angleterre, ouquel fut prins sept balles de draps dont il en y avoit six de fuzes et une de fin draps, qu’on ne scet qu’elle devint, et croit luy qui deppose que ledit capitaines la desroba, et que André Micquellet, maistre de ladite nef, le scet bien. Dit qu’il fut pareillement prins au dit navire ung plain coffre d’estain ouvré ouquel povoit bien avoir de troys à quatre cens livres d’estain, une pipe plaine de fromaiges d'Angleterre, une baricque plaine de suyf et six tourtelles qui poysoient bien cinquante livres la piecze.
« Et de là s’en vindrent leur route jusques au Plomb, près La Rochelle, où ils arrivèrent entour la saint Michel, environ solail couchant, et comme à l'heure de mynuyt entrèrent ou havre, et incontinent ledit capitaine fist aller à terre tous Îles compaignons dudit navire, et parce que le dit deposant et quatre ou cinq autres ny vouloient aller sans argent le dit capitaine leur bailla ung ducat, et après le dit capitaine, Charles Vignon et ung nommé Potin, demourans en l’isle de Ré, menèrent par troys ou quatre foiz le bateau de la dite nef chargé à terre et firent venir ung bateau dudit lieu de Ré qu’ilz chargèrent, et croit sur sa conscience que s’estoient les escarlates, coytes poinctes, fins draps et autres marchandises qu’ilz ont desrobé en ladite nef, et en sauroit bien depposer Perrot de Filz, demourant à La Rochelle, parcequ'il fut jour et nuyt après que la dite nef fut arivée audit lieu du Plomb avecques ledit capitaine et aussi qu’il estoit hoste d’iceluy capitaine. Et a ouy dire, luy qui deppose, à Jehan de Marennes, à Pierre Moreau, au clerc du dit capitaine et à Anthoïine, boteiller, en ladite nef que iceluy capitaine avoit envoyé six charges de bagues à sa maison et qu’il avoit achaté les chevaulx audit lieu de La Rochelle. Dit
aussi que si ledit capitaine eust fait la raison à chacun des compaignons qui estoient en ladite nef qu’ilz en fussent amender de plus de soixante livres par homme, toutes les vitailles payées, mais que ledit capitaine avecques le dit Vignon et Potin ont tout emblé et ravy, et n’a riens, au moins que bien peu, esté baillé aux compaignons qui ont esté en la dite nef, et n’y a qui en soient amandez que luy ses quarteniers et les gens qu’il a amenez avecques luy. Dit que lesdits quarteniers estoient lesdits Vignon, Potin, Henry Bunet demourant à La Rochelle, ung nommé Blay demourant audit lieu de La Rochelle, ung autre nommé Chauvin demourant au Croysic, et parleroit bien des dites choses ung nommé Guillaume Dodierne l’aventuriez. Et dit que Franczoys Rulleau, contre maïistre en ladite nef, et André Petit, tous deux demourans aux Sables, scavoient bien les dits larecins et croit qu’ilz y avoient part, parce qu’on ne les eust sceu faire sans leur sceu. Dit qu’il fut ung grant bruit en ladite nef que ledit Potin avoit lesdites ITITe croysades et luy en fist ledit capitaine une bien grande question, et par manière que une foiz il y luy mist ung poignart près la gorge et vit lors comme le dit Potin parla bas et à l’oreille du dit capitaine et y furent assez longuement. Et depuis ne ouyt faire audit cappitaine question desdites [IIIe croysades et croit en sa conscience que iceluy capitaine, lesdits Vignon et Potin les ont butinées. Dit que les complices dudit capitaine estoient Jehan de Rochecte, frère de la femme d’iceluy capitaine, et ung autre nommé mons' Beuille qui demeure près ledit capitaine, ung autre nommé Courtin. Et est ce qu’il deppose. » ”
Suivent les dépositions de « Denis Robin, demourant ou villaige de La Mechelière en la paroisse de Saint-Hylaire de Thalemont, agé de XX ans ou environ, » matelot de la Gabrielle.
« Pierre Lesguier, marinier, demourant ou bourg de La Chauline, aagé de XXII ans ou environ. »
« André Micquellet, maïstre de la Gabrielle, demourant ou bourg de La Chauline, aagé de LX ans ou environ. »
« Francoys Rulleau, contre maistre de la Gabrielle, demourant aux Sables d'Olonne, aagé de XXX ans ou environ. »
« Guillaume Le Mast, estant de présent aux Sables, d'avanture à la garde de la nef la Gabrielle, aagé de XXIIT ans ou environ. »
« Jacques Garnier, praticien en court laye, lieutenant des Sables, demourant audit lieu, aagé de LX ans ou environ. »
« Nicolas Anguzeau, marchant, demourant à Aulonne, aagé de XLV ans ou environ. » |
« François de Virereau, mareschal, demourant à présent en la ville de Talemont, aagé de XXX ans ou environ. »
« Jehan Hervé, marinier, des parties de Dieppe en Normandie, demourant en l'isle de Ré, aagé de vingt cinq ans ou environ. »
« Symon Dupin, amballeur, demourant à La Rochelle, aagé de cinquante cinq ans ouenviron. »
« Pierre Fouchier, marinier, natif de Marennes, aagé de XX ans ou environ. »
« Olivier Henry, demourant à La Rochelle, aagé de XXXII ans ou environ. »
« Pierre de Filz, marchant, bourgeois de la ville de La Rochelle, aagé de XXXIII ans ou environ. »
« Colas Masson, marinier, demourant aux Sables d'Olonne, aagé de XXIII ans ou environ. »
« Regnault Escoulan, charpentier, demourant en la maison près la chappelle du dit lieu du Plomb, aagé de soixante ans ou environ. »
« Phelipon Raoul, marinier, demourant à La Rochelle, natif de Saint- Content en l’évesché de Poictiers, aagé de XXVIII ans ou environ. »
« Pierre Robelin, marinier, demourant en la ville de La Rochelle, aagé de XXIII ans ou environ. »
« Messire Rolland Le Saint, prêtre, natif de Aurré ou diocèse de Vannes en Bretaigne, aagé de XXXV ans ou environ. »
Chartrier de Thouars. Cahier papier.
Sans millésime, 29 mai. Cosme. — Lettre de Louis II de la Trémoille au roi.
« Sire, plaise vous savoir que je suis venu en ceste ville de Cosme pour loger vos Normans au long de ceste frontière d'Almaigne, lesquels j'ay logez ès places où il me semble qu’il vous pevent plus faire de service. Et afin que en soyez myeulx adverty, je vous envoye tout leur logeiz par escript. Vous avez des gens avecques vous qui ont esté au quartier, vous le leur pourrez monstrer si s’est votre plaisir, et tousjours seront remuez si vous ne les trouvez bien, et me semble que durant ceste année ne povez maïnstenir que de deux mille hommes au long de ceste Vaulteline; et si ainsi fectes et vous soyez servy comme je pence, je ne doubte point que vous n’ayez bien Bellanconne, car il leur coustera merveilleusement à garder veu les garnisons que meetez à l'entour.
« Sire, j'ay aussi logé vos gens d'armes tout à l’entour de ceste lizière afin que s'ils estoient mandez pour vous faire quelque service que le baïlly de Dijon les trouvast tous prestz, lequel je vous asseure vous sert très bien icy, et vous promectz que ny eussiez sceu myeulz pourveoir, car il est homme de sens et homme de guerre, et vouldroye bien pour votre service que sa compaignie eust la queue plus longue qu’elle n’a.
« Sire, Je luy laisse Ve hommes de pyé avecques sa compaignie en ceste ville qui est bien grande, afin que, s’il y avoit bruyt au pays, qu’il la tint en plus grande seureté, aussi pour pourveoir aux autres places s’il en estoit mestier.
« Sire, il est venu tout à ceste heure icy des gens que le dit bailly avoit envoyez à la ligue grise, à Suric et autres cantons, et ne si est faicte nulle
essemblée, reservé que les gens du roy des Roumains ont tousjours pourchassé et pourchassent de jour en jour faire ligue avecques les cantons, et aussi les trois membres de la ligue grise leur offrant la Vaulteline et Chavainies à rachapt de certaine somme d’argent. Jusques icy ne si est riens fait ne voullu accorder, ains sont demourez en propos d’entretenir ce qu’ilz ont celleavecques vous. Je ne sey qu’ilz en feront, car tous ceulx des quantons ne pevent demouvoir ceulx de Huric d’avoir Bellanconne et sont sur une journée qu’ilz doivent tenir. Ainsi que nouvelles viendront vous en serez adverty.
« Sire, je m’en pars demain pour m'en aller vers Lecque et Laude pour visiter les places et aussi mectre ordre aux vivres des gens d’armes afin que les gens du pays ne se plaignent, et aussi s’il en y a nulz qui n’ayent soulde ne adveu pour les chasser hors du pays, car ce sont ceulx qui affollent le pays s’ils ne sont chassez après les guerres passées.
« Sire, j'ay amené icy avecque moy monsieur de Sendricourt et le maistres de l'artillerie avecques le bailly de Dijon, que j’ay trouvé icy, pour adviser au logeiz de vos gens et aussi pour envoyer l’un deçà et l’autre delà, pour chasser ses gens sans adveu, et pour y ayder à faire tenir ordre à ceulx qui ont soulde et en faire justice, et me semble que si ceulx là treuvent quelque pillart qu’ilz ne fauldront à en faire si griefve pugnicion que les autres y prendront exemple. |
« Sire, il vous plaira me mander et commander voz bons plaisirs pour les acomplir à l’ayde de Notre Seigneur, auquel je prie qu'il vous doinbt, sire, très bonne vie et longue.
« Escript à Cosme, ce XXIXme jour de mai (1495 ?)
« Votre très humble et très [obéissant] subgect et s[erviteur].
1495, 9 novembre. Lyon. — Nomination par Charles VIII de Louis II de La Trémoille à l'office de premier chambellan.
« Charles, par la grâce de Dieu, roy de France, de Sicile et Jhérusalem, à tous ceulx qui ces présentes lectres verront, salut.
« Savoir faisons que, nous reduysans à mémoire les grans, vertueux, conti nuelz, proufitables et très recommandables services que nostre cher et féal cousin, conseiller et chambellan ordinaire, le sr de La Trimoille, chevalier de nostre ordre, a par cy devant et dès son jeune aaige falz à feu nostre très cher seigneur et père, que Dieu absoille, et à nous, tant avant que depuis nostre avénement à la couronne, à l’entour de nostre personne, tant à la charge, conduite et direction des plus grans et principaulx faiz et affaires concernans le bien et utilité de nous, noz royaumes, pays et seigneuries, et de toute la chose publicque d’iceulx, que ès autres noz privez et secretz affaires ; en quoy il nous a si bien, grandemment et prudemment conseillé, servi et aydé, et tousjours s’est trouvé si entier, loyal et vertueux, et ès autres grans charges et ambassades où l’avons voulu employer, qu’il a bien mérité et desservy louenge et grande rétribucion; considérans pareillement les bons services, dignes de mémoire, qu'il nous a faiz durant la guerre de Bretaigne, en la charge de nostre lieutenant général, tant avant que à la journée de Sainct-Aubin et après icelle, ce qu’il a bien encores monstré par effect durant nostre voiage de Napples, ouquel il nous a tousjours acompaigné, bien et loyaument conseillé et servi sans nous avoir habandonné, et en espécial au destroit de Fournaulx où nous estions en personne, auquel lieu et jour il nous donna entièrement à cognoistre l’expérience de ses faiz, hardiesse et vertuz de sa personne, laquelle audict jour il exposa en nostredict service; voulans iceulx services recognoistre envers luy et le eslever tousjours et approucher de nostre personne en hault et honno-
rable estat et degré, afin que tousjours il ait couraige de continuer en son bon et loyal service et conseil :
« Pour ces causes, et en aucune récompense des fraiz, mises et intérestz qu’il a euz et soutenuz oudict voiage et autres bonnes et justes considéracions qui à ce nous ont meu et meuvent, confians, par ce que dessus, entièrement de sadicte personne et de sesdictz sens, vertuz, vaillance, preudommie, bonne conduite et grande expérience, iceluy nostre cousin le sr de La Trimoille, avons ce jourd’uy retenu et retenons, de nostre auctorité royal, nostre premier chambellan, et ledit estat et office luy avons donné et octroyé, donnons et octroyons de singulière grâce par ces présentes; auquel estat et office n’avoit encores par nous esté pourveu depuis le trespas de feu Guy Pot, chevalier; pour en iceulx estat et office de nostre premier chambellan nous servir d'ores en avant ordinèrement, et en joyr et user aux honneurs, autoritez, prééminances, prérogatives, gaiges, pensions et autres droiz qui y appartiennent.
« Si donnons en mandement, par ces mesmes présentes, à nostre amé et féal conseiller l’arcevesque et duc de Reims, premier per et chancelier de France, que nostredit cousin et premier chambellan, du quel nous avons prins et receu le serment en tel cas acoustumé, il convocque et appelle et face convocquer et appeller des premiers en noz conseilz et affaires, en le faisant et souffrant au seurplus joyr et user des honneurs, autoritez, prééminances, prérogatives, gaiges, pensions et autres droiz appartenans audict estat et office, d'ores en avant plainement et paisiblement, et à luy obéyr et entendre de tous ceulx et ainsi qu’il appartiendra ès choses touchans et regardans iceluy. Mandons en oultre à noz amez et féaulx les trésoriers de France et généraulx de noz finances, et à chascun d’eulx, que, par le changeur de nostre trésor ou l’un des receveurs généraulx de nosdictes finances, ilz facent d’ores en avant payer et appointer par chascun an à nostredit cousin et premier chambellan les gaiges, pensions et droiz dudict office sans y faire aucune interrupcion ou discontinuacion. Et par rapportant cesdictes présentes, ou Vidimus dicelles fait soubz séel royal pour une foiz, avec recognoissance de nostredit cousin sur ce soufisant seulement, nous voulons tout ce que payé et baïllé luy en aura esté à ceste cause estre alloué ès comptes et rabatu de la recepte de celuy ou ceulx qui payé l’en aura ou auront, par noz amez et féaulx gens de noz comptes, aus-
quelz nous mandons ainsi le faire sans dificulté; car tel est nostre plaisir. En tesmoing de ce, nous avons faict mectre nostre séel à cesdites présentes.
« Donné à Lyon, le 1x° jour de novembre, l'an de grace mil cccc quatre vings et quinze, et de noz règnes de France le treiziesme et de Sicile le premier.
« Par le Roy, monstr le duc de Bourbon, les sires de Gyé, mareschal de France, et de Piennes et autres présens.
