XXII
1517, 17 avril. — Contrat de mariage de « très noble damoyselle Loyse de Borge (Borgia), fille de feu monsr le duc de Vallentynois et de feue dame Charlotte d’Albret, jadis sa femme, en la présence, du voulloir, consentement et o l’auctorité de très haute et très puissante dame et princesse madame Loyse, mère du roy, nostre seigneur, duchesse d’Angoulesme et d'Anjou, contesse du Maine et de Beaufort, ou nom et comme ayant le gouvernement et administration de la dicte damoiselle Loyse », avec « très noble et très puissant seigneur, monseigneur, Loys de La Trimoille, viconte de Thouars, chevalier de l’ordre du roy », fait et passé « au lieu de Sainct-Mor-des-Fossez, J'an mil cinq cens et dix sept, le vendredi dix septiesme jour du moys d'avril après Pasques!. »
Chartrier de Thouars. Pièce parch.
1. Sainte-Marthe, le P. Anselme et autres ont placé par erreur le mariage de Louis II de La Trémoille et de Louise Borgia au 7 avril.
1521, & avril. Avallon. — Lettre de Louis de La Trémoille aux échevins de Dijon alors qu'il était à Avallon aveç François I.
« À Messieurs les gens d'Église, maire et eschevins de Ja ville de Dijon.
ge MESsIEURs,
« Je me recommande à vous ; advisez que le roy sera demain à couscher à Saulieu, le lendemain à Torsy, et della Villeneufve et à Dijon; pour ce tenez votre cas tout prest. Si le dit seigneur arryvoit tard, est mestié d’avoir troys ou quatre cens torches que les petits enfans ou beaux jeunes compagnons de la ville porteroient. Pareillement, mectez votre artillerie en ordre sur les porteaulx et es tours, et qu’elle tire quant le dit seigneur entrera dedans la ville. Faictes bonne provision de foing, paille, avoyne, et y mectez bon ordre et police et aultres vivres, car il pourra faire là long séjour, parcequ’ils se meurent à Lyon. Aussi mectez ordre que les murailles d’autour la ville soient bien nectyés, et les bresches rabillées. Et à Dieu que je prie vous avoir en sa garde.
« Escript à Avallon le VITIe jour d'avril.
(Mairie de Dijon. — Arch. de la ville. Correspondance).
15223. — Lettre de Louis IT de La Trémoille relative à un navire anglais.
« A noz subgectz et habitants de l’isle de Nermoustier :
« Messrs, touchant les quatre canons et deux passes vollans qui sont de ferc qui estoient ou navire angloys qui est brisé ces jours passez le long de la coste, baillez les à celuy que Regnaud de Moussy, mon vifadmiral sic), y envoyra les quérir, car il faut qu’on s'en serve jusques à ce que la paix soit. Et si les dits Angloys la viennent quérir ensemble leurs biens, je y envoyeray gens pour leur faire raison, mes je ne vieulx pas que l’on tiegne la dite artillerie là, et leur direz que on l’a mise dedans ung navire et qu’elle ne sera perdue et mes qu’elle soit de retour on leur rendra. Et ne faillez de les délivrer à ceulx que vous dira ou envoyra mon vifadmiral, ensemble les boestes et les boullez. Et après ce que l’on s’en sera servy là vous envoyray en Nermoustier.
a Et à Dieu mess' que je pry qu’il vous doiïnt ce que désirez; ne faillez de faire bon guet et fortiffier voz costes, et de ma part vous y aideray.
Chartrier de Thouars. Autographe, papier.
1524, 10 juin. Dijon. — Lettre de Louis de La Trémoille à Regnault de Moussy.
« Regnault de Moussy, je me recommande à vous... Je vous promectz Regnault que je n’euz jamais plus d’affaires que j’ay, car à ce que je suis adverty
de tous coustés je ne attens l’eure d’avoir beaucoup d'affaire par deçà, car le frère de l’empereur faict grosse assamblée de gens pour y venir ou en Champaigne, et à ce que l’on dit messire Charles de Bourbon doibt descendre avecques l’armée de l’empereur en la Prouvance où se doibt joindre avecques le frère du dit empereur. Je me prépare le plus que je puis et maïs que le roy me donnet ordre à ce que je luy ay mandé et qu’il paie ses gendarmes, j'espère s'ils viennent en ce quartier de les bien recueillir.
« Davantage, il est advenu en ce pais que on a trouvé la plus grant partie des portes de la ville de Dijon marcquées de crois Sainct-André, de fusilz, et en d’aulcunes ont escript : Bourgongne, et ès autres avecques les dictes mercques bruslé ; autant en on faict en la ville de Beaulne, à Nuys et ès villages de l’antour, dont le peuple est merveilleusement estonné et disent qu’on les vieult brusler. Je ay donné l’ordre telle qu’il est possible pour voir si je pourray atraper quelqu’un de ceulx qui font ces mercques pour en faire si grosse justice qu’il en soyt mémoyre à jamais; mais encores n’en ay sceu descouvrir ung, je vous promez que j’en suis en grant pansement, car à cause dudit frère de l’empereur qui faict ces assemblées si près d’ici, je ne crains pas tant le feu que je fais que ces mercques se facent pour esmouvoir le peuple et faire quelque conspiracion contre le roy; je y mectz telle penne à faire faire le guet que si je puis j’en atraperay quelqu'un pour en savoir la vérité, toutefoiz l’on dit que ce n'est que pour le feu et que à Troyes, dont je croy que estes bien adverty, où ilz ont brûlé la plus grante partie des maisons, en avoient faict autant.
« Faictes moy finance d’argent, car je vous promectz que j’en ay bien mestier. Et à Dieu Regnault qu’il vous doint ce que désirez.
« Escript à Dijon, ce X® jour de juing.
« L. DE La TRÉMOILLE. »
Chartrier de Thouars. Copie du XVIe siècle, papier.
1526 (v. 5.1, 24 février. — Quittance de Louise Borgia, duchesse de Valentinois, et de François de La Trémoille pour la nef nomr mée la Catherine de La Trémoille.
« Nous Loise, duchesse de Valantynois, vefve de feu monseigneur Lois de La Trémoille, et Francoys, à présent seigneur de La Frémoille, chevalier de lOrdre, viconte de Thouars, nepveu‘ en ligne directe et seul héritier dudit feu monseigneur Loys, confessons avoir eu et reçeu du roy, nostre souverain seigneur, la somme de sept mil cinq cens livres pour le parfaict payement et reste de la somme de douze mil livres, en quoy nous estoit tenu ledit seigneur, pour les gaiges et souldes de cinq moys, restans de dix, durant lesquelx nostre net ou carraque, nommée la Katherine de La Trémoille, a esté au service dudit seigneur lors que l’armée de l'Empereur estoit devant Marseille en Provence, sur laquelle somme de XII" livres, veriffiée et approuvée par messrt du conseil nous estre deue, a esté baïllé par ledit seigneur à Michel Ehausseblanche, patron de la dicte nef, l'office du greffe de la juridiction du conservateur lay des privilleiges royaulx de l'Université de Poictiers, pour la somme de IIIIeVelivres, pour par nous demourer quicte envers luy de pareille somme que luy devions à cause d’icelle nef, de laquelle somme de VII» Ve livres, pour le reste desdites XII» livres, nous tenons pour contenté et en avons quicté et quictons ledit seigneur et tous autres qu'il appartiendra par ces présentes signées de noz mayns et scellées du scel de nos armes, le XXII11° jour de février mil Ve XXVI.»
Chartrier de Thouars. Pièce papier.
t. Neyeu, dans le sens latin qui signifie petit-fils.
