Marguerite d'Angoulême, reine de Navarre
gotium hoc, non minori fide quam si suum proprium fuisset, sollicitavit, tua nobilitas intelliget ; cui fidem indubiam prestare velis.
« Datum Rome, apud Sanctum Petrum, sub annulo piscatoris, die nona decembris MD v°, pontificatus nostri anno tertio. |
« SIGISMUNDUS. »
Chartrier de Thouars. Original parchemin.
1507, 16 juin. Milan. — Testament du cardinal Jean de La Trémoille.
« Ou nom du Père et du Filz et du benoist Sainct-Esperit.
« S’ensuyt le testament et dernière volonté de très révérend père en Dieu
mons' Jehan, cardinal de La Trémoille, par permission divine, arcevesque d’Aux et évesque de Poictiers, faict par le dict très révérend malade en son lict, et ce quant au corps, mais sain de son entendement, le seizième jour de juign, mil cinq cens et sept, en la ville de Millan, en la maison de honneste femme, dame Darie de Pusterre, vefve de feu noble homme Bourgonce Botte, en laquelle maison estoit logé le dit seigneur, en la forme qui s’ensuit. . « Et premièrement, le dict très révérend, cognoissant qu’il n'est rien si certain que la mort, ne si incertain que l’heure, voulant vivre et mourir en la foy de saincte Eglise, et comme bon et vroy catholicque, préallablement, a donné son âme à Dieu, son créateur, et icelle recommandée à la glorieuse vierge Marie et à tous les saincts et sainctes de Paradis.
« Segondement, le dict très révérend testateur a donné son corps à la terre et volu estre inhumé et sepulturé en l’église des frères Mineurs de Sainct-Fran-
çois, près le chastel du dict Millan, davant l’autel de la chappelle que on dit de Saint-Bernardin, ouquel lieu ledit testateur avoit acoustumé de ouyr messe.
« Item, le dict très réverend a ordonné que le service et solempnité de sa sépulture et funérailles soient faictz à la discrétion de ses exécuteurs, cy-après nommés, et de deux de messes ses frères, auxquelz a donné la superintendence de son dict testament et dernière volonté, comme après sera déclaré.
« Îiem, le dict testateur a voulu et ordonné en général et particulier toutes ses doibtes et forfaictz estre préallablement payez et davant toutes autres chouses.
« Item, a voulu et ordonné estre distribué par manière de don et bienfaict à tous ses serviteurs domestiques, oultre leurs gaiges ordinaires et aultres doibtes si aucunes leur sont deuz, à ung chacun d'’iceulx, depuis le moindre jusques au plus grant, soient prebtres, beneficiés ou non, gentilzhommes et autres serviteurs, de quelque condicion qu’ilz soient, certaine quantité et portion des biens que Dieu luy a donnés, et ce après son trespas, à la discretion et conscience de ses exécuteurs, appellé toutesfois l’ung des deux frères, ausquelz, comme dit est, il a donné la superintendence. |
« Îtem, ledict très révérend a donné spécialement à l’ung de ses anciens serviteurs, nommé Mathurin Millon, et oultre ses gaiges, et aussi oultre le bienfaict et gratuité qu’il a voulu estre faicte et distribuée à tous ses serviteurs, pour les bons et agréables services que ledict Millon de long temps a faictz audict très révérend, la somme de trente et cinq escuz, laquelle somme le dict Millon devoit à messire Jehan de Coesmes, prebtre, serviteur dudict très ré vérend.
« Îtem, et pour acomplir toutes les choses précédentes, le très révérend testateur, de sa certaine science et franche volonté, a nommé, constitué et ordonné ses exécuteurs de ce présent testament et dernière volonté, maïistre Adam Le Conte, prebtre, chappelain et aulmosnier dudict très révérend, et Hugues Le Masle, viconte de Mortain, serviteurs domesticques dudict seigneur, et très haulx et très puissans seigneurs, monseigneur Loys de La Trémoille, et monsr Jacques de La Trémoille, seigneur de Bommiers, frères du dict testateur comme superindentens de son dict testament.
« Escript et leu audict très révérend ès présences des tesmoings qui s’ensuyvent ; c’est assavoir de,
« Révérend père en Dieu, monsr Claude de Tonnerre, évesque de Sées, nepveu dudict très réverend testateur.
« Monsr maistre Guillaume de Quercu, prebtre, docteur en théologie.
« Jehan de Villeblanche, escuier, s' de Vaulx, maistre d’ostel dudict très réverend testateur.
« Maistre Pierre du Plessis, prebtre, curé de Saincte-Cécile, sr de Maguiz, ou diocèse de Luçon.
« Messire Bartholomy de Gavaston, chanoine de l’église métropolitaine d’Aux.
« Messire Sébastien Nycou, curé de Monciraigne, ou diocèse de Luçon.
« François d’Avalloilles, escuyer, sr de Roncée.
« Vincent d’'Argery, varlet de chambre du dict très révérend, et de plusieurs autres, et mesmement en la présence des dicts Adam et Hugues, exécuteurs.
« Eten tesmoing de ce, nous cy-dessoubz signez présens à tout ce que dict est, avons rédigé par escript et signé ce présent testament, par le commandement du dict très révérend testateur, l’an, jour et lieu que dessus.
« Loingault, secrétaire du dict très « Raymond, chappelain et serviteur réverend et son serviteur domestic, | domesticq du dict très révérend tespour original. tateur.
Chartrier de Thouars. Orig. parch. et pap.
—- ne + ee eee —
1507, après le 16 juin. — « Advertissement à monseigneur mons' le gouverneur de Bourgongne touchant ce qui est nécessaire ès affaires de feu monseigneur le Cardinal, son frère. »
« Est besoing et nécessaire, si c’est le plaisir de mondict seigneur le gouverneur, de pourveoir ad ce que a esté remis à lui, c’est assavoir d’un drap mortuaire ou poille de veloux noir pour servir à tous les jours sur la tombe de feu mondit seigneur le Cardinal, ouquel poille seront mises les armes ainsi qu’il appartient, parce que le drap d’or qui a esté laissé ne servira que aux festes, ainsi que ont decleré les religieux et frères Cordeliers du couvent où il est inhumé ‘.
« Item, si c’est le pleisir de mondit seigneur le gouverneur de fonder oudict couvent une messe ou messes chachun jour, ou autre service, que bon lui semblera à perpétuité, pour l’âme de feu mondit seigneur le Cardinal, et aussi affin que toujours soit mémoire de lul.
« Item, est besoing de faire faire une tombe de cuyvre ou sépulture de marbre, enlevé, telle qu’il plaira à mondit seigneur le gouverneur pour l’onneur et mémoire de mondit seigneur le Cardinal... »
Chartrier de Thouars. Pièce pap.
