Î.— « LE MARCHÉ QUE MONSEIGNEUR A FAYT AVECQUES L’ORFÈVRE DE TOURS
« Le jeudi 1x° jour d’octobre l’an mil cinq cens et unze, en la court du Roy nostre sire à Tours, personnellement establiz honnorables hommes Charles Faulcon, maistre d'orfaverie du Roy nostre sire, et Loys Faulcon, son filz, orfeuvre, demourans en la parroiïsse de Nostre-Dame la Riche, soubzmectant etc., etc. Lesquels et chascun d’eulx, l’un seul pour le tout sans division de partie, ont eu et receu de hault et puissant seigneur Jacques de La Trémoille, chevalier, conte Dampmartin, seigneur de Bommiers, lequel leur a baillé et numéré manuellement, en noz présences, la somme de cinq cens dix huit escuz d’or couronne, pour icelle somme convertir et emploier à faire:
« Une chesne du pois de 1° nur* vi escuz à la couronne, de la façon convenue entre eulx et les chesnons frizez ;
« Item, ung jazeran du pois de trente escuz; « Item, une bordeure faicte à haye enlevée, du pois de xxv escuz; « Item, une autre bordeure faicte à manche, esmaillée de blanc, du pris de xvir escuz ; |
« Item, une bordeure faicte à triumphe, et demye paternostre, du pois de trente escuz;
« Item, des À, qui péseront x escuz, pour mettre aux orillettes, qui soient esmaillez de blanc, et puis ung frizé et ung autre esmaillé de rouge;
« Item, neuf petiz boutons d’or, qui péseront neuf escuz, faiz à A et à Ÿ ; et qu'il y en ait trois esmaillez de blanc et troys esmaillez de rouge et troys qui ne le seront point, et qu’ilz soient frizez et bien fort menuysez;
« Item, deux carquans de la façon de celluy de Mademoiselle, espouze dudit seigneur de Bommiers, et qu'ilz ne soient pas si larges et qu’ilz ne poisent que x escuz chascun ; et esmailler ce qui est desmaillé de la doreure de laditte damoiselle, qui leur a esté baillé avecques ung petit bouton d’or pour ce faire, et la faire aussi grande que les autres ;
« Item, feront deux boëtes d'argent à mectre dragées, du pois de trois margs d'argent les deux ; lesquels troys margs d'argent lesdiz Charles et Loys Faulcons confessent avoir receuz dudit hault et puissant seigneur ; lesquelles boëtes d'argent seront ouvrées tout à l’entour de leur ouvraige.
« Toutes lesquelles choses dessus déclairées lesdiz establissans, et chascun d’eulx pour le tout, ont promis et promectent rendre bien et deuement faictes et parfaictes, selon l’advis cy dessus, de demain prochain en six sepmaines après ensuivans.
« Et est ce fait moiennant la somme de trente cinq escuz d’or cou-
EXTRAITS DES COMPTES 161
ronne, pour la façon desdictes choses, poiables par ledit hault et puissant seigneur audit jour et terme susdit, en lui rendant les choses dessus-dictes faictes et parfaictes selon le divis dessus déclairé.
« Et à ce tenir, etc., etc., lesdiz Charles et Loys Faulcons, et chascun d’eulx pour le tout sans division de partie, ont obligé et obligent eulx, leurs hoirs avecques tous, etc., etc. Et ont renoncé, etc., etc.
mesmement au béneffice de division, fide, etc., etc. Présens à ce: noble homme Nicollas Poulyart, André de La Garde, Guillaume Langlays et autres tesmoings.
« Ainsi signé : Charles Faulcon, J. Leconte, L. Faulcon, J. Rou-
geault.
« J. LECONTE, J. ROUGEAULT.
