CHAPITRE II
ee
1525 (». s.), 3 mars. — Rançon du Prince de Talmond, fait prisonnier à Pavie.
«a Nous François de La Trémoille, prince de Talmont, confesse que le vendredi xxiv° jour de février 1525, me suis trouvé avec le roi de France à la bataille qui se fit cedit jour, devant Pavie ; et ce mesme jour fus pris prisonnier de seigneur François de Mirande, capitaine de la C. M. Y., et de Alvaro de Cartagena, de Andrée de Male, de Galisles de Garchy, de Chevales, et avec eux j'ai fait appointement, de ma volonté, à neuf mil écus soleil pour ma rançon. Laquelle somme de neuf mil écus je promets payer aux dessusdits, quand je serai en ma liberté pour m'’en aller en France, par ces présentes signées de nostre main, le m° jour de mars.
« Nous François de la Trémoille, prince de Talmont, prisonnier de vous capitaine Mirande et de quatre autres gentilshommes, pro-
mets ma foi ne partir d'avec vous sans avoir vostre congé. Et là où
je ferois le contraire, je promets payer double rançon et me pouvez ‘accuser d’avoir faussé ma foi. En tesmoin de ce, j'ai signé ces pré-
sentes ce jour vi® mars 1525. |
Copie. Preuves.
1530, 9 juin. Château de Taiïllebourg. — Contribution de François de La Trémoille à la rançon du roi François I“
« A tous ceulx qui ces présentes lettres verront et orront, le garde du scel estably aux contractz de Taillebourg pour très-haulte et puissante dame, madame la comtesse dudict lieu, savoir faisons que,
par devant les notaires soubscriptz, a esté présent personnellement estably très-hault et puissant seigneur monseigneur Francoys, seigneur de La Trémoille, comte de Guynes, de Benon, et de Taillebourg, vicomte de Thouars, prince de Thalmond, seigneur des isles de Ré, Marans et Noirmoustiers, lequel a faict, nommé et constitué, restably et ordonné son procureur général et messagier espécial assavoir est maistre Jacques Méance, chastellain de Montagu, auquel ledict très-hault et puissant seigneur a donné et donne puissance et mandement espécial d’estreet comparoir pour luy en toutes et chacune ses causes meues et à mouvoir, tant en demandant qu’en défendant, par devant tous juges et commissaires quelconques, et par espécial de comparoir par devant messieurs les senneschal, alloué et
procureur de Nantes, commissaires de par le Roy, nostre sire, depputez et ordonnez pour l’ayde et subvention que ledict seigneur demande aux nobles et tenans noblement en ses pays et duché de Bretaigne, pour la renczon d'icelluy seigneur et recouvrement de messeigneurs les daulphin et du duc d'Orléans, estans en hostaige en : Espaigne, et de déclairer par sermenten la vie dudict seigneur constituant que la somme de deux cens livres tournoys est le dixième de ses terres et revenu noble, charges d'icelluy deduictes et rabattues, qu'il a et luy appartiennent en la comté de Nantes et duché de Bretaigne, et de bailler ladicte somme de deux cens livres aux receveurs où commis sur ce par lesdits commissaires depputez et d'en prendre quictance bonne et vallable, et faire en oultre tout ce que ledict seigneur constituant feroit, faire pourroit et debvroit si présent en sa personne y estoit, promectant avoir agréable tout ce que sera faict et négocié par ledict Méance, sondict procureur, dont dict très-hault et puissant seigneur en a esté juge.
« Ce fut faict et passé au chastel noble de Taillebourg, présens les dictz notaires cy soubscriptz, le 1x° jour de juing l’an mil cinq cens trente. Ainsi signé : de Lousineet Desriches et scellé à double quehue de cire vert. Donné et faict par coppie, collation faite à l'original, par nous notaires tabellions de la court de Nantes cy soubscriptz, le vignt huytiesme jour de juign l’an mil cinq cens trante.
« GAREAU, ROUXEAU. »
Chartrier de Thouars. P.Parch.
1536 (v. s.), 2 janvier. — Quittance de René Allard, marchand à Thouars.
« Je René Allard, marchant, demourant en ceste ville de Thouars, confesse avoir receu de monseigneur, par les mains de maistre Jehan Trotreau, son secrétaire, la somme de seze livres cincq sols six deniers, pour la vendicion de couteaux d’or, de laquelle dicte somme de seze livres cincq solz six deniers tournoiz, je me tiens content par ces présentes, signées de ma main, le segond jour de janvier l'an mil cincq cens trente six.
