VIN

1541 (v.s.). 26 janvier. Paris. — Nomination d'Anne de Laval pour gouverner et administrer la personne et les biens de Louise de Coëtivy, sa belle-mère.

« Françoys, par la grâce de Dieu roy de France, aux séneschaulx de Poictou, Xainctonge, gouverneur de La Rochelle, et à tous noz autres justiciers et offciers qu’il appartiendra, ou à leurs licutenans et à chascun d'eulx en son endroict et regard, salut et dilection.

« Savoir faisons que nous, estans bien et deuement advertiz et acertenez des sens, prudence et bonne conduicte qui est en la personne de nostre chère et amée cousine Anne de Laval, vefve de feu nostre cousin Françoys, sr de La Trémoille, en son vivant chevalier de nostre ordre ; sachant aussi que, pour la vraye, singullière et fidelle amour qu’elle portoit audit deffunct son mary, elle sera pour mieulx et plus curieusement que nul autre prendre garde et avoir l’œil tant au bon traictement et gouvernement de la personne de nostre chère et bien amée cousine Loyse de Coëtivy, contesse de Taïllebourg, que à l’aministracion de ses biens ; à icelle nostredicte cousine Anne de Laval, pour ces causes et autres bonnes considéracions à ce nous mouvans, avons baïillé et octroyé, baïllons et octroyons par ces présentes, le gouvernement et administracion de la personne et biens de ladicte Loyse de Coëtivy, telz et semblables que les avoit nostredit cousin son mary, pour en faire et disposer tout ainsy qu’elle verra et congnoistra qu’il se devra faire pour le bien de ladicte contesse, et tout ainsi que ferions et faire pourrions si nous mesmes retenions ladicte garde et administracion en noz mains.

« Si vous mandons, commandons et ordonnons, par cesdictes présentes, à chascun de vous si comme à luy appartiendra, que de noz présens bail et octroy et de tout le contenu cy dessus vous faictes, souffrez et laissez icelle nostredicte cousine Anne de Laval joir et user plainement et paisiblement, cessans et fai-

es — — —

sans cesser tous troubles et empeschemens au contraire ; et à ce faire et souffrir, aussi à luy rendre compte et reliqua de l'administracion desditz biens, contreignez et faictes contraindre tous ceulx qu’il appartiendra, et qui pour ce seront à contraindre, par toutes voyes et manières deues et raisonnables; car tel est nostre plaisir, nonobstant rigur de droict, usaige, stille, coustume et quelzconques autres ordonnances, restrinctions, mandemens ou deffences à ce contraires.

« Donné à Paris, le xxvj* jour de janvier, l’an de grâce mil cinq cens quarente et ung, et de nostre règne le vingt huitiesme.

« Par le Roy, la royne de Navarre présente,

« Bavaro, »

Chartrier de Thouars. Original en parchemin.