Louis, fils aîné du défunt
esté ordonné six escuz solleil, et 15 solz en oultre pour quelque despence qui avoit esté faicte; et pour ce 14 1. 55.
« À maistre Raphael, aussi médecin, pour mesme cause, un escu ; pour ce 45 5.
« Pour dix livres estouppes employées à embaulmer ledit corps, à 18 deniers la livre, 15 5.
« Pour quatre aulnes toille cirée, baillées par Laurens Mariau, qui a servy au cercun de boys où le corps a esté mys après qu'il a esté embasmé, 20 s.
« Item, pour ledit cercueil de boys baillé par Colin Villeau, 20 s.
« Pour six livres geme et trois livres rouzyne qui y a esté mys, 75.6 d.
« Le dymanche au soir, a estépayé à deux maçons qui ont levé les grans pierres de la sépulture de l’église basse Nostre-Dame, et pour la fosse qu'ilz ont faicte au dessoubz desdictes sépultures en laquelle ont esté mises les entrailles de feu mondit seigneur, comprins pour troys sols de chaux qui y a esté employée, 8 s.
« Item, à Jehan Naudin, pinthier de Thouars, pour le cercueil de plomb ouquel le corps a esté mys — poisant en tout troys cens soixante quatre livres, au feur de 15 deniers la livre — monte la somme de vingt deux livres quinze solz, scelon le pris et marché faict avec ledit pinthier par le maistre d’hostel et autres gentilzhommes de la maison. Et pour ce 22 I. 155.
« À Mathieu Gaultier, appoticaire de feu mon dit seigneur, pour les choses aromaticques par luy fournyes pour l’embaulmement dudit corps, sçavoir est : deux livres aloés, deux livres myrre, benjoyn, storax et autres choses, contenant le tout huyt livres, vallans 101. t. ; pour une livre de parfun faictavec storax, benjoyn etlapdanum, tant à la chambre, jeu de Bille, où l’embasmement fut faict, et à
Sainct Pierre, 60 s. ; pour encens, 25. 6 d. Pour ce 131. 25. 6 d. « Somme de la mise de ce fueillet, soixante quatre livres huict solz tournoys.
Faict par moy R. nes RocHEs
« Aultre mise pour le paintre Jehan Coquillon qui a faict ce qui s'ensuyt, payé par ledict René de La Ville
« PREMIÈREMENT
« Ledict Coquillon, paintre, a faict et fourny l'efigie et représentation de visaige et mains de feu mondict seigneur qui a esté mys en la chambre d’honneur pour l’espace de unze jours... xxx liv.
«a Pour avoir faict douze croix fleuronnées de baterie blanche, à x s. pièce... vi iv.
« Item, pour III° XII escussons qu'il a faictz aux armes de feu mondict seigneur, l’ordre à l’entour, faicts de baterie, pour servir aux autelz, à la listre de l’église, torches et autres lieux nécessaires, à II sols VI deniers pour chacun... xxx1x liv.
a Item, pour six grans tymbres de baterie dorée faictz sur bougran, à X sols pièce. Lx sols.
« Item, pour la paincture du guydon et enseigne... xmr liv.
« Item, pour le tymbre mouillé... xv liv.
« Item, pour la paincture de la banyère et cothe d’armes.. Lx SOIS.
« Item, pour avoir doré les ganteletz et l’espée d'armes... xv sols.
« Item, pour avoir painct en noir quatre lances, six bastons et deux verges... xx sols.
« À Rabyn de Guigne, pour IX° clou à crochet pour tenir les drapz et vellours de la listre de l’église Nostre-Dame, à III sols II deniers, le tout XXXVII sols VI deniers.
« A luy, HIT autres petit clou, IIIT sols pièce... xLr sols vi deniers.
« Îtem, a esté payé en espingles pour atacher les escussons par tout où 11z ont esté mys.. 1x sols vin deniers.
« Au fourbisseur, pour avoir fourby les ganteletz, faict le fourreau de l’espée et la poignée et teste... x sols vi deniers.
« À Michel Vaillant, orfeuvre, pour la façon d’une couppe, une cuyère d’argent, doré les esperons et faict aultre chose, le tout pour servir à l’obsecque, luy a esté payé la somme de... cx sols.
« Somme de ces III articles : huict livres, unze solz, IX den. tz.
« Faict et arreste, par moy, Des Rocxes.
« Parties payées pour le scellier.
« À Bontemps, scellier de Thouars, pour avoir faict le dueil du cheval qui estoit de vellours tout doublé, et avoir fourny de huyt aulnes de toille pour y mectre, Lx sous ;
« Pour une celle garnye de crouppières, sangles, regnes et boutons avecques une longe pour le mener, le tout couvert de vellours, CL sols ;
« Pour avoir faict une saincture et garny les esperons le tout de cuir couvert de velloux, x sols ;
a Il grans couroyes de cuyr fort avecques deux boucles pour lyer le corps sur le brancquart, x sols.
« Pour deux portans de largeur de troys doiz doublés de troys cuyrs fors à supporter le corps le jour de l'obsecque, xL sols.
« Ainsi que le tout est apparu par ses parties qu'il a fournyes scelon le contenu cy dessus montant le tout... vin Liv. x sols.
« Parties de l'appoticquaire, Mathieu Gaultier, pour le lumynaire qu’il a faict et fourny depuys le sabmedi VII: jour de janvier MVCXLI, que mondict seigneur decedda, jusques au lundi VI° jour de febvrier ensuyvant que fut l'obsecque.
« Ledict appoticquaire a faict tout le lumynaire qu'il a convenu, tant les cierges qui ont esté exploictés pendant ung moys alentour du corps, depuys le décès, actendant l'obsecque, qui estoient de une livre chacun, cierges aux églises de Nostre-Dame et Sainct-Médard, à touz les autelz pendant les dymanches VIII janvier, lundi et mardi ensuyvans qu’on fit service à tous venans, cent torches pour le jour de l’obsecque de une livre chacune, IIII autres torches de II livres et demye chacune, VIII: petis cierges de 1 quarteron chacun, tant sur la chapelle ardente que autour de l'église Nostre-Dame, tant hault que bas, le jour de l’obsecque, oultre XLIIT autres cierges de demie livre pièce sur les croisons de ladicte chappelle, seze cierges de une livre pièce sur les autelz Nostre Dame; aussi les cierges des églises Sainct-Médard et Sainct-Laon, où l'on chantoit à tous venans le jour de l’obsecque. Et aultres plusieurs cierges tant grans que petiz, flambeaux, bougyes et autres choses semblables fournies par ledict appoticaire, ainsi qu’il est apparu par le menu de ses parties cy-veues, montans en toute cire jaune III: LXVII livres et demye, à VII sols la livre, scelon qu'il a esté marchandé avecques ledict appoticquaire, monte à VIII III liv. XII sols VI deniers.
« Îtem, pour aultres cierges qu'il a faictz de cire blanche y a em-
AXTRAITS DES COMPTES 49
ployé XXXVII livres et demie, cire au | di de XI sols la livre. xxliv., xn sols, vi deniers.
« S’ensuict la mise qui a esté faicte pour les services des églises de Thouars le lundi VI° jour de febvrier MVCXLI que fut faict l'obsecque et auparavant.
« ET PREMIÈREMENT
« À l’église Sainct-Médard de Thouars, pour les messes dictes et célébrées en icelle par les pbrestres survenans, comprins les messes des vicquaires des paroisses venuz avecques leur équipaige et paroissiens ledict jour de l’obsecque, a esté payé par M° Jehan Chabert, commis au payement desdictes messes, la somme de cinquante et une livres, quatre solz, huict deniers, comprins en ce quelque menue mise, ainsi qu'il est apparu par le roolle desditz pbrestres, montant ladicte somme à... 11 liv. nu sols, vin deniers.
« Item, à ladicte église Sainct-Médard ledict jour, pour le service faict par le curé et compaignons d'icelle, qui a esté troys grans messes à diacre et soubzdiacre, libera, vigilles et autres suffraiges des trespasséz avecques les messes des compaignons de ladicte église, a esté payé L solz, par quictance d’ung des vicquaires, pour ce... L Sols.
« Item, pour la sonnerye de ladicte église, par quictance du clerc d’icelle. xxx sols.
« À l’église Sainct-Laon dudict Thouars, pour les messes basses quy y ont esté dictes ledict jour de l’obsecque par les pbrestres survenans, a esté payé par M° Joseph Paschignart, commis pour en faire le payement, la somme de XXXIII livres VIII sols II deniers,
ainsi qu'il est apparu par le roolle desdictz pbrestres, et pour ce Cy... xxXXI11 Liv. vin sols, 11 deniers.
« À ladicte église Sainct-Laon, pour le service faict ledict jour par les relligieux, qui a esté trois grans messes, libera, vigilles et autres suflraiges avecques les messes basses des relligieux, aussi comprins la sonnerye de ladicte église, chandelles de cire à dire lesdictes messes, et aultre mise, a esté composé pour tout à la somme de... ui liv., xu1 sols, vi deniers. ;
« À l’église Nostre-Dame à Thouars, pour le service qui y a esté faict ledict jour par les chanoynes et chappitre, comprenant les messes basses d’ung chacun. Îtem, troys aultres messes basses dictes oultre en ladicte église. Item, ausdictz chanoynes et aultres de ladicte église pour avoir dict et célébré en oultre par l'espace de vingt six jours auparavant l'obsecque une grant messe à notte, à double chappe, diacre et soubzdiacre, avecques vigilles par chacun desdicts jours, libera et autres suffraiges, pour et à l'intention de feu mondict seigneur, leur a esté payé la somme de vingt six livres par quictance du recepveur de chappitre, pour ce... xxvi Liv.
« Îtem, au secrétain de ladicte eglize pour la sonnerye et aussi pour avoir houssé ladicte églize par deux foiz au hault et nectoyé, par commandement, pour tout... xx sols.
«a Item, à l'église Sainct-Pierre de Thouars, pour le service faict par les chanoynes d’icelle, ledict jour de l’obsecque, scavoir grant messe, libera et vigilles, comprenant XXVIII basses messes desdits chanoynes et pbrestres d’icelle, leur a esté payé, par quictance.… Lxx sols.
« Item, pour la sonnerie de ladicteéglise Sainct-Pierre...xxv sols.
« Îtem, ausdits chanoynes et autres de ladicte églize pour vingt grans messes dictes et célébrées en icelle par l’espace de vingt jours auparavant l’obsecque, qui est pendant le temps que le corps
a demouré en ladicte église, avecques vigilles, libera et autres oraisons des trespasséz, et le plus souvent vespres de mors où Monseigneur a assisté, leur a esté payé par ledict de La Ville par leur quictance... xx liv.
« A l’églize Sainct-Michel-lez-Thouars pour le service faict par les chappelains d'icelle ledict jour de l’obsecque... xxx sols.
a Item, à Missire Mathurin Ferant, pbrestre, pour avoir assisté par plusieurs foys et veillé autour du corps à dire le psaultier, pour la payne qu'il a prinse luy a esté ordonné... xLv sols.
« Item, à l’église des Cordeliers de Thouars pour le service faict en icelle, le dict jour de l'obsecque,parles frères, en comprenant leurs messes basses, leur a esté payé par quictance du scindic du couvent, comprins XX sols qui leur a esté baïllé pour avoir logé l'évesque d’Esbron venu à l’obsecque... vr liv. x sols.
« Item, à l’église des Jacopins, pour le service faict par les frères ledict jour de l’obsecque, comprenant les messes basses, par quictance du recepveur dudict couvent... Lxv sols.
« Item, ledict jour de l’obsecque, à la grant messe pour l’offerte de Monseigneur, Monseigneur le comte et monseigneur de Myrepoix qui portoient le grant dueil, III escus sol... vi liv. xv sols.
« Îtem, au frère prescheur qui a faict la prédication funèbre, luy a esté ordonné en aumosne, en comprenant sa prédication de l’advent, pour tout XIII escus... xxix liv. v sols.
« Îtem, aux Cordeliers et Jacopins qui ont ordinairement esté et jour et nuict autour du corps à dire le psaultier et autres oraisons durant environ ung moys actendant l’obsecque.. x liv.
« Item, est cy compté pour les processions faictes par les églises de Thouars, tant au chasteau que à Sainct-Pierre pendant XXVI jours que le corps de feu monseigneur y a demouré auparavant l’obsecque.
lesquelles processions, c’est assavoir les compaignons pbrestres de l'église Sainct-Médard, les relligieux de Sainct-Laon, les chappelains Sainct-Michel, ceulx de Nostre-Dame, ceulx de Sainct-Pierre, Cordelliers et Jacopins, allant par chacun jour chanter requiem, libera ou autres suffraiges autour du corps, ainsi qu’il a esté ordonné, scavoir à ceulx Sainct-Médard, troys escus, Sainct-Laon trois escus, Sainct-Michel trois escus, Nostre-Dame trois escus, Sainct- Pierre deux escus, Cordelliers trois escus et Jacopins trois escus solleil, et pour ce cy... xLv liv.
« Item, pour l’aumosne généralle qui a esté distribuée le jour de l'obsecque à tous pouvres venans, laquelle aumosne a esté faicte de douzains au lieu de Sainct-Laon par troys portes, baillée par M‘ Jehan Amelon, Jehan Girard et le recepveur de Thouars, la mise de laquelle se monte en tout à la somme de quatre cens quatre vings quinze livres quinze sols tz et pour ce... 11° nr** xv liv. xv sols.
« Aultre mise payée par ledict René de La Ville pour les deffraiz aux hostelleries et ailleurs des prélatx, seigneurs, gentilshommes et autres qui avotent esté mandez pour estre à l'obsecque.
« PREMIÈREMENT
« Pour despence des trois chevaulx de monsieur l’évesque d’'Esbron, suffragant de monsieur l’'évesque de Poictiers de 11 journées et tierce comprenant les surcroys..… xxvir sols.
« Ledict évesque estoit logé aux Cordeliers lesquels en ont esté payés par aultre article.
« Item, pour la despence de maistre Jehan Bouchet et son fiiz à venir de Poictiers à Thouars pour estre à l’obsecque, lesquels on avoit mandez et pour leur en retourner... xLvi sols.
EXTRAITS DES COMPTFS 53
« Item, audit Bouchet qui luy a esté ordonné pour sa robbe de dueil.. xnr Liv.
« A l'hostellerie du Dauphin, à Thouars, a esté paié pour la despence faicte des chevaulx de monseigneur de Chavigny en nombre XXIII et de son train, x Liv. vs.
« Audict lieu, la despence d'une journée des IIII chevaulx de messieurs de la Tour et de Nercay, et cinq journées des chevaulx de monsieur de Lymon, pour tout, xxxvi s.
« Item, à l’hostellerie de Sainct-Julien à Thouars, pour despence des chevaulx et mulletz en nombre seze de monseigneur de Boyzdauphin, et autres logez au dict lieu, var iv.
« Item, au dict hostel despence d’une journée de sept chevaulx de poste amenez par monseigneur de Mezières, Li s.
« Item, à l’hostellerie Sainct-Jacques, la despence de treze journées des troys mulletz de monseigneur de Myrepoix, qui est depuys son arrivée de la court jusques au landemain de l’obsecque, X lv. .
« À l’hostellerie des Troys-Roys pour la despence qui y a esté faicte par monseigneur de Myrepoix et son train, tant chevaulx, gentilzhommes que serviteurs estans en grant nombre, et ce depuys le temps qu'il est arryvé de la court jusques après l’obsecque de feu mon dict Seigneur, lequel seigneur de Myrepoix, madame de Myrepoix, sa femme, et messeigneurs ses enffans actendirent l’obsecque pour y estre et assister avecques les autres parens de la maison, x |. x s. vi d. |
« Item, à la dicte hostellerye, pour le deffray des chevaulx et serviteurs de Robert Fichepain, marchand de l’argenterie du Roy, de plusieurs journées qu'il a esté à Thouars.. actendant l’obsecque, xv iv. xvs.
« À Robin de Guigné, pour despence des chevaulx de monsieur de Vaudoré et autres avecques luy, Lxx s.
« Îtem, pour la despence des chevaulx de monsieur de Censaye, dixaine, de II jours qu'il a esté à Thouars, mit Liv. xuni s.
« Item, pour la despence des chevaulx et serviteurs de monsieur de Basche, et autres avecques luy, xxxvir s.
« Item, pour le deffray des chevaulx et serviteurs de monsieur des Roches-Tranchelion et autres avecques lui, et pour son logis, LXXIII S. VI d.
« Item, pour le deffray des III chevaulx et logis de monsieur de La Broce, de six journées entières et despence d’ung de ses varlez mallade à l’hostellerye, c s. vi d.
« Pour monsieur de Thiors, néant, pour ce que son hoste monsieur de La Chapelle n’en a rien voullu prandre.
«a Pour monsieur de la Bourgongnère, néant, pour ce que ses gens. n’ont voullu permectre qu'on n’ayt payé à leur logis, disans qu'il l’avoit deffendu par exprès.
« Pour despence au logis de monsieur des Granges, cappitayne de Thallemond, qui avoit esté mandé, de ses serviteurs, chevaux et logis, a esté payé la somme de nu liv.rrs.
« Îtem, pour la despence de unze chevaulx de monsieur l'abbé de Ferrières, logez à La Vau, et despence de III ses gens, durant deux jours qu’il a demouré à Thouars, ci s. Sa personne estoit logé à Saint-Michel, cheux monsieur des Pierres.
« Monsieur l'abbé de Brignon estoit logé à son logis à Thouars.
«a Monsieur l'abbé de Champbon à son logis.
« Monsieur l’abbé d’Asnyères à Sainct-Laon, pour son deffray, chevaux et personnes, xx s.
a Aultre mise commune faicte par le dict de La Ville pour le faict du dict obsecque.
« À esté baillé à monsieur de Tilly, gouverneur de Taillebourg, qui luy a esté ordonnée pour sa robbe de dueil, xn liv.
« À monsieur de La Broce pour mesme cause, xr1 Liv.
« À Monsieur de Boysmorand, aussi pour sa robbe de dueil, XII Liv.
« Item, pour les robbes de dueil ordonnées, pour le recepveur de Thouars, x liv. ; l'appoticaire de feu Monseigneur, x liv. ; pour monsieur de Belleville, xu Liv. ; Jehan de La Ville, x liv.; le brodeur de Madame, Jehan Rubeis, x liv. ; Pierre Aublanc, l’ung des
vyvandiers de la maison, x livres.
«a S’ensuyt l'ordre qui a esté tenu à marcher le jour de l'obsecque en enterrement de feu monseigneur Françoys de La Trémoille, vicomte de Thouars, qui trespassa audict lieu le samedi VII jour de janvier MVCXLI. Ledict enterrement faict le lundi VI jour de febvrier ensuyvant.
« Le corps fut prins à l’église des Jacopins audict lieu de Thouars, environ les neuf heures du matin pour estre porté à l’église Nostre- Dame au chasteau où messeigneurs de La Trémoille ont esleu leur sépulture.
« PREMIÈREMENT
« Marchoient cent pouvres vestuz en dueil, oultre ceulx que la ville a baïllez, allans tous par ordre des deux coustés de la ruhe, conduicts par les quatre sergens royaux de ladicte ville.
« Lesquels pouvres n'entrèrent poinct en l’église Nostre-Dame et
passans oultre ung peu se rengèrent des deux coustés affin que le clergé passast par entreulx.
« Après lesdictz pouvres marchoient les gens d'église tant des paroisses champestres que ceulx de la ville, chacun en son ordre pour la conduicte desquelz y avoit douze personnes de la ville de ceulx de robbe longue pour y faire tenir bon ordre.
« Après marchoient les prélats chacun en son ordre.
« Et à l’arryvée près l’église Nostre-Dame passèrent oultre les mandiens, le clergé et les paroisses jusques en la grant court du chasteau, passans entre les pouvres qui estoient arrangez au dessoubz de ladicte église, tous atendans 1à, jusques à ce que le corps et le dueil fussent entrés en ladicte église avecques la suycte dudict corps.
« Et entrèrent en ladicte église les chanoynes et habituéz d'icelle, les chappéz et prélatz, puys cella faict, lesdictes paroisses et gens d'église se retyrèrent chacun en son ordre pour aller chanter aux églises et faire leurs services.
a Et après lesdictz prélatz, marchans en bon ordre, marchoit ung cheval tout couvert de veloux noir que l'escuyer menoit par la bryde, qui estoit Verniettes.
« Après, la cothe d'armes que portoit Baillou.
« Après, le guydon que portoit monsieur de La Brosse.
« Après, l'enseigne que portoit monsieur de Chasteauneuf.
« Après, l’espée, les ganteletz et esperons que portoit monsieur de La Chappelle-Boisryon.
« Après. le heaulme que portoit monsieur de La Rivière.
« Après, l’ordre que portoit monsieur de Boysmorant.
« Après, la banyère que portoit monsieur de Baulche.
« Après marchoit seul le lieutenant de la compaignie qui estoit monsieur de Roncée. |
« Après, marchoient troys aumosniers en ranc avecques leur dueil, qui estoient l’aumosnier de madame de Taillebourg, mère de feu mondict seigneur, l'aumosnier de madame vefve et celluy de monseigneur qui à présent est seigneur.
« Après, marchoit l'aumosnyer de feu mondict seigneur qui précédoit le corps avecques la croix, lequel aumosnyer estoit accompaigné de messieurs l'abbé des Pierres et chantre de Cœtivy, curé de Sainct-Médard.
« Après, LE CORPS qui estoit porté par les jeunes gentilzhommes de la maison sur les espaulles avecques des brancquartz, qui estoient messieurs de La Berlandière, de Beaulieu, de Barbegières, Lalemant, Ruye, Corberande, Roncée, Les Granges et Martinière.
« Item, quatre personnes à porter les quatre coings du drap estant sur le corps, qui estoient messieurs de Mézières, de Chavigny, de Boisdauphyn et de Cenzay, tous en dueil.
«a Après marchoit le grand dueil qui estoit porté par monseigneur, qui à présent est monseigneur le comte et par monsieur de Myrepoix.
« Et y avoit troys jeunes gentilzhommes de la maison pour porter les queuhes dudict grant dueil, scavoir est pour mondict Seigneur, La Rivière, pour monseigneur le comte, Aultry, et pour monsieur de Myrepoix, Potyn.
« Après, marchoient les deux maistres d’hostel servans avecques leurs bastons, qui estoient messieurs de Sainct-Martin et de Prelles, et après eulx les aultres gentilzhommes de la maison.
« Après, tous les officiers de la maison en dueil.
« Après, marchoient le séneschal de Thouars, chastellain, procureur, advocat et aultres officiers de la justice.
« Après, marchoient messieurs de La Bourgongnère, Roches-
Tranchelyon et aultres semblables, avecques les autres seigneurs et gentilzhommes non portans dueil.
« Après, les bourgeois, manans et habitans de la ville et aultres.
« Et fut dit en ladicte église Nostre-Dame deux grans messes, environ sept et huyt heures, premier que le corps y fust apporté.
« La troisiesme grant messe fut dicte et chantée par monsieur d'Esbron, suffragant de monsieur l’évesque de Poitiers.
« Et pour ordonner de l’ordre et des seremonyes estoient messieurs les commissaires Roncée et de Tilly, gouverneur de Taillebourg.
« Et fut à ladicte troysiesme grant messe faict le sermon par ung jacopin de Thouars, nommé frère Pierre Guiller dict Dayrenau. »
Ch. de Thouars. Papier.
1548 (v. s.), 30 janvier. — M'"° Jean du Prillot, organiste de feu monseigneur de La Trémoille, confesse avoir reçu de Madame un mandement de la somme de cinquante livres tournois à lui dues pour raison des orgues qui sont en l'église Nostre-Dame du château de Thouars.
Ch. de Thouars, Original papier.
1524, 24 septembre. Craon. — Copie de lettre relative aux guerres d'Italie.
« Monsieur le vicaire, Madame a eu aujourduy nouvelles que le roy et l’empereur sont praitz à leur en donnez la bataille et avons bon besoing de appellez Dieu à nostre aide et secours. Madicte dame m'a commandé vous escripre que vous ayez a faire le plus brief qu’il vous sera possible processions généralle et incitez le peuple qui ce mecte en bon estat et dévotion ; priez Dieu qu’il luy plaist nous aydez et donnez victoire contre nos ennemys et la paix, qui sera la fin, après m'estre recommandé à vous, priant le Créateur vous donnez ce que désirez.
« De Craon, XXIIIIe de septembre.
Le VosTRE ».
Ch. de Thouars. Pap.
1527 (v.s.) 4 avril. Annet.—« Provision de lieutenant pour le Roy ès gouvernemens de la Rochelle, Xaintonge et Poictou à monseigneur de La Trémoille. »
« François par la grâce de Dieu, roy de France, à tous ceulx qui ces présentes lettres verront, salut.
« Comme par les nouvelles que avons eues de nos ennemys ils ayent entre autres choses conclud et délibéré faire descente en nostre ville de La Rochelle et pays d'environ, Poictou, Sainctonge et autres lieux estans le long de la rivière de La Charente, pour à quoy résister et obvier, au bien, seureté et conservation de nostre royaume, soit requis et nécessaire commectre et depputer de par nous, esdictes villes, lieux et pays, nostre lieutenant général quelque bon, vertueulx et notable personnaige ayant puissance et auctorité esdicts pays, et qui soit à nous et à nostre royaulme seur, loyal et stable.
« Savoir faisons que, nous, ce considéré, confians à plain de la personne de nostre très cher et amé cousin le seigneur de La Trémoille, chevalier de nostre ordre, et de ses sens, vertuz, vaillance, loyaulté, intégrité, expérience et bonne diligence, saichant aussi le bon voulloir et affection qu'il porte au bien des affaires de nous et de nostre royaulme, icelluy, pour ces causes et pour le pouvoir, crédit et auctorité qu’il a èsdicts pays, esquelz il a plusieurs places, villes et chasteaulx d'importance, au moyen desquelz il sera pour plus nous faire de service, avons faict, constitué, ordonné et estably, faisons, constituons, ordonnons et establissons, par ces présentes, nostre lieutenant général esdictes ville de La Rochelle, pays d’environ, Xainctonge, Poictou et autres villes et lieux estans le long de ladite rivière de la Charente, et luy avons donné et donnons plain povoir, auctorité et mandement espécial de vacquer et diligemment entendre à tout ce qu'il verra estre requis et nécessaire pour empescher
la descente de nosdicts ennemys, et pour le bien, seureté et defense desdictes villes, lieux et pays; et pour ce faire, selon que l’affaire le requerra, les faire pourveoir, fortiffier et remparer le mieulx que possible sera, assembler et faire venir par devers luy tous les seigneurs, gentilshommes et autres, de quelque qualitez et condicion qu'’ilz soyent, demourans esdicts lieux et pays, pour adviser et délibérer avec eulx ce qu’il sera utille, nécessaire et proffitable pour le bien et seureté desdicts lieux, villes et pays, et leur commander et ordonner ce qu’ilz auront affaire pour nostre service ; de mander aussi et faire assembler, si besoing est, noz ban et arrière-ban, communaultéz, gens de ville et plat pays, pour iceulx employer et exploicter au reboutement de nosdicts ennemys et empescher qu'ils ne facent aucunes descentes en nostredict royaulme le long de ladicte rivière de la Charente, d’entrer fort et faible en nostredicte ville de La Rochelle et autres villes, lieux et places dessusdicts, pour regarder et adviser en quel estat elles seront, et commander et ordonner tout ce qu'il congnoistra que besoing sera, pour la deffence et conservacion d’icelles, et y mectre telz cappitaines et nombre de gens qu'il advisera pour le mieulx, en manière que inconvénient n’en puisse advenir, de tauxer et ordonner de tous voyaiges, sallaires et vaccacions qu’il conviendra faire pour l’effect que dessus, et sur ce bailler ses ordonnances, signées de sa main et scellées de son scel, suyvant lesquelles nous ferons expédier acquitz suffisans et vallables à ceulx qui feront lesdicts payement, et générallement de faire en ceste présente charge, ses circonstances et deppendances, tout ce que ung lieutenant-général et bon chef doit faire et en telle forme et manière que nous mesme ferions et faire pourrions, si présent y estions en personne, jacoyt que la chose requist mandement plus espécial, et ce toutesfoys durant ce présent affaire et jusques à ce que par nous autrement en soit ordonné. Si donnons en mandement, par cesdictes présentes, à tous noz lieutenans, baïlliz, senneschaulx, gouverneurs, cappitaines et autres noz justiciers, officiers et subjectz que, a nostredict cousin et seigneur de La Trémoille, ès choses dessusdictes, ilz obéissent et facent obéyr et entendre diligemment tout ainsi que à nostre propre personne, sans y contrevenir en quelque manière que ce soit. Car tel est nostre plaisir. En tesmoing de ce nous avons signé ces présentes de nostre main et à icelles faict
mectre nostre scel.
« Donné à Annet, le ITIleme jour de avril l'an de grâce mil cinq cens vingt et sept avant Pasques, et de nostre regne le quatorzieme.
« FRançoys.
« Par le Roy, le seigneur de Montmorency, grant maïstre, mareschal de France, et autres présens.
» ROBERTET
Chartrier de Thouars. P. Parch.
