Claude de Foix, femme de Guy XVII de Laval
pour agréable. Aussi j'ay entendu que monsieur mon frère ce vante que à son retour, j’auré ung petit nepveu. Plust à Dieu qui fust ainsi, d'aussi bon cueur que je le désire. L’espérance que j'en ay me faict vous envoyer des poix en gousse, qui est viande de femme grosse. Je me suys avancée de les vous envoyer de peur que en eussiez envye premier que l’on en peust recoupvrer, qui sera l’endroict où je feré fin, madamoyselle ma sœur, après me estre recommandé humblement à vostre bonne graice et supplye nostre dict Seingneur, madamoyselle ma sœur, vous donnez bonne et longue vie. A Craon... »
« Madamoiselle ma sœur... Je suys bien desplaisante que je n’ay le sixiesme lyvre d'Amadis que demandez, mais je n’en ay que jucques au cinquiesme et ay desjà mandé plussieurs foiz au précepteur de mes enffans à Paris le m’envoyer, mais je pence qu’il crainct le m'envoyer pour la mortallité qui est audict lieu, car je serois bien ayse de vous en faire service et de tout ce que aurez jouas.… » |
« Mon filz, j'ay receu les lectres que m'avez escriptes et veu comme estes aryvé à Arques, où est le Roy, et messieurs qui à ce que dictes avez eu cest heur d’avoir bon recueil qui ne scauroit estre meilleur que je le souhaytte pour vostre honneur et bien et pour le contentement de ceulx qui vous touschent de plus près. J’ay esté très aise d’avoir entendu des nouvelles de vostre frère, le conte, car despuis qu’il est party je n’en ay entendu aucune chose synon ce que m'en escripvez, vous priant contynuer à m'en mander ce qu’en pourrez scavoir et de voz nouvelles et de ce qui surviendra de nouveau, car plus grant aise et plaisir ne scaurois avoir. J’ay trouvé très-beau le présent que m'avez envoyé du perroquet et de la guenon que je mectray peyne de bien traicter. Il me semble que ne scauriez mieulx faire que de souvent aller en la compaignie de monsieur, mon frère, qui je suys seure, pour l'amour de moy, vous fera bonne chère. Je trouve bien estrange, que auparavant vostre partement de Thouars vous n'’aviez pas autrement donné ordre pour nos affaires. Ces jours passez, monsieur l’archediacre du Bellay m'a envoyé des lectres pour estre payé des mil livres que je luy doibtz que m'avez mandé avoir payée. »
Chartrier de Thouars. Pap. .
