BRETON
Chartrier de Thouars. O. parch.
1533, 10 avril. Thouars. — Lettre de François de La Trémoille à André Vateau, aumônier et précepteur de ses enfants.
« Aumosnier, affin que nos enffans soient bien serviz ainsi qu’il appartient et qu’ilz ne perdent temps, vous aurez six serviteurs avecques vous telz que verrez estre gens de bien et scavans, assavoir quatre qui auront chacun quinze livres par an et deux aultres pour servir à la cuisine et pour pancer les deulx mulles, auxquelz l’on donnera à chascun cent solz, et là où vous congnoistrez qu’ilz ne feront leur debvoir au service de nosdictz enffans, incontinant les satisfferez pro rata du temps qu’ilz auront servy et prendrez d’autres gens scavans et de bonne vie. Et satisferez ceulx qui ont servy au passé. Vous communicquerez la présente à Ferron affin que vous et luy y donniez bon ordre, car aultrement nous en prandrions à vous, comme ayant totalle charge, qui sera la
fin, priant Dieu, aumosnier, vous donner ce que désirez. De Thouars, ce X°
avril.
« De La TRÉMoILLe.
« J’ay sceu que le plus souvant que les serviteurs ne veullent parler latin en la chambre de nosdictz enffans, ce que je n’entends; et veulx que ordinairement ils parlent latin affin de leur continuer de mieulx en mieulx la langue latine. »
Ch. de Thouars. Pap.
1533. — Lettre de François de La Trémoille à André Vateau, aumônier et précepteur de ses enfants.
« Aumosnier, à ceste heure j’ay receu vostre lettre du X+ de ce moys, je suis bien aise de la santé et latin qui continue en mes enffans. Le plus toust entrer au collège de Navarre sera le meilleur pour l’usance des princes qui si tiennent, mesmement des enfans de monsieur de Guyse, pour satisfaire à plus de bien et bonne volonté de monsieur le cardinal de Bourbon qui m’en parla. Ne prenez gens que de service et sans m'en advertir du tout. Je vous envoye trante escuz pour le moys commenczant le IX° may Ve xxx, car tout est payé jucques à là, envoyez m'en vostre récépissé par ce porteur, les vous recommendant comme moy-mesmes. »
Ch. de Thouars. Pap.
1536 (v. s.), 29 mars. — Quittance de Pierre Jacques, principal du collège de la Petite Sorbonne, pour la pension des enfants.
« Receu par moy Pierre Jacque, principal du collège de la petite Sorbonne dict Calvy à Paris, de vénérable et discrète personne monsieur maistre André Wateau, aulmosnier de hault et puissant seigneur monseigneur de La Trimouille et gouverneur de messieurs ses enffans, la somme de vingt livres tournoys, pour demye année commenczant le XIIIe jour d'octobre dernier passé et finissant le XIIIe jour d’apvril prochainement venant, des chambres et lieux qu’ilz occuppent audict collège, de laquelle somme de xx livres tournoiz tiens quitte mondict sieur l’aulmosnier et tous autres. Faict le XXIXe jour de mars mil Ve xxx six, avant Pasques.
« P. Jacogus. »
Ch. de Thouars. Pap.
1538, 1° juillet. — Articles pour le mariage de Louise de La Trémoille avec Philippe de Lévis.
« Messire François, seigneur de La Trémoille et madame Anne de Laval, son espouse, par contraict de mariage, ont donné à messire Phelippes de Lévys et damoiselle Loyse de La Trémoille, leur fille, la somme de cinquante mil livres tournois pour tout droict de succession, tant advenu que advenir, et moyennant ce y renoncer ; et pour assiette et payement de ladicte somme, parce
qu’elle ne fut payée comptant, fut baïllée la somme de XVII: tant livres de rente au fur de cinq pour cent, qui est cent livres de rente pour trois mil livres, et pour le payement de laquelle dite rente fut baïillé audict de Levys deux terres appartenans audict seigneur de La Trémoille, nommées Rocheffort et La Possonnière pour XV: livres, et le reste fut assigné sur le revenu général dudict seigneur de La Trémoille. Assavoir si ladite dame Anne de Laval seroit tenue pour la moictié et si on l’en pourroit contraincdre et sy elle en pourroit estre rellevée ou quelque autre bon moyen que le conseil pourra sur ce adviser. »
Chartrier de Thouars. Pap.
1538, 26 septembre. Thouars.— Lettre de François de La Trémoïlle à François Le Bret, juge de la prévôté d'Angers.
« Maistre Franczois Le Bret, j'ay esté adverty que touteffoiz et quantes que je marie ma fille aisnée que, par la coustume du pays d'Anjou, mes subgectz, tant nobles que rosturiers, me sont tenuz aider. Advisez à diligemment y procéder pour recouvrer ce qui m’en appartient,et me mandez l’ordre que y aurez donnée. Je vous en envoye lectres, en particulier, adreissantes à mes officiers de Rocheffort,La Possonnière,La Basse-Guierche, Briolay, La Roche-d’Iré,Chasteauneuf, Le Buron et Sainct-Germain, que leur ferez tenir seurement.
« Je vous envoye ung adjournement que m'ont faict bailler les religieuses d’Angiers, touchant les boys de Rocheffort. Vous y prandrez garde que je n’y soys sourprins et veoir quelle enqueste elles veullent faire, et me advertissez de ce que y aurez faict; qui sera la fin; priant Dieu, maistre Franczois Le Bret, vous donner ce que désirez.
« De Thouars, ce xxvie de septembre (1538).
« Le tout vostre « F.ne La TRÉMOILLE. 9
1538? 3 octobre. Thouars. — Lettre de François de La Trémoulle à Louis III, son fils aîné.
« Loys, pour responce à voz lectres des neuf et vingt cinquiesme du moys passé, je feys responce aux lectres qu’il a pleu au Roy m’escripre, si estez party comme je pence veu le contenu de vos lectres les envoyrez à Courtin pour les bailler à Monseigneur le connestable pour les présenter. Je trouve bien estrange comme sur la lectre de Guerry sans ce que je vous aye rien mandé estes party et que ce n’ayt esté par le bon voulloir et commandement du Roy en sa bonne grâce et de tous les autres à qui la devez, sans avoir sollicité mes affaires ne avoir faict le devoir qu’aviez tant dict et escript que feriez, et davantage de la grosse despense que faictes, car il appert que depuis le septiesme du moys de juillet derrenier, que vous partistes, jusques au huytiesme de ce moys que dictes que partirez, avez receu deux mil quatre cens soixante quinze livres, assavoir deux mil deux cens soixante quinze livres de moy et deux cens que monsieur de Puybouillart a presté, desduict soixante unze livres neuf solz pour extraordinaires et cent neuf livres cinq solz pour l’arrest du derrenier compte de Jean de La Ville; néantmoins auriez deppendu pour chacun desdicts troys moys, desduict ce que dessus, sept cens soixante quatre livres quinze solz pièce et la portion d’une pièce, qui seroytentièrement contrevenu à mon voulloir et ordonnance de cinq cens livres par moys; davantage que demandez argent pour achapter chevaulx, habillemens, et pour voz menuz plaisirs, aussi l’auctorité et grâce de quoy usez par vos lectres, qui me rendent le desplaisir que vous pouvez entendre que je remectz à vostre arrivée à vous en dire plus amplement mon intencion ; joinct si avez failly à vous acquicter où vous devez et pour
mes affaires ou tant de payne et travail je prans, quy sera la fin, suppliant Nostre- Seigneur qui vous ait en sa garde. De Thouars, ce IIIe d'octobre.
« Votre bon père,
« DE La TRÉMOILLE. »
Chartrier de Thouars. Papier.
1538, 16 novembre. Thouars. — Procuration donnée par François de La Trémoille pour le mariage de son fils aïné.
« Nous Franczois de La Trémoille, chevalier de l’ordre, gouverneur et lieutenant général pour le Roy en Poictou, comte de Guynes, de Benon, vicomte de Thouars, prince de Thalmond, baron de Craon, de Suly, Montagu et L’Isle - Bouchard, seigneur des isles de Ré, Marans et Noirmoustier. Comme le bon voulloir du Roy, nostre sire, et la Royne de Navarre, soit que Loys de La Trémoille, nostre filz aisné et la fille aisnée de monsieur le connestable soient conjoincts par mariage. Savoir faisons nous avoir commis et depputez, commectons et depputons noz chers et bien amez maistre Jehan de Sainct-Avy, abbé des Pierres, Franczois d’Availloles, seigneur de Roncée et Jehan de Ravenel, seigneur de La Rivière, ausquelz nous avons donné plain pouvoir et mandement espécial pour, sur ledict mariage, entendre le bon plaisir du Roy, nostredict seigneur, de la Royne de Navarre et dudict seigneur connestable, leurs commis et depputez afin de traicter les articles et convenances sur ledict mariage futur, o le bon plaisir dudict Seigneur et Royne de Navarre. Et en tesmoingn de ce nous avons signé ces présentes de nostre main et faict sceller du scel de nos armes.
« Donné en nostre chastel de Thouars, le seziesme jour de novembre, l’an mil cinq cens trante huit.
«a De La TRÉMOILLE. »
Chartrier de Thouars. Parch.
Vers 1540, 20 avril. Paris.— Lettre de Jean de Ravenel à François de La Trémoille.
« Monseigneur, j’ay receu les lettres qu’il vous a pleu m’escripre par Massoteau, lequel arryva yci le lundy de la sepmaine saincte et vous promectz ma foy, monseigneur, qu’il estoit temps qu'il arrivast, car j'estois à bout de mon crédit. Je vous supplie très-humblement, monseigneur, ne voulloir pancer qu’on puisse vivre au train que nous sommes pour quatre cens frans par moys, car nous vivons de la plus grant reigle qui nous est possible, et en avons despendu les deux derniers moys passez près de cinq cens, comme il vous plaira veoir par l’estat des bureaulx. Il ne fut james nouvelles que les vivres feussent si chers en ceste ville comme ils sont de présent, et ne voy pas, sy Dieu n’y mect remedde, qu'ilz puissent amender, car l’on dit que la gelée a faict du mal beaucoup. Monseigneur, touchant ce qui vous plaist me mander que je ne vous ay emplement déclairé ce que messieurs le prince et de Mézières ont faict deppuis qu’ilz sont arryvez yci, je ne croy point que ne ce soit esgaré quelques lectres car je pance y avoir bien satisfaict ; alors qu'ilz arryvèrent en ceste ville, il y avoit grant quantité d’enfans de bonne maison comme celuy de Lorenne, ceulx de Vendosme, de Nevers, de Guyse, de Rohan, tous triomphans et bien empoinctz qui n’est possible de mieulx, dont la pluspart estoyent du tournoy, et mesme monsieur de Marle, filz ayné de monsieur de Vendosme, mena dix hommes d'armes
sur les rans, les aultres estoyent de la bande de monseigneur le Daulphin, fors ceulx de Rohan qui n’en ont point esté, et disoit que s’est à cause de la mal- Jadie de mondict sieur de Rohan dont il pert bien encores.
« Monseigneur, je vous ay escript que monsieur le prince présenta vos lettres au Roy en sa garde robbe au matin après qu'il feust prest, lequel ne les regarda point et les baïlla à monsieur le grant maistre et ne parla point à mondict sieur le prince, combien que monseigneur de Laval le luy présentast;et au party de là feurent présentées celles que escripviez à mondict sieur le grant maistre, lequel est fort sobre de parolle ; despuis mesdicts sieurs ont souvent esté au levé et au disgner du Roy où monsieur le cardinal de Lorrenne et mondict sieur le grand maistre et plusieurs aultres leur font grand chère.
« Monseigneur, je vous ay aussi escript que monsieur de Humyères présenta mesdicts sieurs à messieurs qui leur feirent assez bon recueil et deppuis se sont jouez avecques eulx, mais ils sont et forts et ruddes, et par espécial monsieur le Daulphin s'adresse tousjours à monsieur le prince parce qu’il est petit et semble de sorte que mondict sieur le prince le craint, dont je ne m'esbays pas ung brin, car par troys ou quatre foys il a faict pleurer, et pour ceste raison les seigneurs qui avoyent amené leurs enfans les ont tous remmenez et n’y a plus que monsieur de Nevers qui est yci avecques sa mère, qu'on dit qui s’en va bien toust, et mesdicts sieurs de Rohan ne bougent point d’yci.
« Monseigneur, nous allons souvent chez madame et cheulx la royne de Navarre, mays il y a long temps qu’on n’entra en la chambre de madicte dame à l’ocazion de sa malladie, qui deure encores, et ne feust cela la court feust deslogée de ceste ville. Le Roy et messieurs ont faict leur feste au Boys de Vincennes. Les dames n’ont point bougé du Louvre. La Royne a pareillement esté mallade. L’on n’est encores asseurté quel chemyn l’on tiendra au party d’ycy. Le bruyt a courut fort que le Roy yroyt à Annet cheulx le grand seneschal qui est fort mallade. Il y a beaucoup de voz serviteurs qui desireroyent bien que feussiez ycy, s’il va de vie à trespas, pour demander l'office de premier chambelan et sa compaignie, ce qui ne pourroit advenir sans vostre présence, et ne voy point pareillement de seureté en vostre pention, car je vous promectz, monseigneur, que quelque excuse qu'on puisse faire pour l’indispocision de vostre personne, on pance que ce soit de paeur de faire mise et messieurs les
mignons tiennent souvent propos que estes tout plain d’escutz et n’est possible leur faire entendre que soyez endebté, quelque serment que l’on puisse en faire. [1 me semble, monseigneur, que feriez bien de faire ung voyage quelque part que soit la court, et croy que y seriez le bien venu, car il n’y a plus personne, tous les seigneurs s’en sont allez. Monsieur le grant maistre est allé veoir son père à Escoan, lequel est aussi fort mallade, mais je croy qu’il sera aujourduy de retour. Monsieur l'admyral a faict sa feste à Brie-Conte-Robert et revyendra aussi ung de ses jours. L’on a faict gros bruyt que le Turq estoit en Cécile et Calabre, mays se bruy n’a contynué. i on oict que l’empereur est en Flandres et qu’il y a grosse diversité en Alemaïigne pour ses Lutériens.
« Monseigneur, il me semble que mondict sieur le prince fait assez bien son devoir pour la court, mays pour l’escolle je n’y voy grant amendement. Monseigneur d'Orléans les feit saulter, jouer, luter luy et le jeune de Rohan, où mondit sieur le prince feist fort bien son devoir et à batu l’aultre.
« Ila passé se caresme le mieulx du monde sans mengier cher ni œufz etestde présent aussi saing que je le veyz oncques. Monsieur de Mézières joue souvent à la paulme avecques messieurs, aulx barres avecques monseigneur d'Orléans. Monseigneur le Daulphin prend ses passetemps solitayres et ne veulx qu’il y ait avecques luy que ceulx qu’il entend et-la pluspart du temps il ne veulst que piocher en terre et de quelque chose qu’il veuille faire, bien ou mal, on luy contredict peu. Monsieur de Humyères luy en dit son advys, mays il n’en faict rien si ne luy plaist, et dict l’on que le Roy veult qu’ilz soyent nourys en cette liberté pour leur houster la craincte de lasubjection qu’ilz ont heue en Espaigne. Je foys grand doubte qu’ilz n’en vauldront de rien mieulx.
« Monseigneurje prye Nostre Seigneur vous donner très bonne vie et longue. De Paris ce XX®e jour d’apvril.
« Vostre très-humble et très-obéissant serviteur, De RavenEL.
« Monseigneur, deppuis seslettres escriptes, j’ay receu des lectres de monsieur l'abbé des Pierres qui m’a escript vous avoir faict requeste en ma faveur de me
donner la garde du parc Chaslon et que luy avez faict responce que en avez pourveu le filz de feu Bellemarion, qui me fait pancer que je perderois temps de vous demander une meilleure chose, combien que je la pance bien mériter, mays ma fortune est telle que de quelque chose que je vous demande j'en suys toujours refuzé, ce qui me semble bien estrange, veu qu’il y a plus de cent ans que mes prédécesseurs et moy sommes au service de vostre maison sans y avoir eu aucun reproche. Et dernièrement à la bataille de Pavye, mon frère mourut faisant service à feu monseigneur (que Dieu abseulle) et, ne feust la malladie qui me survint en chemyn, je eusse mys peyne d'y faire mon devoir. Quant il vous plaira, Monseigneur, vous y aurez esgart..…. »
Chartrier de Thouars. Pap.
Différentes lettres non datées d'Anne de Laval
« Messieurs, j'ay esté advertye par mes officiers de Craon que a esté saisy ma baronnie et seigneurie de Craon par deffault d'avoir obéy à l’arrière-ban dernier. J’envoye mon senneschal et secrétaire porteurs par devers vous pour vous demander délivrance. Je vous prie de bon cueur, messieurs, me traicter gracieusement comme une femme vefve qui a souffert beaucoup de perte et aussi que mon filz aisné a esté à la guerre au service du Roy et pareillement mon filz puisné, le conte, au voyage de Marseille, auquel il m’a convenu baïiller grand nombre d'argent, aussi qu’il m’a tousjours esté escript de la court par mes amys que je n’estois en rien subjecte à l’arrière-ban, par quoy, je vous prie de rechef me y faire au myeulx que pourrez et vous me ferez bien grand plaisir que je recongnoistray à l’endroict où verrez que j'auray puissance qui sera fin suppliant le Créateur vous donner ce que désirez.
« Escript à Craon ce XVIIe de febvrier.
« La plus que toute vostre. »
« Monsieur Le Febvre, je me recommande à votre bonne grâce. Je vous ay autrefoys escript, prié et requis qu’il vous pleust expédier ung procès qui est entre les religieux du prieuré de Sainct-Clément contre les chanoynes et habituéz de l’église de Sainct-Nicolas de Craon, scituée en mon chasteau de Craon. Il est question de chose qui concerne le service de Dieu, comme processions et sermons que lesdictz religieux veullent empescher ausdictz chanoynes, que ne leur porte nul préjudice, et de moy vous entendrez, s’il vous plaist, que je ne m'en puys ne me veulx passer. Je suys loing de la paroisse et les chemyns sont très-malaisez, et de tout temps on a aacoustusmé faire processions et sermons en ladicte esglise qui est d’ancienne et belle fondacion, comme on a acoustumé faire en toutes autres églises collégiales et Notre Seigneur est très-bien servy et plus solennellement qu’il n’est en la paroisse.
« Je vous supplye, monsieur Le Febvre, y avoir considéracion et vous asseure que je le foys pour l'honneur de Dieu et vous requiers de rechief nous en faire briefve expédition, et s’il vous plaist chose qui soit en ma puissance pour vous ou pour les vostres, je le feray de très-bon cueur, aydant le Créateur, lequel je supplie vous donner bonne et longue vie. De Craon, ce VIII:< de juillet. »
« Ma fille ‘, j'ay chargé ce porteur de passer par Fontevraux. Je vous prye regardez sy pourez recoupvrez ung corporallier qui soit beau et riche, car c’est pour monsieur de Doul*? et le m'envoyer par ledict porteur. Je vous en feré la récompense telle que adviserez.. Il me semble que feriez bien donnez les estrainnes à monsieur de Doul, cela luy pourroit donnez occasion de vous faire quelque bien, et adieu, ma fille. »
« Madamoyselle ma sœur ?, j'envoye ce porteur exprès pour savoir de vos nouvelles. Monsieur de La Grilonnière m'a dict que vous trouviez mal de vostre reusme, m'a dict que n’avez guères de fruictz à Vitré. Je vous en envoye de ceulx de mon jardrin. Je suys bien marye qu’ilz ne sont milleurs et qui ny en ait plus largement, vous suppliant, madamoyselle ma sœur, avoir le présent
1. Charlotte de la Trémoille, qui prit le voile à Fontevrault, le 10 janvier 1535. 2. François de Laval, évêque de Dol.
