GAUVAIN
Chartrier de Thouars. Pièce papier.
1560, 3 janvier. Orléans. — Charles IX abandonne tous les droits seigneuriaux qu'il peut avoir sur les terres de Louis IIT de La Trémoille en considération des services rendus par lui et ses prédécesseurs à la couronne.
« Charles, par la grâce de Dieu roy de France, à noz amez et féaulx conseillers et trésoriers de France establiz à Tours et Poictiers, et à chascuns d’eulx si comme à luy appartiendra, salut et dilection. Nous voullons et vous mandons que par ceulx de noz receveurs ordinaires qu’il appartiendra et à qui ce pouvoir touche, vous faictes paier, baïiller et délivrer comptant à nostre cher et amé cousin Loys, seigneur de La Trémoille, chevalier de nostre ordre et cappitaine de cinquante hommes d'armes de noz ordonnances, la somme de trois mil deux cens trente deux livres, treize solz, quatre deniers tournois, à quoy se montent les lotz et ventes et autres droictz et devoirs seigneuriaulx à nous advenuz et escheuz et qui nous sont deuz pour raison des venditions, alliénations et arrentemens faictz par nostredict cousin à diverses personnes de certains membres et portions de son domaine, à plain contenuz et déclairez au mémoire signé de sa main, que nous avons pour ce cy faict attacher soubz le contre scel de nostre chancellerie, et génerallement tout ce à quoy se pourront monter les autres droictz de lotz et ventes qui nous sont et peuvent estre deuz pour raison d’autres arrentemens ou venditions de terres que peult avoir faictes nostredict cousin depuis vingt ans ença en ses comté de Taillebourg, païs de Xainctonge, chastellenies et seigneuries de Cozes, Didonne, conté de Benon, au païs d’Aulnys, viconté de Thouars, chastellenyes de Saincte-Hermyne, la principaulté de Thalmond et autres ses terres de Poictou, et ce jusques à la somme de deux mil escuz d'or soleil pour une foys, vallans à cinquante solz tz pièce, cinq mil livres ; desquelles deux sommes de III m. XXXII Liv. XIII s. IIII d., d’une part, et de V m. livres, d’autre, nous avons à nostredict cousin faict et faisons
don, par ces présentes, en faveur et considérations de tous agréables et recommandables services qu'il et ses prédécesseurs nous ont par cy-devant faict et à la maison et couronne de France, tant au faict des guerres que en plusieurs et maintes autres manières, faict et continue chascun jour et espérons qu’il fera encores cy-après, et ce oultre et pardessus les autres dons, gaiges pensions et bienffaictz qu’il a cy devant euz de noz prédécesseurs et pourra encores cy après avoir de nous pour semblable cause et sans aucune diminution d’iceulx. Et en rapportant par l’un de nosdictz receveurs cesdictes présentes, signées de nostre main, et par les autres le vidimus d’icelles, faict soubz scel royal, avecles quictances de nostredict cousin sur ce suffisantes seullement, nous voullons tout ce que par nosdictz receveurs et chascun d’eulx Iluy aura esté paié desdictes deux sommes jusques à la concurrence d’icelles estre passé et alloué respectivement en la despence de leurs comptes et rabbattu de leur recepte par noz améz et féaulx les gens de noz comptes, ausquelz nous mandons ainsi le faire sans difficulté, car tel est nostre plaisir, nonobstant que telz dons ne deussent estre faictz, passez ne vérifñiez que pour la moictié ou le tiers, les ordonnances tant anciennes que modernes faictes sur l’ordre et distribution de noz finances et l’apport des deniers d’icelles en noz coffres du Louvre, mesmes Jl’écdict faict ou mois de décembre MVC cinquante sept, par lequel il est expressément dict que tous dons, récompenses et bienfaictz seront paiez et acquictez par le trésorier de nostre espargne et non par autre ; ausquelz ecdictz et ordonnances nous avons, pour ce regard et sans préjudicier en autres choses, dérogé et dérogeons, ensemble aux derogatoires des derogatoires cy contenues et à quelzconques autres ordonnances, restrinctions, mandemens ou desfences à ce contraires. | « Donné à Orléans, le troysiesme jour de janvier l’an de grâce mil cinq cens soixante de nostre règne le premier.
« CHARLES « Par le Roy, La Royne, sa mère, présente, « Bourpin. »
Chartrier de Thouars. Orig. parchemin, scellé.
1563, 25 février. Louis III de La Trémoille reconnaît avoir reçu de maître Paulin, banquier à Rouen, par les mains de Jacques Magance, les bulles de provision des abbayes de Brignon, Saint- Laon de Thouars et Chambon.
« Hault et puissant seigneur messire Loys, seigneur de La Trémoille, chevallier de l’ordre. du roy, duc de Thouars, conte de Guygnes, de Benon et Taillebourg, prince de Tallemont et cappitaine de cinquante hommes d’armes des ordonnances du roy, confesse avoir eu et receu de Me Jacques Paulin, banquier, demourant à Rouen, par les mains de sire J acques Magance, marchant | millannoys demourant à Paris, à ce présent, les bulles de provision de l’abbaye de Brignon, ordre de Sainct-Benoist, au diocèse de Poictiers, que ledict Paulin avoit promis audict seigneur faire expédier, avec deux aultres bulles de provision des abbayes Sainct-Laon de Thouars et de Champbon, ou nom des personnes nommées par certain contract passé entre ledict seigneur duc, d’une part, et ledict Paulin par devant Jehan Le Myre et Francoys des Champs, tabellions en la ville de Rouen, en dacte du jeudi douzeiesme jour d'aoust an présent mil cinq cens soixante trois et dernier passé ; et en ce faisant a ledict seigneur duc baillé et païé audict Magance, à ce présent, pour et au nom dudict Paulin et comme porteur desdictes bulles d'icelle abbaye de Brignon, la somme de deux cens soixante trois escuz d’or au soleil, scavoir est deux cens soixante escuz soleil sur et tant moings de l'expédition que ledict Paulin est tenu faire desdictes trois abbayes portées et mentionnées par ledict contract dessus dacté ; et trois escuz soleil pour l’expédition d’une signature du prieuré de La Chaise Le Viconte en Poictou, laquelle signature a présentement esté par ledict Magance baillée et délivrée audict seigneur duc, et laquelle somme de Ile LXIII escuz a esté audict Magance paiée et délivrée, présens les notaires par les mains de Ms François Bodin, argentier dudict seigneur duc, et dont
chacune desdictes parties se sont respectivement tenues contantes, sans préjudicier toutesfoys par ledict seigneur ne aulcunement innover audict contract, dessus dacté, qu’il veut et entend demourer en son entière force et vertu, d’aultant que ledict Paulin n’a pas encores faict expédier les bulles desdictes deux abbayes de Sainet-Laon de Thouars et Champbon; et a ledict seigneur duc déclairé que le paiement cy-dessus faict audict Magance est à la charge que si ledict Paulin ne pouvoit faire expédier lesdictes deux aultres abbayes et qu'il y eust empeschement légitime, que en ce cas ledict seigneur pourra contraindre ledict Paulin à venir à compte avec luy, tant de ladicte somme de deux cens soixante trois escuz solcil cy dessus receue par ledict Magance pour et au nom d’icelluy Paulin et comme porteur d'icelles bulles, que de ce que ledict Paulin a cy devant receu dudict seigneur promectre, obliger, renoncer. Faict et passé l'an mil cinq cens soixante troys, le vendredi vingt cinquiesme jour de febvrier. - Ainsi signé : Boreau et Cayard.
« Les an et jour dessus derniers dictz a esté faicte collation de ceste présente coppie à l'original d'icelle par nous notaires jurez du roy, nostre sire, en son chastellet de Paris soubzsignéz
« BorEAU. CayarD. »
Chartrier de Thouars. Pièce papier.
1563, juillet. Gaillon.— Érection du vicomté de Thouars en duché en faveur de Louis TITI de La Trémoille.
« Charles, par la grâce de Dieu, roy de France, à tous présens et advenir salut. Savoir faisons que nous mectans en considération combien les grandes vertuz
et proesses d’aucuns excellens personnages qui ont esté auprès de noz prédécesseurs roys, comme leurs principaulx serviteurs et ministres, a aydé à la conservation, accroissement et augmentation de ce royaume et que, par leurs vertueux, dignes et très recommandables services, ilz ont tant mérité de ceste couronne que nosdictz prédécesseursles ont bien voulu honorer de plusieursgrandes charges et estatz et approcher d'eulx par aliance de maridge, aucuns de ceulx qu’ilz congnoissoient si dignes et fidèles serviteurs qu’ilz se pouvoient reposer sur eulx de la direction de leurs principaulx affaires, laissans à leurs successeurs la mesme affection et devotion qu’ilz ont porté à ceste couronne; lesquelz continuans de temps en temps méritent d’estre par nous recongneuz et gratifiez d'honneurs, tiltres et dignitez respondans à la grandeur de la maison dont ilz sont yssuz et aux mérites de leurs prédécesseurs ct d’eulx. Au moien de quoy, aiant égard à l'antiquité, grandeur et noblesse de la maison de La Trimoille et aux vertueux et grands personnages qui en sont yssuz, avec quelle vertu et magnanimité ilz se sont employez à la tuition et défense de ceste couronne, tellement que feu Loys, seigneur de La Trimoille, chevalier de l’ordre, s’estant trouvé en plusieurs batailles, rencontres et journées et mesmes en celle de Sainct-Aulbin, où il estoit lieutenant général du roy Charles huictiesme, nostre bisayeul, et aussy en celle de Marignan, enfin auroit esté tué à la journée de Pavye, en combattant auprès de feu nostre très honoré seigneur et ayeul Le feu roy Francoys, premier de ce nom ; et semblablement Charles de La Trimoille, prince de Thalmont, son filz, seroit décédé à ladicte journée de Marignan, ayans tous deux, et aussy ceulx qui depuis sont descenduz d’eulx, laissé trèsgrand temoignage de la grande et fervante affection qu’ilz ont porté au bien et grandeur de ce royaume, et pour ce que nostre très cher et amé cousin Loys, seigneur de La Trimoille, qui est à présent chevalier de nostre ordre, capitaine de cinquante hommes d'armes de noz ordonnances, prince de Thalmont, conte de Guysnes, Taillebourg et Benon, viconte de Thouars, baron de Craon, Sully, l’Ysle-Bouchart, Berrye, Montagu, Mauléon, Saincte-Hermine, La Cheze-le- Viconte, Doué et Didonne, suivant le chemyn de ses prédécesseurs, a, dès l’aage de dix ans, tousjours suivy nostredict ayeul et feuz noz très honorez seigneurs père et frère, les roys Henry et Françoys derniers décédez, et nous en toutes les guerres, entreprises, expéditions qui ont esté faictes, esquelles il s’est tellement
A —— 2 6 Re me de ee ne
employé, sans y espargner sa personne et biens, que nous avons très-grande occasion de l’honorer et gratifier de grâce especial, telle que mérite sesdictz services et ceulx de ses prédécesseurs, et semblablement la proximité de lignage dont il nous attouche, estant descendu de la contesse de Taillebourg, seur aisnée du conte d’Angoulesme, nostre bisayeul, considérans aussi que ledict viconté de Thouars est une des plus grandes vicontez de ce royaume, consistant en ung belle ville close où il y a chasteau de belle et ancienne marque, de trèsgrand revenu, dont despendent plusieurs beaux fiefz, arrière-fiefz et vassaulx jusques au nombre de troys mil et plus, aucuns desquelz sont possédez par nostredict cousin, qui reviennent à ung grand revenu annuel, suffisant et capable de recevoir, maintenir et entretenir le nom, tiltre et dignité de duché. Pour ces causes et autres grandes considérations à ce nous mouvans, avons des vouloir et consentement de nostredict cousin le seigneur de La Trimoille et par l’advis et délibération de la reyne, nostre très honorée dame et mère, des princes de nostre sang et autres grands et notables personnages de nostre conseil privé, de nostre propre mouvement, certaine science, grâce et libéralité spécialle, plaine puissance et auctorité royal, ledict viconté de Thouars avec ses appartenances et dépendences situé au pays et ressort de Poictou, horsmis Mauléon, créé et érigé, créons et érigeons en tiltre, nom, dignité et préeminence de duché, voulons et nous plaist ledict viconté de Thouars, y comprinses toutes et chacunes ses appartenances et dépendences, estre doresneavant dicte et appellée duché de Thouars, pour en cette qualité l’avoir et en jouir et user par nostredict cousin le seigneur de La Trimoille, ses hoïrs, successeurs et ayans cause, tant masles que femelles, descendans et collatéraulx perpétuellement et à tousjours, à telz et semblables droictz, honneurs, auctoritez, privilèges, prérogatives et préeminences dont ont accoustumé de jouir et user les autres ducz” de nostre royaume, par création et érection de nosdictz prédécesseurs roys et de nous, tant en Justice, séance et jurisdiction, faict d'armes, assemblées de nobles que autrement, dessoubz le ressort seulement de nostre court de parlement à Paris; et laquelle viconté de Thouars, ainsi que dict est, érigée en duché avec toutes et chacunes ses appartenances et dépendences, nous avons distraictes et exemptées, distraions et exemptons de nostre seneschal de Poictou, ses lieuxtenans généraulx et particuliers et de tous autres juges et ressortz en
tous cas, fors et excepté des cas royaulx dont la congnoissance appartiendra aux juges par devant lesquelz elle auroit accoustumé ressortir auparavant ceste création et érection, et doresenavant voulons la justice estre administrée audict Thouars et autres villes dépendentes dudict viconté érigé en duché par les juges et officiers de nostredict cousin et autres, comme ilz ont accoustumé de faire, et les appellations dudict seneschal de Thouars ressortir directement en nostre court de parlement à Paris, sans que nostredict seneschal de Poictou ou sesdictz lieuxtenans puissent prétendre aucune jurisdiction ou ressort sinon es cas royaulx comme dict est. Et tiendront nostredict cousin de La Trimoille, ses hoirs, successeurs et ayans cause, tant masles que femelles, dessendans et collatéraulx, ledict duché de Thouars, sesdictz appartenances et dépendences, à foy et hommage de nous.à cause de nostre couronne de France et nostre chasteau du Louvre à Paris, aux charges deues et anciennes sans autre mutation et accroissement de charges quelzconques. Et seront les vassaulx dudict duché et subjectz tenans noblement et roturièrement dudict duché de Thouars, baronnies, terres et seigneuries dépendans d’icelluy, en faisant leurs hommages ct baillant par escriptleurs dénombremens, adveuz et déclarations et en tous actes générallement quelzconques, tenuz et astrainctz doresenavant de nommer, advouer et recongnoistre nostredict cousin de La Trimoille, ses hoirs et ayans cause, tant masles que femelles, descendans et collatéraulx, duczdudict Thouars, et reprendront d’eulx leurs fiefz à cause dudict duché ; et nostredict cousin, ses successeurs et ayans cause, tenans et qui tiendront ledict duché de Thouars seront intitulez et denommez ducz ès lettres, actes, instrumens de foy et hommage qu’ilz presteront et pareillement en leurs papiers censiers et autres actes. Si donnons en mandement, par ces présentes, à noz amez et féaulx les gens de noz courtz de parlement et de noz comptes à Paris, trésoriers de France et généraulx de noz finances establiz à Tours et Poictiers, aux seneschaulx de Poictou et Anjou, bailly et juge de Touraine et de Lodun, gens tenans les sièges présidiaulx desdictz lieulx et à tous noz autres justiciers et officiers et à chacun d’eulx, si comme à luy appartiendra, que noz présentes création, érection et establissement dudict duché, ses appartenances et dépendences et tout le contenu en cesdictes présentes, ilz entretiennent, gardent et observent de poinct en poinct inviolablement, facent lire, publier et enregistrer, entretenir, garder
et observer cet d’iceulx nostredict cousin Loys, seigneur de La Trimoille, ses enfans masles et femelles, leurs successeurs descendans collatéraulx et ayans cause, ensemble sesdictz vassaulx et subjectz d’icelluy duché de Thouars, baronnies, terres et seigneuries qui en dépendent, leurs successeurs et chacun d'eulx facent, seuffrent et laissent respectivement jouir et user plainement, paisiblement et perpétuellement, ainsi et par la forme et manière que dessus est dict, cessans ct faisans cesser tous troubles et empeschemens au contraire, et à ce faire, souffrir et obéir contraignent et facent contraindre tous ceulx qu'il appartiendra par toutes voyes deues et raisonnables et en tel cas requises et accoustumées, car tel est nostre plaisir, nonobstant quelzconques edictz, ordonnances, restrinctions, mandemens, statutz et autres choses à ce contraires, ausquelles avons dérogé et dérogeons de nostre grâce spécial par ces présentes ; et afin que ce soit chose ferme et stable à tousjours, nous avons signé ces présentes de nostre propre main et à icelles faict mettre et apposer, sauf en autres choses nostre droict et l’autruy en toutes.
« Donné à Gaiïllon ou moys de juillet, l'an de grace mil cinq cens soixante troys et de nostre règne le troisiesme. Ainsi signé soubz le reply : Charles. Et sur le reply: Par le Roy, la Royne, sa mère, présente : de L'Aubespine.
« Lecta, publicata et regestrata, audito procuratere general regis quoad titulum honoris, dumtaxat et prout in arresto judicialiter hodie lato continetur, Parisiis, in Parlamento, vicesima prima die octobris, anno Domini millesimo quingentesimo sexagesimo tertio. Sic signatum : Du Tillet. Collation est faicte à l'original. Ainsi signé : Du Tillet.
« Extraict des registres des ordonnances royaulx registrées en la court de Parlement.
« Du TiLer. G. MarTIN. »
Chartrier de Thouars. Copie sur parchemin.
en RE nm ——— — —— —— ne
1563, 3r mars. — « Inventaire des armes estans au cabynet de Monseigneur (Louis IIT de La Trémoille) en son chastel de Thouars, faict le dernier jour de mars l'an mil Ve soixante trois.
« Et premyèrement ung harnois d'homme, d'errain doré avecques les ba[rdes] d’acier de mesme, garny de chernyères et de chanfrain. |
« Item, plus, un autre harnovs à bande aussi doré.
« Item, deux plastrons dorez et gravez.
« Item, ung autre plastron noir tout plain le davant.
« Item, une paire de barde de toille d’or bandé d'une bande en brodrye d'argent estant alentour, garnye par dessus de croix blanche de toille d’argent.
« Item, une curasyne de velloux cramoisi garnye de petits cloux blancs argentez par le dessus.
« Plus, le morion et la rondelle de pareille parure.
« Plus, une autre rondelle d'acyer à bande dorées et gravées et garnye alentour d’une frange cramoysie et fil d'or.
« Plus, deux autres rondelles l’une garnye de soyc alentour cet en plusieurs lieulx par dessus, et l’autre gravée et faicte à personnages.
« Jiem, deux autres rondelles faictes en faczon de pavoys estans de plusieurs coulleurs.
« Plus, ung bouclier barcelonnoys.
« Item, une petite targüe de cuyr et dorée par le dessus où sont les armoyries de Monseigneur. |
« Item, quatre chemises de mailles.
« Item, huict espées d’armes desquelles y en a deux argentées et les autres dorées. |
« Îtem, une autre espée à deux mains.
« Item, huict hacquebuttes desquelles y en a troys à rouet et les autres à serpentynes.
Item, ung pistollet qui est cornaïillé de blanc. «€ Plus, quatorze halbardes garnyces de plusieurs coulleurs.
Plus, une pertuzanc dercin garnye de franges jaulnes et vertes.
«€ Plus, unrancoy garny detresscde veloux etdefranges de plusieurs coulleurs. « Item, quatre javelynes, aucunes garnycs de franges.
« Item, cinq aultres bastons garnyz de plusieurs coulleurs de franges.
« [tem, troys demyes picques garnyes de franges verte et rouge. »
Chartrier de Thouars. Pièce pap. incomplète.
1564, 30 avril. — Ordonnance de Louis III de La Trémoille, défendant de tenir « presche ou aultre exercice de la relligion reformée » dans la ville de Talmond.
« Loys, seigneur de La Trémoille, chevallier de l’ordre du Roy, duc de Thouarssais, prince de Talmond, savoir faisons que, suy vant l’édict de la passification des troubles ayans cu cours en ce royaulme et déclaration d’iceulx faictz par le Roy, nostre sire et souverain seigneur, désirant y satisfaire, nous n'avons entendeu et n’entendons que en nostre ville dudict Talmond et hors les lieulx désignés par ledict édict il se face presche ne aultre exercice de la relligion qu'on appelle refformée, ains que librement et sans empeschement les curés et leurs vicaires et aultres personnes eclésiastiques y facent et cellèbrent le service divin des lieulx, heures et prières acoustumées estre faictes par les constitutions synodalles de l’évesché de Luçon, au diocèse duquel est nostredicte ville et principauté, enjoignant à tous noz subjectz d'observer et entretenyr icelluy edict, vivre et soy contenir en paix, au désir et intention de la majesté
du Roy, et sùr les paynes contenues par ledict édict, ce que nous voullons estre faict par attache de ses présentes mises et affichées ès lieulx publicqz et accoustumez de nostredicte ville et estre proclamées en la forme accoustumée et enregistrées ès registre du greffe de ladicte principauté.
« Faict soubz nostre seing, le dernier jour d’apvril, l’an mil Ve soixante et quatre, et faict signer à nostre secrétaire et greffier affyn que personne n’en prétende cause d'ignorence. Ainsi signée en la mynute: L. de La Trémoille, et par
commendement de Monseigneur :
« Bopyx.
« Le mandement cy dessus par le commandement de Monseigneur a esté leu et publié en la halle de Talmond et mis etaffiché au pal de ladicte halle où l’on a acoustumé mettre telz exploictz et enregistrée au greffe de ladicte principaulté les jour et an que dessus.
