J. C. GAIGNIÈRES
Chartrier de Thouars. Copie papier.
1565, 1° mars. Toulouse. — Lettres patentes de Charles IX prohibant tout exercice du culte de la religion réformée dans les terres et seigneuries de Louis III de La Trémoille.
« Charles, par la grâce de Dieu, roy de France, aux bailliz d'Orléans, Touraine et Berry, seneschaulx d'Anjou, Poictou, Xainctonge, ville et gouvernement de La Rouchelle et à tous noz aultres justiciers et officiers ou leurs heutenans et à chacun d’eulx endraict soy et si comme à luy appartiendra, salut et dilection.
Nostre très cher et amé cousin Loys, seigneur de La Trémoille, chevalier de nostre ordre et cappitaine de cinquante hommes d'armes de noz ordonnances, prince de Thalmond, comte de Guynes, de Benon et de Taillebourg, baron de Craon, Sully, L’Isle-Bouchard, Berrye, Montagu, Moléon, Saincte-Hermyne, La Chaize-le-Vicomte, Mareuil, La Vieille- Tour, Didonne, Mesche, Mornac, Bommyers, Neufvy-Palioux et Doué, nous a faict dire et remonstrer que, combien que par noz ecdictz et ordonnances et déclarations sur icelles, soit expressément porté que l'exercice de la prétendue religion que l'on dict réformée ne ce fera ny pourra faire ès terres et seigneuries de noz vassaulx seigneurs haulx justiciers, si ce n’est de leur consentement, toutesfoys aucuns ministres de ladicte prétendue religion et aultres, n'aians aucun droict de haulte justice ny fief de haubert en sesdictes terres, à son desceu, contre sa volunté et les deffences qui leur a faict faire par ses officiers, font.de jour à aulires exercice de ladicte religion esdictz lieux et en leurs maisons et domicilles scituez et assis au dedans desdictz duché. princippaulté, contez, baronnics, terres et seigneuries à luy appartenans et mouvans d'icelles, comme presches, baptesmes, cènes, mariages et aultres, ou abordent et recoivent ung grand nombre d'hommes subjectz et tenans sans moien de nostredict cousin et aultres, qui cst le premier du fruict et effectz de nosdictz eedictz, pour l'exécution et observation desquelz il nous a très-humblement requis et supplyé vous faire plus ample déclaration de nostre volunté.
« Nous, à ces causes, désirans nosdictz eedictz estre gardez et entretenuz et maintenir noz vassaulx et subjectz en leurs droictz et préhémynences sans qu'ilz en soient privez par affections et voulloirs désordonnés, vous avons dict et déclaré et de nostre certaine science, grâce espécial, plaine puissance et autorité roial, disons et déclairons que nous n'avons entendu, comme encores n'entendront, que esdictes terres et aultres quelconques appartenans à nostredict cousin et desquelles il est seigneur en toute justice, il y ait ny puisse avoir aucun exercice de ladicte prétendue religion sans son exprès consentement, ainsi qu'il est porté par nosdictz ecdictz, suyvant lesquelz nous avons faict et faisons et voullons estre par vous et chacun de vous, si comme à luy appartiendra, faict expresses inhibitions et deffences, de par nous, ausdictz ministres et aultres de ladicte prétendue religion de plus
eulx immiscer de faire les assemblées, conventiculles et exercice susdictesdictes terres de nostredict cousin, leurs fains, limittes, maisons et habitations d'icelles, leurs appartenances et deppendances en quelque sorte et manière que ce soit, et moings de y recepvoir ses hommes, vassaulx et subjectz sans son exprès consentement, congé et permission, mais se retirer si bon leur semble ès lieux par nous ordonnez et destinez à faire l'exercice de ladicte prétendue relligion, de vosdictz bailliages et séneschaulcées, sur peine d’estre pugnis comme cédicieulx, rebelles et désobéissans, infracteurs et contenteurs de nosdictz eedictz et ordonnances. Sy vous mandons, commectons et: très-expressément enjoignons, par ces présentes, que ceste nostre déclaration, voulloir et intention, vous faictes et chacun de vous lire, publier et enregistrer où il appartiendra et besoing sera, mesmes à son de trompe et cry publicq à ce que nul n’en puisse prétendre cause d’ignorance, icelle garder et inviolablement entretenir de point en point, selon sa forme et teneur, contraignant à ce faire, souffrir et obéyr tous ceulx qu’il apartiendra et que pour ce faire seront à contraindre par toutes voies deues et raisonnables, nonobstant oppositions ou appellations quelconques, pour Jesquelles et sans préjudice d'icelles ne voullons estre différé, en proceddant au surplus par vous contre ceulx qui depuis la publication de nosdictz ecdictz, ordonnances et deffences, ont faict et feront contre le gré et consentement d’icelluy nostredict cousin en sesdictes terres et seigneuries où il est hault justicier, lesdictes assemblées, conventiculles et exercice de ladicte prétendue religion, et à la punition d’iceulx comme infracteurs de nosdictz eedictz, ordinairement ou extraordinairement, par les voies et peines indictées par iceulx, en sorte que leur dicte pugnition puisse servir d'exemple et trémeur aux aultres, car tel est nostre plaisir, nonobstant comme dessus et quelconques ordonnances, restrinctions, mendemens, deffences et lettres à ce contraires; et pour ce que de ces présentes l’on pourra avoir affaire en plusieurs et divers lieulx, nous voullons que au vidimus d’icelles, faict par l’ung de noz aymez et féauix notaires et sécrétaires ou soubz scel roial, foy soit adjoustée comme au présent original.
« Donné à Thoulouse, le premier jour de mars, l'an de grâce mil cinq cens
soixante cinq et de nostre règne le cinquiesme; ainsi signé: Par le roy en son conseil.
« L'original ces présentes a esté ytérativement publyé en ceste ville de Sully, ès lieux acoustumez à faire crys et proclamations, par moy Jehan Robert, sergent de monsieur, soubzsigné, et une coppie collationnée à l'original affichée au lieu acoustumé à mectre affiche, le dixneufiesme jour de may, l'an mil cinq cens soixante sept, ès présences de Jchan Fournier, Pierre Dignard, Pierre
Louvet et austres tesmoings.
J. RosErr. »
Chartrier de Thouars. Pièce papier.
1567, 2 octobre. Paris. — Charles IX nomme Louis III de La Trémoille capitaine de cinquante hommes d'armes de ses ordonnances.
« Charles, par la grâce de Dieu roy de France, à tous ceulx qui ces présentes lettres verront, salut. Comme pour obvier à l'exécution des desseings et entreprinses d’aucuns noz sugectz qui se sont fraischement eslevez et mis en armes avec grande troupe et assemblée, nous ayons advisé et résolu d'augmenter et renforcer entre autres choses nostre gendarmerie de quelzques compagnies nouvelles de cinquante hommes d'armes d'ordonnances, de chacune desquelles il est besoing de bailler la charge et conduicte à quelques bons et vaillans personnaiges expérimentez au faict de la guerre et à nous féables qui soient pour les bien conduire et exploicter en nostre service. Scavoir faisons que, pour la bonne et entière confiance que nous avons de la personne de nostre amé et féal cousin le duc de Touars, seigneur de La Trimouille, chevalier de nostre ordre, et de ses sens, sufhisance, vaillance, dextérité, expérience au faict des armes, fidélité, bonne conduite et dilligence, et en considération aussi des bons, ver-
tueux et recommandables services qu’il nous a par cy devant faictz au faict des guerres et autres louables manières, comme encores il faict chacun jour et espérons qu’il continuera de bien en myeulx cy après; à icelluy pour ces causes et autres à ce nous mouvans, estans bien adverty du bon moien et crédict qu’il a de faire et dresser promptement une bonne et belle compagnie de gendarmerie pour l’emploier et exploicter en nostredict service, avons baïllé et baillons par ces présentes la charge et conduite d’une compagnie de cinquante hommes d’armes faisant le nombre de cinquante lances fournies de noz ordonnances, pour icelle lever et mectre sus par luy le plus promptement que faire se pourra et des plus vaillans hommes, mieulx aguerryz, montez, armez et équippez qu’il luy sera possible de choisir et assembler, la conduire et exploicter pour nostredict service, et ladicte charge et conduicte avoir, tenir et exercer par luy aux honneurs, auctoritez, prérogatives, préeminences, franchises, libertez, gaiges, droictz, estat et entretenement, prouffictz, revenuz et esmolumens qui y appartiennent, telz et semblables que les ont et prennent les autres cappitaines ayans de nous semblable charge de cinquante hommes d'armes de nosdictes ordonnances. Si donnons en mandement, par ces mesmes présentes, à noz très-chers et bien amez cousins les connestable et mareschaulx de France que dudict seigneur de La Trimouille, prins et receu le serment en tel cas requis et acoustumé, icelluy mettent et instituent en possession de ladicte charge et capitainerie et d’icelle le facent joyr et user plainement et paisiblement, ensemble des honneurs, auctoritez, prérogatives, prééminences, franchises, libertez, gaiges, droictz, estat et entretenement, prouffictz, revenuz et esmolumens dessusdictz, et à luy obéyr et entendre par les hommes d'armes et archers de ladicte compagnie et par tous ceulx et ainsi qu’il appartiendra ès choses touchans et concernans ladicte charge et capitainerie. Mandons en oultre à nostre amé et féal le trésorier ordinaire de nos guerres, présent et advenir, que, des deniers qui luy seront ordonnez et assignez pour le paiement de nostre gendarmerie, ilz facent, par celluy qui sera pourveu ou commis au paiement de ladicte compagnie, paier, bailler et délivrer audict seigneur de La Trimouille lesdictz gaiges, estat et droictz appartenans à ladicte charge et capitainerie doresenavant par chacun an aux termes et en la manière acoustumez, et par rapportant le vidimus de cesdictes présentes pour une fois et quictance dudict
capitaine sur ce suffisante seullement, nous voullons iceulx gaiges et droictz ou tout ce que paié, baillé et délivré aura esté à la cause dessusdicte, estre passé et alloué ès comptes et rabatu de la recepte dudict trésorier ordinaire de noz guerres ou dudict paieur qui délivré les aura, par noz amez et féaulx les gens de noz comptes, ausquelz nous mandons ainsi le faire sans difficulté, car tel est nostre plaisir. En tesmoing de ce nous avons faict mettre nostre scel à cesdictes présentes.
« Donné à Parys, le une jour de octobre, l'an de grâce mil cinq cens soixante et sept, et de nostre règne le septiesme.
« Sur le repli: Par le Roy: :
OBERTET.
« Le vendredy, XVI+ jour d'octobre Ve LXVIT, sur l'heure de cinq heures du soir, entre Angiers et Les Pontz de Seez, furent les présentes baïillées audict seigneur de La Trémoille par ung nommé Ravel, demeurant à Amboyse, naguères fourrier de la compaignie dudict seigneur, dont ledict seigneur me commanda faire et signer le présent acte comme l’ung de ses sécrétaires.
« Par commandement de mondict seigneur,
Bonin ».
Chartrier de Thouars. Original parchemin. Sceau perdu.
1568, 13 septembre. Saint-Maur-des-Fossés,— Charles IX mande au général de ses finances de payer la solde des garnisons mises par son ordre dans les châteaux et places fortes de Louis III de La Trémoille.
« Charles, par la grâce de Dieu roy de France, à nostre amé et féal conseiller le général de noz finances en la charge de Langucdoil estably à Poic-
tiers, salut et dillection. Pour ce que en nostre païs de Poitou, nostre cher et amé cousin le seigneur de La Trimouille, chevalier de nostre ordre et cappi- .taine de cinquante lances de noz ordonnances, a plusieurs chasteaulx et places fortes qui nous sont d'importance et dont la garde et conservacion d'icelle nous est utille et nécessaire, parce que sy ceulx qui ont naguères prins les armes contre nous y faisoient retraicte et s’en emparoient, ilz pourroient par le moien d'icelles grandement nuire et incommoder noz subjectz circonvoisins, et voullans y obvier avons ordonné faire mectre par nostredict cousin en chacune d’icelles places quelque nombre de soldatz et ung cappitaine à leur commander dont la solde et entretenement, selon l’estat que en avons faict arrester et signer de nostre main, monte par mois la somme de trois mil deux cens vingt deux livres, laquelle dicte somme de [11= II° XXII livres pour le prochain mois d'octobre et autres ensuivans tant qu’il en sera besoing et que les troubles dureront; et d’aultant que pour le présent noz finances ne la pourraient suporter, obstant les autres charges et execives despences que nous sommes contrainctz faire et suporter en plusieurs et divers lieulx de nostre royaulme, nous voullons et vous mandons que icelledicte somme vous faictes asseoir, despartir et imposer par les esleuz des ellections de vostredicte générallité ès lieulx où sont lesdictz chasteaux gt places, s’il y a ellection, sinon par les plus prochains des lieulx où lesdictz chasteaulx et places sont scituez et assis et esquelz lesdictz soldatz seront establiz pour y tenir garnison, et ce sur tous et chascuns les manans et habitans desdictes ellections qui ont acoustumé contribuer à noz tailles, chascun en son regard, au sold la livre, sur ce qu’ilz portent du principal de nosdictes tailles, le fort portant le foible, et le plus justement et égallement que faire ce pourra, et au payement d’icelle contraindrez ou ferez contraindre réaulment et de faict, comme est acoustumé faire pour noz propres deniers et affaires, tous les cottisez à l'assierté* et département qui en sera ainsy faict que dict est par nosdictz elleuz, chascun en son regard, nonobstans oppositions ou appellations quelzconques pour lesquelles et sans préjudice d’icelle ne voullons l'exécution des présentes estre aucunement différée, et laquelle dicte somme vous ferez incontinent mectre ès mains du recepveur de noz tailles en chascun des lieulx où lesdictz soldatz seront establiz ou au plus prochain d'iceulx, pour pareulx en faire payement, par chascun desdictz mois, tant que lesdictes affaires le
réquerront; et pour ce que lesdictz denixrs ne pourrontestre sitost assis, imposez
et levez, comme sera besoing que lesdictz soldatz soient esdictes places et chasteaulx, nous voullons et entendons,enattendantladicte levée, que par les habitans des lieulx où lesdictz soldatz et gens de guerre seront establiz pour tenir garnison, il leur soit fourny et livré pain, vin, pitance et autres choses nécessaires -pour leurs vivres, selon les taux qui y seront mis par nostredict cousin, appellez -noz officiers esdictz lieulx, aïiant esgard à ce que monte leurdicte solde à chascun d’eulx par mois et à combien elle leur peult revenir par jour, pour selon et leur en estre faict distribution affin que, après lesdictz deniers levez, ceulx “qui leur auront fourny lesdictz vivres et d'iceulx faict les advances nécessaires, lesdictz habitans qui en auront faict l’advance et fournissement puissent en estre satisfaictz et rembourcez comme ïl est raisonnable. De ce faire vous avons donné et donnons povoir, auctorité, commission et mandement spécial, mandons et commandons à tous noz justiciers, officiers et subjectz que à vous et eulx respectivement soit obéy et entendu dilligemment, car tel est nostre plaisir, nonobstant quelzconques ordonnances, restrinctions, mandemens, deffences et lectres à ce contraires. Donné à Sainct-Maur des Fossez, le XIIIe jour de septembre, l'an de grâce mil cinq cens soixante huict et de nostre règne le huictiesme, Par le Roy en son conseil, RoOBERTET. »
Chartrier de Thouars. Pièce parchemin.
1568, octobre. — « Estat de ce que monte par mois le paiement des gens de guerre à pied qu'il est nécessaire mectre aux chasteaux et places fortes estans au pays de Touraine et Anjou appartenans au seigneur de La Trémoille. |
« Premièrement. Touraine. À cinquante hommes à L'Isle-Bouchart à raison
de cinquante livres pour le cappitaine, vingt-cinq à dix livres, chacun, et vingtcinq aultres à huict livres, la somme de cinq cens livres.
« ANJOU. A trente autres hommes au chasteau et ville de Craon à la raison que dessus, cy : trois cens vingt livres. A vingt-cinq autres au chasteau de Ro-
chefort, à la raison que dessus, la somme de deux cens soixante et seize livres,
et escript au dessoubz en ceste nombre : cent cinq hommes, et au dessoubz est escript: Desquelz le payement monte pour ung mois entier : mil quatre vingtz SOIZEIVIESS DL DT US in ad ee D D IE HT dd
« Guillaume du Val, sieur de Vaugrigneuse, conseiller du roy, général de ses finances estably à Tours, aux esleuz et contrerolleur pour ledict seigneur sur le faict de ses aydes et tailles en l'élection d’Angiers et recepte de Chasteaugontier, salut. En accomplissant le contenu ès lettres patentes et estat signé de sa main à Saint-Maur-des-Fossez, le treiziesme jour de septembre dernier passé, les originaulx desquelles lettres et estat sont cy-attachez soubz nostre signe, nous vous mandons asseoir, despartir et imposer, tant en l’estendue de vostredicte élection que recepte de Chasteaugontier, sur tous les manans et habitans de vostredicte ellection et recepte contribuables aux tailles chacun en son regard et au sold la livre sur ce qu'ilz portent du principal de taille, le fort portant le foible et le plus justement et esgallement que faire ce pourra, la somme de cinq cens quatre-vingtz seize livres tournois, à laquelle monte par mois le payement des gens de guerre à pyed que Sadicte Majesté veult et ordonne estre mis par mornsieur de La Trémoille en ses maisons et chasteaulx de Craon et Rochefort, à commencer du premier jour de ce présent moys d'octobre et continuer tant qu’il en sera besoign et que les affaires le requerront, lesquelz deniers vous ferez mettre ès mains des recepveurs des tailles desdictes ellections d'Angiers et recepte de Chasteau-Gontier, assavoir ce qui sera levé pour ledict chasteau de Craon ès mains du recepveur des tailles estably audict Chasteaugontier et ce qui sera levé pour Icdict chasteau de Rochefort ès mains du recepveur desdictes tailles estably à Angiers, pour en faire le payement dedicts gens de guerre par chacun desdictz mois, selon ledict estat, et suyvant les roolles de monstre que ledict seigneur de La Trémoille en fera faire en présence des officiers de Sadicte Majesté ou par celuy ou ceulx qui seront à ce commis par monsieur le gouverneur ou lieutenant général pour Sadicte Majesté oudict pays
d'Anjou, ainsi qu’il est plus au long déclaré esdictes lettres patentes et estat ; de ce ‘faire vous avons donné et donnons pouvoir, mandons à tous qu’il appartiendra que à vous en ce faisant soyt obév. Donné soubz nostredit signe le quinziesme jour d'octobre l'an mil cinq cens soixante et huict. Ainsy signé : Du Val.
« A tous ceulx qui ces présentes lettres verront, le garde sceel estably pour le roy nostre sire et monseigneur le duc d'Anjou, filz et frère de roy, aux contratz royaulx d’Angiers, salut. Scavoir faisons que maistres Jehan Huotet Marc Toublanc, notaires jurez desdictz contractz, nous ont rapporté soubz leurs seigns manuelz avoir veu, leu et dilligemment regardé de mot à mot les originaulx des lettres cy-dessus transcriptes, lesquelz ilz ont trouvez sains et entiers en seigns, sceaulx et escripture, non cancellés, vitiez, malmys, ne en aucune partye d’iceulx corompuz, ausquelz notaires en ce et plus grandes choses adjoustans pleine foy, à la relaction desquelz avons, pour plus grande approbation et confirmation des choses dessusdictes, mys et apposé en ce présent transcript ou vidimus Jledict sceel estably ausdictz contractz, le vingt et ungiesme jour d'octobre, l’an mil cinq cens soixante et huict.
TouBLanc. Huor. »
Chartrier de Thouars. Pièce parchemin. Sceau mutilé.
1569, 17 août.— Extraict des registres du parlement relatif à la sûreté des places fortes.
__« Sur la requeste faicte par le procureur général du Roy tandant à ce qu'il soyt enjoinct à toutes personnes ayans et possédans places et maisons fortes de
commettre gens pour la garde d’icelles affin qu’elles ne soyent surprinses par les rebelles, et, ou ilz n’obéyront, qu’il soyt enjoinct aulx baïillifs, séneschaulx, gouverneurs et juges royaulx plus prochains desdictes places fortes d’y pourvoir et commettre gens et sordars de la religion catholicque, apostolicque et rommaine, de sorte qu’il n’en puisse advenir inconveniant. :
« La Cour, en enthérinant ladicte requeste, a ordonné et ordonne que commandement sera faict à toutes personnes soyent ecclésiasticques, gentilz hommes ou aultres, de quelque quallité ou condition qu'ilz soyent, de la religion catolicque, apostolicque et rommaine, ayans et possédans chasteaulx et maisons fortes en et au dedans de ce ressort, de mettre cappitaines et soldars en icelles de ladicte religion, en nombre suffisant, pour la garde d’icelles et empescher que lesdictes places ne soyent surprinses par les rebelles et ennemys du Roy, et ce dedans troys jours après la publiccation du présent arrestz, aultrement à faulte d’avoyr ce faict dedans ledict temps en seront mins à leurs despens par les gouverneurs et baillifz, seneschaulx ou juges royaulx des villes plus prochaines desdictes places ; et quant à ceulx qui sont notoyrement diffamez d’estre de la prétendue religion nouvelle, tenans et possédans maisons et places fortes, a enjoinct et enjoinct ladicte court ausdictz gouverneurs et baïllifs, seneschaulx et juges royaulx d’y commettre incontinant et en toutte diligence cappitaines et soldars en nombre suffisant, de la religion catholicque, appostolicque et rommaine, aulx despens des propriétayres et possesseurs desdictes places et fayre en sorte qu’elles soyent asseurées pour le Roy et qu’il n’en puisse advenir inconvéniant, et ausdictz cappitaines et soldars qui seront commis esdictes places de se contenir modestement et de se contenter de leurs saïllayres qui leurs seront ordonnez, sans fayre aulcune démolition et degastz esdictes places ny mal et desplaysir aulx propriaytayres desdictes places, ains les garder et conserver, ausquelz propriaytayres enjoinct ladicte court d’obeyr à ceulx qui seront commys à la garde desdictes places.
« Et oultre enjoinct ladicte court aulx subjectz desdictz seigneurs ayans places et maisons fortes de ayder à fayre le guet nuict et jour esdictes places, quant il leur sera commendé et ordonné par lesdictz seigneurs et cappitaines desdictes places, le tout par manière de provision et jusques à ce que aultrement par le Roy ou ladicte court en ayt esté ordonné.
« Faicten parlement, le diseptiesme jour d’aoust, l’an mil cinq cens soyxante
neuf. « Signé : MaLLon.
« Le contenu cy-dessus a esté leu et publié à son de trompe et cry public, par les carrefours de ceste ville et fobourgs de Paris ès lieux acoustumez, par moy Pierre Gaudin, sergent à verge au Chastelet, prévosté et viconté de Paris, commys de Pasquer Rossignol, crieur juré du Roy, nostre sire, acompaigné de troys trompettes commys de Michel Noyret, commys par le Roy pour trompette, le mercredy dix septiesme jour d’aoust mil cinq cens soixante neuf.
« Signé : Gaupin. »
Chartrier de Thouars. Pièce papier.
1574, 19 mai. Rochefort. — Louis III de La Trémoille nomme Philippe de Montours capitaine de Rochefort et de La Poissonnière.
« Louys de La Trimolle, duc de Thouars, prince de Taillemont, conte de Guynes, Benon et Taillebourg, baron de Craon, Seully, L’Isle-Bouchard, Montagu, Mauléon, La Chèze-le-Viconte, Sainte-Hermine, Mareuil, Mornac, Bommiers, Berrye, Doué, Rochefort, chevallier de l’ordre du Roy et cappitaine de cinquente hommes d’armes des ordonnances de Sa Majesté, à tous ceulx qui ces présentes lettres verront, salut. Scavoir faisons que nous avons eu entierre congnoissance de deffunct noble homme Jouachin de Montours, sieur dudict lieu, luy vivant, cappitaine des chasteaulx de noz baronnies de Rochefort et chastellenye de La Possonnière, et pour les bons et agréables services qu’il nous
a faictz, en faveur et rémémoration d’iceulx, desquelz nous nous tenons contens, et que nous espérons que nous fera Phelippes de Montours, escuyer, filz dudict deffunct, à icelluy Phelippes, pour lesdictes causes et aultres bonnes considérations à ce nous mouvantz, avons donné et octroyé et, par ces présentes, donnons et octroyons lesdictz estatz et offices de cappitaine et cappitaineryes de nosdictz chasteaulx et barronnye de Rochefort et seigneurie de La Possonnière, vacquante entre noz mains par le décès dudict feu Jouachin de Montours, pour desdictz estatz et cappitaineryes, droictz et auctoritez, prérogatives, honneurs, préminances, fruictz, profictz, revenuz et émolumentz d’iceulx jouyr et user, par ledict Phelippes, playnement et paysiblement tout ainsy que ledict feu Jouachin de Montours, son père, et les aultres prédécesseurs cappitaynes auroyent acoustumé jouyr et user soubz nostre puissance, authorité et permission, à la charge de bien et fidellement garder ou faire garder lesdictz chasteaulx et places de Rochefort et La Possonnière pour le service du Roy, nostre souverain seigneur, et de nous, en manière qu’il n’en arrive aulcun inconvéniant, perte ny dommaige par la faulte, coulpe et négligence dudict Phelippes de Montours ou ses commys, gentilzhommes, suffisantz, fidelles et catholicques, en quelque manière que ce soyt. Sy mandons à tous justiciers, officiers et subjectz desdictes barronnye de Rochefort et chastelenye de La Possonnière lesser et souffrir ledict Phelippes de Montours ou ses commys, le serment de luy prins en tel cas requis par nosdictz officiers ou l’ung d’eulx,en chacune desdictz terres, estatz et offices de cappitaine, droictz et profictz, revenuz et esmolumentz d’iceulx, luy obéyr et entendre diligemment en ce qui conserne lesdictz estatz, sans luy bailler aulcun trouble ne empeschement. Faict audict Rochefort, soubz nostre seing, scel de noz armes, et par nostre commandement faict contre signer nostre secretayre, le dix neufiesme jour du moys de may mil cinq cens soixante et quatorze. Ainsi signé : de La Trimoulle, et plus bas, par le commandement de monseigneur : Gauvain, et scellé de sire rouge. »
Chartrier de Thouars. Pièce papier.
1574, ‘4 Juin. Angers. — Conseil tenu à l'hôtel de ville d'Angers pour l'approvisionnement le château de Rochefort en cas d'attaque.
« Au conseil tenu en l’hostel et maison commune de la ville d'Angiers, le quatriesme jour de juing l’an mil cinq cens soixante et quatorze, où estoient plusieurs des gens de l’estat ecclesiasticque, officiers de la justice, maire, eschevins et plusieurs aultres des manans et habitans de ladicte ville.
« Sur la remonstrance à nous faicte par le procureur du Roy, maire eteschevins de la ville d’Angiers, que le chasteau de Rochefort, sis sur la rivière de Loire apartenant au seigneur de La Trémoille, est place forte de telle importance que, si elle estoit prise par ennemys de Sa Majesté, le grand chemin de la rivière amenant vivres et munitions tant en ceste ville d’'Angiers que ailleurs de ce pais et des environs pouroit estre empesché, et la vecture du tout faict cesser, pourquoy requéroit que oudict chastel fussent mis, aux fraiz et despens dudict seigneur de La Trémoille, vivres, munitions de farines, vins et autres nécessaires avecques armes offensives et deffensifves pour la deffence de ladicte place et y mettre gens d’asseurance et de deffence.
« Après avoir traicté dudict négoce au conseil tenu en l'hostel de la ville, où estoient plusieurs des gens de l’estat ecclesiasticque, officiers, gens de la justice, maire et eschevins, et après avoir ouy Jacques de La Porte, soldat, ayant, comme il a dict, la garde dudict chastel par commandement porté par une missive du seigneur de Puyÿgaillard, gouverneur et commandant en ce pais, qui a rapporté que oudict chastel n’y avoit vivres ne munitions de guerres et que si par vingt hommes de cheval il estoit assiègé, il seroit contrainct rendre, pour ledict deffault, ladicte place trois jours après ; avons ordonné que les fermiers dudict sieur de La Trémoille seront contraincts et lesquelz nous avons condampnez et condampnons fournir et mettre oudict chastel le nombre de six pippes de vin et douze charges de farine, cinq cens de fagotz, trante chartées
de gros bois, avecques la chair d’un beuf sallé et d’ung porc et quatre septiers
de febves, cinquante livres de pouldre à canon, demye douzaine de harquebouses à mèche et aultant de halbardes et pareil nombre de picques, avecques cént livres de plomb, et pour ce achapter seront contraincts, nonobstant oppositions ou apcllations quelconques et sans préjudice d’icelles, ausquelz fermiers sera sur les deniers de leur ferme alloué ce qu’ils auront mis et impensé pour ce que dessus, soit qu’ilz aient advancé ou non; et au sourplus ordonnons commandement estre faict aux manans et habitans dudict lieu de Rochefort choisir par entre eulx huict ou dix des habitans dudict lieu, gens d’asseurance et de fidelitté, pour la garde dudict chasteau ; et pour exécuter les présentes avons commis et commectons chacun de maistres Jacques Ernault, conseillier, et François Bitault, l’un des eschevins de ladicte ville, pour se transporter sur les lieux, veoir et visiter ledict chasteau, exécuter ce que dessus, selon sa forme et teneur, pourquoy faire enjoignons à tous subjectz du Roy d’y obéir et leur prester conseil, confort et aide. Faict à Angiers audict conseil tenu audict hostel et maison de ville ledict quatriesme jour de juin, l’an mil cinq cens soixante et quatorze.
