XX VII
Sans millésime, :2 mars. Fontainebleau. — Lettre de Louis III de La Trémoille à Anne de Laval, sa mère.
« Madame, le Roy a advisé d'envoyer armée sur la mer du Levant, dont il a faict chef monsieur d’Anguien, et pour le conduire en ceste affaire, monsieur le prince de Melphe entreprent ce voyaige et beaucoup de gens de bien et des bonnes maisons de ce royaulme, qui a esté le moyen que mon frère a supplyé le Roy estre de ceste compagnye, qu'il a eu très-agréable, dont je me tiens heureux, voyant par ce moyen le continuement de la volonté des nostres. Toutesfois, madame, avant son partement de ce lieu, nous avons advisé ensemble qu'il vous yroit veoir et prendre congé de vous affin que chacun de nous ait plus d’aise et contentement de cest affaire, dont je ne puys espérer aultre chose que nostre bien et honneur, et pour sa despence je luy forniray ce qu’il me sera possible, et de vous, madame, je vous supplye luy faire l’aide et secours que vous pourrez, car luy et moy avons tant de mises à faire que à bien grande payne pourrions fornir à tout. [l vous dira le surplus des nouvelles de ceste
court, qui me gardera vous faire plus longue lettre que de vous présenter tousjours mes très humbles recommandations à vostre bonne grâce d’aussi bon cueur que je supplie Nostre Seigneur vous donner très bonne et longue vie. Escript à Fontainebleau, ce XIIe jour de mars,
« Votre très humble et très obéissant filz
« L. DE La TRÉMOILLE. »
Chartrier de Thouars. Pièce papier.
Sans millésime, 15 avril. Thouars. — Lettre de Louis III de La Trémoille à Anne de Laval, sa mère.
« Madame, mes frères s’en vont par devers vous, lesqueulx je n’ay voulu lessez partyr sans vous faire entendre de mes nouvelles affin qu'il vous plaise, madame, me faire tant de bien que de me mander des vostres.
« Madame, mesdictz frères vous diront comme il a pleu à la Royne de Navarre me faire tant honneur que de passer par ce lieu, dont j’ay esté très-ayse et pourrez entendre par eulx la bonne voulenté que elle nous porte, qui me gardera vous faire plus longue lettre.
« Madame, je me recommande très-humblement à vostre bonne grâce, supplyant le Créateur, madame, vous donner en bonne santé longue vie. De Thouars, ce XVe jour d’apvril,
« Vostre très humble et très obéissant filz
« L. De LA TRÉNOILLE. »
Chartrier de Thouars. Pièce papier.
Re ms ie er ee me
« Znventaire des pièces que mect et produict par devers vous Nosseigneurs les généraulx conseillers du Roy sur le faict de la justice et de ses aydes à Paris, messire Loys, seigneur de La Trémoille, chevalier, viconte de Thouars, seigneur et baron de Sully et de L'Isle-Bouchard, demandeur et requérant main levée luy estre Jaicte des droictz de péage de sel à luÿ appartenans en ses baronnies et seigneuries de L'Isle-Bouchard, de Sully et Marans, saisiz
suivant l'édict général du Roy.
« Et premièrement, pour monstrer par ledict seigneur de La Trémoille comme il a droict et est en bonne possession à cause de sadicte baronnie de L'Isle- Bouchard de prandre sur les marchants voicturans sel par eaue et par terre et icelluy descendants aux ports de Chinon, à la raison du muyla mine, deux minotz par myne et gecté en myne comme pour le Roy, est à entendre et véritable que auparavant l'érection des gabelles qui furent mises sus par-le Roy Phelippes-le-Bel, en l'an mil troys cens quarente sept, y avoit audict lieu de L’Isle-Bouchard grenier a sel, auquel lieu tous marchants tant de Poictou, Anjou, Touraine que du Maine amenoient sel et payoient au seigneur ou dame de L’Isle-Bouchard qui lors estoient, pour le droict de péage, à la raison du muy la mine, vallant deux mynotz mesure de Paris et gectez en myne comme le sel du Roy.
« Item, lesquelles gabelles érigées par ledict Phelippes oudict temps et le grenier estably audict Chinon auroit esté accordé entre ledict roy Phelippes et lesdictz seigneurs de L'Isle-Bouchard, lors estants, que ledict seigneur de L’Isle-Bouchard seroit payé de sondict droict de sel sur les marchans voicturans sel par eaue et par terre et icelluy descendans audict Chinon depuis que
PIÈCES JUSTIFICATIVES aa
ee nt ce en ee à —— me en —
les challans estoient entrez en la rivière de Vienne et estoient passez la pierre de Baudiment, estant située près Sainct-Germain-des-Prez, à demye lieue de Candé. |
« Item, que en confortant et approuvant ledict accord par lesdictz marchants, ilz auroient payé ledict droict au sejgneur ou dame de L’Isle-Bouchard et icelluy continué par temps plus que immémorial et ledict roy Phelippes et ses successeurs, roys de France, approuvé ledict droict en souffrant les payemens qui ont esté faictz audict seigneur ou dame de L’Isle-Bouchard, ainsi que cyaprès sera déduict.
« Item, et contre les marchants qui auroient reffusé payer ledict droict de sel audict seigneur ou dame de L’Isle-Bouchard, auroient esté données sentences et arretz confirmatifz d’icelles au proffict desdictz seigneur et dame dudict lieu de L’Isle-Bouchard.
« Item, et mesmement auroyt esté donné une sentence au proffict de dame Katherine de L'Isle, en son vivant dame dudict lieu de L’Isle-Bouchard, contre ung nommé Pierre Foullon et le prévost général des marchants, et par icelle ladicte dame auroit esté maintenue en ses droictz, possessions et saisines, mentionnées par ladicte sentence; laquellé sentence ledict seigneur de La Trémoille produict pour vous informer dudict droict de sel à la raison dudict muy la myne vallant deux mynotz, et est récitative du péage de sel que ledict seigneur ou dame de L’Isle-Bouchard avoient audict lieu auparavant ladicte érection de gabelle et qu’ilz avoient acoustumé prandre et percepvoir pour chacun muy de sel, amené et mesuré au port dudict lieu de L’Isle-Bouchard, une myne vallant deux mynotz, dactée ladicte sentence du vingt deuxiesme jour de janvier mil quatre cens soixante deux, signée : Desnard et Pothaire et coctée par A.
« Item, produict la coppie deuement collationnée et signée d'une sentence de coustumace donnée entre les seigneur de La Trémoille, baron de L’Isle- Bouchard, demandeur, d’une part, et Mathurin Gonzy, défendeur, d'autre part, par laquelle fut dict par les grenetier et contrerolleur à sel de Chinon que l’arrest faict sur ledict sel, mentionné par ladicte sentence à la requeste dudict seigneur de La Trémoille, baron dudict lieu de L’Isle-Bouchard, avoit esté bien et deuement faict et en ce faisant que une myne de sel par chacun muy de sel entrant ou grenier de Chynon luy seroit baillée et délivrée selon la teneur
de ladicte sentence qui est dactée du vingt cinquiesme jour de may l’an mil cinq cens et dix, signée : Famé et Sueur, coctée B.
« Item, produict une autre sentence donnée audict lieu de Chinon, le dix septiesme jour de may l’an mil cinq cens trente troys, signée : de La Barre et Corbineau, entre ledict seigneur de La ‘Trémoille, baron de L’Isle-Bouchard, demandeur et compleignant, d’une part, et Mathurin Censier, garant d’un nommé Martinet, opposant, d’autre, par laquelle appert que ledict seigneur de La Trémoille a esté maintenu et gardé en ses possessions et saisines de prandre et lever sur les marchants voicturans sel par eaue sur la rivière de Vienne, de chacun muy une myne, vallant deux mynotz, ladicte sentence coctée C.
« Item, pour une autre coppie, deuement collationnée et signée, d’une sentence ou condempnation par les grentier et officiers du grenier à sel de Chynon, signée Bourges et Le Sueur, dactée du vingt huictiesme jour de décembre mil cinq cens dix, contre ung nommé René Egron, qui est condamné payer audict seigneur de La Trémoille, baron de L’Isle-Bouchard, le droict de péage à la raison d’un muy la mine et deux mynotz pour mine et oultre condempné payer le sallaire du sergent qui feist l’arrest sur ledict sel, coctée D.
« Item,produict une autre sentence, donnée le dixiesme juillet mil cinq cens quarente deux, entre luy demandeur et compleignant en cas de nouvelleté d’une part, et Loys Malescou, Estienne Petit, Jehan et Jullian Lebœuf, défendeurs et opposans, d’autre part, pour raison dudict droict appartenant audict seigneur de La Trémoille sur chacun muy de sel descendu au grenier de Chinon, par laquelle ledict seigneur, en la présence et du consentement du procureur du roy audictChynon, auroit esté maintenu et gardé en possession et saisine d’avoir et prandre par chacun batteau chargé de scel descendu en la ville de Chinon et port d'icelle à raison du muy la myne, signée ladicte sentence : de Racinay, coctée E. |
« Îtem, produict ung extraict des registres de la Chambre des comptes de Paris, contenant cinq feuilletz et demy de parchemyn escriptz, signé : Teste, par lequel appert que le seigneur de La Trémoille a droict de prandre par ses mains sur chacun muy de sel entrant au grenier de Chinon, une myne, coctée F. : :
« Îtem, produict ledict seigneur de La Trémoille la coppie, deuement colla-
tionnée aux originaulx et signée par monsieur le greffier de ladicte court, en la présence de monsieur le procureur général du roy ou de son substitut, de troys extraictz faictz par m° Jehan Minoys, l’un des esleuz de Tours, en la présence du substitut de mondict sieur le procureur général en l'élection de Tours :
« Par le premier desquelz appert Bouchard, lors seigneur baron de L’Isle- Bouchard, avoir aulmosné et donné aux abbesse et couvent de l’abbaye de Beaumont troys septiers une myne de sel, payable chacun an au jour de Noel, prins à son port dudict lieu de L’Isie-Bouchard.
« Par le second commencant : Noticie et memorie, à cette date : anno millesimo CCe VII ab incarnatione Domini, Philippo rege Francorum, Johanne rege Anglorum, Gofrido de Lande, archiepiscopo, regnantibus, appert que Bartholomeus, seigneur baron de L’Isle-Bouchard, a confirmé ausdictz abbesse et couvent de Beaumont le don faict par ses prédécesseurs, des troys septiers myne de sel, mentionnez par ledict extraict cy-dessus produict, pour vous informer que auparavant ladicte érection de gabelle y avoit audict lieu de L’Isle-Bouchard grenier à sel et pour la grande quantité qu’il avoit de son péage en fut donné par ledict Bouchard de L’Isle à ladicte abbesse de Beaulmont le nombre de troys septiers myne par chacun an:
« Par le tiers, appert comme ung nommé Pierre du Four, procureur et recepveur dudict lieu de L’Isle-Bouchard, certifie aux officiers du grenier à sel de Tours, comme présentement, qui estoit le quinziesme jour de mars l'an mil quatre cens soixante quatre, il envoyoit aux religieuses de Beaumont pour et en acquit de dame Katherine de L'Isle, dame de La Trémoille et de L’Isle- Bouchard, six septiers myne de sel à elles deu pour certain droict de sel qu’elles ont droict de prandre audict lieu de L’[sle-Bouchard.
« Et par le quatriesme extraict appert ledict du Four, recepveur de L’Isle- Bouchard, certifier le treiziesme jour de décembre mil quatre cens soixante et treize, comme sur et en déduction du sel que l’abbesse de Beaumont a droict d’avoir et prandre chacun an sur le revenu et péage de sel de monseigneur de L’Isle-Bouchard, icelluy recepveur a cedict jour envoyé à ladicte abbesse troys | septiers myne de sel et que le surplus à elle deu il le payera de sa recepte de sel à icelle abbesse plustost qu’il pourra.
« Après lesquelz extraictz est inséré et escript le procès-verbal dudict Minoys,
éleu de Tours, qui a faict iceulx extraictz, les sollempnitez en tel cas requises gardées, par quoy y doibt estre foy adjouxtée comme aux originaulx, et conséquemment actendu qu'il appert que troys cens ans a les seigneurs de L’Isle- Bouchard ont droict de salage audict lieu de L’Isle-Bouchard, doibt estre audict seigneur de La Trémoille, demandeur, faict et octroyé la main levée par luy requise ; lesdictes coppies collationnées, signées et coctécs G.
a Item, produict ung cahier de pappier ouquel sont la coppie d’unes lettres royaulx du pénultiesme jour d’apvril l'an mil quatre cens quatre vingts unze, signées : Provost, ung rellief en cas d'appel de certain reffus, tors et griefz faictz audict[....] par les grenetiers, contrerolleurs et officiers du grenier de Chynon de livrer audict seigneur de La Trémoille et de L’Isle-Bouchard la myne de sel mentionnée, ausquelles est actachée la rellation de Jehan Morin, sergent royal au bailliage de Touraine, de l'exécution desdictes lettres, qui est pour montrer que ledict seigneur a esté et est en ce droict de prandre le nombre et quantité de sel susdict sur le sel entrant audict grenier à sel de Chinon.
« Item, produict une autre coppie, deuement collationnée aux originaulx et signée par mtre Guillaume Houtouau, esleu pour le roy à Tours, en la présence du substitut de monsieur le procureur général audict lieu de Tours, de certaines lettres royaulx impétrées de la partie des religieuses abbesse et couvent de Beaumont, le vingtiesme septembre mil quatre cens vingt cinq, par lesquelles a esté mandé aux généraulx des finances et aux grenetier et contrerolleur du grenier à sel de ladicte ville de Tours de délivrer et faire délivrer ausdictes religieuses de Beaumont le sel mentionné par lesdictes lettres, qui est pour monstrer que lesdictes religieuses ont don desdictz seigneurs de La Trémoille du nombre et quantité de sel mentionné par lesdictes lettres sur le proffict du péage que prend ledict seigneur de L’Isle Bouchard, en Ia rivière de Vienne, sur le sel descendu au grenier de Chynon, lequel soulloitestre descendu audict lieu de L'Isle Bouchard avant que en ladicte ville de Chynon eust esté estably grenier à sel par lc roy, et partant actendu le long temps qu'il y a que ledict seigneur de L’[sle Bouchard joyt dudict droict de péage sur le sel, vous. plaira luy octroyer et faire ladicte main levée; lesdictes deux pièces cottée H.
« Îtem, produict ledict demandeur cinq pièces actachées ensemble. La première est ung adveu ou dénombrement par lequel appert, entre autfes choses,
que Agnès de Blanqueffort, dame de Champlivault, tant en son nom que comme ayant le bail, gouvernement et administration des enfans myneurs d’ans de feu
* Guillaume de La Porte, son mary, auroyt congneu, confessé et advouhé à
tenir en fief de son frère messire Loys-de La Porte, en son vivant chevallier, seigneur de Veaugues, la tierce partie du péage qu'elle avoit à Sully au long de Loire, ainsi qu’elle se part avec fa dame de Sully et la mère de Pierre de Surie, laquelle tierce partie dudict péage valloit bien par chacun an de rente à ladicte Angnès trente livres parisis ou environ, pour plus ou moings, et autres choses contenues oudict adveu, lequel est dacté du lundi d’après la saincte Luce, l’an mil IIIe XLIII, Signé : Guillaume Feme.
« La seconde est ung autre adveu ou dénombrement en parchemyn, dacté du premier jour de janvier l’an mil troys cens soixante dix-neuf, signé : Raoulet Bourdin, et scellé de cire rouge, par lequel appert que feu Hervée de Sully, dame de La Salle et de Sarroy, recongneut et confessa tenir en fief à une foy et à ung homaïge lige du seigneur de Sully, à cause de son chastel et chastellenye dudict Sully, ses dommaines et héritaiges et entre autres son péage appellé le péage du Long qu’elle avoit acoustumé prendre de sel, de toutes denrées et marchandises et choses, tant de monter que de besser par ladicte rivière de Loire par toute la chastellenie de Sully et tous les endroictz et exploictz d’icelluy péage.
« La troisiesme est ung autre adveu aussi en parchemyn par lequel appert que, en ladicte année mil troys cens soixante et dix neuf, ung nommé Estienne Guéret, bourgeois de Jargueau, auroit aussy confessé et advouhé tenir en fief à une foy dudict seigneur de Sully, à cause de sondict chastel dudict Sully, entre autres choses le péage du Lons endroict Sully, que valloit bien par an trente livres parisis de rente ou environ, sur lequel péage messire Phelippes Gaucher, vicaire perpétuel de la chappelle Sainct Jehan en l’église de Sainct Ydier dudict Sully, y prenoit pour la fondation d’icelle chapelle douze livres parisis de rente, chacun an perpétuellement, à deux festes, c’est assavoir six livres à la sainct Jehan et six livres à Noel, lesquelles douze livres parisis avoient esté amorties comme disoit icelluy Guéret. Ledict adveu signé : J. Le Faulconnier, en dacte
du vingt deuxiesme jour de janvier audict an mil'trois cens soixante et dixneuf et scellé de cire vert.
« La quatriesme est ung autre adveu ou dénombrement aussi en parchemyn par lequel appert que ung nommé Jehan Guesdat, bourgeoys de Chastillonsur-Loire, auroyt aussi en son vivant recongneu, confessé et advouhé à tenir en fief et à une foy et à ung seul hommaige de monseigneur de La Trémoille et de Sully, à cause de son chastel et chastellenye dudict Sully, dix livres treize solz quatre deniers parisis de rente par chacun an: aux termes de Toussaincts, cent six solz huict deniers parisis et au terme de la feste dé Pasques chacun an cent six solz huict deniers parisis sur le péage du long de Loire appellé la myne franche, et sur les fermes, yssues, revenuz, proffictz, exploictz et esmolumens d'iceulx, comme plus à plain appert par ledict adveu qui est dacté de l’an troys cens quatre vingts six, du douziesme jour de décembre, signé : Estienne Moté et scellé de cire vert sur simple queuhe.
« La cinquiesme et dernière desdictes pièces est ung autre adveu ou dénombrement en parchemyn par lequel appert que ung nommé Estienne Guéret, escuyer, demourant au lieu de Jargneau, avoyt recongneu, confessé et advouhé tenir de feu messire Guy de La Trémoille, chevalier, seigneur de Sully et de Craon, à cause de sa femme, le tiers du péage dudict Sully qui se prend et est enlevé sur le sel et autres denrées montans et dévalans du long de ladicte rivière de Loire, vallans le tiers dudict péage pour la part et portion dudict Guéret vingt quatre livres parisis par communes années ou environ, et des appartenances dudict chastel et chastellenye dudict Sully ; ledict adveu dacté du vingt et uniesme jour de juing mil troys cens quatre vingts XIIII, signé : G. de Milly, sellé en cire vert. Lesdictes coppies desdictes pièces coctées J.
« Item, oultre pour monstrer que ledict seigneur de La Trémoille et ses prédécesseurs ont tousjours joy des droictz de péage audict Sully et que, quant aucuns marchants ont passé oultre ledict lieu sans payer, ilz en ont esté poursuyviz et mis en procès et contre eulx ont esté obtenues sentences et jugements, produict icelluy seigneur de La Trémoille la coppie deuement collationnée à l'original, présent mondictsieur le procureur général ou son substitut, et signée de monsieur le greffier de ladicte court, d’une sentence donnée par le baïlly de Montargis ou son lieutenant, par laquelle appert que ung nommé Jehan Sévin et Pierre Branger, au moyen de ce qu’ilz avoient passé et traversé en descendant aval cinq batteaulx chargez de marchandises, à eulx appartenans, sans avoir
payez les droictz de péages audict lieu de Sully et de Sainct-Gondon, à la requeste du procureur dudict seigneur de Sully et du fermier dudict péage, ilz auroient esté arrestez et la main dudict lieu de Sully apposée sur iceulx, et depuis pour icelle main conforter auroient esté arrestez à la requeste du procureur du roy ; à quoy lesdictz Sevyn et Brangier se seroient opposez et pour dire leurs causes d'opposition jour leur auroyt esté assigné par devant ledict bailly de Montargis ou son lieutenant tellement que, par sentence de luy donnée, auroit esté dict que lesdictz arrestz et empeschemens estoient bons et vallables et ladicte opposition tortionnaire, et iceulx Sevin et Brangier condempnez à faire remonter et conduire à leurs despens lesdictz cinq bapteaulx jusques audict lieu de Sully où l’on acoustume branler pour appeller les péagiers dudict Sully et Sainct-Gondon et condempnez à faire l’acquit et payement d’iceulx péages, et oultre auroient esté déclairez estre encoreuz ès amendes de péage brisé, telles que on a coustume payer, et ès despens faictz tant à la poursuicte desdictz bapteaulx que du procès, dont ne fut appellé ne réclamé, comme appert par ladicte sentence qui est dactée du cinquiesme jour de septembre mil quatre cens trente sept, signée : de Buges et de Maubodet, et scellée en cire rouge, coctée au doz par K.
« Îtem, pour monstrer par ledict seigneur de La Trémoille, comme il est seigneur de la baronnye et seigneurie de Marans qu’il tient en foy et hommaige du Roy à cause de son chastel de La Rochelle, du droict de sel à luy apartenant et qu’il a acoustumé prandre et parcevoir sur les navires, batteaulx et nacelles passants par ce lieu et seigneurye de Marants, produict deux pièces ensemble actachées.
« La première desquelles est ung mandement de messieurs de la chambre des comptes à Paris, signé : Riveron, dacté du vingtiesme jour d’apvril après Pasques mil cinq cens dix sept, adressant au gouverneur de La Rochelle ou son lieutenant, contenant narracion des foy et hommaïige faictz au Roy ès mains de monsieur le chancellier par monseigneur Loys, seigneur de La Trémoille, pour raison de sa conté de Benon et seigneurye de Marans et de l’isle de Ré, et dont icelluy seigneur de La Trémoille avoyt ledict jour baillé ses adveuz et dénombrementz.
« La seconde est l'adveu et dénombrement baillé à ladicte chambre des comptes par ledict seigneur Loys de La Trémoille, qui advouhe tenir du Roy à cause de son chastel de La Rochelle à foy et hommaige lige, son chastel et ysle de Marans, appartenances et deppendances, à cause duquel il a droict de naufrage tant en la mer que eaue doulce, droict de péages, coustumes, passages, portages et mesuraiges de sel et autres droictz mentionnez en icelluy dénombrement qui est signé : de La Trémoille et Riveron, et scellé de cire rouge,
cocté L. »
Chartrier de Thouars. Pièce papier, non signée.
TABLES
