GABRIELE DE BOURBON
Chartrier de Thouars. Orig. pap.
ee — ne
1485 (n. s.), 11 avril. — « À monseigneur de Segré qui est allé tenir l’enffant de monseigneur de La Trémoille par le commandement du roy, 38 Liv. 10 5. tournois, » |
Arch. nat. KK 80, fol. 79.
1501 (v. s.), 7 février. Château de L’Ile-Bouchard.— Contrat de mariage de « hault et puyssant seigneur Charles de La Trémoille, prince de Tallemond, et de haulte et puissante damoiselle Loyse de Coytivy », traité par hault et puyssant seigneur messire Loys de La Trémoille, chevalier de l’ordre, compte de Benon, vicomte de Thouars, père dudit Charles, et haulte et puyssante dame madame Gabrielle de Borbon, mère dudit Charles, d’une part, et hault et puyssant seigneur messire Charles de Coytivy, aussi chevalier de l’ordre, comte de Taillebourg, père de ladite damoiselle Loyse, et très haulte et très puyssante dame madame Jehanne d'Orléans, mère de ladite damoiselle Loyse. » Présents audit contrat : « Très révérend père en Dieu mons' Jehan de La Trémoille, archevesque d’Aulx; très hault et très puyssant seigneur Loys de
Bourbon, seigneur de Champeigne ; nobles et puyssans seigneurs messr Franczois de Pons, chevalier, seigneur de Montfort ; messe Loys de Maraffin, chevalier, seigneur de Nort, maïistre d’ostel du roy, nostre sire, messe Phelipes de Menou, chevalier, maistre d'ostel de la royne; Guyot Morinière, seigneur de Besnit, et plusieurs aultres. »
Chartrier de Thouars. Pièces pap. et parch.
ee ——— me —
1502 (environ) r mai. Thouars. — Lettre de Charles de La Trémoille à son père, sur la bonté des oiseaux pour la chasse au vol qu'ils ont en Bas-Poitou.
« À Monseigneur.
« Monseigneur, plaise vous sçavoir que Haneqin est venu de Bas-Poetou, lequel dit que vous avez des meileurs oseaux du monde ; et espésyamant bon Pietre, quar y dit qui ne pille plus et qui ne vist de set an sacre qui volast mieux que Pietre et la Dame. Les jeunes sacres font rage, et croy qu'après la mue vous les trouverez bons. Y1 est tams de les mettre an mue, qua le tiercelet de gerfau est desgà sur la quarte penne ; y est ausy bons qui souloit, mès Pietre ly tient compaignie.
« Mons&r, commandé moy voz bons plaisirs pour les aconplis, au plaisir Nostre Seigneur, auquel je prye qui vous doint très bonne vie et longue.
« Escript à Thouars, le premier jour de may, de la main de vostre très hunble et très obéissant filz,
Original olographe.
1506, 2 mai. Gênes. — Lettre de Charles de La Trémoille à son oncle le cardinal Jean de La Trémoille.
« À monseigneur, monseigneur le Cardinal.
« Monseigneur, je me recommande très humblement à vostre bonne grase, vous faissant scavoir, monseigneur, que j’ay rescu les lettres qui vous a pleu m'escrire, et suis le plus aise du monde que se quetes passé les mons an bonne santé. Au regard des nouvelles de cest court, le roy est yssy qui fait la melleure chère du monde et me sanble que vous devez venir le plus tost que vous pourez, quar je croy que le roy ne fera pas lonc séjour. Monseigneur, mès que je vous voye, je vous conteré le demeurant, par quoy feré fin priant Dieu, Monseigneur, qui vous doint très bonne vie et longue.
« A Genes, le deuxème jour de may, de la main de vostre très humble nepveu et serviteur.
« C. DE La TRÉMOILLE. »
Chartrier de Thouars. Orig.
1512 (environ). Le Plessis. — Lettre de Louise de Coëtivy à sa belle-mère Gabrielle de Bourbon
« À madame, madame ma belle-mère.
Madame, je me recommande très humblement à vostre bonne grase. Madame, j'ay veu lez laystrez quy vous a plu me récryere, et suys byen joyesse d'avoyr su de vos nouvellez et de sellez de Monseigneur et osy de mon fyz,
car c’est unne chousse que tousjours byen je désyre, et de vous voyr. Madame, Monseigneur me recryet quy me verra byen toust, mays je ne sey sy se sera ysy ou à Enboyse, car nous ne savons encorez commant nous en yrons d’ysy. Je vous ay recryet naguèrez, et m’atans que byen toust je soré encore de vos nouvellez. Toute la court est à Enboyse, comme je croy que vous savez. Quy sera pour vous fayre la fin de ma laystre, requérant Dyeu, Madame, quy vous doint très bonne vyee et longue.
« Escryet au Plesiz, de la main de vostre très humble et très obéysante fylle.
« Loyse DE Coxrrivy. »
Original olographe.
1512 (v. s.), 6 mars, Blois. — Lettres patentes de Louis XII par lesquelles le roi « pour la bonne et entière confiance » qu'il a « de la personne de » son « cher et amé cousin Charles de La Trémoille, prince de Talmont, et de ses sens, vaillance, loyaulté, conduicte, expérience, preudommye et bonne diligence, en faveur des bons, vertueulx, agréables et très recommandables services qu’il... a par cy devant faitz.. ou fait » des « guerres de deçà et de là les monts, fait et continue par chacun jour en grant soin et cure à la garde » du « duché de Bourgongne, en l'absence de » son père le sire de La Trémoille, « lieutenant général et gouverneur oudit pays », lui donne « la cappitainerie des place et chastel du Vergy, en... Bourgongne, que souloit tenir et exercer feu Robinet de Framezelles, chevalier, dernier possesseur de la dite cappitainerie, vaccant à présent par son trespas, naguères intervenu... »
Chartrier de Thouars. Orig. parch. signé « Loys » et scellé.
0 re 0e ee 2 ———
