VIT
1513, 11 mai. Blois. — Lettres patentes de Louis XIT nommant Charles de La Trémoille, prince de Talmond, lieutenant général du duché de Bourgogne en l'absence de son père, Louis XII de La Trémoille.
« Loys, par la grâce de Dieu roy de France, à tous ceulx qui ces présentes lettres verront, salut.
Comme pour la conduicte de nostre armée que envoyons présentement de là les mons pour, à l’ayde de Dieu nostre créateur, recouvrer et réduire en nostre obéissance nostre estat et duché de Millan, nous ayons constitué, fait et estably nostre lieutenant général et d'icelle baïllé la totalle charge à nostre très cher et très amé cousin le sr de La Trémoille, nostre lieutenant général et gouverneur en noz pays et duché de Bourgongne ; par quoy, pour la seureté, tuicion, garde et deffence de nostredict pays et duché de Bourgongne, et pourveoir aux affaires qui y pourront survenir, soit besoing et très requis, en l’absence de nostredit cousin le sr de La Trémoille, nostre lieutenant général et gouverneur oudit pays, commectre et depputer quelque bon, vertueulx et notable personnaige, de maison et auctorité à nous seur et féable et auquel noz subgectz dudit pays puissent avoir recours en leurs affaires au bien et soulaigement d’iceulx ; |
« Savoir faisons que par la très singulière, parfaicte et entière confiance que nous avons de la personne de nostre très cher et amé cousin Charles de La Trémoille, prince de Tallemond, filz de nostredit cousin le sr de La Trémoille, et de ses sens, vaillance, loyauté, conduicte et bonne dilligence, attendu aussi la congnoissance et expérience qu’il a desjà des faiz et affaires dudit pays, icelluy, pour ces causes et autres considéracions à ce nous mouvans, avons fait, ordonné, constitué et estably, faisons, ordonnons, constituons et establissons par ces présentes nostre lieutenant général en nostredit pays et duché de Bourgongne, en l'absence de nostredit cousin le st de La Trémoille; pour,
durant l’absence de nostredit cousin, avoir le regard et superintendence aux affaires qui pourront survenir audit pays ct y pourveoir ainsi qu'il appartiendra et il verra estre affaire pour le bien, seureté et conservation d'iceluy.
« Etluy avons donné et donnons povoir exprès et espécial, par cesdictes présentes, de faire vivre en ordre et police tous noz gens de guerre, tant de noz ordonnances que lansquenetz et autres de quelque estat et nation quilz soyent, estans et tenans garnison pour nostre service, et qui seront à nostre soulde oudit pays, et des délinquans faire faire la justice, pugnicion et correction telle qu’il appartiendra à l'exemple de tous autres ; de veoir et visiter les villes et places de nostredit pays de Bourgongne, iceulx faire entretenyr en bonne et convenable réparacion et les pourveoir de vivres et autres municions nécessaires, en manière que par faulte de ce inconvénient n’y puisse avenir ; de faire changer et remuer les garnisons de nosditz gens de guerre, tant de noz ordonnances que autres, ès villes et lieux où il verra estre affaire, et icelles renforcer de plus grant nombre si besoing est, pour la seureté et deffence d'icelles villes, places et lieux; de faire ou faire faire la monstre et reveue de noz gens de guerre, tant de noz ordonnances, mortes payes que autres, de quelque estat, nacion ou qualité qu’ilz soyent, sans souffrir ne permettre que aucuns abuz, faulses monstres ou pilleries s’i facent par qui que ce soyt, et de celles que trouverra y avoir csté faictes, soyt par les cappitaines, lieuxtenans, chefz de chambre ou compaignons, en faire ou faire faire si rigoureuse pugnition et Justice que ce soyt exemple à tous aultres; de mander et assembler toutes et quantesfoys que besoing sera et qu’il congnoistra que pour le bien, conservation et deffence de nostredit pays faire se devra, les nobles, gentilzhommes et autres subgectz au ban et arrière ban de nostredit pays et duché de Bourgongne et les faire marcher ettirer ès lieux, villes et places qu’il ordonnera en armes et habillemens tel qu’ilz sont tenuz servir, selon la nature de leurs fiefz et ainsi que fait a esté cy devant ; de mander et faire marcher semblablement nosditz gens de guerre, d'ordonnances et de pié la part où il verra estre affaire, et iceulx, exploicter à la deffence de nostredit pays où l'affaire le requerra; de mander et faire venir devers luy, toutes et quantesfoys qu’il verra estre affaire et besoing sera, tant cappitaines de places, de gens de guerre de noz ordonnances, [de]
gens de pié que autres estans en nostre service oudit pays, barons, gentilz-
hommes et autres personnes particulières des villes, et semblablement noz bailliz et autres noz officiers, pour adviser, débatre et délibérer avecques eulx des affaires dudit pays, et leur ordonner ce qu’il verra estre à faire pour nostre service ; et généralement de faire pour le bien, seureté et conservacion de nostredit pays, en l’absence de nostredit cousin le sr de La Trémoille, comme nostre lieutenant général, tout ce qu’il verra et congnoistra estre à faire, jaçoit ce qu’il y eust chose qui requist mandement plus espécial.
« Sy donnons en mandement à tous noz mareschaulx, cappitaines, chefz et conducteurs de nozditz gens de guerre, baïlliz, et à tous noz autres justiciers, officiers et subgectz, que à nostredit cousin le prince de Tallemont, nostre lieutenant en l’absence de nostredit cousin le sr de La Trémoille, 1lz obéyssent et facent obéyr et entendre de tous ceulx et ainsi qu’il appartiendra comme à nostre personne propre, et luy donnent ayde, faveur, confort et assistance où et ainsi que par luy ordonné leur sera ; car tel est notre plaisir. En tesmoing de ce, nous avons signé ces présentes de nostre main et à icelles fait mettre nostre séel.
« Donné 4 Parys, le xr° jour de may, l’an de grâce mil cinq cens et treize, et de nostre règne le seiziesme.
« Loys.
« Par le Roy, monstr le duc de Valloys, conte d'Angoulesme, l’évesque de Paris, les srs du Bouchaige et des Chanetz, les gens des finances et autres présens,
« ROBERTET
Chartrier de Thouars. Original en parchemin.
