XXX. De Helyotropia

Une pierre qui fait merveilles,

Onques n'oïstes les pareilles,

Hat nom elyotropia :

944 Vertu et force trop i hat.

Qui le met en l'aiguë, si change

Le solel en color estrange,

Puis après fait l'aiguë bolir, 948 Et movoir et en haut saillir.

Honor done et bon los atrait,

Et bone amour ; après si fait

Saint et alegre son seignor 952 Et long tans vivre a grant honor.

Ceste pierre venin estraint

Et sanc par sa force restraint.

Nunz ne puet celui decepvoir 956 Qui le porte, jel sai de voir,

Tant de grâce li abandonne

Li sires qui toz les biens donne.

De plus grant chose s'entremet 960 La pierre, quar cil qui le met

Avoec l'erbe qui ha son nom

Et face sur beneïson,

Dedans son poing close la tiegne, 964 Quel part que vuet si aille et viegne,

Que ja n'iert trovés neveûz

Ne por nunl home cogneùz.

Bien porroit s'amie embracier

936 ceraine - Ruhr, helyotropis — 943 elyotropis — 944 il — 956 sca — 964 qui — 966 nunlz — 967 embracie

968 Cil qui le porroet porchacier

Et baisier malgré tôt le monde.

En Ethyope plus habunde,

Et envers Chypre et en Aufrique,

972 Ce trovons escript en fisique. Ghiere doit estre et redoublée.

Vers est et de vermel goûtée.