XXXI. De la Gerachite

Gerachite louer m'estuet 976 Et dire ce que faire puet ;

Grant vertu hat, se tote est noire.

Car l'escripture nos fait croire

Qui lave sa bouche et ses dens 980 Et puis met la pierre dedens

Deviner puet ce qu'altre panse

De li, ja n'i avrat defîense,

Ne feme ne le puet desdire, 984 S'amor ne son cors escondire.

Geste piere tôt enclines,

Vos qui por amor ne fines,

Quar ceste porte la corone 988 Qui amis et amie done.

Cil qui la pierre bien esprovent

Quierent dou miel tant qu'il en trovent,

Puis se despoillent et s'en oignent :

992 N'avront ja pooir que les poignent

Mosches, ne mal ne lor feront ;

Si 1'ostent si les carseront

Ansi les font et essaillir 996 Et en plusor leuz sanc saillir.