XXXIV. La Sadde

Sadde est une piere riche,

900 Çoe dit li livres, si l'afiche.

Mult est forment griés a trover, Kar ele naist en mi la mer.

S'ele nel velt n'iert ja trovée,

904 Par nul home a terre portée.

Or vos dirrai de ceste piere Gom par est d'estrange manire :

Gum marinir vont par la mer

908 En plusors terres conquester,

Quant la nef vient sor li flottant La piere juinst el bort devant, Si s'i tient si tredurement

912 Ke soi ciel n'a tel ferement Qui la piere en peûst oster, S'od soi ne vuet del fust porter; Quand la nef a droit port vient,

916 Troevent la gemme k'i tient.

En Galdée la région A une piere, prasme a non :

Sa color a sadde la piere,

920 De sa clarté a la manire.