XXXV. Le Mede

En la Mediene^terre Vont marcheant la piere querre, Mede est la piere clamée.

924 De vertuz est bien esprovée : Li hom ki gote ne verrait, Ki de mal avuglez seroit, Ki un petit de ceste gemme 928 Destemprast od lait de femme

906 de e. — 914 puet — 925 home

Ki un enfant porté eûst,

Si ke li enfes malles fust,

E ses oilz sovent en oindroit 932 Apres çoe clerement veroit ;

E le poacre poet curer,

Mais del leit ait al pesteler

D'une berbiz e d'un aignel 936 Qui masle soit e seint e bel : Gist lait est bon pur saner

Celui ki ne puet alener.

E de la piere ait ensement 940 E soit en un veissel d'argent ;

En argent est bons a garder ;

Sil doit on a jeun user.

E ki es rains gotes avront 9 4 Par ointures bien garront.

Se vos vostre enemi avez,

Iceste piere triblerez

E la cuz ruge ensement 948 A l'eve clere durement ;

Celui faites l'eve doner

Pur son front oindre e laver :

Si tost com il i tochera 952 Des oilz andous avoglera ; Se vos a boivre li donez Tant vomira k'il iert tuez.

Noire la claiment par figure, 956 Mais ele est verte par nature :

Cum mal fait est noire clamée, Cum bien fait est blanche nomée.