IV. La nature dou rubys

L'auctoritez, qui nous aprent

Dou ruby ou nus ne se prent

De biauté, d'estre gracieus, 264 Dist que c'est li plus precieus

Des masles et fumeles pierres

Des douze dont Diex fu crieres

Quant cria toute créature.

268 Ruby sont vermel par nature.

Li lapidaires nous devise

Qui très fin ruby bien avise

Net et gentil et bien l'esgarde, 272 Qu'il resamble carbon qui arde.

Moult sont plus gentil de couleur

Li un que li autre et milleur

De biauté, de valour, de pris.

276 Ensi com nous avons apris

A li rubys la signorie

D'oir en oir et d'ancisserie ;

Li rubys a par lui sans doute 280 La puissance et la vertu toute

Que les pierres naturels ont

Des douze qui principals sont,

Et par dessus a sans doutance 284 Tel signorie et tel puissance

Que cil qui sor li porte et tiegne

Fin ruby et entre gens viegne,

Signorie com a signor 288 Li portent, et grâce et amor.

Les gens de celui s'esjoïssent

Qui l'a, et si le conjoïssent.

Et, si fait li livres a croire, 292 Esprovée chose est et voire

Quant beste malade bevra

280 G raison — 283-4 D Et par dessus a tel puissance Et tel seignorie doubtance — 285 B sur lui la e. ë

sans

De l'iaue ou li rubys sera Maintenant garist, et destorne

296 Sa maladie tout a ourne.

Et quant desconfortez esgarde Fin ruby, saehiés qu'il n'a garde Que Diex maintenant nel confort,

300 Ja tant n'avra contraire fort. Li oeil qui verai ruby voient Se pensent et au cuer envoient Confort dont li hom liés devient

304 Por la vertu qui de Dieu vient. En Lybe ou flun de parevis Est trovez selonc le devis, Ce nous en tesmoigne la lettre ;

308 Et si la doit on en or mettre.