L. De Margaritis
En Inde naist en un peisûn
Une piere ke perle a num.
Uniô â num pur ce k'est suie, 856 E lu peisun apelent muisle.
Li sage dient ke les moles,
Cuntre ciel baées les gules,
La rosée del ciel receivent 860 E de ce les pieres cunceivent.
Blanches e cléres sunt les perles :
Des jeunes issentles plus bêles.
Ki la rosée à plus ei cors 864 Gete la piere granniur fors.
Se il tonet en la cuntree
Quant els receivent la rosée,
Fuient tuz e perist la piere 868 K'est cunceûe bêle e chère.
La groissur dimi unce avrâ,
Ja nuls graniur ne la verra.
En Inde naist et en Britanie 872 K'om apele la primeraine.
Cuntre gute corél est bone
E cuntre tac ke naist en urne.
Cuntre mal d'oilz est sa nature.
876 Mielz valt la clere ke l'oscure.
Li bon perrier ancienûr
Tindrent la ruunde a meillûr,1.