IL. 446. D., t. I, p

Bernardus Cuidonis récite en sa cronique, que comme il (le roi Robert) eust faict mettre le siège devant quelque ville près d'Orléans, laissa le siège pour aller célébrer la feste sainct Aignan en ladicte ville d'Orléans, & tinst chappe avec un des chanoines : & comme il commencoit le tiers agnus de la grand Messe, à genoux, les murailles de la ville assiégée tombèrent par terre sans œuvre d'homme.

(Annales d'Aquitaine, f. 69 r°.)

L'année après et en l'an milcent soixante et treze, Henri le jeune retourna en Normandie où il assigna un festin, qui fut faict magnifiquement et en grand sumptuosité. Et afin que croiez qu'il y eut beaucoup de Chevaliers, celui qui a fait la prosecution de la Cronique de Sigibert, récite qu'il se trouva en une salle où estaient Guillaume de Sainct Jehan, Seneschal de Normandie & Guillaume, filz de Haimon, Seneschal de Bretaigne, & frère dudit Henry : lesquelz deux Seneschaux, par singularité, & afin qu'il en fust mémoire,entreprindrent que tous ceux qui avoient le nom de Guillaume, dineroient ensemble en la dicte Salle, et non aultres :

ce qu'on fist scavoir au Roy Henry le jeune qui le voulut & fist faire commandement a tous les Chevaliers, nommez Guillaume, de se trouver au dict disner en la dicte Salle : & défense à tous autres de non y entrer, fors ceux qui les serviroient. Et ilz se trouverent cent & dix Chevaliers du dict nom:

sans les simples Escuiers ou Serviteurs.

(Annales d'Aquitaine, {, 84, vo.)

Il semble y avoir en la generalogie des Princes certains noms fatalemant affectez : comme... en nostre ancienne Aquitaine des Guillaumes, d'ou l'on dict que le nom de Guienne est venu par un froid rencontre...