Partie manquante et déchirée de la pièce
1579, — Dossier relatif àla commission de contrôleur général des lombards et tables de prêt des Pays Bas, dont avait été relevé Michel des Ardres (Suite).
Ceulx de la Chambre des aydes ayans veu la requeste présentée à Messeigneurs les Estatz Généraulx de la part de Michel des Ardres avecq les pièces y joinctes, et estans inrofmez que les fiscaux du Conseil ordonné en Flandres ont intenté procès formel contre les Lombars illecq sur les excès par eulx commis en plusieurs poinctz et contre les instructions et ordonnances à eulx baillées, et que si avant y est procédé que parties sont admises à preuve, ce que par lesdits fiscaulx a esté faict, ne restant que d'oijr ung tesmoing ou deux, commil appert par l'attestation desdits du Conseil en Flandres, de sorte que de plain ilz en doibvent estre informez : Leur semble partant que mesdits seigneurs polront envoyer et communicquer lesdictes requeste et pièces ausdits fiscaulx de Flandres afin de les advcrtir des excès avecq lesquelz ilz ont chargé les Lombardz illecq, ensamble de ce qu'ilz en peuvent avoir, faict apparoir. Et s'il y a apparence ou fundament que Sa Majesté en pourroit aultant prouficter que le suppliant l'allègue par sa requeste avecq leur advis de ce qu'celluy demande par icelle, instruisant cependant ledit procès et soUicitans bien vivement la vuidange ; aussy qu'ilz s'in-
forment sur Vassaisinat mentionnée en ladicl^e requeslo, et au cas qu'ilz le treuvent véritable procéder contre les coulpables à correction et amande condigne, actendu que le faict des Lombartz et ce qu'en deppend, comme estant régalie appertient immédiatement à la cognoissance de Toffice fiscal. Et pour ce que lesdits fiscaulx ne pourroient mieulx estre informez du tout que par ledit Michiel des Ardres et que l'apparent prouffict que Messeigneurs en pourroient recepvoif est si très-grand qu'il ne le convient négliger.
Samble aus(s)y partant Messeigneurs polront députer quelques uns d'entre eulx pour requérir Son Alteze et ceulx du Conseil d'Estat, vouloir au remonstrant renouveller et rédintégrer sa commission suspendue de contrerolleur général des Lombartz en telle forme qu'il at eu et ainsy qu'ilz le trouveront convenir.
Actum en ladicte Chambre des aydes, en Anvers, le VIII* jour de Juillet 1578. Soubzsigné : Sarala.
Collationné à l'escript et aux appostilles cydessus et trouvé accorder par moy greffier soubzsigné :
^signé) : J. Le Bailly, 1579.
(En marge se trouvent les appostilles suivantes) : Sont députez pour visiter les pi(è)ces les pensionaires de Lovain, Bruxelles et du Francq. Faict en l'assemblée des Estatz Généraulx le X*» de Juillet 1578.
Soubzsigné : Blylevbn,
Les Eslatz députent, les susdits commissaires pour représenter le contenu de cest advis à Son Altère et son Conseil aux fins y reprinses.
Faiet en l'assemblée desdits Estatz, le XVII* de Juillet 1578.
Soubzsigné : Bi.yleven.
Soit monstre aux superintendentz des Lombartz ,pour y dire ce que bon leur semblera et exhiber les pièces concernans cest affaire.
Faict en Anvers, le VIII* d'aoust Lxxviii.
Soubzsigné : van Asseliers./.
Archives du Nord. — Série F : Fonds Erremhault : registre N^ 39. (Copie authentique, sur papier.)
1583. — Requête de Jacques de Fausse, lombard, tenant la table de prêt à Lille et Jacques Benoist tenant celle d'Ath, touchant la conservation de leur ferme à Tournai.
A Messeigneurs,
Messeigneurs les Prévostz et jurez de ceste
ville et cité de Tournay.
/ Remonstrent en toute humilité Jacques de Fausse, tenant table de prest en la ville de Lille, et Jacques
Benoisl, tenant table de prest en la ville d'Alh, comme puis quelques mois ença ilz auroient prins en ferme la table de prest en ceste ville et cité de Tournay, pour en jouijr en conformité de Toctroy de Sa Majesté sur ce expédié par copie authentique cy jointe, laquelle table ilz sont intentionnez venir exercer et déservir, enquoy ilz espèrent telement eulx acqiiiter et conduir que vos Seigneuries, bourgeois, manans, et habitans de ceste dicte ville en receveront contentement et en-, tière satisfaction comme aussy jusques ores (sans jactance) ilz se sont tèlément portez en toutes leurs actions en hommes de biens, vray zélateurs de nostre Sainte foy Catholique, appostolicque Ro... et de l'autorité de Sa Majesté que oncques personnes du monde ne s'est dolu ny plainct d'eulx : ce qu'ilz ont bien volu remonstrer à Voz Seigneuries.
Suppliant très-humblement qu'icelles soient servyes" d'avoir ceste leur surdicte remonstrance pour aggréable, les veuillent cognoistre tenir et réputer (avecq leur famille pour telz et les maintenir et conserver en leursdits droitz et privilèges, mesmes conformément à l'ordonnance de Son Altèze, aussy par copie cy joincte. En oultre, qu'elles soient aussy servyes d'avoir pour aggréable et prendre de bonne part et en gré pour leur récréation une somme de cincquante florins, qu'ilz supplians font présent à Icelles Voz Seigneuries pour leur bien venue en ceste dicte ville.
Quoy faisant, etc.
Plus bas, par appostille estoit escript ce que s'ensuit:
