LE s' DU RIYO A M. HENRY DE CAILLES
30 juillet 1585.
Ce qu'ont dit en la maison de St-Flour, le 2« consil de cette ville et le 1" consul d'AurilIac., au sujot du gouvernement de haut-Auvergne. — Défenses du Roy d'obéir à M. de Rendan. — Seigneurie de Chambres.— Le roi les interroge sur M. de Noailles, comme pouvant être pourvu du gouvernement. — Nécessité d'un Papier terrier.
Monseigneur, s'estant présentée l'occasion après avoir longuement discouru avec Monsieur de Lafon présent porteur, de ce qui se passe en ces contrées touchant le gouvernement de ceste Province^ vous ay bien voulu escripre la présente, et par icelle vous advertir fidèlement que les deux délégués que avons envoyez en court, dont Tung nommé Mons. Sauret^ second consul de la ville de St-Flour entièrement homme de qualité et licentié es loix, ensemble Mons. de la Carrière^ premier consul de la ville dAurillac, conseiller au siège présidial^ de lad. ville^ au rapport qu'ilz ont fait de leur délégation en la maison consulaire dud. St-Flour ou estions
COLLECTION DE NOAILLBS. 99
les esleus des quatre prévostés de ceste d. Province et de ce dit pays: entre autres choses ils rapportèrent que Sa Majesté deffeodoit aux habilans de ces d. pays d'obéyr aucunement au sîeur de Rendan (4), laquelle prohibition entendue, lesd. délégués supplièrent sadite Majesté leur commander à qui debvoyent-ils donc obéir ? auquelz feust respondu qu'ilz en seroient en brief adyertys : et peu de temps après, pourchassant leur despesche envers Mons. de Villeroy, Lad. Majesté leur demanda s'ils cognoissoient le sieur de Noailles, à laquelle ils tirent responce, quils avoient bien entendu parler de sa suffisance, mais qu'il n'estoit pas du pays. A quoy Sad. Majesté respondist ces mots, tant mieulx. ^ Et non contente de ce, troys autres diverses foys es derniers jours avant leur partement, feurent assaillys de mesme langage touchant vostre personne: vray est qu'ils n'ont pas rapporté, comme led. s"" de Lusan m'a dit bien avoir esté escript, que si quelque chose nous survenoit s'adresser à vostre seigneurie. Tant y a que je voys bien que avec peu de diligence, il ne tiendra que à vous que ne soyez pourveu dud. estât, vous desclairant que ne scaurions avoir mieulx. — Et si cependant seprésentoit quelque occasion qui nous prejudiciast, venant de voz cartiers (comme nous craignons) vous supplions très humblement au nom de tout ce pays qu'il vous plaise nous en donner quelque advertissement affin que ne lumbions en inconvénient, Et tout ce pays vous en demeurera reddevable, mesme au Cartier d'Aurilhac qui sont les plus envyés. — Ledit s. de Rendan, conduisant l'a vant-garde de Monseigneur du Mayne, est de retour en sa maison avec quelques troupes^ faisant estât d'aller assiéger Marenghel avec Mons. deSt-Vidal. Toutesfoys il n'est aucunement aproché de la Majesté du Roy.
(i) Jean Louis de la Rochefoucault, comte de Rendan, commandoit en Auvergne les troupes de la Ligne,
100 GOLLBCTION DE NOÀILLES.
Au reste, Monseigneur il vous plaira, pourveoir à FEstat de greffier a vostre Seigneurie de Chambres car sans ung greffier ou commisqui soit de la présente ville, bonnement vostre Justice ne peult estre exécutée, d'autant que ceste dite ville est le centre de vostre baronnye de Chambres. Il y a tant de cryeries et de mescontentemens de voz subjectz du passé, que je en ay grand honte et contristence, ayant esgard que fault que la Justice soit exécutée avec sincérité. J'ay parlé aud. s. de Lafon que si vostre plaisir esloit en pourveoir M. Joseph de Hayniale, que c'est le premier consul de ceste villo, ce vous seioitung grand contentement etsolagement • tous vos subjects. Je n'en parle poinct d'affection, sinon comme mon désir et desseing est que tout aille bien sellon Dieu et ses commandemens, et ainsy en droict. Je supplye le créateur,
Monseig. vous continuer en parfaite santé et heureuse et longue vie et a toute vostre compagnie : de vostre manoir ce pénulliéme juillet 1585, vostre très humble et très obéissant serviteur.
Signé, de Rivo.
Monseigneur, vous ne scauriez croire la faute que ce m'est de n'avoir pas eu une coppie de vostre terriez, et c'est à tous propos : Je vous supplie en accommoder vostre maison de Chambres, pour vostre profit.
Au dos : A M g' de Noailles chevalier de Tordre du Roy.
T. 1% fol. 326.
COLLECTION DE NOAILLBS. iOl
