XXIT XX VII XX VIII XXX VII XXX VII

Que je meine vie jolie,

Par la simplece des prelaz,

Qui trop fort redoutent mes laz.

Nus d’eus a moi ne se compere, Ne ne prent qu’il ne le compere.

Ainsi faz trestout a ma guise

Par mon semblant, par ma feintise.

Mais pour ce que confès doit estre Chascuns chaseun an a son prestre Une foiz, selonc l’Escriture,

Ainz qu'il li face sa droiture,

Car ainsi le veut l’apostoile, L’estaltut chascuns de nous çoile.

Qui vint ça, si les enortons,

Mais mout bien nous en deportons :

Car nous avons un priviliege

Qui de pluseurs fais les aliege.

Mais cestui mie ne taisons,

Mais assez plus grant le faisons Que l’apostoiles ne l’a fait,

Dont li ons, se pechiez a fail,

S'il li plaist, il pourra lors dire :

« En confession vous di, sire,

Que cil a eui je fui confès

M’a deschargié de tout mon fais; Assolu m’a de mes pechiez,

Dont je me sentoie entechiez,

Ne je n’ai pas enteneion

De faire autre confession,

Ne ne veuil cele reciter,

Si m'en pouez a tant quiter,

Et vous en tenez a paiez,

Quel que gré que vous en aiez ; Car se vous l’aviez juré,

Je ne dout prelat ne curé

Qui de confessier me constraigne Autrement que je ne m'en plaigne ; Car je m’en ai bien a cui plaindre, Vous ne me pouez pas constraindre Ne faire force ne troubler

Pour ma confession doubler,

Ne si n'ai pas affeccion

D’avoir double assolucion,

Assez en ai de la prumiere,

Si vous quit ceste dareniere ;