M. D. XLVII

Auec Priinlef^e pour six ans.

Extraict des registres de Parlement.

Sur la requeste présentée à la Court par Symon Silvlus, dit de la Haye, escuier valet de chambre de la Royne de Navarre, contenant que par cy devant il avoit mis devers ladite Court plusieurs petis livres en ryme françoise , cestasçavoir un intitulé Les Quatre Dames et les Quatre Gentilshommes, une Comédie de la Nativité' de Jcsuchrist, une de Ladoration faite par les trois Roys à Jesuchrist, une des Innocentz, et une autre intitulée le Désert, Le Triomphe de l'Agneau, une Complainte pour un détenu prisonnier, une Oraison de l'Ame fidèle à son seigneur Dieu, Le Dialogue de madame Charlote, un autre intitulé La Coche, trois Epistres de ladite Dame au Roy, et une Farce intitulée Trop, Prou, Peu, Moins. Tous les susditz Livres faitz et composez par ladite Dame, pour iceux veoir et corriger si besoing estoit. Et, ce fait, obtenir permission et privilège de les faire imprimer. Et ayant ledit suppliant esté advertyque lesditz Livres avoientesté veuz par ladite Court, requeroit luy donner par icelle permission et privilège jusques à six ans, pour faire imprimer et vendre lesditz Livres par qui bon luy sembleroit. Et neantmoins faire inhibitions et défenses à tous Imprimeurs et Libraires de ne imprimer ne vendre lesditz Livres sans le vouloir et consentement dudit suppliant. Veue laquelle ensemble lesditz livres, La Court ha permis et permet audit De la Haye faire imprimer et vendre par telz Imprimeurs et Libraires que bon luy semblera les Livres dessus désignez. Et ha fait etfait la Court inhibitions et défenses à tous autres Imprimeurs et Libraires de ne imprimer ne faire imprimer ne exposer en vente lesditz Livres jusques à six ans prochains après qu'ilz auront esté imprimez et mys en lumière, à peine de confiscation desditz Livres et damende arbitraire. Fait à Bourdeaux en Parlement le xxix. jour de mars, Lan mil cinq cens quarante six, avant Pasques.

Collation est faite.

De PoNTAC.

A TRESILLUSTRE ET TRESCHRESTIENNE PRINCESSE

MADAxME LA PRINCESSE DE NAVARRE,