J. DE LA HAYE

Sou treshiimble serviteur,

SOUHAITTE ENTIERE PROSPERITE.

iLVS tost verrons, à illustre Princesse, Totalement Dyane avoir prias cesse; ^Plns tost verrons les immortelz rayons i Du beau Phebus, que luire nous voyons,

Du tout esteints, et la vierge Tegée

Aux blonds cheveux en l'Océan plongée ;

Les quatre corps desquelz sont procédants

Tous autres corps, en nous tous discordants

Plus tost seront, et au rebours boutée

La Poulsiniere, et la voye lactée;

Plus tost en l'air les poissons logeront.

Et les Oyseaux en la Mer nageront,

Que celle Fleur qui nostre siècle honnore,

Et les beaux Liz, et la France décore,

Ne porte fruitz d'inestimable prix,

Dont soyent repeuz tant de nobles esprits,

Qu'ores on voit par les terres Galliques

A tout sçavoir et vertus héroïques

Estre addonnez. Ces doux fruitz immortelz

Sy rares sont, qu'il n'en est point de telz.

Il n'en est point en l'heureuse contrée

Que Pactolus ou la mer Erithrée

Vont arrousant; point non est en Seba,

Ny es haults monts fertiles de Saba.'

Il n'en est point de telz en la Syrie,

En Palestine, ou bien en Assyrie;

Il n'en est point du grand fleuve Araxes

Jusqu'à Phasis, ou jusqu'à Oaxes,

Du froid climat soubz lequel sont les Getes,

Delà Ister jusques aux Massagetes ;

Il n'en est point depuis les fiers Gelons

Jusqu' en Rhutie, et jusques auxPolons.

D'iceux sans plus est la France douée,

Où est la fleur sur toute autre louée,

Fleur de pourpris, fleur tousjours fleurissant,

Fleur de beauté naïve, fleur yssant

De Royal tyge et semence Royale,

Ceinte d'honneur, Céleste, Liliale,

Fleur qui les fruitz porte, dont à présent

Ton humble serf, Dame, te fait présent. Congnois tu point la haulte et docte veine De ma maistresse et ta mère la Roy nef' Congnois tu point ses beaux vers mesurez, Et ses escrits tous d'or, tous asurez?

Congnois tu point la douceur qui distile De son divin et pyndarique style?

Certes sy fais, et si ce n'est assez., De bref seront mieux qu'en or enchâssez Dens ton esprit ces escrits et les choses Qui sont en eux soubz vers dorez encloses. Là tu verras un esprit de vertu Mieux que le corps de pourpre revestu.

Un tel esprit que de luy seul s'agrée Sur tous le Ciel, et en luy se recrée, Un esprit franc, nourry tant seulement De pur Nectar, resonner clerement Propos divins et motetz Angéliques.

Là tu verras des ditt plus que celiques., Là tu verras des motz par millions Plus reluysans que riches unions, Et y verras au vif la voye painte Qu'elle a suyvie et autre chose mainte, Qui t'aydera quand y auras recours A parfournir le louable discours Qu'as commencé, suyvant du tout icelle Qui de tous poincts à toute autre precelle.

C'est le Miroir où il fault regarder Qui bien voudra du monde se garder; C'est le Miroir auquel qui bien se mire De tout malheur et vice se retire, Propre et requis pour bien se cointoyer, Et pour V esprit de taches nettoyer.

C'est le Miroir où Princesses et Dames Doyvent mirer et les corps et les âmes, Comme tu fais, dont ce grant bien f advient, Que ton hault lot îousjours plus cler devient. Face chasteaux qui voudra et théâtres, Arcs triumphans, thermes, amphithéâtres, Tours et dongeons, colosses monstrueux D'or, bronze ou marbre, et palais sumptueux; Tout cela tombe et déchet en ruine Avec le temps qui toute chose mine, Consomme et gaste, et toute œuvre de main Va périssant du jour à lendemain.

Mais, au rebours, tout ce qui prend sa source De l'esperit tousjours demeure, pource Qu^il est sans fin, et volontiers advient Que le fruit tient de l'arbre dont il vient. Les monumens que les esprits bastissent N'ont jamais fin et jamais ne périssent. Eau, gresle, foudre et tempeste n'ont point, Ny feu, sus eux de puissance un seul poinct. Donc ces escrits surpassans ceux d'Orphée

Sont le Colosse et louable Trophée,

La Pyramide où engravé sera

Jusques à tant que le Ciel cessera

V immortel nom de celle marguerite,

Qui de vertu la couronne mérite,

Et de sçavoir; qui a oultrepassé

Tous les esprits du bon siècle passé ;

D^autant que plus oultre le don de lettre

Et de doctrine, au Ciel elle pénètre ;

D'autant que plus sa royale Pallas

Garde et soustient, que le puissant Athlas,

Non pas le Ciel, mais bien sa fille aisnée

La Vérité, qui est tant oppugnée,

Et les neuf Sœurs, qu'en vigueur elle tient.

Et contre tous les défend et maintient.

Or des vertus qui en elle reluysent,

Et des haults fruits que ses esprits produisent,

Raison veult bien qu'en sois totalement

Vraye héritière, et desja vrayement

Chacun te juge estre la vraye Idée

De ses vertus et bonté collaudée.

De bonnes mœurs et d'honneur le fontal

Chacun te dit, et son pourtrait total.

Au demeurant, de ses fruits agréables

J'en ay cueilly ceux cy, doux, délectables,

De 5v bon goust que, les ayans goustez,

Tous appetis de nous seront ostez.

fentens de mal, de péché et de vice.

Or, désirant de te faire service, Haulîe Princesse, où tu puisses choisir Non un vulgaire, ains éternel plaisir, Je fen fais offre, asseuré que la grâce Et la bonté d'iceux t oui autre efface , Et que trop plus ses sacrez monuments Estimeras que vrays clers Diamants, Que fins Rubis, ny que Perles d'eslite, Et que l'odeur de ceste marguerite Satisfera à tes nobles esprits Plus que nul autre, et mettras à mespris Baume, Ambre et Musq, et l'Œillet et la Rose, Et toutes fleurs que le hault Ciel arrose Sur les matins, au temps que Zephyrus Revoit Flora s'amye, et que Taurus Est eschauffé de l'immortelle lampe Du cler Titan, qui tout voit et attrempe. Et que Progné vers nous se vient renger Du chauld faschée en pais estranger.

Ces fruitz icy qu'ores. Dame, je t'offre Point ne sont prins ny tirez de mon coffre : Comme tu vois, telz doux fruitz honorez Non d'une Haye, ains des haultes Forestz Sont provenants ; tu n'as garde qu^on cueille En ceste Haye autre chose que fueille, Et quelques fruitz sy arres et petis ,

^^u'ilz fascheroyent tous les bons appetis.

H est bien vray certes qa' il pour r oit estre

QiC aucunesjois d'eux se viennent repaistre

Quelques Pinsons, quelques petis Serins,

Quelque Linotte, et parfois des Tarins;

Mais les oyseaux qui sont de hault parage

N'abaissent pas ny l'œil ny le courage

Jusques à /à, voire n'estiment pas

Dignes ces fruitz d'en prendre un seul repas.

Et toutesfois tant m'a esté Fortune

Bénigne, douce, humaine et oportune,

Que le Phénix de nostre siècle heureux

Les a trouvez quelquefois savoureux,

FA luy a pieu bien souvent par sa grâce

Jetter ses yeux et sa Royale face

Sur ceste Haye et la prendre pour soy,

Et la chérir, si trop ne me deçoy.

Ce Phénix là, noble heureuse Princesse,

C'est pour certain la Royne ma maistresse.

Donc puis que tant d'honneur, de bien et d'heur

M'est advenu, que souvent sa grandeur

Va regardant sus la petite Haye,

Le plus ardent désir et soing que j'aye.

C'est d'obéir et servir humblement,

De tout mon cœur, non elle seulement.

Mais vous aussi. Car qui Phebus adore,

La raison veult que Cinthie il honnore,

Qui tient de luy sa divine bi\mtc

Et sa vertu et divine clarté.

Or, s'il advient qu'un jour les rainseaux croissent

De ceste Haye, et quen hault Hz se dressent

Par la faveur de voz astres luysans,

Je te feray un présent tous les ans

Des meilleurs fruits, et de mes sacrifices

Crois que toy seule en auras les prémices

Et le plus bon; le surplus j'offrirais

A Juppiter, quand tu le souffrirais.

Regarde donc de ton œil favorable

Sus ceste Haye, et luy sois secourable.

Ja est passé son Printemps et Esté,

Et toutesfois pour cela n'a esté

Plus érigée, et voicy son Automne

Et son Hyver, dont point je ne m'estonne,

Car espoir j'ay qu'avant y parvenir

Tu la feras sy forte devenir

Par ta bonté, que pluye, neige et gresle,

Et froid et chauld ne pourront rien sur elle,

Et qu'en Hyver, alors qu'on voit mourir

Toutes les fleurs, tu la feras flourir.

Or le Seigneur qui les deux hémisphères

Va gouvernant, ainsi de tes affaires

Soit directeur ; ainsi soyent en bref temps

Tes clers esprits et tes beaux yeux contens,

Voyans le Roy qui de ce puissant règne

Tient et conduit sy sagement la resne.

Apres avoir, comme le vray soustien

De toute Europe et du peuple Chrestien,

Les Turcs cruelz de sa forte main dextre,

Et à la lance et à la main adextre.

Mis soubz le joug, après avoir soubmis

Les Espagnolz et tous ses ennemis,

Faire flourir en la France les Muses,

Et Delius, auquel point ne t'amuses,

Et des François le magnanime cœur

Rendre en sçavoir, comme en armes vainqueur

Ainsi te soit gardé le Roy ton père,

Cent et cent ans en fortune prospère ;

Ainsi ne soit de cent ans obscurcy

Ton vray Soleil, voire le nostre aussi ;

Ta mère illustre, et tard au Ciel montée.

Soit par dessus toute estoille boutée;

Ainsi ton chef, d'honneur environné,

Soit d'un grand Roy, ton espoux, couronn !