M D C C C L X X II I

BIBLrOTHK-.A j

COMEDIE

Joseph commence.

Celle en qui reluit de Dieu la grâce, Cyreneiis vient de lire en la place Un edictjait par César l'Empereur; C'est bien raison que son vouloir on face,

Mais fay grand peur qu'au chemin soyez lasse ,

Carvostre estât engendre pesanteur.

Obéir fault aux Princes de bon cœur.

Voyant en eux de nostre dieu l'image.

Je ne crains pas ma peine ou mon labeur,

Mais ouy bien le vostre en ce voyage.

Marie.

Rien ne nous est des hommes ordonné

2 DEL A NATIVITE

Que du povoir de dieu ne soit donné, Parquoy ne fault qu'à luy seul regarder. Mon bon espoux , ne soyez estonné, Mais d' obéir promptement addonné; Car il vous peult, moy et mon fruit garder. Empeschement je n'ay pour retarder Que ne rendons au Prince obéissance; Ne craignons point de noz corps hasarder, Sachant que dieu est son Estre et puissance.

Joseph.

Chacun, ni'amye, est contraint et cité De retourner en sa propre cité , Portant tribut, lequel payer nous fault; Pour vous, sans plus, suis en perplexité , Craignant qu'ayez quelque nécessité, Car acoucher en peu de jours vous fault. Et vous sçavez que le dieu de la hault Pour vous garder m'a esleu et commis.

Helas, pensez que vostre fruit tant vault Qu'en nul danger il ne doit estre mis.

Marie.

Danger n'aura, je le vous certifie , Car le Puissant qui en moy fructifie Tient en sa main et la mère et le fruit. Amy, sachez que qui en luy se fie ,

DE JESUS CHRIST. j

// le conserve et si le déifie,

Tant que du tout Adam y est destruit.

Ne faites cas de nul propoz ne bruit ;

Asseurez vous que celuy qui ha Foy

Est d'obeïr à chacun sy instruit

Qu'il ne craint point la rigueur de la Loy.

Joseph.

Or puisque tel est vostre bon desir, Allons nous en vous et moy à loisir : Obéissons à dieu en toute chose.

Certes, amy, mieux ne povons choisir Que d'obéir, car là gist mon plaisir:

Qui obéit à dieu, // se repouse.

Joseph.

Vous dites bien; ma tresloyaleespouse, En allant

Mais en allant, de vous voudrais sçavoir Comme Esaie de Bethléem s'expouse, Veu que petite à nostre œil se fait voir.

Marie.

Petite elle est Bethléem à la veué , Et sa grandeur n'est aux charnelz congnue. Mais quand dieu a révélé au Pro^'hetc

4 DE LA NATIVITE

Que CHRIST fera sa première venue En ce lieu là, comme cité eslue, De sa grandeur Esaie fait feste :

Grand est le lieu auquel se manifeste Celuy qui n'ha pareil en sa grandeur, Il n'y a lieu où le vray Saint se mette Qui ne soit Saint et tout à son honneur. En allant. 0 Bethléem, maison de pain nommée, Quelle sera de toy la renommée, Qiiand tu seras le coffre du pain vif!' Courez icy, vous la gent affamée , Courez icy, vous Ame bien aymée, Et recevez ce pain d'un cœur naïf.

Povre pécheur, sois y bien ententif, Car c'est le pain et dé grâce et de vie ; Que crainte et peur ne te fasse rétif, Mais haste toy par une sainte envie.

Joseph.

Or sommes nous arrivez en ce lieu , Dont vous et moy, m'amye, louons dieu. Car il est tard et la nuict est venue. En Allons tout droit là où je voy du feu.

regardant ^. , . , . . , ,.

le premier Si la maison ha pitie au mylieu, hoste. y^^^ ^ ^^^^^ humainement receue.

En allant. Seigneur, celuy qui vivifie et tue Vous soit salut et consolation ;

Vous plairait il et logis et repue Vouloir donner par grand' compassion ?

Le premier hoste.

Aux riches gens voudrais faire service , Car mon mestier et mon commun office N'est seulement que tousjours amasser Or et argent, là veux mon temps passer. Riche veux estre, à ce tend mon soucy. Je hay le povre et povreté aussi.

J'ayme le riche, estant à moy semblable ; De luy j'attends quelque honneur profitable. Allez, amyz, pour vous je suis trop chiche. Mon logis est remply d'un homme riche.

Joseph.

Allons nous en, l'aumosne est icy faite 0 charité, qui rendz l'ame parfaite, Difficile est que l'on te trouve au cœur De l'homme riche, si dieu n'y est vainqueur ! En voilà un, à dire vérité , Qui semble bon : Monsieur, par charité. Vous plairoit il loger moy et ma femme ? Regardât

Car entendez que ceste povre dame hoste.

Est sur le poinct de son acouchement.

Le II hoste,

Icy n'aurez point de logis, vrayment; Un mien amy, qui n'est petit seigneur, y est logé, dont je reçoy honneur.

Mon logis n'est pour telle gens que vous , Vous n'y povez apporter que des poux.

Princes et Roy s sont icy bien venuz , Sans rien payer Hz sont entretenuz :

Car espérer je puis par leur moyen, D'avoir enfin quelque honneur terrien; Telz gens que vous ne m'y peuvent servir ; Parquoy n'y veux mon logis asservir, . De vous y voir certes j'aurois grand honte.

Joseph.

Adieu, Seigneur. Quand orgueil l'homme domte, D'humilité perd sy fort l'appétit Qu'il ne peult plus recevoir le Petit; Mais cestuy là qui le Petit refuse Pour estre grand, bien clerement s'abuse. Car nul ne peult monter à la hautesse, Qui descendu n'est à la petitesse.

Regardant En voUà un qui ha bien bon visage,

le tiers

hoste. M^is essayons un petit son courage.

Bon soir, Seigneur, vous plaist il héberger Ma femme et moy, et pour annuit loger?

Le m. hosle.

Je ne sçaurois ; en vain estes parlans , Car 'fay icy logé d'autres gallans, En espérant passer la nuict à boire , Qui ne sera sy obscure ny noire Qu'elle ne soit entre nous bien joyeuse. Nous mènerons vie delitieuse, Danses et jeux , et femmes et banquetz Ne nous faudront , et mille bons caqneîz. Cure n'avons de gens pleins de tristesse : Prenez, ailleurs, mes amys, vostre addresse. Si ne sçavez bien danser et baller, Vous povez bien en autre lieu aller; Sy sages gens ne voulons recevoir.

Il nous fait mal seulement de vous voir.

Joseph, en s'en allant.

Or Adieu donc. 0 que Volupté foie Ce povre monde aveuglit et affole; En leur ostant la parfaite science , Fait refuser la haulte sapienceî 0 Salomon, vous l'avez bien prédit, Qu'en l'Ame où est ce vice tant maudit La Sapience à jamais n'entrera.

Allons plus loing, et Dieu nous monstrera Où il luy plaist que nous facions demeure.

DE LA NATIVITE

Marie.

Las, mon amy, je voy approcher V heure Que naisîre doit le fruit tant désiré; Regardons où.

Joseph, regardant l'estable.

Au fort, je vous dire Voicy un lieu qui sert de povre estable; Bien qu'il ne soit pour l'enfant honorable , Nécessité nous contraint d'y entrer ; Et je mettray peine de l'acoustrer, Pour vous garder de l'injure du vent.

Marie.

Joseph, il fault que vous soyez sçavant Qu'il n'est nul lieu où Dieu soit en présence, Qu'il ne soit plein de lumière et plaisance; Prenons en gré ce qu'il donne à noz corps, Ne regardons jamais à ce dehors.

Joseph, en allant à la ville.

En ceste ville iray, pour nous pourvoir De ce qu'avons nécessité d'avoir,

Marie.

Allez, amy, seule ne me laissez;

DE JESUS CHRIST. g

Car où Dieu est fay compagnie assez.

Père éternel, dont la bonté est telle Qu'elle ne peult de nature mortelle Estre congnue, entendue ou comprinse ; Mais toutesfois Amour veult cfue ne celé Les biens qu'as fait à ta petite ancelle, Car j'en serois comme ingrate reprinse ; 0 Dieu d'Amour qui embrase et attise Les cœurs tresdurs que ta charité fend , Grâces te rendz , dont pour Mère m'as prise De ton trescher et tresamé enfant.

En moy ne sens ne vertu ne value Qui meritast estre de toy eslue Et appellée à sy digne service.

0 Toutpuissant, je t'adore et salue, Te merciant que de terre polue M'as retirée exempte de tout vice.

Qui suis je moy, pour faire tel office ? Rien. Mais ce rien tu remplis tant d'honneur, Que cœur, esprit et corps en sacrifice , Voire et mon Tout je offre à toy seul Seigneur. J'ay ta Parole et crue et observée.

Dont mère suis; las, tu m'as conservée Avec le fruit qu'en moy il t'a pieu mettre; De tout danger. Seigneur, as préservée.

Mais je sçay bien que tu as réservée Plus grand faveur, que dehors te fault mettre.

Assiste donc à radmirable naistre Du vray salut, qu'il t'a pieu de promettre A tous croyans. Perc, plus ne demeure, Tu es mon dieu, et ma vie et mon estre, Regarde moy, Seigneur, car voicy l'heure.

0 le plaisir de l'union parfaite Que ta bonté de toy et moy a faite, Tant que ne sens rien en moy fors que toy! Ton grand thresor secret me manifeste, Ton saint esprit ne me cœuvre nul texte Soit de la vieille ou la nouvelle Loy. D'amour je viz, car rien ne sens en moy Que toy, Seigneur, qui es mon ame et vie. Mon ame perd le sentement de soy, Car par amour en toy elle est ravie.

Dieu le Père.

0 vous, espritz, en moy vivans par grâce , Et soustenuz du regard de ma face, Ne congnoissans que moy en toute chose, Voicy le temps que ceste terre basse Me germera le fruit, qui outrepasse Le sens humain : car en mortelle rose Divinité on y verra enclose.

Venant d'enhault, monstrant qu'en elle suis. Voyez ma Fille eslue et mon Espouse, Dont séparer à jamais ne me puis.

Du vray repoz d'amour est endormie, Non d'amitié imparfaite et demie; Mais elle y court sy viste, que son corps Ne rien d'abas elle ne congnoit mye :

Macule n'ha, toute belle est m'amye.

Plus elle dort, plus son esprit court lors; Elle ne sent rien dedens ne dehors.

Sinon moy seul, par unie union; Son plaisir prend en mes divins accords, Desquelz en moy elle ha communion.

Divins espritz, ô fille de Zion, N'empeschez point sa contemplation.

Je vous adjure, et commande, et ordonne Par les espritz, promptz par affection Plus que les cerfz par la dilection Des plus ardens d' intelligence bonne.

Plus que chevreux sautans montaigne et borne, Que vous n'ayez à troubler sa personne. Et que nully de vous ne la resveille, Jusques à ce que l'heure heureuse sonne, Et qu'elle mesme en grand' joye le vueille.

Allez à bas, vuydez tout le ciel d'Anges, El en chantant augmentez mes louenges ; Servez m'amye et mon enfant trescher; A mes esluz comptez les cas estranges.

Et que tirez sont des maudites fanges Là ou Sathan les souloit attacher.

12 DE LA NATIVITE

Si recevoir peuvent renfant en chair, Croyantlqu'il est leur vie et leur salut, De moy pourront seurement approcher :

Rien fors\mon Fût jamais ne leur valut.

Le Premier Ange.

Rien ne voulons, sinon ton saint vouloir Exécuter par ton puissant povoir, Père éternel; car nous sommes venuz De toy, en toy, et par toy soustenuz; Tu es nostre Estre et nostre Mouvement, En nous tu fais ton vouloir seulement : Si ta beauté en nous nous regardons Ainsi que nostre, helas! nous la perdons ; Si nous cuydons nostre ce qui est tien, Nous retournons soudainement à rien.

Trop Lucifer ce Cuyder esprouva ; Se regardant, non toy, rien se trouva; Nous qui n'avons Vouloir que ton désir, Estre que toy, ne Bien que ton plaisir, Commande nous ce qu'il te plaist de faire. Car toy seul peux commander et parfaire.

Le Second Ange.

0 l'Eternel et l'antique des ans!

Auquel, duquel, la vertu je me sens, Parle, Seigneur; car tu as tel crédit,

Qu'aussi tost est ton vouloir fait que dit. Tu as créé par un seul Commander Ce qu'il te plaist de nous recommander ; Il sera fait, car tel povoir avons, Estans en toy, par qui vivons, mouvons.

Le Tiers Ange.

Puis que l'enfant te plaist de regarder, Voire et par nous songneusement garder, Très voluntiers nous ferons ce mystère.

Et aux croyans ne le voudrons pas taire, Mais déclarer ceste venue heureuse.

Portant salut à toute ame amoureuse Que tu congnois et qu'eslue tu as.

Qui ha désir de voir ton Messias.

Le IIII. Ange.

Aux sages Roy s attendans ce grand bien Par ferme Foy, il n'enfault celer rien : Ceste bonne Anne, au temple qui l'attend. Aura bien tost par nous l'esprit content; Et Simeon, plein d'extrême vieillesse, Remply de Foy, en sentira liesse.

Et congnoistra qu'il na son temps perdu D'avoir le christ par Amour attendu.

Puis nous irons annoncer aux pasteurs, Qui des troupeaiix sont songneux amateurs.

L'Agneau venu. Car qui fait son devoir. Et son estât ha désir de le voir.

Le V. Ange.

Et moy, Seigneur, de bien grand appétit Iray cercher où est le Pluspetit, Et luy diray qu'il est grand devenu, Puis que le Grand s'est fait Petit tout nu.

Dieu.

Allez, enfans, exécuter ce rolle, Et par vous soit faite ceste parole.

Tous les Anges, ensemble chantans.

A toy soit toute gloire, 0 trespuissant Seigneur !

Depuis qu'as eu mémoire D'estre de christ donneur A tout l'humain lignage, Dont Sathan feut vainqueur :

Pour faire ton message, Nous courons de bon cœur A Marie la sage, Luy faisant tout honneur.

Marie.

0 Créateur d'incongnue nature,

Fors qu'à toy seul, duquel la pourlraiture Voy en ton Filz, petite créature,

Las ! qu'est cecy?

Quelle bonté, quelle grâce et mercy Nous te devons, donnant l'enfant sans Si ! Dont j'ay le cœur de joye si transy.

Que ne puis dire Ne bien penser, ainsi que je désire. Quel est ce bien qui tant à soy me tire Par fort amour, dont je pleure et souspire

Par vray plaisir.

0 des Esluz le désiré désir !

Las ! te plaist il en ta terre gésir Comme un enfant, et pour mère choisir

Moy ton ancelle?

C'est un grand cas, point ne fault que le celé. De me voir mère estant vierge et pucelle, Mère d'un Filz qui tout autre precelle;

Vray dieu et homme.

Je sents en moy de tes biens telle somme. Que mon povoir tu absorbe et assomme; Car charité qui ton vouloir consomme

Me tient suspense.

Possible n'est que mon sentiment pense, Ne mon penser par parole dispense; Car sy grand est de toy la congnoissance.

Que plus ne sents

l6 DE LA NATIVITÉ

Que c'est de moy. Donne force à mes sens Pour mieux servir le Roy des innocents ; Car de bon cœur, Seigneur, je me consents

A ton service.

Pour le porter sois à mes bras propice; Remplis mon sein de laict pur, sans nul vice, Pour de ton Filz estre vierge nourrice.

Or sus! mon ame, Loue ton dieu, qui à moy, povre femme. Fait tel honneur que chacun me dit Dame, Par le regard de celuy qui enflamme

Mon cœur de joye.

0 mon enfant ! est il vray que je voye Ce que long temps tant désiré j'avoye : Dieu avec nous, vérité, vie et voye,

En corps mortel ?

Foy là dessoubz me le monstre immortel; Car, quant au corps, mon Filz, je vous voy tel Qu'un autre enfant. 0 grand Prebstre et autel

Tant admirable !

Voire et hostie à dieu seule agréable, Qui aux pécheurs rens le Père placable. 0 douce odeur ! ô encens délectable !

0 doux Agneau, Qui entreprens de porter le fardeau De tous péchés, rendant l'homme nouveau, Damné en soy, en Dieu plaisant et beau !

0 Dieu en chair!

Emmanuel du Perefilz trescher, Pourrayje bien de mes mains vous toucher Et de ma bouche à la rostre approcher ?

0 Dieu! quelle ayse!

Comme mon Dieu l'adore, et puis le baise Comme monfilz. Mais que je luy complaise^ Avoir ne puis chose qui me desplaise.

Je n'ay maison Pour vous servir comme il seroit raison; Mais Dieu, auquel s'addresse l'oraison, Fera le Heu, et la froide saison

Pour ta santé Telle qu'il fault, nous donnant à planté Ce que voirra sa bonne volunté; C'est ce qui rend mon Esprit contenté.

Or fault qu'à l'œuvre Mette la main, et ce petit corps cœuvre, Qui est de dieu le tresamé chef d'œuvre, Des drappeletz non faitz d'argent ny d'or, Fors que le lin, dont assez l'on recœuvre; Mais de rien n'est moins riche ce thresor.

Le I. Ange.

Je te salue, o dame bienheureuse!

Mère du Filz dont tu es amoureuse.

Sans offenser pure virginité;

l8 DE LA NATIVITÉ

Tu as receu nom de maternité,

Et du Puissant es la mère et la fille.

En un moment, plus prompt que l'œil ne sille,

Foy assembla en toy divinité,

Sans despriser la povre humanité.

Or voyons nous en un suppost uny

L'homme avec dieu, et le meffait puny

Du vieil Adam, par une mort cruelle,

Dont la façon ne fault que je révèle.

Le II. Ange.

Honneur devons à V Agneau pur et munde, Voire et occiz avant que fust le monde Constitué ; lequel ouvrit le livre Qui rend Adam de tout péché délivre; Nul ne povoit lire sus escriture, Chacun pleuroit pour en faire lecture; Mais cest Agneau l'ouvrit quasi occiz.

Dont luy devons louenge et grand merciz.

Le III. Ange.

0 du thresor divin le coffre et l'arche, Duquel n'y a prophète ou patriarche Qui nayt chanté, prophetizé, prédit, Que du serpent venimeux et maudit Seroit par toy force et teste brisée.

Nous t'adorons; et la vierge prisée

Nous saluons sur toutes humblement; Car par sa Foy a receu sauvement Pour elle et tous ceux de l'humain lignage, Dont luy devons service d'avantage.

Le IIII. Ange.

0 vray sauveur que le Père a tenté, Voire tous biens et honneur présenté, Pour en plaisir régner dessus la terre, Eshi avez plustost porter la guerre Contre la mort, le Péché et Sathan, Qu'entre leurs mains laisser le povre Adam. Des biens mondains vous n'avez tenu compte, Car Charité qui tout thresor surmonte, Vous a contraint de faire tel effort.

Que pour tous biens avez choisy la mort : Ce que je suis et puis estre soubmetz De vous servir et louer à jamais.

Le Cinquième Ange.

Petit enfant, ne vueillez espargner Moy trespetit , ou soit pour vous baigner, Ou vous chauffer voz draps, ou vostre lict; A vous servir je prendray grand delict.

Les Anges, chantans ensemble.

0 admirable hautesse !

Grâce nous te rendons, Dont voyons en liesse

Le bien que prétendons :

Gloire, louenge, honneur, En soit à toy, Seigneur.

Par Christ sommes en grâce Pour jamais confirmez; Pécheurs de terre basse Par luy sont reformez; De joye nous repais, Allons crier la paix.

Joseph.

Je m'en revois A ceste fois Vers mon Espouse, Pour mon devoir Faire de voir Nouvelle chouse.

De ce qu'il fault Pour ce fruit hault N'ay la puissance.

S'y avons nous Non les biens tous., Mais suffisance.

Point d'indigence Ne négligence

De vivre au labeur de noz mains ; Des biens donnons Et aulmosnons :

Qui plus en ha, en donne moins.

Quelle lumière Voila derrière !

Je suis comme un homme escarté.

Il m'est advis Que je ne vit Jamais de semblable clarté.

Je voy Marie Non pas marrie.

Mais d'un visage tresjoyeux.

Mais que voit elle, Ceste pucelle? Tousjours en bas elle ha les yeux.

Las, c'est P enfant Qui me défend De mourir, pour voler aux deux.

Je demourray; Non, j'entreray Pour voir le fruit délicieux.

Doy je garder Ou regarder Ce fruit plein de vertu divine ?

Las, regarder Ne engarder

Ne m'en peult ma nature indigne.

Voicy le jour

Que vray Amour Pour se monsîrer a espié.

0 quel bon tour !

Dont sans séjour, M'amye, donnez nwy son pied.

Se met Par Ce baiser

à genoux

et baise. Puis appaiser

Mon cœur bruslant en Charité.

QuHl est plaisant, Beau et luisant!

Aussi il est la Vérité.

DiEU, puissant Père Qui tout impere,

Je voy reposer dens ce Filz.

Pas ne l'ignore.

Dont je r adore;

Car onques doute je nen feiz.

Las, sa promesse En grand largesse Nous a maintenant tenue.

Heureux je suis Dont voir le puis; 0 heureuse et digne veué !

Marie.

Mon amy, il nous fault entendre D'envelopper cest Enfant tendre, Car la nuict est un peu trop jr esche.

Joseph.

Ce m'est plaisir de peine en prendre; Mais, pour un peu de clarté rendre, Je vois allumer ceste mesche, Estoupper aussi ceste br esche :

Mais quand il me vient en mémoire, Où le mettrons nous? En la creiche?

Meilleur Heu n'a au diversoire.