BERGERIE

Bergers : Sophron, Elpison, NepkaU.

Bergères : PhiUtine, Cristilla, Dorothée.

Sophron.

Le travail jour et nuict Que je prens, tant me nuict, Qu'il me fault reposer.

24 DELANATIVITÉ

Elpison.

fay tant chassé le Loup Et couru ne sçay où, Qu'icy me veux poser.

Nephalle.

De dormir je n^ay garde, Il fault que je regarde Tousjours sus mes Brebis.

Philetine, I. Bergère.

Et mon petit Agneau, Qui est né de nouveau, Je garde en mes habitz.

Cristilla.

Ma grand brebis blessée J'ay sy tresbien pensée.

Que mal n'aura, m'amye.

Dorothée.

fay tiré du laict gras, Dont j'ay sy mal au bras.

Que j'en suis endormie.

Nephalle.

Je ne sçay qui me fait veiller, Mais je ne sçaurois sommeiller; Ce n'' est point le soing du troupeau, Car 'fay mon parc fermé et clouz Sy bien que je ne crains les Loups; Mon troupeau est saing, gras et beau : Mais pay en mon cœur une joye, QuUl me semble tousjours que je oye Quelques nouvelles bien plaisantes.

En attendant, je garderay Mon troupeau, et regarderay Du Ciel les estoilles luisantes.

Philetine.

Mais dites moy, frère Pasteur, En regardant la haute hauteur Du Ciel, qu'est ce que tu contemple^.

Nephalle.

J'admire le hault Créateur, De toutes choses le facteur.

Et duquel nous sommes le temple.

Philetine.

Ceste bonté, qui tout dispose,

La pensez vous en nous enclose Qui sommes indigne vaisseau!'

Nephalle.

M'amye, soyez asseurée Que sa bonté desmesurée L'indigne fait tresdigne et beau.

Philetine.

0 Pasteur, que ce mot est doux, Que ce hault Dieu habite en nous!

Chacun s'en peult il tenir seur?

Nephalle.

Par grâce il est en vous, en moy, Et en tous ceux qui ont la Foy; N'en doutez point, ma chère sœur.

Philetine.

Pasteur, qu'est ce qu'il a promis Aux patriarches ses amys, Qu l'ont sy long temps attendu .«'

Nephalle.

C'est le Christ, le vray Messias, Son vray Filz., pour qui tout soûlas Et salut nous sera rendu.

Philetine.

Helas ! et quand viendra le temps Qu'il nous rendra trestous contens?

Mon Dieu, que ceste heure me tarde!

Nephalle.

Je Vattendz par affection Et bien grande dévotion.

Las, vien, Seigneur, plus ne retarde.

Les Anges ensemble.

Resveillez vous, Pastoureaux,

Voicy le jour Que Dieu monstre en cas nouveaux Son grand amour.

Nephalle, en criant.

Frères et sœurs, sus, au resveil; Laissez ce terrestre sommeil, Oyez des Anges les paroles.

Philetine.

Resveillez vous pour le Soleil Regarder en bel appareil; Ne soyez pas des vierges foies.

Elpison.

0 Dieu, quelle clarté je voy !

J'en senz si grande crainte en moy, Que ne l'ose voir bonnement.

Cristilla.

Ceste parfaite et grand lumière Je ne puis regarder entière, Tant j'ay grand esblouissement.

Le Premier Ange.

Ne craignez point, Pasteurs.

Voicy, je vous annonce Grande joye en voz cœurs, Par charité semonce :

Dont le peuple estrenc En sera tost ou tard, Aujourd'huy vous est né Pour héritage et part.

Le Sauveur, qui le Christ Est, le Seigneur et maistre, Ainsi qu'il est escrit, Daigne en la cité naistre

De David, son grand père.

Ce vous sera pour signe :

Vous, d'une Vierge mère

Trouverez l'Enfant digne,

Enveloppé de draps, Dedens la creiche mys, Le salut que ça bas Dieu vous avoit promis.

Les Anges , chantans.

Gloire soit au Dieu des dieux.

Et d'icelle tout remplisse, Tous les deux et les haultz lieux.

Ordonnez pour son service.

Paix soit au Monde ça bas.

Et la terre en soit sy pleine Que l'on change tous debatz En charité souveraine.

Aux hommes créés de toy En ceste heureuse journée.

Soit pleine d'amour et Foy Bonne volunté donnée.

Sophron.

Mon Dieu, qu'est cecy que j'ay veu ?

Qu'ay je ouy? qu'ay je receu ?

Elpison.

// m'a semblé voir un escler .

Ha ! le soleil n'est pas sy cler.

Nephalle.

0 quel parler! quelle nouvelle!

Jamais on n'en ouyt de telle.

Philetine.

Au commencement peur j'avoye, Mais après 'fay receu grand joye.

Cristilla.

Si nous allons cest enfant voir, De le servir feray devoir.

De bon cœur servirons la Mère, Je croy qu'elle est belle commère.

Philetine.

Qui gardera le parc et les moutons?

Sophron.

Ce sera Dieu, jamais plus n'en doutons. Il gardera Bergères et Bergers, Brebis, moutons, de tous maux et dangers. 11 se met Freres et sœurs, oyez ce qui me semble,

au mylieu. , ... , ,

Je vous requiers, d'un cœur uny ensemble; Passons trestous jusques en Bethléem ;

Ne, cerchons pas Christ en Hiemsalem, Car range a dit qn^en un trespovre lieu Dens les drapeaux verrons le Filz de Dieu. Allons, courons, et voyons ceste chose Où des humains l'espérance est enclose, Qui maintenant a pour nous esté faite, Dont a chanté maint Roy et maint Prophète ; Laquelle à nous, en estrange contrée, A le Seigneur par grâce demonstrée.

Philetine.

Las, tire moy après toy, Dieu treshault, Et que d'icy là ne face qu'un sault; Et en sentant la tressuave odeur De tes unguens, courons en grand raideur .

Cristilla.

Tes petites et treshumbles servantes, Qui sont en Foy encor adolescentes, T'aymeront moult, contemplant ta beauté; Ton amour vault plus qu'une royauté.

Chantons, dansons et courons sy soudain. Que nous passons en sautant Cerf et Daim.

Elpison.

Et je requiers que nully ne s'en feigne, Et descendons ceste grande monîaigne Pour aller voir : s'il a fermé son huys, Nous le voirrons au moins par un pertuis.

Nephalle.

En la maison, qui est sy humble et basse, Il y aura quelque fente ou crevace Par où verrons nostre Seigneur et maistre, Si nous trouvons fermez l'huys etfenestre.

Sophron.

Partons, chantons tous ensemble d'accord. Et que chacun de courir face effort.

Sophron el Philetine.

Les Bergers Dansons, ckantons, faisons rage,

et

Bergères Puis quavons gracc pour pardon ;

:hântans! Chantons Noël de bon courage.

Car nous avons Christ en pur don.

Elpison et Cristilla.

Laissons Adam et son lignage.

Plus avec luy ne demeurons; Quittons tous nostre vieil bagage.

Chèvres, Brebis, Chien et Moutons.

Chantons Noël, etc.

Nephalle et Dorothée.

Allons voir Marie la sage Avec FEnfant de grand renom, Dont les Anges, en doux langage, Nous ont fait un sy beau sermon.

Chantons Noël, etc.

Sophron et Philetine.

Portons à leur povre mesnage De noz biens à grand abandon.

Dorothée.

Je luy porteray mon fourmage Dens ceste feisselle de jon.

Chantons No'él, etc.

Crislilla.

Et moy ce grand pot de laictage; Marie le trouvera bon.

Philetine.

Je luy donray ma belle cage, Où est mon petit oysillon.

Chantons Noël, etc.

Elpison.

Ce fagot aura pour chauffage, Il fait froid en ceste saison.

Nephalle.

Mon flageollet pour son usage, L'enfant en aymera le son.

Chantons No'él, etc.

Sophron.

Et moy, je feray le message, J'entens mieux que vous la raison.

Philetine.

Je le baiseray au visage.

Cristilla.

Non, c'est bien assez au talon.

Chantons Noël, etc.

Sophron et Philetine.

Courons tost à ce saint voyage, Plus nefault qu'icy nous tardons ; Ne craingnons nul mauvais passage, Prenons houlette pour bourdon.

Chantons Noël, etc.

Elpison et Cristilla.

Et Dieu, dans ce petit Image, Croyons, adorons et aymon; Faisons luy de noz cœurs hommage.

Car certes rien nous n'y perdon.

Chantons Noël, etc.

Nephalle et Dorothée.

Mes frères, encores bien sçay je Que si en luy nous nous fion.

En nous sera pour héritage.

Et nous en luy tousjours seron.

Chantons Noël de bon courage.

Car nous avons Christ en pur don.

Sophron.

Voilà le lieu et petite cité Dont tant de biens on nous a recité; Cerclions icy l'endroit tant délectable, Qui semble mieux cju'un palais un establc.

Elpison.

Pas n'est icy, en ceste maison painte.

Où habiter veult la personne sainte.

Nephalle. ,

Ce triomphant palais n'est pas celuy Dont le Petit veult faire son estuy.

Philetine.

Voilà un lieu dans ce rocher estrange : Serait ce point ceste honorée grange?

Cristilla.

Ce lieu avez, m'amye, mal merché :

C'est où l'on met les testes du marché, Quand on les meine en ceste cité vendre.

Dorothée.

Aussi nous a l'Ange bien fait entendre

Qu'en povre lieu, lié de drapeletz.

Le trouverions, non en ces grands palais.

Sophron.

Approchons nous, faisons nostre devoir De cercher lieu par où le puissions voir.

Elpison.

Le plus heureux et le premier je suis, Qui le verray par le trou de cest huys.

Philetine.

Voicy un lieu qui est sy fort ouvert^ Que le dedens ne sera descouvert.

Cristilla.

Voyez l'enfant et celle qui l'allaicte.

Dorothée.

0 le poupon, regardez comme il îette !

Sophron.

C'est un iiiresor, tant il est bien formé. Sera jamais l'huys pour nous dsfermé?

Elpison.

Mais appelions cest homme que voilà Pour nous ouvrir. Hau ! Monseigneur, hola !

Joseph.

Qui sont ceux là, qui là dehors font bruit ?

Sophron.

Qui vont cerchant de vie le vray fruit, Car nous sçavons et croyons fermement Qu'en cest enfant est nostrc sauvement.

38 DELANATIVITÉ

Si Dieu leur a ce grand cas révélé, Il ne fault pas que par nous soit celé, Car aux croyans il fault le Christ monstrer. Ouvrez leur l'huys.

Joseph.

Vous povez bien entrer.

Elpison.

Entrons.

Sophron.

Tout beau, sans l'un l'autre fouler.

Nephalle.

Las, de le voir ne me pourra) saouler.

Sophron.

Dieu immortel, qui sur les deux impere, Et, qui plus est, pour nous fais ton repaire En cest enfant., auquel nous t'adorons.

Et saluons la tresheureuse Mère De cest enfant, dont toy seul es le père, De tous noz cœurs l'ay nions et rêverons, A tout jamais louenges chanterons Pour ce divin et salutaire ouvrage;

Noz biens, noz cœurs, nosirc tout t'offrirons, Nous faymcrons tout le cours de nostre aage.

Elpison.

Nous t'adorons, ô divine puissance , Qui as daigné, soubz la forme d'enfance, Avecques nous humblement habiter; L'œil voit l'enfant impuissant en présence. Mais Foj qui croit par seure congnoissance Devient nostre œil, et nous vient inciter De t' adorer, honnorer, visiter, Comme vray Dieu et celuy seul qui Est, Qui peux tuer et puis ressusciter Tous les vivans, quand et comme il te plaist.

Nephalle.

Tu es de Dieu la promise semence Au povre Adam, après sa lourde offense. Qui trop s'estoit au serpent confié.

Abraham creut ceste heureuse sentence, David aussi, pourquoy fsit pénitence ; Et l'un et l'autre en feut justifié.

Noé en toy s'est fermement fié, Pourquoy il feut sauvé du grand déluge. Qui croit en toy, il est certifié Qu'à tout jamais tu luy seras refuge.

40 UELANATIVITÉ

Philetine.

Or voy je ce qu'en Esaie ay leu :

C'est une Vierge ayant son Filz conceu ; Dame, c'est vous dont il parla sy bien. Rosée que le ciel voulié a pieu, 0 terre heureuse, ayant par Foy receu, Voire et germé le fruit, qui est lien De Dieu en nous, nous qui dessoubz ce Rien Viens habiter avec tes créatures!

Las, je congnois qu'il n'est nul plus grand bien Que voir l'effect des saintes Escritures.

Cristiila.

Povres pécheurs, remplis d'ingratitudes, L'Asne et le Bœuf, qui sont bestes sy rudes. N'ont mescongnu leur maistre et bienfaicteur ; Trop bestiaux sont voz sens et estudes, Voy ans ces dons en telles multitudes.

Si vous n'aymez ce puissant donateur.

Au saint escrit j'ay veu dens un acteur, En admirant le Christ et ses travaux, Dit que devons voir nostre Rédempteur En povre lieu, entre deux animaux.

Or voit mon œil ce qu'ay créa et pensé :

C'est quon verroii la verge de Jessé,

Et puis après d'elle monter en hault

La fleur par qui sera recompensé

Dieu, beaucoup plus qu'il ne fut offensé

Du povre Adam par le premier default.

Vierge, de toy encor dire me fault :

Tu es le mont dont fut prise la pierre

Sans main d'ouvrier, fors Dieu seul, qui le sault

Feit à son Filz faire du Ciel en terre.

Joseph.

Amys, comment avez vous sceu cecy?

Sophron.

Seigneur, hersoir, le Ciel desja noircy, Vismes de Dieu Anges replendissans ; Nous eusmes peur. Lors, nous resjouyssans, Dirent: le Filz de Dieu est né pour vous. Pensez, Seigneur, s'il y eust nul de nous Qui ne courust de bon cœur, pour povoir Ce qu'avons tous désiré recevoir.

Joseph.

Loué soit Dieu, qui à l'orgueilleux cache Ce que luy plaist que l'humble et petit sache; Croyez le Grand dessoubz ce petit corps. En l'impuissant gist la force des forts.

Soubz ce muet couverte est la Parole.

Soubz ceste chair tant délicate et molle Le fort David y est, qui de sa fonde A mys à mort le plus grand de ce monde. Ne doutons plus, Dieu est avec nous; Et pour jamais l'Espouse arec l'Espoux Par cest enfant ensemble sont uniz, Comme par luy tous les maux sont puniz.

Sophron.

Vous plairoit il, par vostre humilité, Vierge portant nom de maternité, Noz questions en patience entendre^

Marie.

Icy pourrez la vérité apprendre; Ne craingnez rien, mais parlez hardiment.

Philetine.

Je voudrais bien sçavoir, premièrement, Pourquoy au lict ne vous trouvons couchée, Veu qu'aujourdhuy vous estes accouchée .<'

Marie.

Le digne fruit qui donne à tous liesse Par sa vertu m'exempte de faiblesse.

Joseph.'

Son corps, qui est sans tache ne macule, Est tousjours sain; tout mal de luy recule.

Cristilla.

Pourquoy n'est né Christ en grande maison ?

Marie.

Bien facile est d'en dire la raison :

Il a aymé parfaite povreîé Pour enrichir cil qui eust povre esté.

Joseph.

Vous, bastisseurs de grands palais sy amples, Edifieurs de maisons et de temples, Voyez celuy qui tout en sa main tient. Qui en ce lieu povre et petit se tient; Sy n'aurez vous en fin de vostre guerre Que la longueur de vostre corps de terre.

Nephalle.

Pourquoy n'a il de beaux acoustremens D'or et d'argent, rubys et diamansi'

44 DELANATIVITÉ

Marie.

Simplicité dont il est amoureux Lu) fait haïr tout estât curieux.

Joseph.

Bien que l'habit ne face le péché, Qui à son cœur a Dieu seul attaché, Sy est îousjours la curiosité, La vanité et superfluité De Dieu haïe, et des bons reprimée :

Par Christ en est la Parole approuvée; Et, en trouvant tous ces ornemens laids, S'est contenté de petits drappelets.

Philetine.

Pourquoy n'avez au moins quelque servante, Pour vous servir d'affection ardente ?

Marie.

Je n'ay besoing d'estre de nul servie, J'ay de servir grand plaisir et envie.

Joseph.

L'indigent fault servir en ddigence.

Mais de rien n'a ceste dame indigence; L'enfant luy est pain vif pour nourriture,

DE JESUS CHKIST. 4^

Sa charité luy sert de couverture

En ceste vie ; et en ce vestement

Elle ha tousjours parfait contentement.

Cristilla.

Dame, pourquoy ne vient icy le monde, Pour adorer le Bien où tout abonde?

Marie.

Prou d^ appeliez y a, mais peu d'Esluz ; Mais les Esluz y viendront, et non plus.

Joseph.

David, Noé, Abraham et Jacob, En ont parlé à ce monde beaucop ; Chacun Prophète à chanter s'est espris, Pour inciter chacun courir au prys De Dieu promis, et à tous exposé :

Mais chacun a ou son parler glosé, Ou deprisé, ou comme nul tenu.

Tant que bien peu de peuple y est venu.

Pourquoy le Beau n'est par sus tous aymé^ Pourquoy le Bon n'est sur tous estimée

46 DELANATIVITÉ

Marie.

Pour ce qn Amour est sy tresraisonnable, Qu'entrer ne peult sinon en son semblable.

Joseph.

Amour de nous jamais ne prend naissance, Mais vient de Dieu, qui donne congnoissance De son amour en nous, qui ne séjourne, Mais tout soudain dont elle vient retourne. La créature est bien audacieuse Qui sent en soy ceste flamme amoureuse. Et attribue à soy le sentement Qui vient de Dieu, et est Dieu purement. Dieu est Amour, qui en sa créature Se veult aymer par sa charité pure.

Sophron.

Quelz motz voicy ! de plaisir je m'estonne.

Elpison.

Voicy le jour, fault il que je retourne^

Nephalle.

Fault il laisser cest enfant nompareil?

Philetine.

Ma Dame, au moins son petit bout d''ortcil Pour le baiser vous plaise me donner.

Cristilla.

A moy aussi. Las, veuillez pardonner Ma privauté et trop grand' hardiesse

Pour m'enyvrer jusqu'au bout de liesse, Permettez moy que j'en baise la plante. Maintenant suis bien heureuse et contente. Noz yeux l'ont veu et noz mains Pont touché, L'Agneau trespur qui oste le péché.

Sophron.

Las, recevez de povreté les dons Avec noz cœurs, qu'à vous servir tendons.

Philetine.

Cest oyselet, qui n'est laid ne meschanî, Aurez de moy, car il ha plaisant chant.

Cristilla.

Tenez ce laid, pour faire sa boullie; Encor en ay, la chèvre n'est faillie.

Dorothée.

Fourmage fraiz dedens ceste feisselle Sera pour vous, tresheureuse pucelle.

Nephalle.

Mon flageollet, s'il vous plaist de l'ouyr, Il vous fera tout le cœur resjouyr.

Elpison.

De mon fagot aussi vous fais présent; Le feu vous est bien sain au temps présent.

Sophron.

Moy, qui pour tous dois faire la harangue, Confesser veux n'avoir force ny langue, Ny nul sçavoir pour vous remercier.

Rien ne povons, fors nous humilier Devant l'Enfant, où la divinité Veult habiter par son humilité, Offrant tout ce qu'en nous le Père a mys, Amys d'amys, ennemys d'ennemys.

Vivre et mourir voulons en te servant; Vivre sans toy estimons moins que vent. A Dieu, Enfant , lequel tousjours bénie Toy et ta belle et noble compagnie.

A Dieu, Marie; A Dieu., de Dieu l'aymée,

Parqnoy serez d'an chacun estimée.

A Dieu, Joseph : grâces nous vous rendons, Et Mère et Filz nous vous recommandons. Si nul de nous vous peut en rien servir, Mandez le nous, vous nous verrez courir.

Marie.

Celuy qui est vérité, vie et voye, Pasteurs Esluz, vous garde et bien convoyé !

J'ay eu l' oreille ententive, aussi Vœil, A leur parler, dont je fais le recueil Dedens mon cœur : là où je le conserve ; Je le confère, et le garde et observe;- Ce m'est plaisir de voir le Souverain Communiquer à ce lignage humain.

Le Petit l'a trouvé, et Dieu Va congnu nu;

Le Grand l'a reprouvé, dont mal luy est venu;

La grandeur n'a congnu soubz ceste petitesse :

Dont honneur soit rendu et gloire à sa haultesse.

Les Bergères chantent. Fin

de Marie et Josepii.

Pasteurs, menons trestous joye.

Et chantons bien hautement, Car en quelque part que soye, Vivre veux joyeusement.

Sathan commence.

Jusques icy j'ay régné puissamment, En subjugant ceste mortelle terre ; Sans nul propos incessamment fais guerre Au Dieu d'enhault, et viz triompliamment.

Les Pasteurs.

Bergères vierges et belles, Nous devons chanter aussi, Disans les bonnes nouvelles Qui nous estent tout soucy.

Sathan.

Voilà un chant qui me rend tout transy. Quelle nouvelle est ce qu'Ut ont ouye^ Leur compagnie en est fort resjouye , Y auroit il point pour moy quelque Si?

Les Bergères, en chantant.

Une Vierge qui est mère A un beau Filz enfanté, Qui n'ha nul que Dieu pour Père .

Ce mot soit bien hault chanté.

Sathan.

0 que je suis bien enchanté!

Une vierge enfanter un filz !

Harauld ! c^est le terme prefix Dont je seray mal contenté.

Les Pasteurs, chantans.

Puis que Dieu joindre au lignage S^est daigné du povre Adam, Du ciel avons l'héritage En despit du faux Satlian.

Sathan.

Quelle douleur j'ay pour ceste fin d'an! Ce secret là me serait il caché?

De le sçavoir sans cesser j'ay îasché, Depuis que feiz Adam saillir .d'Eden.

Sçavoir m'en fault la vérité plus ample. D'où venez vous ?

Sophron.

De viziter un temple Mieux orné que cil de Salomon.

Elpison.

D'ouyr aussi un fructueux sermon, Par qui en Dieu régénérez nous sommes.

Nephalle.

De voir le Christ, le vray salut des hommes.

Vous y plaist il aller, tresgrand Seigneur? Je vous seray du chemin enseigneur.

Sathan,

// n'est pas vray. C'est resverie ou songe.

Philetine.

La Veriù, qui confond le mensonge, Dens un enfant avons touchée et creue.

Sathan.

Foies, allez ; vous la me baillez crue.

Cristilla.

Combien, Seigneur, que vous ne le croyez, Si est il vray. Mais afin qu'en soyez Mieux asseuré, allez le voir vous mesmes.

Sathan.

Toutes mentez, et f aillez à voz esmes.

Dorothée.

Hà, l'enfant est de telle dignité, Croyant qu'en luy est la divinité, Que vous prendrez à le voir grand esbat.

Sathan.

Je n'en croy rien; vous venez du sabbath, Où enchanteurs vous ont trop amusées, Et tellement en doctrine abusées, Que vous croyez ce qui ne sçauroit estre.

Les Bergers et Bergères. Ensemble.

// est vray.

Sathan.

Povres, l'on vous fait paistre Comme l'on veult de tresfaulscs doctrines.

Sophron.

Les grands vertus, puissantes et divines. Du saint esprit en noz cœurs inspirées, Sont de nous tant creues que désirées; Nul ne sçauroit à l'esprit résister.

Sathan.

Aveuglez folz, je vous veux inciter De désister de cestc foie Foy.

Si vous voulez un petit croire en moy, Voir vous feray que ce Dieu de là hault Du monde bas n'ha cure, et ne luy chault; Mais plus en ha cchiy qui plus en prend;

54 DE LA NATIVITE

Malheureux est qui ne veult estre grand.

Si adorer me voulez et servir,

Croire et aymer, vous pourrez desservir

Biens et honneurs et plaisir. Car pourquoy,

Donner les puys : je suis du nionde Roy.

Je changera) voz gros vilains bureaux

En tous draps d'or., d'argent, riches et beaux.

Vous qui servez brebis et simples bestes,

Je vous feray servir à grands requestes;

Vostre labeur en grand oysiveté

Je tourneray, et en lascivité.

Bref, de pctis vous feray venir grands. Pour les petis ronger à belles dents.

Je vous feray et craindre et estimer.

Voire par tel qui ne vous daigne aymer. Mais si fault il que vous ne croyez pas Que Dieu descende un si malheureux pas, Du ciel treshault, là où il se repouse, Pour prendre ainsi une ame pour espouse ; iV^ que jamais vueille à Adam donner Son paradis, et ses maux pardonner.

Si cest Adam n'avoit par son labeur Fait œuvre digne à ceste grand valeur Et acomply la loy, sans un Iota En délaisser ; retenez ce Nota.

Parquoy laissez à Dieu tous ses haults Cieux, Et regardez la terre pour le mieux :

Sa gloire il tient aux hommes par trop cliere; Venez à moy, nous ferons bonne chère.

Sophron.

Foy n^y a en vous, créance ne fiance : Dont mieulx me plaist repoz de conscience Que tous les biens qu'il vous plaist présenter ; Car un bon cœur ne s'en peult contenter.

Elpison.

Ne pensez pas que l'esprit du fidèle, A qui l'esprit de Dieu tousjours révèle Son bon plaisir, sceust de vous tenir compte : Car tout honneur mondain il tient pour honte.

Nephalle.

La povreté point le corps ne nous blesse, Car nous sçavons d'où vient nostre noblesse ; Un père avons qui est bien riche assez ; Tous ses thresors sont pour nous amassez.

Philetine.

Ja n adviendra, et plustost mort m' advienne, Qu'au Trespetit, vray espoux, ne me tienne : Car en luy voy la parfaite grandeur ; Toute beauté hors de luy m'est laideur.

Cristilla.

Par Foy il est engendré en noz cœurs, D'amour goustons les divines liqueurs; Tous les plaisirs du monde sont tristesses Au prix de ses indicibles liesses.

Dorothée.

Mon Père il est, et mon Frère, et mon Tout ; Je suis à luy de l'un à l'autre bout ; Ja n'ay qu'un Dieu : parquoy l'idolâtrie Ne m'ostera ma céleste patrie.

Salhan.

Voicy mes gcntz. Sont-ilz spirituelz, Mes insensez? 0 folz continuelz , Estes vous Dieux i'

Sophron.

Mais Rien nous confessons.

La gloire au Filz d'estre Dieu nous laissons. Il nous souffit d'estre ce qui luy plaist Et de sçavoir qui est celuy qui Est.

Sathan.

Cuydez vous pas avoir son saint Esprit ?

DK JESUS CHRIST. ^7

Elpison.

S'il est dedens nosîre cœur bien escrit, Sy vivement le sçavons et sentons Qu'impossible est que jamais en doutons.

Sathan.

Pensez vous bien entendre FEscritaref'

Le m. Berger.

Nous en faisons humblement la lecture.

Maistre n'avons sinon sa charité.

Qui nous apprend toute la vérité; Plus en sentons, moins en povons parler, Car fort amour fait ce secret celer.

Sathan.

Osez vous bien nommer le grand Dieu Père ?

Philetine.

rose par luy ce que par luy j'espère, Ce que je croy et fermement je tiens.

Père il est nosîre, et sommes de ses biens Vrays héritiers; acquise est nostre part, Dont eau et feu n'en feront le départ.

Sathan.

Si vostre père estait, ainsi que dites, Vous lairroit il les povretés maudites Que vous souffrez en grand nécessitée Ouvrez les yeux, gens pleins de cécité : Avez vous veu jamais qu'un homme riche Laisse son filz comme désert en friche!' Il defaudroit de vouloir et puissance, S'il ne donnoit des biens en abondance. Quelzfilz de Dieu, qui n'ont de ses thresors Fors faim et froid, habitz povres et ordz!

Elpison.

Ceste parole, espée tresagué, Par Charité les siens souvent argué Et les chastie , à fin de tous les rendre Moindres que riens, plus petis que la cendre. Mais les ayant jusques à rien soubmys.

Se monstre père à ses enfans amys.

Lors est de luy la vie en nous goustée, Quand il nous a celle d'Adam ostée :

Dont le grand bien est tel, qu'il fait offrir Joyeusement noz corps à tout souffrir.

Plus nous souffrons, nostre joye redouble; De voz plaisirs ne donnons pas un double.

Sathan.

Si en toy fust le F Hz de Dieu trescher, Te lairroit il ainsi souvent pécher ?

Le père ayinant son filz vous garderait Si chèrement, que nul ne pécherait.

Or péchez vous souvent contre sa Loy : Parquoy chacun peult bien juger en soy S'il est vray filz ; car, au péché opère, Ne fault juger que Dieu y soit pour père.

Dorothée.

Nostre cœur n'est de voz ditz empesché. Nous confessons que nous faisons péché, Et ne pavons rien sinon péché faire ; Mais Dieu en nous, pour son œuvre parfaire. Joint dedens nous sa tresjuste justice^ A qui sert bien de fueille nostre vice. Le îresbeau blanc se fait bien plus blanc veair Quand on le met sur un fondz qui est nair. Péché est nostre, autant que nous cuydans Estre et pavoir, et que nous nous guydans Par nostre sens. Mais quand il est rendu Tel comme il est, et Rien bien entendu, Nous nous perdons en perdant ce cuyder. Qui ne sçaurait hors de n&z cœurs vuyder. Si vérité, pour y prendre sa place,

6o DE LA NATIVITÉ

Ne l'en met hors et par Foy ne le chasse; Et lors, en lieu de celuy qui n'est point, Celuy qui Est est à nostre cœur joint. Ainsi péché, qui ne gist qu'au dehors, Ne peult toucher qu'à nostre mortel corps : Le Crist avons vivant en nostre cœur, Qui de péché et la mort est vainqueur.

Sathan.

Ho! qu'est cecy ? voicy une férié,

Voicy propos pleins de forcenerie ;

Le Petit a sur moy gaigné le reng.

Ho! quel archer! et comme il tire au blanc!

Il a navré le cœur de ses fidèles;

Plus n'ay povoir ne sur eux ne sur elles.

Agneau occis, qui du Cielfeiz chasser

Moy et les miens, me viens tu pourchasser

Jusques icy? Où trouveray je place

Pour éviter la fureur de ta face .<'

Au Ciel montay, où tu fais ta demeure,

Mais je n'y peuz pas demeurer une heure,

Pour ne vouloir toy Petit recevoir.

Mais ouy bien tresbeau et grand me voir;

Voire et à toy voulois estre semblable.

Mais non pas toy, parquoy je feuzfait diable;

Et ta vertu, voyant Cuydcr en moy,

Me dechassa du Ciel. D''auprès de toy

DE JESUS CHRIST. 6l

Je suis venu en ceste terre basse, Où montz et mers, et terre je trespasse, Pour trouver lieu seur hors de ta présence, Où un petit peusse trouver d'aysance ; Mais sans cesser tousjours ta main me tient, Qui maugré moy me poulse et me retient. Si je descends au plus profond d'enfer, Là je te sents qui bruslcr et chauffer Me fais du feu de divine Justice.

Si j'avois lieu où peusse ma malice Exécuter, où tu ne fusses point, Je régnerais. Mais quoy? voicy le poinct : Tu es par tout par grâce et par puissance ; Et, qui pis est, ton Filz ta congnoissance Envoyé au monde, où j'estois bien venu Quand tu estois des tiens plus incongnu. Ceux qui verront maintenant ta lumière Congnoistront bien mon essence et matière, Un sot Cuyder et une vanité Suyvi, aynié de la mondanité, Qui au soleil comme la neige fond.

Parquoy m'en fault aller au plus profond Du puits d'enfer, tourment de ton absence : Car dcmourer ne pays en ta présence.

Musser m'en vois au fonds des cœurs de ceux Qui d'escouter ta voix sont paresseux, Aymans Cuyder et ce qui ne feut onques.

En eux feray tout mon effort adoncjiies Pour chasser hors de leurs cœurs la mémoire De l'Escriture et salutaire histoire, Et travailler par furieuse rage Ceux qui auront ton Nom en leur courage. Et sans cesser les feray tourmenter, Craingnant de voir le Petit augmenter.

Malings Espritz, venez et courez viste, A vous m^en vois au désespéré giste, Pour essayer d'avoir quelque conseil :

Comme pourront ténèbres le soleil Faire éclipser i' Mais, s'il ne se peult faire, En bref verrons nostre règne deffaire.

Dieu.

Or voyez vous cy mon cher Filz eslu.

Mon tresaymé , auquel me suis complu :

C'est cestuy cy, en luy vous devez croire ; C'est la vive eau, de laquelle fault boire, Qui vous fera jusques à moy saillir.

En le croyant, vous ne povez faillir.

Or est Sathan qui ne s'est voulu rendre A cest Agneau, par luy mys non en cendre, Mais tout à Rien, comme il estoiî devant Qu'il fust Eslu pour estre mon servant. Par sa vertu me vouloit ressembler, Mais à l'Agneau le failloit assembler,

Uny à luy, aymant Rien et la mort ; Mais le rebours a fait, dont il ha tort. Car nul ne peult jamais à moy venir Qui ne se veult dans le Petit tenir.

Sathan cuydoit par son sens mériter Siège pareil que le mien héritier.

Et moy qui Suis celuy qui Suis sans doute, Jamais en moy ne reçoy ny ne boute Nul qui ne soit dedens Focciz Agneau Tout mys à rien et fait homme nouveau. Or est de luy par mon tressaint escrit, Par mon amour, par mon divin esprit, Sa congnoissance au bas monde donnée :

Dont nous voyons destruite et estonnée Du grand Sathan le règne, la pratique.

Son grand Cuyder, sa force tyrannique Est mise à rien par l'Agneau innocent Qui à la mort et à Rien se consent.

Et tant m'a pieu ceste nichilité.

Son Rien pour moy et son humilité.

Que l'ay dessus les Anges exalté.

Et l'orgueilleux du plushault desmonté, Qui n'aura plus que Cuyder en lieu d'estre. L'Agneau fer ay triompher à ma dextre, En luy donnant justice et jugement , Et pour son Rien il aura Tout vrayment. Anges, chantez, en voyant eslevé

Rien en son Tout, et Sathan reprouvé; Son tout à rien est mis par ma puissance. Cuyder est nul où est ma congnoissance.

Le Premier Ange.

Or elle est cheate, elle est cheute, elle est cheuie, Confusion la paillarde et la pute.

Le Second Ange.

Qu'est devenu son bruit, sa renommée^ De son Cuyder n'est venu que fumée.

Le Tiers Ange.

Elle est au puits de sa perdition, Ceste cité d^ abomination.

Le IIH. Ange.

Sathan, Sathan, en desespoir et dueil A tout jamais t'a mené ton orgueil.

Le Premier Ange.

L'Agneau occis, où gist ta sapience, Donra de toy à tous vraye science.

Le Second Ange.

Sa mort sera aux filles de Zion Heureuse vie et Résurrection.

Le Tiers Ange.

Son Rien fait ceux qui en luy seront Riens Estre en toy Tout, qui promesse leur tiens .

Le un. Ange.

De tous ces cas soit à jamais mémoire Au monde bas, et à toy seul la gloire.

Le V. Ange.

Chantons, car tout est consommé et fait ; Le Petit est vray homme et Dieu parfait.

Les Anges, chantans.

Gloire soit au Créateur,

Qui destructeur Est de Sathan la grand' teste :

L'honneur à l'Agneau rendons,

Par qui ces dons Le Père nous manifeste.

A faire feste, Helas! nous tous entendons.

COMEDIE