DE L'AG N E AU

ovsles Eshis etSouIdars du Vainqueur, Tous vrays servants, quin'avezen vain cœur , Aux durs assaults de la cruelle guerre Que fait Sathan contre CHRIST sur la terre ;

Tous les Signez et Bourgeois de Zion,

Vrays héritiers, enfans d'adoption,

Assemblez vous pour chanter la victoire

Du seul Agneau, tout revestu de gloire.

Assistez luy dedens son capitole.

Tous bien ornez de la céleste estolle.

Sans vous ne peult se parfaire la feste :

Le membre doit aller où est la teste.

Loups ravissans, en vitupère et honte

Retirez vous , vous n'estes pas du compte,

N'approchez point du céleste troupeau :

Dieu ne prend pas la personne à la peau. Retirez vous, l'Agneau le vous commande, Raison ne veult que soyez de sa bande. Mais vous chacun, victorieux gensdarmes, Qui tous avez enduré les alarmes Des fiers Géants en cruauté confitz, Sans estre en Foy d'un seul poinct desconfitz, Apprestez vous, les palmes en la dextre, Car il convient d'aller après le maistre.

Je veux icy tes triomphes chanter.

Verbe divin ; vien donc me présenter Les doux accords de la musique haulte.

Pour non avoir en mon chant quelque faulte. Je veux, Seigneur, exerciter ma plume A tes grans loz, si ton esprit m'allume. Allume donc par ta splendeur illustre Mon bas penser, et me fais voir le lustre De celle noble et auguste couronne Qui ton saint chef richement environne.

Or, me fiant, Seigneur, de ta largesse, Et que seras ma conduite et addresse, Commenceray dire l'occasion Pourquoy tu prins de nous compassion.

Trois principaux et mortelz ennemis Avoyent Adam en grand servage mis :

L'un, de la Loy lerigoreux abbort;