CHANSON DE NOËL
Sur : Las! qu'en dit-on en France Des genis de Luxembourg?
CHANGEONS tristesse en joyc Et en chant nostre dueil; A fin que mieux on croye.
Ouvrons de l'esprit l'œil.
Laissons ceste chaire morte, Qui tant nous desconforte Avec son vieil Adam :
De vive voix et forte, Chantons à chasque porte Noël pour fin de l'an.
Pour la fin de l'année A tous ceux qui ont Foy, Grâce leur est donnée ; Car le tout puissant Roy En monstrant sa largesse
l6o CHANSONS
Pour tenir sa promesse, A son peuple est venu :
Laissons donques tristesse, Car chanter de liesse Tout fidèle est tenu.
Resjouys toy, Nature, En ce jour tant heureux, Car de sa créature Dieu se monstre amoureux.
Il luy donne sa grâce, Et luy monstre sa face Soubz forme d'un enfant.
Nature morte et lasse Sentant ceste efficace, Contre Mort se défend.
De prendre nostre cendre Le F Hz n'a desdaigné; Et pour tous blancs nous rendre, En sang il est baigné.
En ce sang là nous sommes, Autant femmes comme hommes, Du tout renduz parfaitz ; Du péché et ses sommes , Nous en ostant les sommes Il a porté le faix.
SPIRITUELLES l6l
Soubz la forme d'enfance Il nous vient visiter, Pour la morte innocence Et nous resusciter.
Voyons sa petitesse, Suyvons le en sa bassesse.
Ne nous estimans riens Fuyons orgueil, hautesse; Prenons le pour addresse, Et nous serons des siens.
Si nous povons bien croire Ceste Nativité, Toute nuict laide et noire, Toute lascivité, Toute chose charnelle, Ainsi qu'une esiincelle En rien retournera; Et la lumière belle D'une clarté nouvelle.
Nous illuminera.
Et prenons pour exemple De luy porter honneur Celle qui est le temple.
Du souverain Seigneur :
Pas n'est la vierge folle
l62 CHANSONS
Qui tout le monde affolle :
Car ceste cy a creu
En la sainte Parole
Du grand maistre d'eschole
Qu'elle a par Foy conceu.
Suyvons sa Foy parfaite Aymant la vérité^ Et prenons sans défaite Sa pure Charité.
Sa tresseure espérance, Sa vierge continence^ Sa grand' humilité, Sa tressage abstinence, Sa prudence et constance, Douceur, humanité.
Mettons donc sy grand peine Que des grandes vertus De ceste Souveraine Nous soyons revestuz.
Mais mettons en mémoire D'en rendre à Dieu la gloire, Ainsi comme elle a fait.
Il est nostre victoire ; Car par luy nous fault croire, Nostre ennemy défait.
