FAIT AU MESME TEMPS
L'odeur de mort est de telle vigueur Que désirer doit faire la liqueur De ce morceau, que ne veull avaller L'homme ignorant, lequel ne peut aller Qiie par la Mort au lieu de tout honneur. La mort du Frère a changé dens la Sœur
{En grand désir de mort) la crainte et peur; Et la rend prompte avec luy d'avatler L'odeur de mort.
Sa grand' douleur elle estime douceur.
Sachant que c'est la porte et chemin seur Par où ilfault au Créateur voler, En attendant, delà mort veult parler ; Car en a bien resuscité son cœur L'odeur de mort.
RA\ Dieu du Ciel, reconfortez moname, Et la bruslez de vostre ardente flamme; Puis la prenez pour cspouse et pour femme: Par vostre Filz vous le m'avez promis.
Par péché est povre, vile et petite, Qui vous, Seigneur, à la haïr incite; Mais regardez de Christ le grand mérite., Qui a prié pour tous ses ennemis.
Las ! par sa mort elle est perie et morte, Par sa vertu resuscitée et forte :
SPI RITUELLES.
Vo)cz que Christ, qui les siens reconforte, Pour les sauver à tous maux s'est soubmis.
Ce Christ a fait pour nous sy bien l'office Qu'en nous lavant par sa mort de tout vice, A satisfait à divine Justice ; Car un seul poinct de la Loy n'a obmis.
Voyez, Seigneur, sa grande obéissance Depuis le jour de son humble naissance Jusqu'à sa mort : par sa grande puissance Sauvez à ceux que luy avez commis.
Las! c'est pour nous qu'il a fait cest ouvrage Et mérité nous a vostre héritage :
Mon ame, donc, par Foy prens bon courage. En resveillant tes esprits endormis.
Faites la voir en soy morte et confuse^ En vous vivant pleine de grâce infuse ; Vostre bonté ce don point ne refuse A qui pour vous de son cœur s'est demis.
Moins elle peult se laver de sa fange, Et il vous plaist la blanchir comme un Ange, Plus en aurez de gloire et de louenge; Car en vous seul son espoir est remis.
Ne desprisez vostre humble créature, Mais voyez y l'image et pourtraiture Du Christ, qui est vostre essence et nature, Lequel par grâce dedens elle avez mis.
Et, par le Nom de ce Filz amiable, Recevez la pour es^ouse agréable En l'union du corps tant désirable Où vous voulez mettre en un voz amis.
AUTRE CHANSON
ADIEU, m'amye.
Car je m'en vois Cercher la vie Dedens la croix.
Si par la prière
Tirer t'y povois,
Certes en arrière
Tu ne demourrois.
Ne tarde mye, Viens et me crois,
Cercher la vie Dedcns la Croix.
Desprise du monde Ce dont il te tente, Comme chose immunde ; Et metz ta pretente
Non endormie
Par tous endroits
Cercher la vie
Dedens la Croix.
Si de ces délices Tu te laisses prendre, Subjette à tous vices Il te faudra rendre,
De Dieu haïe : '
Dont ne pourrais
Cercher la vie
Dedens la Croix.
Mais si par sa grâce Te donne courage, Sans en estre lasse Feras le voyage;
Courant d'envie
Par monts et bois
Cercher la vie Dedens la Croix.
Or vien donc sans crainte, D^une amour naïve Aymant la Mort sainte, Par qui seras vive, Voire et unie Au Roy des Roy s, Cercher la vie . Dedens la Croix.
AUTRE CHANSON
SI quelque injure l'on vous dit , Endurez le joyeusement ; Et si chacun de vous mesdit.
N'y mettez vostre pense ment.
Ce n'est chose nouvelle D'ouyr ainsi parler souvent : Autant en emporte le vent.
Si quelcun parle de la Foy, En la mettant quasi à riens
Au prix des œuvres de la Loy, Les estimant les plus grans biens,
Sa doctrine est nouvelle, Laissez le la, passez avant :
Autant en emporte le vent.
Et si pour vostrc Foy gaster, Vous vient louer de voz beaux faits, En vous disant (pour vous flatter) Qu'il vous tient du reng des parfaitz ,
Fuyez parole telle.
Qui ameine orgueil décevant :
Autant en emporte le vent.
Si le monde vous vient tenter De richesse, honneur, et plaisir, Et le vous vient tous présenter, N'y mettez ny cœur ni désir :
Car chose temporelle Retourne où estoit par avant :
Autant en emporte le vent.
Si l'on vous dit qu'en autre lieu L'on puisse trouver reconfort Et vray salut qu'en un seul Dieu, C'est pour mettre vostrc amc à mort ; Monstrez vous lors^
CH ANSONS
Et desmentez le plus sçavant :
Autant en emporte le vent.
AUTRE CHANSON
UN jeune Veneur demandoit A une femme heureuse et sage, Si la chasse qu'il prétendait Pourrait trouver, n'en quel Bocage; Et qu'il avoit bien bon courage De gaigner ceste venaison Par douleur, mérite et Raison.
Elle lui a dit : « Monseigneur, De la prendre il est bien saison, Mais vous estes mauvais chasseur.
« Elle ne se prend par courir, Ne par vouloir d'homme du monde, Ne pour tourment, ne pour mourir.
Et si ne fault point que l'on fonde Son salut, fors qu'au Créateur :
Vertu peut vault s'il n'y abonde Par son Esprit force et valeur.
Las ! vous en seriez possesseur
Si de David aviez la fonde, Mais vous estes mauvais chasseur.
« Ce que cerchez est dens le bois Où ne va personne infidèle; C'est raspre buysson de la Croix, Qui est chose au meschant cruelle.
Les bons Veneurs la treuvent belle, Son tourment leur est vray plaisir.
Or si vous aviez le désir D'oublier tout, pour cest honneur, Autre bien ne voudriez choisir :
Mais vous estes mauvais chasseur. »
Lors quand le Veneur l'entendit, Il mua toute contenance, Et comme courroucé luy dit :
i.< Vous parlez par grand ignorance : Il fault que je destourne et lance Le cerf, et que je coure après ; Et vous me dites par exprès Qu'il ne s'acquiert par mon labeur.
— Seigneur, le cerf est de vous près, Mais vous estes mauvais chasseur.
« S'il vous plaisoit seoir et poser Dessus le hort d'une fontaine,
Et corps et Esprit reposer, Puisant de l'eau tresvive et saine, Certes sans y prendre autre peine, Le cerf viendrait tout droit à vous ; Et pour Parrester ne faudrait Que la retz de vostre humble cœur^ Où par Charité se prendrait ,• Mais vous estes mauvais chasseur.
— Or, ma Dame, je ne croy pas Que l'on acquière ou bien ou gloire Sans travailler ne faire un pas, Seulement par aymer et croire.
De Veau vive ne veux point boire, Pour travailler le vin vault mieux.
La Dame a dit : De Terre et Cieux Serez Seigneur et possesseur, Si la Foy vous ouvre les yeux ; Mais vous estes mauvais chasseur.
« Le cerf est sy humain et doux, Qiie si vostre cœur voulez tendre Par amour, il viendra à vous ; En vous prenant, se lairra prendre.
Et alors vous pourra apprendre De manger sa chair et son sang A ceste curée par reng ;
SPIRITUELLES. lOJ
Pour estre remplis de douceur Voz désirs courront à ce blanc ; Mais vous estes mauvais chasseur,
« En ceste délicate chair La vostre sera transmuée.
0 bien heureux qui peult toucher A ceste grand teste muée, A la chair courue et huée, Mise à mort, rostie pour nous.
Sur la croix pendue à trois doux !
Helasl elle est vostre, ô pécheur, Si vous croyez ces saints propous , Mais vous estes mauvais chasseur. »
Le Veneur entendit la game, Et descouvrit la Poésie, Et soudain luy a dit : « ma Dame, f abandonne ma fantaisie.
De la Foy mon ame est saisie.
Qui trompe et corps me fait casser.
Colliers, coubles et laisses laisser, Croyant la voix de mon Sauveur ; Autre cerf je ne veux chasser, Pour n'estre plus mauvais chasseur.
« Empereurs, Roys, Princes, Seigneurs,
A VOUS ma parole j'adresse ;
Vous tous Piqueurs, Chasseurs, Veneurs,
Renoncez travail et destresse,
Dont en Heu de plaisir tristesse
Vous rapportez le plus souvent :
Las ! vostre plaisir n'est que vent.
Laissez comme moy ce malheur :
Autre je suis qu'auparavant
Pour n'estre plus mauvais chasseur.
« Venez Veneurs, venez, venez A la salutaire curée; A laisser le monde apprenez, Qui est de si courte durée ; Car charité immesurée De son Tout vous fait le présent.
Par lequel Rien est fait plaisant, Remply de divine liqueur :
De moy, je m'y rens à présent, Pour n'estre plus mauvais chasseur. »
SPIRITUELLES. lOJ
AUTRE CHANSON
Sus : Sur le Pont d' Avignon, j'ouys chanter la belle.
SUR l'arbre de la Croix d'une voix clerc et belle fay bien ouy chanter une chanson nouvelle.
Voyseau qui la chantait csmouvoit le courage De tout vray Pèlerin, disant en doux langage :
" Je suis le Pélican qui donne et santé et vie Pour faire vivre ceux que sauver fay envie.
La Mort, qui eux et moy pensoitses subjetz rendre J'ay prise et mise à mort, me laissant d'elle prendre.
Mais estant en ses laz n'a pas esté sy forte Que n'en soye eschappé en rendant la Mort morte.
Parquoy sur mes enfans n'ha plus nulle puissance, Qui par mort de vie ont parfaite joayssance.
Où est ton aiguillon, ô Mort tant redoutée^ Ta puissance par moy de ta force est ostée.
Je suis la Vérité et la Vie et la Voye, Mort n'ha plus de povoir en quelque part que soye.
Les pécheurs seulement la trouveront cruelle, Mais les miens l'aymeront, et la trouveront belle.
Par moy l'horrible Mort est belle devenue, Et les portes d'Enfer n'ont contre moy tenue.
Car au mylieu d'Enfer me trouve le Fidèle, III 14
Qui suis son Paradis et sa joye éternelle.
Mes enfans sont en moy sy tresunys par grâce, Qu'Enfer, Péché ny Mort n^ha plus en eux de place.
Adam plein de péchés j'ay mis en croix austère, Je l'ay crucifié en jouant son mystère.
J'ay prins ce vieil Adam et sa concupiscence, Lequel j'ay mis à rien par Foy et congnoissance.
J'ay gousté le morceau de Mort en patience ; Nul ne le goustera qui ayt en moy fiance.
J'ay entré en Enfer, sentant ses douleurs fortes ; Pour en tirer les miens j'en ay rompu les portes.
Nully ne demourra plus en ces trois limites Si bien se fie en moy, recevant mes mérites;
Mais s'il se veult fier en son labeur et peine. Estimant mon tourment et ma passion vaine.
Il congnoistra qu'Enfer, Mort et Péché, et Vice Vaincre ne pourra pas par sa propre justice :
De péchés se verra chargé à sy grand somme Qu'à lafinpourra voir ce que peult sans moy l'Homme.
Mais l'Homme au cœur contrit, petit, humble et infime Qui ne sent rien de soy, et nul bien n'en estime ;
Qui tout en ma bonté se confie, et s'arreste, A luy tous jours ma main de secourir est preste.
Je le metz en Enfer luy monstrant son ordure. Et qu'il a mérité par Péché, mort tresdure ;
Je le metz tout à rien, luy monstrant que son Estre Et sa Vie je suis, son seigneur et son maistre.
Mais quand le Trespetit du tout Rien se confesse, Jfi le retire à moy, luy inonstrant ma promesse ;
De ma chair, de mon sang, luy fais présent encore, En moy le reunis, l'embrasse et l'incorpore :
Luy transformé en moy hors son pcché immunde, Rien que grâce ne voit, qui en son lieu abonde.
En moy il voit la. Mort sy tresbien acoustrée. Qu'il la désire voir comme de Vie entrée;
Par moy de son Enfer voit les portes brisées, Là congnoit Paradis et les joyes prisées.
Povreté, faim et soif, travail, peine et tristesse, Trouve vivant en moy tout repos et liesse.
Or venez donc, Pécheurs, escouter ma doctrine ; Apprenez ma chanson pleine de discipline.
Je suis monté en hault à fin que chacun m'oye, Et qu'escoutant mon chant, soyez remplis de joye.
Par Charité j'ay soif du salut de toute ame. Pour la faire brusler de l'amoureuse flamme.
Las! donnez moy de l'eau de vraye amour à boire, Au vaisseau de voz cœurs par fermement me croire !
De n'avoir fait nul bien, ne craingncz ce langage. Car tout est consommé : j'ay gaigné l'héritage.
J'ay acomply la Loy, j'ay gaigné la partie : Tout est pour vous, Pécheurs, pour lesquelz Eli crie.
J'ay du Père prié l'indicible clémence A vous tous ignorans pardonner vostre offence.
J'ay pour vous délaissé ma vie à mort amere,
loS CHANSONS
Et en tresgrand douleur ma tresayinée Mère,
Four voasmonstrer que chair, tant soit elle estimée, Ne doit sinon pour Dieu et en Dieu estre aymée.
Pays j\iy recommandé entre les mains du Père Monesprit, pour monstrer qu'en luyfault qu'on espère.
Or ay je le salut de chacun fait sy ample , Et pour y parvenir me suis mis pour exemple.
Venez, venez trestous chargez, outre mesure, De labeurs et travaux : voyez ma peine dure,
Voyez ma croix, mes doux, mes douleurs non petites, Mon cœur d'amour ouvert et trestous mes mérites.
Tous ses biens sont à vous ; par grâce je les donne A qui par ferme Foy tout à moy s'abandonne.
Venez, embrassez moy, mon troupeau, mon église. Mes Esluz humbles et doux., desquclz fais à ma guise,
Car vous uniz en moy estes la mesme chouse : Je seray vostre Espoux ; vous tous un, mon Espouse :
Venez au vray repos où sera endormie Entre mes bras toujours mon Espouse et aniye. »
AUTRE CHANSON
VoiCY nouvelle joye, La nuict pleine d'obscurité Est passée ; et voicy le jour, Auquel marchons en seureté, Chassans toute peur par amour, Sans que nul se desvoye :
Voicy nouvelle joye.
L'hyver plein de froid et de pleurs Est passé tremblant et glacé; Vdsté plein de verdure et fleurs Nous vient plus beau que Van passé; Or chacun le voye :
Voicy nouvelle joye.
L'arbre sec et fâcheux à voir.
Raboteux, et dur à toucher.
Que nul ne desiroit avoir, Maintenant povons le toucher :
Il fleurit et verdoyé,
Voicy nouvelle joye.
Le rossignol qui s'est jaché Pour la rigueur de Vhyver froid, Maintenant il n'est plus caché, Mais sur la branche se tient droit :
Il gergonne et verboye, Voicy nouvelle joye.
Le Fidèle dedens la Loy Tout caché, tremblant, et peureux.
Par la lumière de la Foy Voit cler, et devient amoureux De Dieu, qui le convoyé :
Voicy nouvelle joye.
Il se congnoit tout délivré De péché et damnation; Il se sent de joye enyvré Par la divine Election
Qui tout bien luy ottroye:
Voicy nouvelle joye.
L'arbre de Croix, de peine et mort, Que tant avoit eu en horreur.
Maintenant c'est le reconfort Où il a attaché son cœur A fin qu'il ne desvoye :
Voicy nouvelle joye.
Luy qui craingnoit les gens hanter Et cachoit par crainte sa voix.
Maintenant ne fait que hanter Dessus lespine de la Croix; Il fault que l'on le croye :
Voicy nouvelle joye.
Il est dehors d'hyver et nuict.
Il n'est plus sec, mais florissant :
Mort et Péché plus ne luy nuist; Il est content dens le Puissant,
Vérité, Vie et Voye :
Voicy nouvelle joye.
AUTRE CHANSON
Las/ pas n^avois apperceu Que le Monde à mon desceu M'eust tant deceu !
Mais quand j'ay iKSUs receu,
Par Foy conceu, Me suis du malheur non sceu Bien apperceu.
En oyant les amoureux, .le les tenais bienheureux ; Hz ne parlent que des Dames, De joustes et de tournois, De chiens, d'oyseaux et de harnais.
Oubliant leurs povres aines :
Las ! pas n'avais apperccu.
En rayant les riches gens D'amasser biens diligens.
Je pensais que Phomme riche Fust de ce monde content; Car je n'allais point doutant La damnation du chiche :
Las ! pas n'avais apperccu.
Voyant les Roys et Empereurs Tous environnez d'honneurs, En moymesmes je disoye :
Ces Hommes icy sont Dieux, Hz ne peuvent avoir mieux; Mais leur enfer ne sçavoye :
Las ! pas n'avois apperccu.
Voyant par ces trois moyens Qjie le monde en ces liens Tue taule créature
SPI RITUELLES. i 13
Soubz le voile de la Loy, Hors des termes de la Foy, Où nous meine l'Escriture.
Las ! pas n'avais apperceu.
Mais par elle fay appris Qu'il y a un autre prix Que le Père éternel donne, Où gist nostre parfait bien.
Au regard ducjuel n'est rien Le Monde (]ue j'abandonne.
Las ! pas n'avois apperceu.
Si ce bien j'eusse entendu Tant de temps n'eusse perdu ; Mais là où Péché abonde Grâce a superabondé ; Là mon espoir 'fay fondé En disant Adieu an monde.
Las ! pas n'avois apperceu.
AUTRE CHANSON
PERE, je viens à vous de loing, Car nécessité et besoing Me font demander vostre grâce; Le demourant du porchin groing D'amasser par faim favois soing, Estant privé de vostre face.
En moymesmes, plein de douleurs, J'ay dit : Combien de serviteurs Sont saoulez de pain chez mon Père!
A luy j'iray en cris de pleurs, Il exaucera mes clameurs, Car par sa bonté je l'esperc.
Par(]uoy, Père piteux et doux, En ferme Foy se rend à vous L'indigne enfant pécheur^ prodigue ; La larme à l'œil, à deux genoux, Mercy vous cric, devant tous, Renonçant péché et sa ligue.
^ Père, devant vous j'ay péché, Ny devant le Ciel n'est caché.
Dont indigne filz me confesse, J'en suis tout saly et taché; De moy ne peult estre arraché Si vous ne me tenez promesse.
C'est qu'il n'y a si grand Pécheur S'il revient à vous de bon cœur, Qu'il n'ayt pardon de son offense.
Helas! regardez ma douleur, Qui de vostre juste rigueur, Père, appelle à vostre Clémence.
Las! donnez vertu à mon doy Pour recevoir l'anneau de Foy, Par lequel vous soye agréable :
Couvrez ce corps d'Adam tout nu Du vestement sy cher tenu De vostre Charité louable.
Je suis venu pour demander Grâce qui me peult amender, Et faire aymer vostre service, Et ce qu'il vous plaist commander, Et Adieu aux vices mander, M' offrant à vous en sacrifice.
Père, par le sang de l'Agneau
1 l6 CHANSONS
Refaites moy homme nouveau ; Et que je puisse en vostre table Manger la chair du tendre veau, Qui moy laid fera venir beau Par mutation admirable.
Si mon Frère qui est dehors, Oyant la musique et accordz Du festin de Paix et concorde.
Se confiant en ses bras forts, Murmure et se courrouce alors De vostre grand miséricorde,
Laissez le louer ses biensfaitz :
Mais moy qui voy les miens infecîz, Et que par bonté paternelle M'avez tiré dessoubs ce faix Avecques tous les saintz parfaitz.
Je vous en rends gloire éternelle.
AUTRE CHANSON
PAR faux Cuyder j'ay bien esté deceu, Lequel m^a fait ignorer mon vray Estre, Voire mon Rien sy tresfort mescongnoistre., Qjie tard nie suis de son mal apperceu.
// m'a tenu sy fort fermez les yeux, Que je ne pays voir mon ame vivante : Je l'estimois sy iresbelle et plaisante, Qiie pour l'aymer j'en oubliais les deux.
De l'union de ceste ame et du corps Pensois tenir entièrement ma vie , Que confermer j'avois parfaite envie, Ne voyant pas qui ma Vie estait lors.
Las! qui vous a contraint en charité D'illuminer l'aveugle de naissance, Et luy donner parfaite congnoissance Que c'est de luy et de la vérité ?
Quelle bonté, Seigneur, nous monstrez vous. Nous déclarant ainsi qu'un corps sans ame!* Nostre ame meurt, sans la divine flamme De vostre feu, qui la Vie est de tous.
Vous estes donc la Vie d'un chacun, Mais sans vous morts et mains que pouldre etcendre. Et vous en nous par grâce voulez rendre Ce qui n'est Rien estre fait Tout en un.
En nous faisant congnoisire nostre Rien Et vostre Tout par grâce et par puissance.
Il8 CHANSONS
Nous renonçant avons la jouyssance De vous, Seigneur, seul bon et seul bien.
Dont seul aymé soyez sans si ne mais, Seul adoré de toute créature.
Par vive Foy et de charité pure Loué sans fin de nous à tout jamais.
AUTRE CHANSON
PUIS cjue Dieu par pure grâce M'a tiré à soy, Et cjuen tous en toute place
Luy tout seul je voy, Je suis remply de plaisir, Veu que mon ame est s'amye, Qu'il a d'Amour endormie :
Hé, laissez la dormir! Hé, laissez la dormir
Allez dehors, Scrupule Et piquant Remord, Qiii trop de peur m'accumule Sans nul reconfort.
Vous n'engendrez que souspir, Et peine à la conscience.
Mon ame ha en Dieu fiance :
Hé, laissez la dormir ! Hé, laissez la dormir !
Las! cessez. Raison humaine, De la travailler; Car povoir n^ha vostre peine
De me reveiller. *
Tout vostre sens à loisir Ne me peult plus rien apprendre.
Qui me fait vray repos prendre :
Hé, laissez la dormir ! Hé, laissez la dormir !
Or taisez vous, criart Monde, Qiii tousjours taschez De rendre mon ame immunde ;
Car vous la faschez :
Ne luy offrez à choisir Plaisir, honneur ny richesse; Pleine elle est d'autre liesse :
Hé! laissez la dormir! Hé! laissez la dormir!
Petit Dieu, qui par tout vole, Te disant vainqueur, Finez cy vostre rolle ; Rien n'avez au cœur
Qui la fin de son désir Tourne a contempler la face, Que par Foy mon ame embrasse.
Hé! laissez la dormir ! Hé, laissez la dormir!
Maugré tout bruyt et tonnerre Elle dormira; Et au mylieu de la guerre
Se resjouyra.
Sans plus sentir desplaisir :
Mais soubs la divine tente, Repose seure et contente.
Hé ! laissez la dormir! Hé! laissez la dormir !
AUTRE CHANSON
JE n'ay plus ny Père ny Mère, Ny Seur, ny Frère, Sinon Dieu seul, auquel j'espère.
Qui sus le Ciel et Terre impere; Là hault, là bas, Tout par compas :
Compère, Commère, Voicy rie prospère.
Je suis amoureux non en Ville, Ny en Maison, ny en Chasteau ; Ce n^est de femme ny de fille, Mais du seul Bon, puissant, et beau ;
Cest mon Sauveur,
Qui est vaincjueur De péché, mal, peine, et douleur; Et a ravy à soy mon cœur.
Je n'ay plus, etc.
J'ay mis du tout en oubliance Le monde, et parens, et amys, Biens et honneurs en abondance, Je les tiens pour mes ennemis :
Fy de telz biens,
Dont les lyens Par Jesuchrist sont mis à riens, A fin que nous soyons des siens.
Je n'ay plus, etc.
Je parle, je ris, et je chante Sans avoir nul soucy ny tourment; Amys et ennemis je hante.
Trouvant par tout contentement :
Car par la Foy
En tous je voy Leur vie, qui est, je le croy, III 16
Tout en Tout, mon Dieu et mon Roy.
Je n''ay plus, etc.
Or puis donc que Dieu est leur vie, Et que je le croy Tout en tous, Il est mon Amy et m'amye, Père, Mère, Frère et Espoux; C'est mon Espoir, Mon seur sçavoir.
Mon Estre, ma force, povoir, Qui m'a sauvé par son vouloir.
Je n'ay plus, etc.
Las ! que fault il plus à mon ame Qui est tirée en sy bon lieu.
Sinon se laisser en la flame Bruslcr de ceste amour de Dieu ?
Et en bruslant,
Le consolant D'amour, qui rend le cœur volant, F.t sans fin la bouche parlant.
Je n'ay plus, etc.
Amys, contemplez quelle joye J'ay, estant délivre de moy Et remis en la seure voye Hors des ténèbres de la Loy.
Ce réconfort
Estsy îresfort Que rien plus ne désire, au fort, Qu'estre uny à luy par ma Mort.
Je n'ayplus, etc.
AUTRE CHANSON
A la clere Fontenelle, Qui est l'eau vive et d'enhault le parfait don , Tous povres pécheurs appelle Dieu tout seul bon, Pour vray pardon Recevoir en abandon.
Mon ainy, si vous voulez
Boire de ces te eau Vive, Des maux dont vous vous dolez,
Aurez santé naïve :
Ne soyez point emp esche Par la crainte de péché; Courez au prix attaché,
D'une amour non craintive, A la clere Fontenelle.
Ne craingnez que refusé Soyez cf amour sy ample ,• Voyez comme en ont usé
Ceux qui sont rostre exemple :
Paul, Pierre, et le bon Larron, Mille autres que nous llson, Publicain, Pécheur, Marion, Ne refuse en son temple, A la clere Fontenelle.
Voyez qu'en luy a trouvé
Marie Magdeleine, Et ce qu'en a esprouvé
La povre Egyptienne ; Mesmement le faux Judas
H ne refusa pas, Ny André, ny Matthias,
Ny la Samaritaine, A la clere Fontenelle.
Venez tous boire de l'eau Qui à tous maux est saine :
C'est un breuvage nouveau.
De nouvelle fontaine.
Le sang de l'Agneau occis,
Qui blanchist tous les noircis;
Et ne veult qu'un grand mercis
Dit (Vamour, pour sa peine, A la clere Fontenelle.
Sans or, argent ny avoir, L'eau donne en abondance^
Non par labeur ne devoir, Par mérite ou puissance;
Mais par pure Election
D'une grande affection,
Nous donne fruition
De l'eau de congnoissance,
A la clere Fontenelle.
Qui le congnoit tel qu'il est, Plein de miséricorde,
De le cercher est tout prest.
Et humblement s'accorde
De boire l'eau sans cesser,
Et jamais ne s'en lasser;
Et tout autre bien laisser, Dont plus ne se recorde,
A la clere Fontenelle.
Il n'y a grand ne petit Beuvant l'eau délectable.
Qui ne perde l'appétit Et tout soifdamnahle;
Dont le Monde boire fait De cisterne ou puits infect, Ceste cy le satisfait
De tout bien désirable, A la clere Fontenclle.
Or courez viste, pécheurs,
A ceste Eau pure et belle; Remplissez en tant voz cœurs
Que vous puissiez par elle.
Bien lavez de tous péchez
Dont vous estes tachez, Saillir d'amour desîachez
A la vie éternelle, A la clerc Fontenelle.
AUTRE CHANSON
RESVEiLLE îoy. Seigneur Dieu, Fais ton effort De venger en chacun lieu Des tiens la Mort.
Tu veux que ton Evangile Soit preschée par les tiens,
En Chasteaii, Bourgade et Ville, Sans que l'on en celc riens :
Donne donc à tes servans Cœur ferme et fort; Et que d'amour tous fervents, Ayment la Mort.
Resveille toy, etc.
Donne leur telle parole Qu'ilz tirent à toy les cœurs, Et que de doctrine folle A la fin soient vainqueurs; Et que par la vive Foy
Viennent au port Du salut promis de toy, .Après la Mort.
Resveille toy, etc.
Mais si leurs cœurs tu obstines En cachant ton cUr Soleil De tes obscures courtines, 1t qu'ilz facent appareil De tes enfans tourmenter,
Pour reconfort, Plaise toy les contenter
Dedens la Mort.
Resveille toy, etc.
Tu es leur Vie et leur Estre, Sans toy n'ont sens ny povoir :
Si avec eux te plaisî estre Douleur ne peuvent avoir :
Car tant qu'en vous Hz seront,
Auront reconfort, De joye qu'Ut sentiront,
Dedens la Mort.
Resveille toy, etc.
La Mort, qui à Pinfidele Est horrible à legarder, A ton Enfant est sy belle Qii'il ne craint s'y bazarder, Pour passer de ceste Mort
Lefascheux bort, Pour à toy {qu'il doit aymer) Aller par Mort.
Resveille toy, etc.
0 que la Mort est heureuse Qui les meine en sy beau lieu !
Helas ! qu'elle est glorieuse De les faire enfans de Dieu!
Avance donc, Seigneur,
Tant doux support, Leur donnant pour tout honneur.
Joyeuse Mort. Respeille toy , etc.
AUTRE CHANSON
MAUDIT soit le cruel chien Qui abbaye, abbaye , abbaye ^ Et si n'ha povoir de rien !
Son passetemps et sa joye C'est de nous venir tenter, Et qui de Dieu se fourvoyé Par desespoir tourmenter, S'il le tient en son lien :
Maudit soit le cruel chien!
S'il voit que suyvons la voye Où la Foy nous meine droit, A fin que mieux y pourvoye, Sa robbe tourne à l'endroit Et se monstre homme de bien :
Maudit soit le cruel chien !
Il parle doux comme soye, Pour aster de nosire esprit La Croix, ta seure montjoye, Qui nous meine à Jésus Christ ; Car il craint que l'on soit sien :
Maudit soit le cruel chien!
Nouvelle invention vraye, Pour en remplir nostre cœur, Et de voir ne nous effraye La parole du Seigneur, Qui est tout nostre soutien :
Mauldit soit le cruel chien!
Il ne craint fors que l'on croyc En Dieu seul parfaitement ; Car par la Foy Dieu fourvoyé Son Royaume entièrement, Avec Adam l'ancien :
Maudit soit le cruel chien !
D'une ypocrisie vraye Ce chien se sçait rêves tir, Pour lier de sa courraye Ceux qui l'escoutent mentir.
Croyant son dévot maintien :
Maudit soit le cruel chien !
SPIRITUELLES. IJI
// n' espar gne or ny monnaye, Royaumes, biens ny honneurs, Mais qu'il puisse pour sa proye Arracher la Foy des cœurs ; A chacun il dit : Tien, Tien :
Maudit soit le cruel chien !
Dire je ne vous pourroye Ce qu'il fait pour décevoir, Et moins celer ne pourroye QuHl n'ha force ny povoir De nuyre à un Chrestien :
Maudit soit le cruel chien !
AUTRE CHANSON
Sus : Trop penser m'y font amours.
PENSER en la passion De Jesuchrist, C'est la consolation
De mon esprit.
Seigneur, quand viendra le jour Tant désiré.
Que je seray par amour
A vous iiré , Et que r union sera
Telle entre nous Que l'espouse on nommera
Comme l'espoux ?
Penser, etc.
Ce jour des nopces, Seigneur, Me tarde tant, Que de nul bien ny honneur
Ne suis content;
Du monde ne puys avoir
Plaisir ny bien :
Si je ne vous y puys voir,
Las ! je n'ay rien.
Penser, etc.
Si de vostre bouche puys Estre baisé, Je seray de tous ennuys
Bien appaisé.
Baisez moy, acolet moy,
Mon Tout en tous, Unissez moy par la Foy Du tout à vous.
Penser, etc.
Essuyez des tristes yeux Le long gémir, Et me donnez pour le mieux
Un doux dormir.
Car d^ouyr incessamment
Voz saints propos, Cest parfait contentement, Et seur repos.
Penser, etc.
AUTRE CHANSON
HRisT a fait trembler V Enfer, Du pis juscjues à la simette.
Il a bridé Lucifer, Christ a fait trembler l'Enfer, Il a bridé Lucifer D'une éternelle gourmette.
Du pis jus(jues à la simette.
C'est pour plus nous eschauffer, Christ a fait trembler l'Enfer; C'est pour plus nous eschauffer
D'amour par Foy clcre et nette, Du pis jusques à la simette.
Son bras est plus dur que fer, Christ a fait trembler l'Enfer.
Son bras est plus dur que fer; Nul contre luy ne se mette, Du pis jusques à la simette.
Les mauvais fera chauffer.
Christ a fait trembler l'Enfer, Les mauvais fera chauffer, Au feu où le Diable il jette, Du pis jusques à la simette.
Dens les siens fera estouffer.
Christ a fait trembler U Enfer, Dens les siens fera estouffer De Lucifer la t empeste Du pis jusques à la simette.
Pour plus beau les estoffer Christ a fait trembler l'Enfer, Pour plus beau les estoffer En sa parée chambrelte Du pis jusques à la simette.
AUTRE CHANSON
Sus : O l'espinette du bois.
Mon amour la désire.
Toutpuissant, oy la voix Du cœur plein de martyre.
Par ioy péché congnois.
Qui à péché m'attire; A grand' perdition vois Si tu ne m'en retire.
0 Toutpuissant, etc.
Defens moy par ton bois De l'infernal empire ; Car Père te recongnois Meilleur que ne puis dire.
0 Toutpuissant, etc.
En ta parole crois, Je Vayme et la veux lire ; Mais casse moy ceste noix, Pour la douceur eslirc.
0 Toutpuissant, etc.
Si par toy je povois Gouster ce que désire Je trouverois en la Croix Un triomphant empire.
0 Toutpuissant, etc.
De moy je ne sçaurois, Car je suis enfant d'ire; Cours vistement ceste fois A mon secours, beau sire.
0 Toutpuissant, etc.
0 Roy de tous les Roy s Devant qui je souspire.
Rien que crier je ne fois :
Ne me vueille esconduire.
0 Toutpuissant, etc.
AUTRE CHANSON
ADIEU, pour tout jamais A Dieu!
En l'ignorance du matin, Sans voir du vray Soleil le jeu, De plaisir j'entre au Jardin
Plein d'honneur et biens, à l'entour, Pour jamais n'en fais retour.
Mais j'ay trouvé mort pour jeu .
A Dieu !
A Dieu pour tout jamais, A Dieu, A Dieu pour tout jamais plaisir, Qui met l'ame à damnation ; A Dieu de tout bien le désir, Qui donne tribulation ; A Dieu d'honneur l'ambition, Qui brusle le cœur comme un feu :
A Dieu!
A Dieu pour tout jamais, A Dieu!
A Dieu, je ne veux plus de vous, N'autre plaisir ne veux avoir Que l'union de mon Espoux ; Car mon honneur et mon avoir.
C'est par Foy mon Tout recevoir, Que ne dois laisser pour le peu.
A Dieu !
A Dieu pour tout jamais, A Dieu!
L'ame qui gouste le repous, Le plaisir, le bien, et l'honneur D' avoir pour Père et pour Espoux III i8
Son Dieu, son Christ et son Seigneur, Meurt en Adam; et de bon cœur Luy dit, le chassant en tout lieu :
A Dieu!
A Dieu, pour tout jamais, A Dieu !
A Dieu, ne pensez revenir Dedens vostre vieille maison, Car il plaist à Christ s'y tenir, Sans la laisser nulle saison ; Il en est Seigneur par raison, Et vous a chassé du mylieu :
A Dieu !
AUTRE CHANSON
ESCENDONS bas en nostre ame.
Pour monter plus hautement.
Nous la verrons toute infâme, Subjette à mort et tourment; Mettre la fault soubz la lame, Par anneantissement :
Descendons.
Bruslée soit dans la flamme Du saint Esprit purement, Qui tout son péché et hlasme Couvrira d'un vestement.
Descendons,
De Christ duquel sera femme Jointe inséparablement, L'ame estant Rien, sera dame De Tout par son Tout, vrayment.
Descendons.
Car Tout en Rien crie et clame, Voire inenarrablement; Dieu par Foy Père reclame, Qui l'exauce promptement.
Descendons.
Unissant le Rien qu'il unie En son Tout divinement, L'espouse se perd et pasme En son Tout joyeusement.
Descendons.
Dont gloire, honneur, bruit et jamc Rend à Dieu incessamment.
Descendons.
AUTRE CHANSON
ET courons sans esmoy, Où tant de biens l'on donne; Et courons sans esmoy ^ Remplis de pure Foy :
Nostre Père céleste et hault A envoyé Christ son herault.
Et courons.
Crier, A l'assault, A l'assault!
Armer de la Foy il nous fault.
Et courons.
Le cœur d'amour ardent est chauld, Pour prendre Paradis d'un sault; Car sa mort plus que le ciel vault, Qui a couvert nostre default; Rendant le Diable fin et caut, Impuissant comme un mort Crapaut, Au moins si Foy ne nous default.
AUTRE CHANSON
AME tu n'es au chemin Ny en la voye De vraye félicité :
Dieu Vy convoyé !
Ame, où vas tu sy soudain ? bis. Je cours à plaisir mondain. bis.
C'est en vain; Car plaisir mondain est faux,
Tu te fourvoyé, Qui en tristesse et tous maux Fine sajoye.
Ame, iielas, quel chemin tiens? bis.
Tout droit aux terriens biens. bis. Ce n'est riens.
Mais avarice le cœur Sy fort guerroyé, Qu'elle le fait en douleur Du Diable proye.
Où vas tu à grand roideur? bis.
A l'ambition d'honneur; bis.
C'est erreur.
Ambition trop blasmer Ne te pourroye ; Son feu, en lieu d'allumer, Brusle et foudroyé.
Ame, où vas par ces déserts i' bis.
Vois sçavoir par gens experts ; bis.
Tu le perds :
Sçavoir aux lettres trouver
Bien tosî sçauroye, Si l'esprit bien csprouver En toy pourroye .
Où vas lu à sy grand pas? bis.
Avec ces gens de là bas ; bis.
N'y va pas :
Combien qu'ilz soyent merchez De noire croye, Orgueil les tient attachez De sa courroye.
Ame où ras tu, par tafoyH bis.
Je vois à l'amour de moy : bis.
Garde toy D'aymer ce que rien ne vault :
Si tu sçavoyc
Vamour et le don d'enhault, Seul l'ayineroye.
AUTRE CHANSON
VRAY Dieu, qui réconfortera Ma povre ame , et qui l'ostera De la peur d^estre condemnée ?
Si son Enfer elle peiilt voir, Et son péché appercevoir.
Justement se tiendra damnée.
Car se trouvant en chacun lieu, Comme un juge verra son Dieu, Qui la rendra plus estonnée.
Elle verra que ses bienfaits Devant Dieu sont ords et infects, Et la vie qu'elle a menée.
Pleine de mal, vuydc de bien., Souhaittera de n'cslre rien, Et n'avoir jamais esté née.
Qjii la délivrera du corps De ceste mort, où sera lors En trouble et douleur amenée f
Ce ne sera pas son bon sens, Ne sa raison ny ses cinq sens, Quand elle sera adjournée.
Ce sera Grâce purement De Dieu par Christ, son rray amant, Qui pour luy l'a prédestinée.
Cestuy seul la délivrera, Et sa Grâce luy livrera Pour de tous biens estre estrenée.
Par Grâce de calamité Sera mise en sublimité, Ainsi que Royne couronnée.
La douceur goustera d'aynur Après avoir gousté l'amer.
0 heureuse et digne journée!
AUTRE CHANSON
ASSEMBLONS noiis, ClirestUns, Créés de riens, Esluz de Dieu par sa grâce ; Recongnoissons ses grans biens
Qui sommes siens; Et le louons sans fallace En toute place, Helas ! par tous moyens.
Louons nostre Créateur, Qjii est dateur De tous biens en abondance :
Louons nostre Rédempteur
Et servateur, Qui en nous fait résidence ; Que chacun dance, Helas ! d'un joyeux cœur.
Toute la terre est à nous ;
Le ciel tant doux Est nostre éternel repaire : Tout est vostre entre vous
Puis que nous tous
Il ig
Avons Dieu pour nostre Père ; Et Christ pour Frère, Helas ! vivant en nous.
Péché, Mort, Enfer, jadis Feurent hardis De nous assaillir et prendre; Or sont Hz aconardis :
Car Paradis Nous est donné, pour le prendre :
Mais par entendre, Helas .' ses divins dits.
Par la Foy du Filz croyons En ce qu'oyons.
Que dit la sainte Escriîure, Par Foy Dieu en tous voyons.
Où que soyons.
Car chacune créature Est couverture, Helas ! de ses rayons.
Puis qu'en luy nous sommes un, Tout est commun; Nous sommes son héritage :
Voicy le temps oportun.
Où tout chacun
Doit eslever son ouvrage A n'estre sage, Helas ! mais importun.
Or chantons matin et soir, Sans nous asseoir; Dançons par joye immortelle ; Changeons en verd nostre noir,
Et pour le voir Saillons en vie éternelle ; Car par son zèle, Helas ! avons povoir.
AUTRE CHANSON
DIEU, de son céleste créneau Regardant çà bas son troupeau, A dit à chacun Pastoureau ; Nul ne fourvoyé, Pour mener Brebis au chasteau Je suis la Voye.
Mes Brebis par nom je congnois, Qui tresbien entendent ma voix.
Merchées les ay de ma Croix, Douleur et peine :
Et quand il me plaist quelque fois.
J'en prens la laine.
Mais pour un povre habillement Je les revetz plus chaudement :
Mon divin Soleil promptemcnt
Fais apparoisîre ; Et les fais soubz ce vestement Nourrir et croistre.
De pluye et gresle en lieux tous Les garde, et des ravissans Loups ; Pour elles j'abandonne aux coups
Mon amc et vie, Car de les mettre en repous
C'est mon envie.
Si quelque mal ont à porter.
Je les sçay bien reconforter :
Si j'en voy nulle transporter.
Qui se desvoye.
Sus mon col la viens rapporter A bien grand' joye,
Je sçay bien mener mes brebis
Aux fontaines et beaux herbis ;
De mon pain, qui est blanc, non bis,
Les fais repaistre :
Les agneaux sauve en mes habitz,
Les voyant naistre.
Mortes je les voy escorcher.
Pour les reunir en ma chair :
Je les fais menu destrencher,
Lors sont vivantes :
Et en moy qui les ayme cher, Sont triomphantes.
Amour me fait troupeaux garder, Et de tous maux contregarder, Amour les me fait regarder
D'un œil de frère; Pour les conduire sans tarder,
A Dieu mon Pcre.
Pastoureaux, mes bons serviteurs. Du troupeau soyez visiteurs.
Et de ma Parole amateurs
Si douce et ample :
Car des brebis et des Pasteurs Je suis l'exemple.
AUTRE CHANSON
MAUDIT soit le Cuyder, Qui semble peu de chose, Et fait de nous vuyder La senteur de la Rose.
Helas !
Tant se vient avancer
En nous ignorans hommes,
Qu'il nous donne à penser
Que quelque chose sommes.
Helas !
Ce Cuyder Estre là
Fait en nom désir naistre
De cecy et cela
Vouloir, avoir, ou cstre.
Helas!
C est aveuglé desir Par mensonge et promesse Engendre en nous plaisir, Qiii se fine en tristesse. Helas!
Biens, plaisirs, et honneurs.
Qui sont les fruitz de terre.
Desirons en noz cœurs ; Et voyla nostre guerre.
Helas !
Et pour y parvenir Nous souffrons mainte peine; Qjiand les cuydons tenir, Ce n'est que chose vaine.
Helas !
Et ceste vanité Sy fort l'Esprit tourmente.
Que la mondanité Mon ame mal contente.
Helas !
Lors ne voyant en nous De nul bien apparence.
Nous en courons trestous Après désespérance.
Helas !
Sy cruel n'est le lieu.
Ne sy grand le martyre, Que la bonté de Dieu
Soudain ne nous en tire.
Helas!
Nous redonnant l'odeur De la Rose vermeille, Bruslant par son ardeur Cuyder, qui nous conseille.
Helas !
Rose de Charité Confondt Cuyder damnable Unis par Vérité U image à son semblable.
Helas !
AUTRE CHANSON
HKLAs! je languis d'Amours Pour Jesuchrist mon espoux Filles, âmes bien heureuses, De Jesuchrist amoureuses, 0}'(Z mes piteux propous.
Helas !
Dites à l'Amy de mon aine.
Que de sa divine Flamme La viieille brasier tousjours.
Helas!
Et que rien ne veult prétendre^ Que d'estre bruslée en cendre Par ce feu qui est sy doux.
Helas!
Car l'ame en cendre brisée, N'est pas de luy despriséc, Mais receue à tous les coups.
Helas!
Avancez, heureuses âmes, Que par ces divines flammes Me face semblable à vous.
Helas !
Dites luy qu'en sa présence Gist ma joye et ma plaisance, Mon espoir et mon secours.
Helas !
Mon salut c'est voir sa face, Je ne vis que de sa grâce ;
Mî
i 54 CHANSONS
Pour Dieu avancez le cours.
Helas !
Si j'ay après longue absence De sa veue jouyssance, Lors je scray en repouz.
Helas !
Lors diray, d'Amour esprise, La chanson que j'ay apprise, Filles de Hierusalem.
Helas !
AUTRE CHANSON
POUR estre bien vray Chrestien, H faultà Christ estre semblable y Renoncer tout bien terrien, Et tout honneur qui est damnable.
Et la Dame belle et jolye.
Et plaisir qui la chair esmcult ; Laisser biens, honneurs et amye :
Il ne fait pas le tour qui vcult.
Ses biens aux povres faulî donner D'un cœur joyeux et volontaire, Et les injures pardonner, Et à ses ennemis bien faire; Laisser vengeance^ ire et envie, Aymer l'ennemy si l'on peult, Aymer celle qui n'ayme mye :
Il ne fait pas le tour qui veult.
De la mort fault estre vainqueur, En la trouvant plaisante et belle, Voire et l'aymer d'aussi bon cœur, Que l'on fait la vie mortelle ; S'esjouyr en mélancolie, Et tourment, dont la Chair se deult; Aymer la mojt, comme la vie :
Il ne fait pas le tour qui veult.
AUTRE CHANSON
MON ame n'ha plus autre esgard.
Autre désir ny autre envie.
Fors de jouyr du doux regard De la Vérité, Voye et Vie,
Car de son amour est ravie ; C'est son héritage et sa part, Dont nul bien ne cerche autre part.
Comme le cerf qui va courant, Mordz de la couleuvre vilaine, Au chauld du jour est désirant De trouver une eaue vive et saine, Ainsi à toy, vraye Fontaine, Qui tous bons cœurs vas attirant.
Mon ame court en espérant.
Comme la nef fait son effort.
Preste à périr par grand tourmente, De trouver le désiré port Où est le bien de son attente.
Ainsi par amour véhémente, Mon ame désire la mort Pour jouyr du seur reconfort.
Comme le prisonnier captif. Qui n'ha que de mort apparence.
Est par grand désir ententif De pourchasser sa délivrance; Moy ainsi que n^ay espérance De vivre, que par le pain vif, Le désire d'un cœur naïf.
SPIR ITUELLES. 1^7
0 Fontaine de Charité, Rassasie de ton serf l'Ame; 0 port de salut, Vérité, Sauve la nef qui te reclame ; 0 voye de tout homme et femme, Donne au captif ta liberté ; Par CHRIST qui seul l'a mérité.
Le doux regard de ton amour Est un bien sur tous désirable :
Il tue l'Ame sans séjour; Et morte, à christ la fait semblable.
0 mutation délectable, Quand Rien en son Tout fait retour !
Las! avancez donc ce bon jour.
AUTRE CHANSON
LE grand désir d'aymer me tient ; Quand de mon Dieu il me souvient, Assez aymer ne le pourroye.
Luy qui de tous est Créateur, Nous a donné le Rédempteur, Qui est la Vérité et Voye.
Sa Vérité nous monstre Dieu Tel qu'il est, Tout, et en tout lieu; A fin qu'en luy sans doute on croye.
Sa Vérité nous monstre à tous Que c'est moins que rien que de nous, Enfans d'Ire, et du diable proye.
Il est la Voye et seur chemin Droit et plein, plus qu'un parchemin, Où jamais nul ne se fourvoyé.
Par ce chemin nous fault passer Et tous autres chemins laisser ; Sa croix nous y sert de montjoye.
Il est la Vie, qui la Mort Rend morte par puissant effort; Et Enfer quant et quant foudroyé.
Il fait en nous Adam périr Et l'Ame vivante mourir ; Puis nous resuscite à grand joye.
Et ceste Résurrection C'est nostre consolation ; Plus que dire je ne sçauroye.
Autre désir ne veux avoir, Fors que de gouster et sçavoir , Qu'il soit en moy, et qu'en luy soye.
