III 2G

OÙ l'œil et sens de l'homme est impuissant,

Il luyjura, non que par mille ou cent

Multipliroit sur terre sa semence ,

Mais par sa grande et puissance et clémence

Aux estoilles que l'on peult au Ciel voir,

Et dont le nombre nully ne peult sçavoir,

Feroit ainsi sa semence semblable ,

Et comme aux grains du petit menu sable

Qui est aux bortz de cesîe Mer tant grande.

Abraam lors, sans luy faire demande

Comme se peult faire chose impossible

Ny concevoir ce qui est insensible,

Creut fermement à sa seule parole.

Par vive Foy^ qui n'est vaine ny foie,

Et il luy f eut réputé à justice.

Par ceste Foy feit à Dieu sacrifice

Non de son fdz, de son corps, de ses biens,

Mais de son cœur, mettant du tout à riens

Sa volonté, son sçavoir, sa raison,

Les captivant soubs divine prison,

Sacrifiant Cuyder, désir, envie,

Ne congnoissant avoir Estre ne vie,

Sinon Dieu seul , lequel, en se voyant

Image vif dens le cœur du croyant.

Dit et promit qu'il vouloit estre amy

De ses amys, et aussi ennemy

Des ennemy s de luy et de sa race,

QuHl avait prias en son amour et grâce ; Et beniroit ceux qui le beniroient, Et maudirait ceux qui le maudiraient ; Mettant à riens les ennemys par guerre, Luy donnerait leur désirable terre.

Voila l'accord du puissant Créateur Avec un bon fidèle serviteur, Que je lisais dedens mon H ermitage.

Pensant en moy le bien et Vavantage Qui par la Fay est donné au croyant.

Puis d'autrepart, en mon Esprit voyant De mon Seigneur et mon Roy la Foy vive, Envers son Dieu sa charité naive.

Me sembla voir le second Abraam, Quivray David s'estait monstre l'autre an, Exécutant les batailles de Dieu, Et Dieu pour luy bataillant en tout lieu; En maudissant par ruine et par liante Ses ennemis, tant que nul n'en tient compte. Ce que l'on voit par le compte Guillaume, Lequel servant le Ray et son Royaume S'estait fait riche, craint et fart estimé ; Mais maintenant fuitif, pavreet blasmé, Peult bien penser dont son honneur venait, Qui riche, heureux et craint le maintenait. Voila comment du Dieu de Paradis Les ennemis du Ray sont tous mauditz;

2 04 EPISTREAUROY.

Dessus lescfuelz il liiy donne puissance, 'it de leurs biens et terre jouissance. Que ses amys sont beneis ! je pensais, (lui ce peull vcoir ? veu que les Ecossais Contre un tel Roy que le Roy d^ Angleterre Ont eu povair de soustenir la guerre, Et sont unis tous soubz P obéissance De celle là qu'est venue de France, Congnoissans bien qu'estans au Roy uniz, Seront de Dieu et gardez et beneiz.

Puis je faisais par ce Royaume un lour, Pensant à ceux qui ont au Roy amour; A ceux aussi qui, par ingratitude, A bien l'aymer n'ont mise leur estude.

Les uns voyais cantens, sans cesser rire, Autre crever d'ennuy, d'envie et d'ire : Qui me feit lors juger pour tout certain Que vous, mon Roy et Seigneur souverain, Estiez de Dieu le Christ, l'aymc, l'eslu, Comme Abraam et David, que j'ay leu.

Je m'arrestay contemplant ce passage; Mais tout soudain viz venir un message Qui confirma ma contemplation, Me déclarant la consolation De vous, de nous, du royaume et de tous, Par nouveau fruit désiré de nous. Soudainement autre chose ne fiz

Que vostre lettre ouvrir, et quant un Filz Je vit escrit, je convertis le lire A louer Dieu, à plourer et à rire.

Un Filz, un Filz! ô nom dont sur tous noms Tresobligez à Dieu nous nous tenons.

Le Filz du Filz du Père tresheureux, Enfant qui rend les ennemys paoureux, Filz qui apporte en France un double cœur, Pour estre Filz du Filz du grand Vaincqueur, Filz beaucoup plus désiré qu'espéré, Le reconfort du cœur désespéré; Félicité du grand Père qui voit Filz de son Filz, que désiré avait ; Filz apportant au grand Père jeunesse, En retardant par joye sa vieillesse :

Car aussi tost que devant ses yeux vint, Ses quarante ans retournèrent à vingt.

0 Filz heureux, joye du jeune Père, Souverain bien de la contente Mère; Heureuse Foy qui, après longue attente.

Leur as donné le fruit de leur pretente; Filz en rioz cœurs receu et embrassé, Dont l'œil de Corps et d'Esprit n'est lassé Te regarder en ce monde naissant.

Filz que chacun François va bénissant, Le bien venu tu es, car tu apporte A nostre Roy le bien qui le conforte

20é EPISTRE AU ROY.

Des grans ennuis qu'il a euz plus qu'assez,

Qu'en te voyant il tient pour tout passez,

Car sy grand est ce don de Dieu donné,

Que tout ennuy doit estre abandonné.

Et quant à moy, Monseigneur, en voyant

Vostre escriture et vostre voix oyant,

Qui me promet que parfait le tenez

Quant à beauté, et qu'il ha bien grand nés,

J'ay tel plaisir et telle aise receue.

Que si plus grande en le voyant j'eusse eue,

La vie m'eust failly à ce besoing,

Dont mon malheur m'est heur d'en estre loing

Si de beauté et du nés vous ressemble,

Si fera il de voz vertus ensemble;

Et sera tel, qu'en vivant vostre vie

Allongera : et quand, par sainte envie,

Après cent ans donnerez vostre esprit

A l'union de Dieu par jesus christ,

Dedens ce Filz tout fait à vostre image

Demourrez vif, vivant vostre lignage ;

Et Dieu vivant en vous, qu'il aymera.

Dieu de Françoys tousjours se nommera,

Dieu de Henry et Dieu du petit Tiers,

Lequel Françoys nommerez volontiers :

Car vostre Foy en leurs deux cœurs cmpramte

Fera leur ame à vostre exemple sainte.

Ce Dieu tout bon de sa condition.

MultipUra sa bénédiction

En accroissant par sa grande clémence

En peu de temps sy fort votre semence.

Que seulement le Royaume de France

N'en sera plein, comme j'ay espérance,

Mais en sera toute terre couverte,

Et par leurs mains la Sainte recouverte.

Alors sera la Foy toute plantée^

Et sainte Eglise saintement augmentée ;

Un seul Pasteur et seule bergerie

Sera lors veu en vraye confrairie.

Le Seigneur Dieu, qui ainsy riia promis,

Y a desja bon commencement mis.

En vous il a commencé l édifice,

Et ne fera aux vostres moindre office.

Assez peuvent juger tous bons espritz,

Veu que par vous a tel fondement pris

Qu'aussi de vous, voire infaliblement,

Rendra parfait son tressaint bastimenî,

Auquel il veult à jamais régner Roy,

Ainsi qu'il fait en vostre cœur par Foy.

Et s'il vous plaist, Monseigneur, de sçavoir

Plus largement il vous plaira de voir

Et d'escouter celuy qui le m'a dit,

En Iny donnant, s'il vous plaist, tout crédit.

Il estait Roy ainsy comme vous estes,

Fidèle à Dieu, plein de vertuz lionnestes ;

// VOUS fera présent de seize Estoilles,

Vous assurant que seize enfans fidèles

De vostre chair sailliront sy luysans

Et par la Foy à leur Dieu sy plaisans

Que leur vertu gouvernera le monde,

En commandant sur Terre et Mer profonde.

Il vous dira les secretz de son maistre,

Et en quel lieu à la fin promet mettre

Celuy qui ha en luy sa confiance.

Il en a fait tresseure espérance.

Pour le laisser parler je me tairay,

Mais par grand joye encores ne lairray

Dire, à Seigneur, tout bon et tout puissant,

Ce povre esprit en vieil corps languissant,

Laisse l'aller maintenant en ta paix,

Car de tel bien et grâce me repais

Qu'il me suffist; et de toy suis contente

De voir mon Roy grand Père, et moy grand tante,

Rien plus ça bas ne veux, ne n'ay envie,

Fors de sa bonne, heureuse et longue vie.

EPISTRE II