ENVOYEE

PAR LA ROYNE DE NAVARRE

Avec un David AU ROY FRANÇOYS, SON FRERE

FOnR SES ESTREINES

'AViD voyant que par Mer et par Terre Les Philistins vous veulent faire guerre, M'a dit qu'il veut secourir par sa fonde iLe Roy, qui est digne de tout le monde.

Mais le voyant desarmé et tout nud,

Je l'ay enquls dont luy estait venu

Ce deslr là, que f estlmols peu sage.

Luy remonstrant que selon le courage

L'homme ne doit mesurer sa puissance;

Qu'il eust de luy premier la congnoissance,

Qu'il se velt nud et seul, sans nulles armes. III 27

// /n'a soudain dit : Voz paoureux alarmes

Ne me feront du service arresier.

Où corps et biens j'ay voulu apprester :

Si j'ay deffait un Lion de mes mains,

Peu je craindray Lyepards inhumains.

J'ay deffait l'Ours, qui est cruelle beste,

Sans espieu, espée ou arbaleste ;

Moins n'en feray de ceux qui se tiendront

En ses haults montz, quand contre moy viendront.

Ce Goliatz, géant espoventable,

D'un tout seul coup, cela est véritable,

Je mis à mort, au temps de mon enfance.

Estant tout nud; et n'avois pour défense

Qu'un tel chaillou qu'en ma fonde je tiens.

Et le vilain qui ne m'estimoit riens

Je mis à mort : moins donques n'en feray

Du grand Géant, lequel je dcfferay.

Je dis Géant tout homme qui veult estre

Du Roy François ou ennemy ou maistre.

Des Philistins j'ai eu maintes victoires.

Qu'à mon honneur on en list les histoires.

Croyez aussi que l'homme incirconcy

Ne trouvera jamais de moy mercy.

Incirconciz je tiens ceux qui conspirent

Contre Dieu seul, et tous les jours empirent

Leurs volontés a lencontre du Roy,

Qui est de Dieu le christ, et je le croy.

Du Filz de Dieu vray christ ye suis figure,

Duquel le Roy est vraye pourtraicture.

Bien que n^ayons au christ nulle semblance

Quant aux vertuz, de sa grande puissance

Le Roy et inoy semblables à luy sommes

En ce qu'il veult, de nous qu'il congnoit hommes.

Car il a dit que de luy apprenons

D^estre humble et doux, ce que bien retenons.

Je me tairayde racompter ma vie,

Lire la peult qui en aura envie,

Donnant l'honneur à Dieu mon seul vainqueur,

Qjii nommé m'a l'homme selon son cœur,

Et parleray de François le vray christ.

Du CHRIST duquel povez voir par escrit

Qu'honneur, grandeur, triomphe ny victoire

N'ont jamais sceu mettre son cœur en gloire.

Car de Dieu seul a recongnu ses biens.

Et devant luy ne s'est estimé riens ;

Mais a toujours, de fortune prospère,

Donné l'honneur à son Dieu et vray Père.

S'd a esté privé de sa santé.

Jamais ne s'est de Dieu mal contenté;

Mais à luy plaingt, faisant du christ l'office,

Qui cœur et corps offrait en sacrifice.

Ne demandant pour toute guarison

Que son vouloir. Voyez comme en prison,

Iniquement détenu à grand tort,

En son Dieu seul a eu son reconfort,

En remettant à son divin plaisir

Sa liberté, sa santé, son désir :

Dont Dieu donna, regardant sa grand Foy,

A luy santé et aux François leur Roy.

Son très grand mal monstra sa patience,

Et sa santé sa bonne conscience :

Car en ayant sa vie recouverte

Et sa prison par liberté ouverte.

Pas n'en donna aux Médecins l'honneur,

Mais à Dieu seul de sa vie donneur.

Il ne dit pas que luy ne ses amys

En liberté par leur sens l'eussent mis.

Pas n'en donna la gloire à sa prudence,

Force et conseil, fors à la Providence

De son seul Dieu, lequel en tous moyens

Voyoit ouvrer pour rompre ses liens,

Recongnoissanî tous les moyens de luy,

Et luy en eux sa force et son appuy.

Sa ferme Foy monstra par tel effect,

Qu'il esîoit Roy treschrestien parfait.

En luy l'on voit signe d'affliction,

Il se console en tribulaîion,

Et fait par foy de patience armure,

Se confiant en son Dieu sans murmure.

Il s'humilie en sa prospérité,

Ne congnoissant riens avoir mérité,

Mais tout receu par don et pure grâce. A l'on jamais vea sa volonté lasse De faire bien pour l'amour de son Dieu? Y a y nul qui ayt vcu en nul lieu Qu'il ayt usé de rigueur ou vengeance Encontre ceux qui ont fait diligence De luy oster enfans, honneur et vie ? Par ses effectz l'on peult juger l'envie Que son cœur ha d'une paix juste et bonne; Non telle paix comme le monde donne.

Mais d'une paix en Dieu si fraternelle Qu'à tout jamais peult durer immortelle. Las! qu'a il fait pour acquérir ce bien? Son interest tresgrand a mis à rien.

En oubliant son injure passée, Pensant par là vaincre et rendre lassée L'inimitié de son grand ennemy, Duquel le cœur devoit fendre parmy, Voyant le Roy plein de sy grand douceur j De deux telz Filz, d'une sy digne sœur, Avoir receu tant de signes d'Amour Durant le temps qu'en France feit séjour. De quel honneur et de quel traitement Depuis la fin jusqu'au commencement Le festoya le Roy, chacun l'ha veu.

L'Italien à grand peine l'ha creu:

Car la bonté qui de Dieu est venue

De l'infidèle est tousjoiirs incongnue.

Celuy qui est de la Foy devesla

Ne peut louer en autre sa vertu.

Car, dites moy, qu'est ce que Dieu demande?

Qu'est ce que tant il loue et recommande ?

C'est rendre bien pour mal, voire et aymer

Son ennemy; qui est le plus amer

Et dur morceau qui soit en l'Escriture,

D'autant qu'il est contre nostre nature.

Le Roy Vha fait. Or s'il a acomply

Ce, dont le cœur {s'il n'est de Dieu remply)

Plustost mourroit que de s'y accorder,

Je me tairay du surplus recorder.

Qui fait le plus, il fera bien le moins ;

Son cœur est pur et nettes sont ses mains,

Onques aux deux ne toucha cruauté.

De garder Foy, de tenir loyauté

Aux estrangers, la chose est toute aperte,

Dont maintesfois il a receu grand perte.

Mais en son cœur ha le contentement

D'avoir gardé sa Foy fidèlement

Envers chacun, tant amys qu'ennemys,

Qu'à ses subjects soubs sa puissance mis.

D'avoir usé par tout de la bonté,

Dont en la fin le mal est surmonté,

Demandez en à ceux de la Rochelle,

Dcsquelz le pied cstoit ja sus l'eschelle;

Ceux des Marays, aussi ceux de Bretaigne:

Y ay nul que de ce Roy se pleigne ?

Non : mais chacun à mon dire s'accorde,

En le louant de sa miséricorde ;

Sa grand douceur par tout preschent et crient.

Et sans cesser, Dieu pour sa santé prient.

Lequel oyant leurs voix, m'a dit : Allez

Servir ce Roy : je sçay que vous valez.

Prenez pour vous la fonde de la Foy,

Recongnoissant toute vertu de moy.

Car puis qu'en vous j'ay mise ma vertu,

Faites que soit le Géant ahhattu.

Or secourez le Roy et son Royaume,

Qui honnorer fait Cantique et Pseaume,

Que mon Esprit par vous a composé,

Et s'est sus luy par grâce reposé.

Ainsi tous deux d'un Esprit, d'un sçavoir,

Uniz en moy ferez par mon povoir

Ce que ne peult toute l'humaine force.

Or allez tost sans repos ne sans torse.

Puis donc que Dieu devers le Roy m'envoye,

Povoir n'avez de m'empescher la voye.

Ces mots ouys, j'euz claire congnoissance

Qu'avecque luy vous portoit la puissance

Que par la Foy vous donne le grand maistrc,

Qui son second David vous a fait naistre.

Sa pierre print, sa fonde, et me feist part

2l6 EPISTRE SECONDE AU ROY.

De son Psautier, me disant au départ : Garde toy bien que jamais tu ne failles Tant que le Roy aura guerre ou batailles. Lire en plorant incessamment ce livre Jusques qu'il soit de i'ennemy délivre.

Ainsi s'en va vous offrir son service, En me laissant de prière l office.

Ce que je fais, Monseigneur, de tel cœur Que faire puis que vous soyez vainqueur De tous malheurs qui peuvent advenir.

Et en santé prospère vous tenir; Tant que ce cœur, qui sans cesser souspire, Soit satisfait du bien qu'il vous désire : Croyez que mieux nul ne sçauroit avoir. Je me tairay, donnant lieu au sçavoir Du second vous. Car ma lettre n'est digne De destourber sa parole divine.