A LADITE DAM E

Qu'il cerche tant, en soy il verra naistre

Entre les siens, et bien tost apparoistre

Ce mesme Dieu qui à Judith donna

Force et povoir, et qui abandonna

Le chef cruel au bras foible et débile,

Qui l'emporta triomphant en sa ville,

Vous secourra avec telle défense

Que la Guyenne vous louera, et la France .

Et celle là qui eut bien telle audace,

Trouvant le roy endormy en sa place,

Luy transpercer d'un viel clou deshonneste,

Ord et rouillé ceste royalle teste,

Dont les Hebrieux, par hymnes et cantiques.

Rendent nouveaux sesfaitz qui sont antiques;

Faire vous doit assez clerement voir

Combien Dieu donne (quant il veult) de povoir.

Moy trcsjoyeux suis demouré content,

Bien espérant que le serez autant

Et plus encor, advenant le grand bien.

Que moins j'estime estre vostre et plus mien.

Tost je l'ay creu, car plustost le voulois :

Car si ce bien une fois recevais

De povoir voir en mes bras cest enfant

Tant désiré, raison ne me défend

M'en resjouyr, je dis oultre mesure,

Par le vouloir quasi je m'en asseure.

0 doux enfant, venez, je vous supplie,.