PAR LE ROY FRANÇOYS A LADITE DAME

Avec une Sainte Catherine pour ses estreines.

' R pleust à Dieu par sa grande bonté Que mon bien eust tant mon mal surmonté Que fusse digne en peu ou en partie \De resembler, ou parfaitz ou par vie,

A celuy là qui a mérité d'estre

Nommé servant de son Dieu et son maistre.

Ce qui ne peult, fault laisser dens les mains

Qiii a créé tous nous autres humains.

Et s^attacher à ceste seure corde

De sa bonté et grand miséricorde.

Point je ne suis au bon David semblable.

De qui le cœur à Dieu fut agréable;

Je suis pécheur, et cela je confesse,

2l8 RESPONSE DU ROY

Dont le congnoistre est ma scurc faddresse.

Bien je désire avoir un tel secours,

Dont il vainquit Lyon, Géant et l'Ours ;

Et que celuy par qui eut la puissance

Seul et assez me serve de défense.

Je vous envoyé, ô Sœur, une autre estreine.

Qui servira d'exemple à vostre peine :

L'honneste Vierge m'a prié de vous dire

Qu'elle aydera par sa force réduire

Voz ennemys, comme elle a fait les siens,

Jeunes de Foy et par malice anciens.

Car nulle n'est, qui Turnus secourut ;

Trop tost la povre à son malheur courut.

Ny celle là qui morte et affolée,

Devant Troye feut roync Panthasilée.

Son secours n'est en guerre ny bataille,

Par forts harnoys, ny coups d'estoc ny taille,

Mais en la Foy dont ha l'anneau pour gage :

C'est là où gist l'effort de son courage.

Son ennemy et son trop cruel Juge

La condemna; mais Dieu, son seul refuge,

La délivra, tournant sur l'infidèle

Tout le tourment qu'on préparait pour elle.

Elle aussi dit que les conjuraisons

D'iniquité soient par voz oraisons

Tournez en cendre, à grand confusion

De l' ennemy. Ceste division,