EPISTRE III

Car un chacun nous escrivoit sans faille : Demain le Roy donnera la bataille.

0 qu'il fut dur ce mot à avaller De voir mon Roy, voire et mon Tout, aller Où je sçay bien que dangereux hazart A quelque Roy que ce soit fait la part ! Et si sçay bien, congnoissant vosîre cœur. Qui par honneur est de crainte vainqueur, Que sans la mort ne vie regarder, A tout péril vous iriez hazarder; A tout péril, j'entens là on le maistre Pour emporter la victoire doit estre.

Vozfaitz hardiz, dont bien suis souvenante, Font assez voir qu'en bataille présente N'en feriez moins. Là ma peur je fondais, Quand ce jour là de bataille entendois. Et nonobstant que mon cœur me disoit : Tout ira bien, peu me satisfaisoit.

Car bien souvent est le gaing d'un combat De perte plein, que la joye r'abbat.

Puis je pensais que de peur d'y faillir. Trop vous craindrait l'ennemy d'assaillir. Mais je craingnois qu'à l'envitaillement De Landrecy se feisî soudainement Telle escarmouche et sy grande meslée, Qu'elle peult estre à bataille égalée.

Puis j'espérais, voyant ces deux armées.

Tant pour l'honneur de victoire animées,

Que Dieu tout bon ferait là un miracle,

Envoyant paix pour gracieux obstacle,

Tant que les mains à frapper apprestées,

Fussent à faire alliance prestées ;

Mais cest espoir faisoit croistre mes larmes,

Veu que chacun n'escrivoit rien qu'alarmes:

Un tel est pris, tel blessé et tel mort,

Qiii ne sont pas les signes d'un accord

Ny d'une paix qui soudain se peust faire

Sans avoir veu la fin de cest affaire.

Et ceste fin si tresfort je doutais

Qiie seulement quand nommer j'escautois

Bataille, guerre, ou chevaux, ou harnois.

Incontinent à plourer me prenais.

Dont me voyant femme, et de vous loing,

Sans vous pavoir servir à ce besoing.

Au Toutpuissant je m'en allais courir.

Le suppliant pour may vous secourir ;

Et luy disoys : Seigneur, aye mémoire

De ton David, et luy donne victoire.

Il est à tay et te tient pour son Dieu;

Nul fors que tay il n'adore en nul lieu.

Hypocrisie ny superstition

N'ont rien en luy; pure dévotion

Le fait aymer tan Nom, ta Vérité,

Par vive Foy bruslant par Charité.

224 EPISTRE m.

0 Dieu tout bon, regarde le cœur sien

Doux et humain à V exemple du. tien.

Le bien qui est en luy remet à toy;

Car à toy seul la gloire, non à soy,

De tous ses biens t'a donné et te donne.

Las! maintenant, Seigneur, ne Fabandonne.

Frappe pour luy, confonds ses ennemys,

Veu qu'en toy seul tout son espoir est mis.

Monstre à chacun que de ta créature

En congnoissant sa fragile nature,

Tu n'en demandes autre perfection

Que l'humble cœur aymant sans fiction,

Qui croit en toy sans un seul mot douter,

Prenant plaisir à ta voix escouter ;

Qui non en soy, mais tout en toy se fie,

Uny à toy par Foy qui vivifie.

Tel est le c h r i s t ^^ fon c h r i s t tant aymé.

De qui tu es loué, craint, estimé :

Couronne donc en luy tes vertus grandes,

Et par ton christ ottroye les demandes

Que pour le mien treshumblcment je fais.

Et le secours encores ceste fois.

Comme en tous temps et tous pcrilz as fait.

Rendz donc en luy ton chef d'œuvre parfait.

Et s'il te plaist de tourner ccste roue

A son honneur et proufit, je te voue,

Comme Jacob, et fais serment semblable

Qu'à tout jamais d'un propos immuable,

Il faymera comme son Créateur,

Son Dieu seras, etluy ton serviteur.

Après avoir en grands larmes finie

Ceste oraison, de seur espoir garnie,

Je m'assuray que ceste grand bonté

M' exaucer oit., dont fut un peu domtc

L'extrême ennuy où la raison humaine

N'avoit rien peu fors augmenter la peine.

Après avoir en douleur attendu

Ce jour heureux, après avoir tendu

Et yeux et bras à Dieu incessamment,

Après avoir porté plus de tourment

Que je ne puys ne repenser n'escrire.

Ce jour heureux tresheureux puis je dire.

Je veiz venir d'un visage joyeux

Vostre beau frère, ayant la larme aux yeux.

Lors je pensay qu'au paquet qu'il portait

Tout nostre bien tant désiré estoit.

Ce que soudain nous feit à tous entendre,

Car un tel bien ne doit l'on faire attendre.

Luy nous disant ceste nouvelle heureuse.

En la lisant d'une face joyeuse.

Nous monstra bien que jamais n'avoit eu

Un tel plaisir que d'avoir leu et sceu

Vosirc retour plein de prospérité.

Que voz vertus ont tresbien mérite.

226 EPISTRE m.

Des escoutans les cœurs d'ennuy transis

Prindrenî vigueur, en criant grand mercys

A ce bon Dieu que tel Roy a gardé.

Et son Royaume en pitié regardé.

Je ne sçaurois dire que lors je dix,

Mais d'un Enfer saultée en Paradis

.le me sentit, et, d'aise surmontée,

Prins mon mary, ainsi que dcshontée,

Tous deux courans à l'Eglise soudain

Fusmes portez. Avccques nous tout plein

De monde vint, plus portez de plaisir

(lue de leurs piedz, ayant chacun désir

De s'aquittcr à mercier celuy

Qui de leur Roy a esté ferme appuy,

Luy départant ses grâces à planté.

Le redonnant à son peuple en santé.

Si Te Deum feut dit joyeusement,

Si mercié feut Dieu dévotement.

Si frère et sœur de tous maux confortez

N'estoient pas de joye transportez,

Si le second, Symeon Galiot,

Ne disait pas à l'heure ce bon mot :

Je ne crains plus la Mort, puis que je voy

Que Dieu nous a sain redonné le Roy ;

Si Saint André a dit : Loué soit Dieu

Qui a donné au Roy l'honneur du jeu ;

Si nos Dames avccques noz Prelatz,

A louer Dieu n'ont eu leur esprit laz.

Vous n'en ferez, Monseigneur, nulle doute,

Mais si jault il que la crainte me boute

Hors du propos ou me met trop avant

L'affection; si diray je devant

Que, tout ainsi que Jacob le bon homme,

Comme celuy qui revient d'un grand somme,

Dit plein d'amour et de joye naïve :

Il me suffit, mais que mon Joseph vive.

Moy tout ainsi, après douleur mortelle,

Oyant de vous la tresbonne nouvelle,

Que mise à fin aviez vostre entreprise.

Que Landrecy de l'Empereur n'est prise.

Que vous avez en despit de ses dents,

Devant ses yeux tiré hors de dedens

Vos bons Souldatz, leur faisant tant de biens,

Que tous leurs maux ils n'estimoyent plus riens;

Que vous l'avez par moyens diligens

Tresbien garnie de vivres et de gens ;

Que conquereur revenez et vainqueur,

Accompagné de santé et d'honneur.

Dont ce seul bien sans plus me rend contente ;

Il me suffit, en mieux n'ay ma pretcnte.

De tous mes maux reccuz au paravant

Je n'en sens plus, car mon Roy est vivant.

EPISTRE