SON FRERE

uis (]ue voz yeux remplit d'autre lumière, Regardent droit à la beauté première, Et que Vobject sans estre difforme Vous est si bien mué et transformé Qiie maintenant le voyez en son estre Tel qu'il estoit, voire devant son naistre; Puis que du tout l'ignorance est rompue, Dont trop long temps vostre amefut repue, Et vérité bien congnoistre vous fait Que soubz ce corps terrestre et imparfait. Le îresparfait et le seul désirable Est là couvert par moyen admirable, Puis que le cœur mundc. Pur et nouveau Donné vous est et croyez trop plus beau

Que le premier vieil et mortifié,

Tant qu'en vivant d'un cœur déifié

Povez jetter un cry à mon advis,

Disant : CestCHR\sr et non pas moy qui vis;

Puis que je voy ce seur et doux repos

En riens semblable au travaillant propos

Où vostre Esprit se console et repose,

Moy qui ay tant désiré ceste chose,

Qui un tel bien vous ay tant désiré,

Et devant Dieu en priant souspiré

Vouloir voz yeux trop endormit ouvrir,

Et sa beauté secrctte descouvrir.

Or maintenant que par vostre langage

fay clairement recongnu son ouvrage,

Et comme il a hors de vous remué

Tous vains désirs et vostre cœur mué,

Ne dois je pas demander estre un Ange,

Pour purement luy en rendre loiienge,

Veu qu'il ne peult sortir de fange impure

Riens qui ne sente à sa vile nature?

Helas! ouy. Mais voyant qui je suis,

Et quel il est, et que riens je ne puis,

Luy qui de soy tout seul a congnoissance

Se loùra, dont cessez, mon ignorance.

Parlons d'Amour, qui a cousté si cher.

Premièrement commencé en la chair ^

Sur qui le temps n'a jamais eu povoir

230 EPISTRE !111

De rien gaigner contraire à son vouloir.

Bien a il peu donner maint desplaisir :

Il en a eu {ce me semble) loisir.

Au temps heureux vostre infeliciîé,

Vostre longueur par grand nécessité

A le hendeau rompu de cest enfant

Qui fut par vous et maintz cœurs triomphant.

Il a rompu ses traiîz, perdu ses aelles,

Tirer ne peult, ne plus voiler sans aelles.

0 temps heureux, par vostre grand longueur,

Par voz tourmens, fascherie et langueur,

Avez rendu le cruel gracieux.

L'aveugle né cler voyant des deux yeux,

L'enfant léger, inconstant et muable.

Ferme, asseuré, et plus qu'un roc estahle.

C'est tousjours luy toutesfois, mais son vice

Est converîy en vertu et justice.

Il fut enfant petit en mauvais point.

Souvent chagrin et ne profitoit point;

Mais maintenant quil est devenu homme,

Beau et parfait, il vault bien qu'on le nomme

Amour aymant, qui chacun fait aymer,

Plus gracieux qu'il ne fut onc amer.

Il va tout nud et veult bien qu'on le voye,

Car il est seul Vérité, Vie et Voye.

Il fut couvert à tous yeux esblouis,

Sourd aux crix faux, non dignes d'estre ouys.

Puis quand il a les yeux illuminez,

Les cœurs purgez et bien examinez,

Lors tel qu'il est se monstre et se descouvre

A îelz qu'ilz sont et en eux fait son œuvre.

Cest Amour là n'est ny mort, ny passé.

H est tout fraiz, et ne fut onc lassé.

Il est tout tel qu'il a esté, sinon

Que vous sçavez trop mieux quel est son nom,

Que ne faisiez quand le cuydiez sçavoir.

Pas ne l'aviez quand le cuydiez avoir.

Cest luy par qui sommes, vivons, mouvons ;

Par qui pensons, congnoïssons et sçavons.

Cest luy qui est nostre espoir, nostre vie,

Nostre désir et nostre sainte envie.

Cest luy qui est nostre force et vertu,

De qui chacun doit estre revestu.

Si cest Amour de vous tant ignoré

A autresfois tant esté adoré,

Qu'il contraingnoit désirer la présence

Et regretter trop asprement l'absence.

Donnant aux yeux un tel plaisir de voir,

Que de plus grand on ne pourroit avoir.

Or maintenant qu'il est congnu de vous .

Tout vertueux, tant désirable et doux,

Croyez, pour vray, que cestc congnoissance

Croist le regret d'une si longue absence.

Car si j'ay prins plaisir de vous voir, lors

232 EPISTREllII.

Que trop d^estime aviez d'un méchant corps,

Pensez un peu de quel contentement

Je jouyray, voyant parfaitement

Ce que j'ay tant désiré en vous estre,

Et que d'Amour vray Amour est le maistre !

Las ! maintenant sans craindre conscience

Ouyr vous puis, vous qui l'expérience

Avez d'Amour et de ce qa' il sçait faire,

Et comme il peult par le temps se parfaire.

De ce parfait povez sans fin parler,

Lequel vous fait le droit chemin aller.

Plus n'en ferez de crainte ny de feinte

A déclarer vostre intention feinte.

Plus les regards en vous ne pécheront,

Plus les souspirs la voix n'empescheront;

Plus ne seront voz yeux couvers de larmes,

Plus de raison ne passerez les termes;

Plus ne faudra moyen ne couverture ;

Plus ne ferez cas de vaine lecture ;

Plus vostre cœur ne sentira d'amer,

Plus que jamais il sçaura bien aymer.

Mais vous, pleurez cent ans lajoye extrême

Qui vient d' aymer son Dieu plus que soy mesme ;

Et voz souspirs saillans sans nul martire

Dcclaireront là où vostre cœur tire

Tousjours en hault, où par vraye Foy sommes

Seurs Citoyens entre les heureux hommes.

Est il plaisir {dites en rostre advis^) Qiie de passer en ses plaisans devis Les jours, Icsnuilz, les heures et le temps Tous dhin Esprit heureux^ joyeux, contens ? Y a il jeu plus plaisant à jouer Qii' incessamment recongnoistre et louer Ce qui ne peut jamais estre congnu.

Que par F Esprit qui de luy est venu ? Lequel en nous est nostre sapience, Nostre asseurée et certaine science Qui nous vint prendre en nostre estre premier, Ne se povant en soy mesme nyer.

Par luy, pour luy, en luy et en sa paix Il nous conjoint, nous deschargeant du faix De ceste chair, laquelle il rend subjette En quelque part qu'il la pousse ou la jette A son vouloir, et d'un seul mouvement, Ne servent plus que d'utile instrument, Comme il luy plaist, en luy redonnant vie Qui ne peult estre à la mort asservie, Luy redonnant amour sans jalouzie, Sans doubte foy, sçavoir sans fantasie; Luy redonnant vray plaisir sans offense, Soing sans soucy, victoire sans défense. Helas ! pourquoy, parvenu à tel poinct, Estes vous loing et je ne vous voy point i* Mon désir n'est de si fort vous cercher