UN DETENU PRISONNIER

'il est ainsi, comme trcsbien je croy, Que sans le sceu et bon vouloir de toy, Souverain Dieu, rienn' advient en ce Monde, Et que les vents qui ceste Mer profonde

Font agiter sans ton vueil ne s'esmeuvent;

S'il est ainsi que leurs forces ne peuvent

Faire trembler une fueille des bois,

Que paravant Hz n'entendent la voix

Et contenu de son commandement,

Certes je croy que par ton mandement

Fortune a fait contre moy son effort.

Donc si vers ioy je cerche reconfort,

Vers toy, mon Dieu, mon Tuteur et mon Père,

Par JESUS CHRIST, mon Seigneur et mon frère,

Je ifay pas tort. Car toy seul tu peux dire :

Laissez mon Filz, laissez le, qu'il respire.

Fortune, hola ! Toy seul peux tout acoup

Mettre ta main pour empescher le coup,

Le coup pesant de mon adversité.

Si tu te diz fons de bénignité,

Secours, seurté, l'accès et le refuge

De l'affligé, de l'orphelin le juge,

Thresor entier de consolation,

Do\ je cercher, sentant l'affliction

Et gref tourment de mon ame contrainte,

Autre que toy à qui faire ma plainte ?

Les huyz de fer, pontsleviz et barrière

Où suis serré me tiennent bien arrière

De mes prochains, frères, sœurs et amys ;

Mais toutesfois, quelque part que sois mys,

L'on ne sçauroiî tellement fermer l'huys

Que lu ne sois tout soudain où je suis :

Pourtant à toy qui congnois mon oppresse,

0 Dieu bening, ma prière t'addresse.

Et si tu vois parmy mon larmoyer

Que mon parler vienne à se desvoyer.

Outrepassant quelque fois la mesure.

Ne le prens pas, ô Père, pour murmure.

La Chair ne peult, quand son mal luy empire ,

Que quelque fois soubz le faix ne souspire. .

Congnois comment d'une masse d'argille

Tu tn\u formé comme verre fragile;

Congnois comment la douleur qui m'oppresse

A souspirer amèrement me presse.

Tu feiz jadis une vive fontaine

Dedens mon cœur, qui tousjours estoit pleine.

Là où souvent par singulière grâce

Resplendissoit le lustre de ta face ;

Mais maintenant (qui me tient en malaise)

Tu as mon cœur fait devenir fournaise.

Las! est ce point quelque brandon d'enfer f'

Quand je scrois non de chair, mais de fer.

De diamant, ou d'acier affiné,

Si faudrait il, estant ainsi miné

Dedens ce feu embrasé de ta fouldre,

Qu'en peu de temps me convertisse en pouldre.

Se donc tu as la fournaise allumée.

Et que tu vois en sortir la fumée.

Supporte un peu, ô vray Dieu amyable,

Supporte un peu ce mien cry lamentable.

Las! Monseigneur, je ne fais nulle doubtc

Que seulement s'il te plaist une goutte

Sur moy chetif espandre de ton eau,

En un moment esteindras ce fourneau.

Lors de mon cœur ne sentiras fumer

Un seul regret, un seul souspir amer.

Et si tu veux tenir l'oreille close

A mon gémir, qui suis tant vile chose,

Au moins orras le pitoyable son ' De t'esperit, qui fait son oraison ; Et gémissant pour mon fait rinterpellc.

Tu l'entendras, car c'est toy qu'il appelle. Et toy, mon Roy, mon Advocat, mon Prestre, De qui dépend et ma Vie et mon Estre, Ma Chair, mon Sang, mon Frère et ma Nature, Bien que tu sois divine geniture., Parle pour moy à ton père et au mien, Toy, Monseigneur, qui as sentu combien Est grand le mal de la tentation, Combien ardent le feu d'affliction ; Qui as gousté du temps de ton servage Comme est amer le doloreux breuvage Que m'' a brassé maintenant mon malheur. O quel tourment, quelle grefve douleur M'a mys au cœur ceste mixture amcre !

Je croy pour vray que de sang de vipère, De fiel d'Aspic, de poison serpentin Quelque Megere a composé ce vin.

Toy donc. Seigneur, qui premier en as beu, Qui sçais que c'est, si onc homme l'a sceu. Parle pour moy. Pour vray je me confie De toy, mon Roy ; et mettray sur ma vie Premièrement, que pour ta grand clémence ; Secondement, que pour l'expérience Que tu as fait de ces espines dures,

De ces buyssons, aussi de leurs piqmircs,

Où mon malheur {me chassant) m' a fait rendre,*

En temps et lieu tu me viendras défendre,

Et soustiendras là sus au Ciel ma cause.

Et si Sathan mon adversaire cause

Que mon péché a bien pis mérité,

Certes je dis que c'est la vérité.

Je ne veux pas alléguer du contraire,

Mais, s'il teplaist bien îosî le faire taire,

De luy comment ta prompte obédience

Allégera le faix de mon offence,

Et qu'en ta court les dons et avantages

Aux serviteurs valent mieux que les gages.

Je congnois bien et humblement confesse

Que, postposant ta divine promesse.

Si tu voulois la peine mesurer

Jouxte mes faitz, me faudroit endurer

Non un enfer, mais mille millions.

Pour tant de maux, dclictz, rebellions

Que j'ay commis en trespassant ta Loy.

Mais toutesfois ma trescertaine foy

Ne permet pas que te face ce tort

De présumer le mien péché plus fort

Que n'est le don et entier bénéfice

De ta faveur et digne sacrifice.

Si mon procès en toy feut ventillé ,

Si mon péché en toy feut flagelle.

En toy qui es le vray cœur de mon cœur, Chef de mon chef, vigueur de ma vigueur. Qu'est il hesoing qu'une autre fois je sois Assubjetty de soustenir ce poix? Si tu as beu mon langoureux calice, Fault il encor que je le transgloutisse ? Plustot, mon Roy, fais moy humer le tien, Le tien, Seigneur, pour eschange du mien, Que tu as beu, le tien tant savoureux. (Helas!) pourquoy suis je tant malheureux D'avoir fuy sy long temps à le boire ? Ce grand honneur, ceste noble couronne, Las! ce regret double tourment me donne. Combien plus doux, plus Iwnnorable et digne Seroit souffrir pour ta sainte doctrine. Pour ton honneur, pour ta vive Parole!

0 mon penser, mon ame vaine et foie.

Que cuydois tu ? Qu'icy n'y eust du bois De quoy nialheur te deust dresser ta croix? Ha, mon Adam, ha, ma chair infelice, Qu'as tu gaignc à tant fuyr la lice, Et le combat pour un tant riche prix?

Qu'as tu gaigné? maintenant tu es pris, Et soubs la main des Juges arresté, Et si ne sçais comme y seras traité.

Qiie si c'estoit pour illustrer le nom. Pour avancer le triomphe et renom

De Jesuchrist ton Seigneur et ton niaistre, En ta prison asseuré pourrois estre D'avoir pour toy un Seigneur souverain, Qui tient les cœurs des Princes en sa main. Mais quoy, lielas ! voudrais je donc conclure, Estant surpris de ce mal que j'endure, Que l'Eternel ne fust de mon cousté / Nenny, mon Dieu : je t'ay trop cher cousté, Pour estre ainsi de ton cœur oublié.

Et puis tu sçais que je fay deslié Mon entreprise, et mon cœur espandu.

Tu sçais si j'ay en mon fait prétendu Chose qui soit contraire à ton honneur. Ou pour d'autruy empescherle bon heur.

Si j'ay jette la pierre emmy la voye, En espiant quand l'aveugle s'avoye, Tant seulement pour le faire bruncker.

Je puisse ainsi lourdement trébucher; Si j'ay voulu de l'homme sourd mesdire, De mon malheur puisse chacun se rire ; Si j'ay voulu mon ennemy blesser.

Ou faulsement le faire renverser; Si faulsement luy ay forgé diffame.

Que r ennemy persécute mon ame, A tousjours mais qu'il attrappe ma vie Et de mon sang qu'il passe son envie ; Si j'ay mon cœur aux clameurs endurcy

De l'affligé nie requérant niercy.

Ainsi me soit le cœur inexorable

De qui me tient en ce cry lamentable:

Soit contre moy son courage plus dur

Q ue les chailloux de quoy /eut fait ce mur

Là où je suis contre mon gré venu.

Et longuement prisonnier détenu ;

Ainsi me soit désormais intraitable

Comme autrefois m'a esté amyable.

Mais quoy? Mon Dieu, quelle est mon infortune^

Qiiel est le sort de ma triste fortune^

Ha! quel ennuy, las! elle m'a gardé !

De quel aspect m'a le Ciel regardé

Quand suis yssu du ventre de ma Mère ?

Certes je tiens que de cholere amere

Estant alors empris et attiré,

De tout malheur m'a nayssant faciné.

Non, dit l'Esprit, ne croyez pas cela,

Vostre malheur ne provient pas de là.

Le Ciel n'ha pas sur nous telle puissance.

C'est le Seigneur qui par sa sapience

Preuve la Foy qu'avez en sa Parole :

Contentez vous d'estre escrit en son rolle.

Or sus, ma Chair, dy un peu qu'Ut' en semble^ Et raisonnons de mon malheur ensemble.

L'Esprit maintient qu'estant tel le vouloir De l'Eternel, il ne s'en fault douloir.

(2iic responds tu, dy, ma Chair, in sonspire. Las .'je voy bien que tfas pas faim de rire. Les yeux ternis qui en larmes se fondent Assez pour toy ce que tu sens respondent, Et les souspirs font plus certain message De tes douleurs, que ne fait ton langage. Doy je pas bien [dit ceste Chair) maudire L'heure et le jour qu'à mon Perc on vint dire : L'enfant est né; l'heure que par naissance Ma Mère feit de moy la délivrance?

Mère, pour vray, soudain que feuz conceu Dedens ton corps, si bien tu eusses sceu Le grand malheur que devois enfanter, Tu eusses peu vistement souhaiter Que dens ton corps mon sepulchre je feisse, Mourant chez toy avant que je nasquisse. Qui feut celuy, homme prudent et sage, Lequel disait à tout l'humain lignage Qu'il serait bon du tout ne naistre point , Ou bien mourir expressément au poinct De la naissance, et descendre en la fosse? Quant est de moy, je croy ce paradoxe. Car dès le temps de mon adolescence., Fortune print de moy la nianiance.

Me conduisant par maintz aspres buyssons, Me travaillant en cent mille façons.

Pour une fois qu'elle m'entretenait

De sa faveur, cent fois senuitiiioit.

Combien de jours, combien de longues nuictz

Elle a mon cœur accompaigné d'ennuys !

Certes celuy qui plus d'elle doutait,

Çhiand en riant ses beaux liabitz mettoit,

N\ivoit pas tort : car quand elle fait feste.

Lors en secret quelque malheur apprcste.

Quant est à moy, ceste hostesse tant chère

M''a bien tousjours vendu sa bonne chère.

Te souvient il, Fortune, c'est à toi,

Te souvient il du jour que contre moy

Mortellement te courrouças à tort,

Quand pour fuyr ton bras pesant et fort

Tu me feis faire un million de pas ?

Tant de travail ne suffisoit il pas,

Sans me venir sy fièrement reprendre

Au lieu sacré où m'estois venu rendre?

f estais venu pour obtenir franchise

Au beau mylieu d'une petite Eglise,

Où je trouvay les Muses et les Grâces,

Minerve aussi^ qui toutes de leurs grâces

Humainement sans delay me receurent,

Et de leurs biens abondamment mepeurent;

Où je trouvay la royale semence

Qiii m'accepta des siens, par sa clémence.

Là arrivé, je me tenais bien seur

Qiie tes assaultz ne me feront plus peur,

Et pensois bien qu'attenter n'oserois De violer ce saint lieu où la Croix De Jesuchrist nostre Seigneur est mise, Et la vertu de son Esprit assise.

Mais toutesfois, sans y avoir respect, Tu as jette ton rigoreux aspect Sur moy estant en ceste sauvegarde, Et as brisé cruellement ma garde.

Comment as tu, ô Fortune cruelle, Tant de povoir, ou sur moy, ou sur celle Qui tant m'a fait et d'honneur et de grâce. Que d'avoir sceu (ô Dieu, quelle disgrâce!) Faire son cœur vray marbre devenir.

Et contre moy en rigueur se tenir f' Comme as tu sceu son naturel changera Si tu voulois contre moy te venger, Ne sçavois tu armer quelque Néron, Quelque tyran, quelque cruel Yeron, Et l'envoyer pour me faire la guerre i' Ne sçavois tu faire yssir de la terre Tous les Geans, les monstres infernaux.

Si tu voulois me faire tant de maux?

N'y a il point quelque fier Julian, N'y a il point de Diocletian , Qui contre moy volontiers s' armeraient Et leur fureur soudain allumeroient ?

Si tu voulois en tes mains me saisir

Et m'attrapper, te fallait il choisir

Celle cjui ha par tout la renommée

D^cstre sans fiel, celle qui est nommée

Entre plusieurs flambeau de charité,

Fons de douceur et de bénignité^

0 cruauté ! ô maligne Marâtre,

As tu osé, pour me du tout abatre,

Armer d^ acier le cœur de ma princesse ?

Et pour tenir mon povre cœur en presse.

Oses tu bien toucher à la couronne

Que bruit commun pour sa douceur luy donne !

Tays toy, tays toy, ô mon Adam charnel, Car tout cecy est fait de l'Eternel, Lequel tousjours regist tresjustement Tout ce qui est dedens le firmament.

Et ce qui est cy bas dessoubs la Lune. Luy seul fait tout, n'accuse point Fortune. Sçais tu pourquoy il te tira de France, Ou tu vivais en repos, sans souffrance / Sçais tu pourquoy icy il t'envoya, Q uand povreté si loing te convoyât' Dy, mon Adam, ne sçais tu point pourquoy En ton dormir d mist le feu chez toy f C estait à fin qu'avecques maintz travaux. Passant A pied les montz, plaines et vaux., A ses Esluz portasses le thresar, Le diamant, la riche perle et l'or,

Le don heureux de la sainte Evangile, Que ta avois en ton vaisseau fragile.

Il est bien vray qu'un tel don méritait Que l'on traitast celuy qui le portoit Plus doucement : une telle nouvelle Méritait bien que pour le respect d'elle. L'on traitast mieux le pavre messager.

Chacun peult bien si je dis vray juger; Mais toutesfois il n'en fault plaidoyer; Car le Seigneur a voulu employer De ses servans l'honneur, vie et chevance Pour retirer les autres d'ignorance.

Et si pourtant les hommes n'en font compte, Il ne fault pas que le serviteur compte Autant perdu : car celuy qui fait faire Cestuy labeur en rendra bon salaire.

Pourtant, ma Chair, laisses à Dieu la cure De ton succès; tu es sa créature.

Que si tu veux me faire une réplique.

Disant que trop ceste espine te pique.

Trop le regret te poingt, afflige et presse D'avoir perdu le gré de ta Princesse, Penses icy que le Seigneur te dit Que l'homme est fol, qui sur l'homme bastit ; Pense tousjours le cœur humain muable, Et que la chair n'ha rien de pardurable. Console toy, ton Père ha le pouvoir

En peu de temps te faire appercevoir

Son cœur royal plus gratieux, plus doux

Que ne t'est dur maintenant son courroux.

Console toy : certes sa conscience

Un jour viendra luy fera remonstrance

De ta douleur; un jour viendra sera

Juge, tesmoing, advocate , et dira

Que tousjours feuz fidèle serviteur;

Que n'as esté ne flatteur, ne menteur;

Que n'as porté parole à son oreille

Qu'un vray servant au maistre ne conseille.

Si sa fureur obliquement expose

Tes ditz, tes faitz, et autrement les glose

Que ne voudrois concevoir ne penser,

Laisse un peu ceste fureur passer.

Car puis après conscience viendra

Qui par la main la vérité tiendra.

Et lors fera droictement ton excuse,

Quoy que fureur ou calomnie accuse..

Las ! mon esprit, si tant estoit facile

A ceste Chair caduque et imbccille

De te suyvir comme à toy de voler,

Cecy pourroit du tout me consoler.

Mais si tu es léger, prompt et agile,

Ma Chair n'en est d'un seul pointmoins fragile

Las, mon malheur ! qui eust jamais pensé

Q^ue par ce lieu tu te f eusses lancé

Pour me venir surprendre dens mon fort

Où je pensois bien estre le plus fort ?

Qui eust pensé de ce serain visage

Pouvoir venir un sy terrible orage!*

Qui eust pensé qu'une telle tempeste

De ce costé fust venu sur ma teste ?

De ce climat un doux vent favorable,

Un Zephyrus suave et amyable

Faisoit tousjours mon jardinet flourir;

Et s'il sentoit contre moy accourir

Par quelques fois l'impétueuse nue,

La rechassoit avant que fust venue.

Mais maintenant contre toute espérance

De ce costé s'est levé à outrance

Je ne sçay quel infelice Aquilon,

Un Boreas, un fier estourbillon,

(^ui m\i gasté, ruiné, tempeste

Ce que j'avois en ma vigne planté.

0, si j'estois sur les grasses collines

De toy, Juda, dont les eaues argentines

Courent en bas par maintz petits ruysseaux !

0, si j'estois dessus les arbrisseaux.

Sur les coustaux d'Israël, là où sont

Mes compaignons., qui tous la vigne font

De l'Eternel! certes à haulte voix

Pour estre mieux entendu, je crirois,

Et leur dirois en mon cry doloreux :

Je pry à Dieu que soyez plus heureux En voz labeurs, pleins de soucy et cure. Que n'ay esté en mon agriculture.

Puissiez chacun meilleur fruit recevoir, Plusgrand plaisir, plusgrand soûlas avoir Que n'est celuy que je senîs à ceste heure. Le laboureur pour reposer labeurs :

Mais j'entends bien, si le Seigneur mon Dieu Ne permet point que sorte de ce lieu, A tout le moins ce mien petit escrit Yra vers vous au nom de jesus christ.

Lors je suis seur que chacun larmoyra Sur mon malheur, puis après s'esmoyra Comment a peu ainsi m'estrc contraire Celle envers qui le Seigneur m'a fait faire De son salut l'amyable message ; Comment aussi m'a fermé son courage Celle chez qui je feuz le laboureur De l'Eternel. Dira l'un : Quel erreur A jamais peu ce povre homme commettre^ L'autre dira : Non, j'oserois bien mettre Que c'est plustost quelque malevolence.

Dites plustost que bonne patience Me doint celuy qui fera jugement, Qui voit les cœurs et juge seurement.

Et toy, François, de mon cœur la moitié, Amy entier, vray Patron d'amitié,

Mon Jonathas, mon fidèle Achates,

Mon vray Polliix, mon syncere Orestes,

En me voyant de malheur abbatu,

Ainsi traité, mon frère, qu'en dis tuf

Las! sans Vouyr bien présumer je peux

Que toy et moy n'ayans qu'un cœur tous deux,

Si dens mon corps l'une moitié labeure,

L'autre moitié dedens le tien en pleure.

Te souvient il, las ! fidèle Amateur,

Te souvient il de quand j'estais Pasteur i*

Veiz tu jamais que de tout le troupeau

J'aye arraché seulement une peau?

Ay je son sang cruellement succéf

Me suis je aussi de sa gresse engressé?

Ay je cerché luy donner nourriture

Sinon tousjours de la sainte pasture ?

Je conduisais mes Agnelins exquis

Non aux déserts, mais aux heureux pastiz

Dont JESUS CHRIST luy seul en est la porte.

Et si le Loup par quelque maie sorte

Parmy les bois forcé de faim hurloit,

Ou que l'ardeur du Soleil les brusloit,

Lors les faisais, soubz la fr esche verdure

De l'arbre saint dont le fruit toujours dure,

Asseurément à l'ombre se poser,

Et là sans peur doucement reposer ;

Puis tous les jours ma vive fontenellc

Les abbreavoit; mais son eau n'est plus telle Qu'elle souloLt, quand les Nymphes des bois, Quand les Pasteurs mes amys plusieurs fois Venoyent la voir pour un peu s'esjouyr. Desirez vous, ô mes amys, ouyr Qui est celuy qui Va ainsi troublée'^.

Qui la honnie, et de bourbe comblée!' Certes je crains que vous le maudiriez, Et d'un accord tous ensemble diriez Que sa maison en bref temps soit déserte. Que le malheur, povretc et souffrette Puisse soudain sa famille encombrer; Que le Seigneur le vienne desmembrer , Tant que l'enfant sa mère mescongnoisse. Son cœur soit paeu de tristesse et angoisse, Soit son esprit frappé de cécité, Puisse souffrir toute l'adversité Que le Seigneur sur le meschant prononce. Maudit celuy que bon heur luy annonce, Maudit soit il et dedens et dehors, Maudit soit il en son anie et son corps ; Jamais au Ciel son pensement ne tende.

Jamais un bien son oreille n'entende, Et tout cela que son cœur détermine Luy soit tourné en malheur et ruine.

Non, mes Amys, ne dites pas ainsi.

Priez plustost christ, et le Père aussi.

8o COMPLAINTE

Que pleinemeni son erreur luy pardonne :

Le vray Chresîien ce faisant environne

D'ardans charbons le chef de l'ennemy,

Et le contraint de devenir amy.

Je vous diray {comme Dieu sçait) sans hayne,

Qui m'a ainsi degasté ma fontaine.

C'est un torrent, Dieu sçait bien dont il vient,

Et où il va, que c'est, et qu'il devient.

Quand est de moy, certes je m'imagine

Que des enfers vienne son origine.

Mais l'auroit point quelque faulse Medée,

Quelque Cyrcé sorcière deshontée

Fait desborder des enfers par ses charmes?

L'auroyent point fait le s Par que s par leur s larmes^.

Quoy que ce soit, je ne le puys songer,

Mon sens ne pcult sy avant se plonger.

Petits Agneaux vestuz de blanche laine, Ne venez plus pour boire à ma fontaine ; N'y venez plus, car son eau est amere : Mais faites tous pour elle une prière., Que tout ainsi que Moïse autresfois Feit adoucir par la vertu d'un bois Dens le désert les fontaines d'Helin, Le fiel aussi que ce torrent maling A espandu sur elle tost périsse.

Par le vray bois où feut fait sacrifice Pour les péchés de l'humaine Nature :

POUR UN PRISONNIER. 8l

Priez le aussi en conscience pure Qu'il vous envoyé un plus heureux Pasteur Q^iie ri'ay esté. Et si par négligence On par mespris, ou bien par ignorance, Je n'ay pas bien acomply mon office, Pardonnez moy, car il n'est nul sans vice; Pardonnez moy, car j'en fais pénitence.

Priez le aussi qu'il me doint patience En tout le mal qui langoureux me tient. Et si encor de moy il vous souvient, Souvienne vous aussi de ma doctrine , Et gardez bien la parole divine.

Or maintenant, en l'estat où je suis.

Petit troupeau, (helasl) si je ne puis Comme voudrais autre office te faire.

Au moins fer ay oraison salutaire, Et leveray au Ciel les mains pour toy, Comme je croy qu'aussi feras pour moy.

Je prie à Dieu le Père du Seigneur Christ, de tout bien docteur et enseigneur, Que de ses biens richement te remplisse, Et que tousjours sa bouche te bénisse ; Face sur toy sa digne face luire, Vueille tousjours en sa paix te conduire. Je le requiers par sa miséricorde Te maintenir en amour et concorde , Et que tousjours de céleste rouséc

Soit le matin ta pasture arrousée.

Mais je feray singulière oraison Pour la Brebis qui a de sa toison Plusieurs Pasteurs vestuz en leur besoing, Et qui a eu des vrays povres le soing. N'entens tu pas, François mon trescher frère ! C'est la Brebis que j'appellois ma mère. Je pry à Dieu, Brebiettè bénigne, Que les deux yeux de nostre Pasteur digne Tousjours sur toy et aussi sur ton chef Soyent regardans , à fin que nul meschef Puisse jamais à tous deux survenir; Vueille en son soing doucement vous tenir, Et vos Agneaux, et vos deux Brebiettes, Le Seigneur dointqu'ellessoyenttousjours nettes ; Le Seigneur soit à jamais vostre garde. Et s'il advient quelque fois par mesgarde Qu'il y ayt rien en ce troupeau rompu, Froissé, cassé, débile, corrompu, Je pry à Dieu vray Père de famille Que de sa main tout soudain le rabille. 0 vray Pasteur, escoute ma demande.

Escoute moy : de cœur te recommande Tout ce troupeau; prens en donc le soucy, Car il est tien, c'est chose seure. Et si Tu apperçois, de tout ce petit nombre Que j'ay nourry et tenu soubz ton umbre

Quelque Brebis follement s'esgarer Et çà et là par les forestz errer, Va lacercher, et quand la trouveras, Suis je pas seur que tu la chargeras Dessus ton doz? 0 pasteur et pasture, Heureux bergeail de qui tu prens la cure ! Ay je tout dit? me tayray je tout coy ? Non, Monseigneur ; je veux parler pour moy , Et te diray qu'à toy seul je me donne, Entre tes mains pleinement m'abandonne, Pour vif ou mort ta volonté suyvir ; Et s'il te plait encores te servir De moy, Seigneur, je suis ton instrument. S'ainsi te plaist, diz le mot seulement , Et tout soudain ces portes s'ouvriront.

Dont mes amys tousjours te beneiront.

Mais si tu diz que plus je ne te plais. Fais ton vouloir. Monseigneur, je me tais ; Tant seulement en mon grand vitupère.

Souvienne toy quelque fois d'estre Père.