DE L AGNEAU. 3J

Au tiers se dit l'Advocatdu commun, Inconvincible, et propice à chacun.

Médiateur se nomme par droiture Du Souverain et d'humaine nature, Veu que luy seul feut mys au mylieu d'eux Pour appointer et faire un entredeux, A fin que tout ensemble faccordast La terre et ciel, par un vray Concordat.

Aussi pourtant que la Lettre contient Promesse et Loy, pour vray il appartient Au Trespuissant les promesses parfaire; Mais l'homme doit l'escrit de la Loy faire. Donc CHRIST, voulant acomplir son office, Et déclarer sa grâce et bénéfice, Bien se voulut pour la promesse offrir, Et pour nous tous toute la Loy souffrir : Ainsi mourant, il met son œuvre à fin. Promesse et Loy f eurent faites, à fin Qu'il fust tout seul le grand Médiateur Du genre humain et de son Créateur.

C'est luy, c'est luy, qui dens son tendre corps A mys d'accord les anciens discords :

Raison veult donc qu'à luy seul soit rendu Ce tiltre et nom, cest honneur : entendu Qu'il est moyen par qui le Père et nous Sommes unit au commun bien de tous.

Outre, l'on peult en ce sacré chef lire m 5

Comment il (eut [à fin d'appaiser Vue Du Souverain.) consacré pour grand Preslre, Comme estant seul assez digne de l'estrc, Non pas ainsi qu'en l'ordre Levitique Le Presire estoit, selon Vescrit antique, Ayant besoing l'offre par plusieurs fois Réitérer, et d'entrailles et foys Selon la Loy par serviles offices Offrir les dons et légaux sacrifices :

Car pour certain Hz n'estoient suffisans Pour nous sauver, ne parfaitz, ne duisans. Christ n'a pas donc la prestrise légale, Pourtant qu'en luy la dignité régale Reluist et gist, à fin qu'en tout ressemble Melchisedech, Prestre et Roy tout ensemble. Roy, je le diz de paix et d'équité, Et Prestre aussi, qui a l'homme acquité Entrant un coup au benoist Santuaire Par le sien sang, d'une offre volontaire, Sacrifiant sa sainte Chair et munde.

Suffisamment pour sauver tout le monde.

Votre en son sang trop mieux parlant qu'Abel, Mieux que Nabot contre sa Jesabel :

Car en mourant cryoit à haulte voix Pardon pour ceux qui le misrent en croix. Et n'a fallu qu'à plusieurs fois il fist Telle offre à Dieu ; d'une fois il suffit.

DE L'AGN eau . J5

Car autrement mourir luy conviendrait Autant de fois (Qu'immoler se voudroit.

Pourtant il est l'Evesijue bienheureux De tous humains, puis qu'd a fait pour eux De son saint corps la précieuse offerte, Duquel l'odeur jusqu'aux Cieux s'est offerte. 0 toy Seigneur, nostre Pontife et Prestre, Beneiz nous tous de ta divine dextre.

Parlons présent de l'epithete tiers, Et que sachons les tiltres tous entiers Du saint Agneau, à fin que pleinement Le congnoissons autheur du sauvement.

C'est qu'il se dit Advocat bien disert De toy chetif, et de tous biens désert. Toy povre humain, ô si tu sçais combien Ce nom promet d'asseurance et de bien, Ton cœur sera plus stable qu'un Rocher, Lequel jamais on ne peult desrocher.

Dire pourras: Viennent mes ennemis Tous accouplez, par trouppes entremis Encontre moy; vienne Mort, Glaive, Guerre, Vienne Sathan et les siens me conquerre, Rien ne pourra m'oster la Charité De mon Seigneur, puis qu'à la vérité Le F Hz de dieu se présente pour moy, Je n'ay pas peur, ne doutance, n'esmoy. Pour bien parler et tenir ceste clause.

36 LE TR lOMPHE

C'est l'Advocat qui jamais ne perd cause ; De quoy ne doit le Lecteur s'esbahir : Car la Raison qu'on ne peult envahir ^ Le beau parler qu'on ne peult contredire, Luisent en luy mieux qu'on ne pourrait dire. C'est l'Advocat qui sans cesse requiert La gloire aux siens, et, priant, leur acquiert : Voire priant, mais non pas seulement Comme on feroit quand on n'ha nullement Accès en droit, car lors on solicite, Sans que faveur de quelque droit on cite. Mais oultre plus, pour nous il interpelle Comme par droit, et sur cela appelle Sa dure croix et satisfaction.

Son Testament; tellement qu'action Nulle ne peult remonstrer du contraire, Quoy que la Loy ou Sathan puisse faire. Voilà comment il rapporte à bon droit En triomphant sur son chef bel et droit Ces tiltres haults, excellens, héroïques, Ces tressaints Noms Royaux et Deïfiques. Pourtant tous ceux qui bien ce chef regardent. D'un humble aspect diligemment se gardent De blasphémer, ravissant cest honneur Au seul Agneau, de grâce seul donneur, Pour en vestir créature qui soit.

Car ce voyant, tresbien on apperçoit

DE l'agneau. 37

Que tel honneur n'a pas sy peu cousté Pour le bailler d'un et d'autre cousté. Mais congnoissant leur Sauveur pleinement D'un zèle vray, qui ne fault ny ne ment, Ne peuvent voir souffrir ne supporter Aultre que luy ces haults tiltres porter. D'autres aussi l'on trouverait assez Assez (Jielas) autant qu'aux jours passez, Ou peu s'en fault, qui ne voyent que parmy Le voile espes, et non pas à demy, Ce beau Soleil et visage amoureux, Ce seul soûlas des povres langoureux.

Ainsi comment quand Moïse revint Du mont Sina, sa face luy convint A l'environ d'un voile tout couvrir, Car autrement nul ne povoit ouvrir Les yeux à plein, pour bien le contempler. Aussi de ceux qui cuydent accoupler Moïse et christ en mesme qualité, C'est à sçavoir qu'ilz font equalité Du bien venant des œuvres de la Loy, Au fruit sortant de Christ et de la Foy. L'Agneau ne peult d'iceux estre congnu ; Pourtant Hz ont volontiers soustenu Ailleurs qu'en Christ ces tiltres estre mis ; Ce mal provient pour ne s' estre soubmis Du tout au vray de l'Escriture sainte,

Et pour l'avoir dépravée par feinte.

Mais poursuyvons d'escrire le surplus De nostre Agneau, sy verrons que tant plus L'on vient avant à le considérer, Tant plus se fait à chacun désirer Son œil tant doux, son regard tant piteux, Qu'onques ne feut homme sy despiteux, Qu'en le voyant ne devienne adoucy .

Jamais Soleil en plein jour esclarcy.

Tant bel ne feut que sa face argentine : Jamais ne feut l'estoille matutine Tant clere à voir en sa riche estincelle; Jamais Ruby qui luist et estincelle Ne feut, qu'on sceust justement comparer A ses deux yeux. Parlons d'equiparer Le Lys des champs, ou la Rose vermeille, A son beau teint : ce n'est chose pareille; Ses blanches mains comme Diamans fins, Qui sont trouvez aux estrangeres fins .

Bref, de beauté il est tout absolu, Sans rien avoir de taché ne polu, Beau par sur tous, tant désirable à voir. Que plusieurs Saintz ont laissé leur avoir. Ravis et prins de sa grande beauté.

Pour luy garder leur Foy et loyauté ; Son vestement de -fin or labouré.

Par le dessus de pourpre coulourc,

UE l'agneau. 39

Garny par tout de beaux Rubis luisans Et de Sapphirs à son estât duisans.

L'or pour certain signifie sa gloire, Le teint sanguin dénote sa victoire, Les beaux Rubis, riches, inestimables, Monstrent assez les dons incomparables De ses vertus haultes et heroïcjucs, A quoy jamais Anges ne Catholiques N'ont arrivé : car chacun par mesure En ont receu , fors luy, qui en mesure Par son esprit jouxte sa volonté, Comme en puisant du torrent de bonté Pour disperser à suffisance aux siens.

Ainsi de luy nous tenons tous noz biens, Car en luy sont tous les thresors encloz Du treshault sens, de la gloire et du loz De l'Eternel. Voilà de quels Sapphiz Dieu a garny la robbe de son Filz.

Le tout estoit une riche brodure En lettre d'or, portant telle escriture : Le ROY DES ROYS, le suprême Monarque.

Voilà son nom, son enseigne, sa marque. Ainsi l'Agneau, de gloire couronné.

Monta au lieu par son Père ordonné.

Et luy servit, pour la pompe parfaire, Soudainement la nue blanche et claire, De sa splendeur tant richement parée,

Qu'estre povoit au Soleil comparée;

Tant que tous ceux qui en veirent le lustre,

Esmerveillez de ce cas tant illustre,

Disoyent entre eux, prins d'admiration :

(( Qjii est la gent, cité ou nation.

Qui tant a peu de bien faire et d'honneur.

Tant d'allégresse à ceux qui par bonheur

Sont retournez vainqueurs de leurs batailles?

Quelz chariots entaillez d'antiquailleSy

D'or enrichiz et de Perles garniz,

De pur argent ou d'ivoire fourniz,

Estre pourroyent comparez en beauté

A la lueur et tant pure clarté

Et aux rayons de ceste blanche nue,

Qui devant nous des haults deux est venue?

Tel chariot {disoyent Hz) convient bien

A ce vainqueur qui tant a fait de bien

A nous, d'avoir vaincu noz ennemis,

Et d'avoir Mort combattant à mort mis.

Vien (disoyent Hz), ô nue gratieuse,

Vien et reçois ceste chair tant heureuse,

Qui a la Mort ruiné par main forte

Et des tyrans les despouilles rapporte.

Reçois celuy qui a saisy le fort

Et butiné l'empire de la mort;

Reçois celuy qui des paluz umbreux

Et des prisons du règne ténébreux

DE l'agneau. 41

A délivré par sa vertu immense

Tous ceux qui sont de sa race et semence.

0 Filz d'Adam, chantez tous de liesse,

Par chants nouveaux célébrez la promesse

De vostre Roy; illustrez ses haults faits,

Puis que par luy tous libres estes faits :

Chantez sy hault que partout on vous oye,

Tant que les monts en tressaillent de joye,

Que les Forests de vostre bruit redondent,

Tant qu'après vous un mesme chant respondent.

Fonts et ruisseaux, et vous arbres fueilluz,

Jusques ici avez esté polluz,

Polluz des noms d'un nombre de faux Dieux,

A eux estans consacrez en maints lieux .

Mais maintenant n'aurez plus ceste honte f

Puis que l'Agneau en son hault throne monte.

Voicy le temps, ô Monde, que luyra

Le cler Soleil de Justice; etfuyra

Devant ses rays la nuictée d'erreur,

Et quant et quant les monstres pleins d'horreur

Dont a esté par Idoles souillée.

Et de tous biens la terre despouillée,

0 vous les deux, nous avons apperceu

De ces bas lieux, et tous bien avons sceu

Visiblement, clerement et à l'œil.

Le noir habit, la tristesse et le dueil

Qu'avez porté et les piteuses larmes,

Qu'avez jette quand les rudes alarmes De dure mort l'Agneau pur endurait, Quand le Soleil de noir vestu pleurait^ Voyant l'effort de celle mort énorme ; Nous vismes bien rostre maintien difforme, Les clers flambeaux de voz palais esteints, Et de noirceur voz vestements tous teints. Lors de pleurer aviez occasion, Mais maintenant que le Roy de Zion Va triompher en vostre Royal estre, Voire s'asseoir à la divine dextre, Prenez de joye la luysante couleur; Car vn Soleil d'autre prix et valeur Que n'est celuy qui dedens vous flamboyé Prend devers vous son chemin et sa voye, Duquel aurez plus d^honneur et de gloire {Bien qu'il soit né en ce bas territoire) Que n'avez eu quand feustes couronnez Des Astres clers, dont estes tant ornez.

Pendant qu'ainsi ces fidèles propos Tenoyent entre eux les pilliers et suppostz De vérité, ausquelz l'Agneau donna Commission expresse, et ordonna Porter par tout de Salut la nouvelle, Soudainement la nue clere et belle, Esiincelant, et d'Estoilles semée, De feux de joye plaisamment allumée,

DE l'agneau. 4}

Couvrit l'Agneau, et d'embas le tollut.

Ainsi monta nostre espoir et salutf Ainsi monta l'Agneau victorieux Triomphamment et trespassa les deux; Les deux, qui tousluy ont fait prompt hommage, Se congnoissans sa facture et ouvrage.

Lors le Soleil son chef doré baissa Reveremment et son Dieu confessa.

Comme disant : 0 mon facteur, fay honte. Que les Mortelz m'ont tenu en tel compte Que d'avoir mis l'honneur de deïté En moy, qui suis, pour dire vérité.

Au près de vous trop moins que l'estincelle : Souventefois pour impieté telle, J'ai retiré ma clarté et vigueur Et ay monstre indices de langueur; Souventesfois de noir me suis bruny, Et de palleurpar ce forfait honny.

Or maintenant que voy venir le temps, Lequel tousjours je désire et attens, Le temps heureux qu'à vous sera rendu L'honneur divin, vosîre lot espandu, J'ay prins de joye mon vestement doré, J'ay monpalaiz de pourpre coloré, A fin que mieux je porte la figure, 0 vray Soleil, de vostre splendeur pure. J'auray plaisir de vous servir d'image,

A fin qu'abni que tout l'humain lignage

Et tout vivant en nature mortelle

Me tient pour vray la lampe corporelle

De l'univers, et la force et le cœur,

En quoy avez assemblé la vigueur

Dont maintenez tout l'Estre de nature,

Ainsi soyez, ô haulte Geniture,

De tous tenu lampe perpétuelle,

Soleil vivant, vigueur, vie éternelle

Du siècle heureux et du monde tant beau De voz Esluz, et du peuple nouveau.

Un mesme honneur luy fàrent en leurs rengs Tous les flambeaux parmy le Ciel courans; Et quant et quant les douze régions Du firmament, avec ses légions; Les astres tous qu'on voit decheoir et naistre L'ont recongnu pour vray Seigneur etmaistre. Semblablement les bendes hiérarchiques Des haults esprits, et ordres angeliques Qui sans cesser le Saint des saints adorent. Et en chantant ses merveilles l'honnorent, Feirent honneur à cest Agneau tant muruie, Qui a tollu les forfaits du bas monde ; Tous esbahis de ceste nouveauté, Voyans la chair sur la principauté De l'univers; à qui l'hommage font Terres et deux, voire l'Enfer profond.

DE L AGN EAU. 45

Mais congnoissanî en celle humanité Le hault penser de la divinité, Tous humblement, aussi la face ouverte.

Ont contemplé la gloire descouverte Du Filz de Dieu, de l'Agneau Eternel, Et luy ont fait tous honneur solennel.

Puis d^un accord en leur divine langue Ont prononcé la diserte harangue.

Dont la teneur est sy haulte et le rolle, Qu'on ne peult pas par humaine parole Y arriver ; toutesfois quelque umbrage Ont peu suyvir de ce divin langage Ceux qui par Foy aux deux /eurent ravis ; Ausquclz estoit certainement advis Qu'ainsi parloyent ces merveilles oyans, Et nostre Agneau en tel honneur voyans :

Verbe divin, sapience profonde, De Deïté plénitude féconde , En qui du tout gist l'Estre et la vigueur. En qui de vie est la veine et le cœur; Verbe par qui le luysant firmament, Par qui le Ciel et tout son ornement Peut acomply, estendu, compassé Et en son tour de toutes parts haulsé ; Qui as aussi de la terre asseuré Les fondemens, le Gouffre mesuré, La Mer emply et reiglé ses finages,

Formé les vents, tempestes et orages ; Verbe tressaint, vive Image du Père, Splendeur, substance et exprès charactere, Après avoir par la prolation De ta vertu et vive expression Fait tout soudain de son Rien comparoir Le monde tout, et visible apparoir ; Par ton hault sens et conseil inscrutable L'homme tu feiz, de nature mirable :

Non seulement créé à ton image.

Mais le formas comme tesmoing et gage De ceste tienne humanité heureuse.

De ceste chair hostie précieuse , Et le posas au Jardin de plaisance, Nud de péché, et vestu d'Innocence, Et luy donnas loisir de s'esjouyr Avecques nous, et povoir de jouyr. Comme Seigneur de la terre tant belle; Mais puis après il te devint rebelle.

Luy, non content de ta vive Parole , S'alla renger où se tenait l'eschole Defaulsetéj dont le premier docteur.

Le fondateur, l'inventeur et aucteur Peut le Serpent dommageux, tortueux.

Lequel tu feiz de ton bras vertueux Tresrudement de ce lieu tresbucher Et, tempestant comme fouldre, bruncher.

DE l'agneau. 47

Là , rfwinme apprint les premiers rudiments, Les fondements, principes, éléments De vainement contre ton Nom forger Plusieurs faux Dieux, et maints abuz songer; Dont tresbucha en telle cécité Qu'il s'addonna à toute enormité.

Et, comme ceux qui de vin s'estourdissent, Brutalement et sans fin se remplissent.

Tant plus Raison veulent siiyvre et sçavoir. Tant plus leur sens insensé ils font voir, Ainsi estant humaine nature yvre De faulseté, tant plus vouloit au livre De son fol sens, et sans toy se y fonder, Tant plus faisait safollie abonder.

Or eust ainsi tousjours Phomme vescu, De cécité corrompu et vaincu, Si n'eust esté l expresse volonté De l'Eternel, lequel, par la bonté Qu'avecques toy son seul Filz ha commune En Deïté, toutesfois seule et une^ Voyant ainsi la Chair se fourvoyer, Détermina au monde f envoyer, Sermon divin. Parole magnifique.

Mais ton parler treshault et mirifique A riwmme estant inconnu et esîrange, L'Eternel dit pour sa gloire et louenge, Que toy qui es sa nayve diction,

Serais traduit par incarnation En tel parler que le monde entendrait, Et que par toy le secret comprendrait Qui f eut long temps en tan Livre celé, Lequel tu as pleinement descellé.

Qu'ainsi fust fait, ton Père l'a voulu. Dont tout soudain qu'a esté révolu Le temps par luy prefix à ta naissance, Chair as esté, sans muer ton essence.

Or attendant que le temps fust finy Par VEternel à ce fait prefiny, Par nous voulut que P homme fust conduit Dessaubz la Loy, et qu'ainsi il fut duit Par mains décrets et rudes éléments, Pour mieux povoir les divins sacrements De ton parler tant élégant comprendre., Et le vouloir du Saint des saints entendre ; Donc feu la Loy par nous en la main mise Du Moyenneur; et par tel si commise Que mat à mat au peuple Fescrirait Et pleinement devant tous la lirait.

Aussi, avant qu'en chair humaine vinse, Tu nous commis la charge et la province Des filz d'Adam par sur la terre espars, Lesquelz tu as semé de toutes parts, Saubz maintes laix, langues et factions. Et as voulu qu'en toutes régions

DE l'agneau. 49

Fussent par nous les Gentilz gouvernez,

En attendant qu'Ut seroyent amenez

Comme Brebis au bienheureux troupeau

Duquel tu es le Pasteur et l'Agneau.

Or, maintenant que tu es héritier

Et possesseur légitime et entier

De l'univers par ton Père ordonné,

Qui fa exprès le Royaume donné

Sur toutes gents comme Roy^ Syrc et Dieu,

Treshumblement nous te cédons le Heu ,

Recongnoissans que tu es le vray Roy

D'eux et de nous, et qu'il fault que par toy

Soit des Esluz le peuple modéré,

Et toy par luy et par nous adoré.

Roy trespuissant et souverain Seigneur,

Agneau régnant, digne de tout honneur,

Gloire, vertu, de grâces action,

Force, valeur et domination

A tousjoursmais tout le monde te rende,

Et que ton bruit sur la terre s'estende ,

Tant que tu sois de toute chair tenu

Le Roy des Roy s, et Sauveur recongnu.

Quand eurent dit, pour l'oraison conclure. Les deux ensemble et toute créature, A haulte voix, ainsi soit, respondirent , Tant qu'aux lieux bas les Enfers l'entendirent. Alors le Ciel de liesse et chansons,

De maints accords, et cantiques et sons, De tous costez clerement resonna.

Lors Vérité de sa harpe sonna Tresdoucement la sacrée Uranie; Semblablement la chaste compagnie, Le saint Convent des grâces supernelles, Les Chérubins estendirent leurs aesles, Environnant le siège sumptueux Qu'estoit gardé au Roy victorieux , Lequel, vestu de ses Royaux habits , D'un glaive fort à deux trenchans fourbis Ceint au costé, le beau sceptre en la main, Non composé par artifice humain, S'est colloque sur ce throne paré, Par l'Eternel long temps a préparé; Un siège estant de nature sy dure Qu'après les deux encor fault il qu'il dure, A fin qu'au Nom de sa principauté Toute vertu, en sa communauté.

Comme un servant les deux genoux pliast, En toute chair sa face suppliast.

Et que soudain la hauteur et largesse De tous les deux aux abysmes s'abbalsse, Quand il aura seulement commandé.

Car le Seigneur par exprès a mandé Par tous les lieux de la ronde fabrique. Que promptement toute langue s'applique

DE l'agneau. 51

A confesser que U Agneau glorieux, Roy par sur tout, à sa dextre est aux deux. Pourtant convient que la terre l'adore.

Et que le ciel le révère et honnore, Comprins en ce les célestes Espritz, Les astres tous qui leurs sièges ont pris Au firmament; rien n'en est excepté :

Car il est Roy du hault Sire accepté, Et les Enfers à sa voix trembleront.

Ainsi faisant un compte plein et rond, Il est Seigneur de VEmpire triforme, De Terre et Cieux et de l'Enfer énorme.

Roy s de la Terre, Empereurs et Primatz, Qui possédez ces incertains climaîz, Vous defaudrez et voz ans périront, Mesmes les Cieux comme un drap vieilliront; Mais le Seigneur sur son throne sera A tousjoursmais, et point ne cessera :

Car l'Eternel tant à vous qu'à voz Filz A limité un terme tout prefix; Mais à l'Agneau a dit qu'éternité Conservera son throne en équité :

Quoy que tousjours cy bas s'acoupleront Les grans tyrans , et se parforceront A ruiner son règne et primauté, Et que leurs cœurs yvres de cruauté S'assembleront contre luy pour la Beste ,

Si faudra il à tous baisser la teste.

Maugré leurs cœurs et forcenant outrage, Au seul Agneau sera rendu l'hommage; Et ne pourront par leur martyre et croix, Soient Empereurs, ou Monarques, ou Roys, Faire que paix ne se tienne au mylieu De ses subjetz, comme en son propre lieu. La paix je dy, non pas repos du corps. Car l'on sçait bien que toi, Sathan, ne dors; Mais je dys Paix, l'immobile seurté.

Le fondement d'invincible durté Qu'ont les Esluz, voire emmy les assaultz. Voire en prison et profond de leurs maux. Ainsi fault il qu'il dom.ine paisible Dedens les siens, d'une paix impossible Aux Reprouvez, et qu'en toute contrée Soit son saint nom et sa gloire monstrée, Qui V euh par tout la terre environner Et de son bruit faire le Ciel tonner.

Plusieurs pais Babylone rendit Subjetz à soy, et son règne estendit Jusques au cours du grand N de fécond.

Puis succéda l'Empire en lieu second Le grand Cyrus, dont le sceptre honoré Peut quelque temps en Asie adoré.

Depuis survint la brefve Seigneurie De Maccdone; à qui Perse et Syrie,

DE l'agneau. 55

Pour du régner emplir l'affection

Et pour assoir sa folle ambition^

Sembloit avoir ses confins trop estroitz;

Pource, en passant maintz perilz et destroitz,

Emplit encor l'Afrique sablonneuse,

L'Egypte toute et Arabie heureuse ^

Et puis, ayant l'Indie surmontée.

Passa le mont glacé de Promethée ;

Mais morte et nulle en peu d'heure devint,

Et en son lieu la majesté survint

De la Cité qui feut édifiée

Par Romulus, et par luy dédiée

Du propre sang de son frère Germain.

Laquelle, ayant de sa sanglante main

Du tout brisé la superbe Carthage

Et des Gaulois affoibly le courage,

Plusieurs pais et langages divers

Qui sont espars en ce bas univers,

Par longs effors et par guerres mortelles.

Tout d'un accord feit vivre soubs ses ssles.

Dont tellement sa puissance elle accreut

Que par orgueil elle pensa et creut

Estre fondée en fermesse immortelle,

Et que jamais Seigneurie après elle

L'on ne verrait au monde dominer.

Ou qui la peust du tout exterminer.

Mais en ce poinct que tant de gens vainquit,

De son mylieu sa ruine nasquist.

Et tout ainsi que peu à peu la nue,

Quand par vapeurs le temps se trouble et mue ,

Vient tellement à s'estendre et enfler

Qu'elle ne craint le bruyre ne souffler

De tous les vens qui à l'entour se meuvent ;

Mais toutesfois dedens elles s'esmeuvent

Certains debatz et intestines guerres,

Bruitz et flambeaux, esclairs, aussi tonnerres;

Puis dedens soy d'elle mesme troublée,

Et tellement de tumulte comblée,

Soit parplouvoir ou gresler, se défait:

Ainsi, estant l'Empire Rommain fait

Sy grand, sy hault, sy puissant et sy fort

Qu'il ne craignoit des estrangers l'effort.

Secrètement soubz ses £sles couvoit

Sédition, et ainsi se mouvait

En peu de temps la tempeste civile

Qui feit déchoir ceste superbe ville.

Ainsi le nom et l'Empire Rommain,

Jadis fondé par tant de sang humain.

Après avoir le monde combatu,

Feut à la fin de sa force abbatu :

Le tout venant par divine ordonnance,

Par le conseil et haulte Providence

Du Souverain qui de rien aggrandist

L'homme abbaissé, et le grand amoindrist;

DE l'agneau. 5$

Qui fait régner l'homme povre et abject, Et le régnant fait devenir snbject.

Ainsi luy plaist que tous les Potentat! Qui sont cy bas, Seigneuries, Estatz, Principaatez Royales, tyranniques, Communautez et toutes Republiques, Facent leur temps, et puis la place cèdent, Et par momens et termes se succèdent.

Mais de l'Agneau le Royaume estably Ne peult déchoir ne venir en oubly.

Sy hault ne peult l'inconstante fortune Lancer son bras ne jetter infortune.

Le Temps chanu, qui toujours envieillit, Qui tant de faitz soubz soy ensevelit, Plus hault que n'est ce hault règne demeure. Plus bas il court se changeant d'heure en heure : Parquoy l'Agneau tousjours triomphera, Tousjours régnant sur son throne sera.

Ne dtees plus, ô hommes insensez, Ne dites plus ny en voz cœurs pensez Que sur les deux Nécessité fatale Tient par sur tout la dignité Royale.

Ne pensez plus l'immuable Atropos Avec ses sœurs^sans séjour ne repos.

Faire et fournir la fatale filasse^ Ny obtenir sur les Astres la place.

Ne pensez plus que le cercle en quoy sont

Les feux luysans qui douze signes font,

Soient le Palais, le domicile et règne

Où seurement comme emperiere règne

Nécessité , ny que d'elle ressort

De tous effectz l'Adventure et le Sort;

Mais rendez tous à cest Agneau l'honneur,

Et confessez qu'il est grand gouverneur,

Roy premier né sur toute créature,

Lequel régit tout l'Estre de nature.

Tenez le donc par Foy vive et entière

Le chef vivant des enfans de lumière ,

Car l'Eternel ainsi l'a ordonné,

Et d'un honneur sy hault l'a couronné.

L'Agneau cy bas humblement s'abbaissa.

Sa majesté pour quelque temps mussa,

Et soubs la Loy obédience apprint,

Tant que la mort exécrable en gré print

Et endura la honte de la Croix,

Mourant, pendant comme infâme en un bois.

Pourtant ainsi l'a exalté le Père,

Et a tollu de la mort l'impropere ,

En luy baillant planiere autorité,

Un nom aussi de telle dignité

A qui soit fait par tout le monde hommage,

A qui soit fait et d' œuvre et de courage

Par tous les saintz deue recongnoissance ,

Comme à celuy qui ha toute puissance,

DE l'agneau. ^7

Qui tient la clef des célestes thresors,

Et comme il veult les dispense et met hors.

Or, estant donc nostre Médiateur, Nostre Advocat et Sacrificateur, Par son pur sang au Sanctuaire entré , Après avoir le hault Ciel pénétré En apportant le fruit de sa conquestc, A ainsi fait sa tresdigne requeste :

Père Eternel, puis qu'ainsi il t'a pieu Que dens le corps qu'à ce tu as eslen Fust acomplie entière obédience Pour supplier à l'inobedience Dont soubs Péché feut le monde vendu , Je te requiers, à bon droit, entendu Qii'il t'a pieu de mal faire un grand meffait, Autant et plus de bien puisse un bienfait. Si par Adam le monde à mort feut mis, Si un Péché par un homme commis A toute chair vilainement tachée, Et pour cela la mort s'est attachée Sans nul esgard à l'humaine nature , Raison veult bien, par l'oblation pure Et par le bien de ma chair innocente 'Sans qu'au contraire accusateur attente) , Qu'aux hommes soit miséricorde faite.

Et que la Loy se tienne satisfaite; Je dy à ceux qui à moy se joindront

j8 LE TRIOMPHE

Par vive Foy, et qui mon nom prendront Pour finvoijuer comme Père et Tuteur ; Qui me tiendront leur Frère et Protecteur. Puis que'fay mis mon Ame et sang pour eux, Tant ay esté de leur bien désireux.

Je te requiers que celle charité Que tu me porte en ferme vérité, Ce tien amour invincible, éternel, Qu^as envers moy d'un zèle paternel.

Te fasse aussi les aymer, tellement Que dens leurs cœurs Hz sentent pleinement Que tu les as pour tes enjans receuz Comme de toy engendrez et conceuz.

Quand par erreur et faiblesse cherront.

Et qu'en mon nom ta grâce requerront, Souvienne toy qu'ils sont nés imparfaitz, Et que de chair fragile tous sont faitz. Las! Hz seront diversement tentez, Et d'ennemis maintefois affrontez; De tous costez se verront assaillir.

Tant qu'ilz pourront assez de fois faillir : Donc pour eux tous ta faveur je demande. Père tressaint, je les te recommande.

Je sçay que c'est, j'ay les destroitz passé, J'ay de la mort le dur pas trespassé; Dont je ne puys en leur tentation Les contempler sans miseration.

DE l'agneau. J9

Las ! c'est un cas qui de bien près me touche,

Puis que leur suis tant allié et prouche.

Ils sont ma chair, mes membres et mon corps :

Raison veult donc que d'eux je sois recors.

Pourtant te fais la requeste présente,

Et devant toy pour eux tous me présente:

Par ta bonté éternelle Hz sont tiens,

Et d'abondant par achapt ils sont miens.

Tu les as tous soubz ma tutelle mys,

Et seurement par moy leur a promis

Que leur seras gratieux et propice :

Donc te requiers un paternel office,

C'est qu'en leurs cœurs pleinement tu espandes

Et vivement en leurs bouches estendes

Le feu ardent de nostre Charité,

L'esprit vital de nostre dette,

L'eau, l'onction qui de tous deux procède :

Ainsi auront un soûlas et remède

Contre l'effort et pouvoir diabolique,

Contre le glaive et vertu tyrannique.

Ce leur sera un vray Consolateur,

Un paraclet, un secret instructeur,

Une seurté, un tesmoing et un gage ,

L'arre et le seau de ce hault héritage

Lequel par moy leur a esté acquis ,

Lequel par toy, sans qu'ilz t'eussent requis,

Leur a esté avant tout temps donné :

6o LETRIOMPHE

Ainsi tu l'as, à mon Père, ordonné.

Or j eut ainsi ceste haulte oraison Faite et fondée en divine raison.

De PEternel franchement acceptée.

Reveremment aussi feut escoutée Des saintz espritz qui habitent les deux. Et pénétra ce parler précieux Jusques aux cœurs de ses féaux amys.

Dont les péchés, par grâce, sont remis. Ainsi l'Agneau en sa volonté eut Et pleinement entre ses mains receut Tous les thresors célestes et les dons Duhault esprit, et grâces et pardons Pour despartir selon son bon plaisir A tous ceux là qu'il luy a pieu choisir Et appeller pour estre ses heraultz; A tous ceux là, tant nobles que ruraux, Q^ui en son corps et testament seront Par Foys comprins et Seigneur l'advou'ront.

Puis, en monstrant sa divine largesse Et en faisant notoire sa grandesse, Feii tout acoup le luysant Ciel ouvrir, Et ses amys de la vertu couvrir De son esprit, lequel par maints flambeaux, Par feu parlant langages tous nouveaux, Visiblement en bruyant descendit Et sur chacun part à part s'estendit.

DE l'agneau.

De cjuoy jadis le Monde s'esionna, , Quand vivement de leur bouche tonna Celle vertu et puissance divine; Quand de leurs cœurs la céleste doctrine Comme torrents abondamment sortit, Et du cerveau des ignor ans partit.

Or est ainsi sur son throne Royal Triomphamment cest Advocat loyal, L'Agneau, le Roy, le Rédempteur, le fdz^ En attendant que du tout desconfitz Ses ennemys soubz ses piedz mys seront, Et ruez juz, de scabeau serviront; En attendant qu'une autre fois revienne Pour acomplir la promesse ancienne En ses Esluz, lesquelz suscitera :

Ainsi tousjours sur tout triomphera.