Cette notice n'est pas dans le ms. A
La Sainct Denis;
La Toussains;
La Sainct Marcel;
La Nostre Dame en septembre;
Le jour de Noël;
Sainct Estienne;
Le Jeudi absolut.
Extraict^ d'un gros livre estant en la Chambre du procureur du Roy ou Ghastellet de Paris, escript en pappier, relié entre deux aiz couvert de cuyr blanc, faisant mencion des jurisdicions de Paris et des environs appartenant à plusieurs seigneurs, ou quel livre folio ne XII est contenu ce qui s'ensuit :
Les margueliers laiz de Nostre Dame de Paris on[t] justice, comme il appert par ung arrest prononcé le xve jour de mars mil IIIcXIX de certain procès qui pendoit par devant lesdits margueliers entre Pierre de Gatur et sa femme, d'une part, et frère Guillaume de Segoncourt d'aultre part; desquelz margueliers fust appelle par devant le bailly de l'evesque de Paris, et dudit bailly fut appelle en la court de Parlement.
Je ay veu le registre dudit arrest par lequel fust dit bien jugé par le[s] margueliers et par le bailly et les parties renvoyées par devant ledit marguelier. Ainsy signé : Blanc.
Ou Parlement du Roy nostre sire à Paris, es registres des enquestes et procès jugés par la court ou Parlement d'octobre à la Toussains Tan mil IIIc et XVI, en ung registre couvert de cuyr rouge est escript ung arrest qui sert pour la justice des margueliers laiz qu'ilz ont hors la porte Sainct Jaques, par lequel appert que pardevant le chamberier lay de Tesglise de Paris comme lieutenant desdits margueliers, se meut procès pour raison de la propriété des deux maisons assises audit lieu entre Albert de Barbarie, tuteur des enfans de Endeline la Lombarde, d'une part, et le prieur et couvent de Goussy, d'aultre part, et finablement lesdites deux maisons furent adjugées par ledit chamberier, comme lieutenant d'iceux margueliers en leur jurisdicion séculière, audit tuteur; dont fut appelle par les dits de Goussy par devant le prevost de Paris, par la sentence duquel la dicte sentence dudit lieutenant fust conformée ; dont fust appelle en Parlement, et par ledit arrest fust derechief icelle sentence conformée et lesdits de Goussy condempnés en l'amende. Qui est pour monstrer de la jurisdicion que ont lesdits margueliers audit lieu des Tumbes, hors la dicte porte Sainct Jacques.
