Refretouer, Stat
[l36] LES MARGUILLIERS LAÏCS. 295
le vin et la char, et pour ce les appelle l'en estacions car il furent tausés et avallué à argent, et les maregliers lays prenent en celui argent des estacions et des Os devant nonmés autant conme ii chanoines d3 l'église en toutez chozes si conme il est acoustumé et escrit et enregistré ou petit livre qui est en chapistre deriere le doien, enfermé et ataiché à une chaîne de fer en la petite aumaire sus les sièges, ouquel livre est escript et registre et contenu toute l'ordenance et touz les estatus des estacions et des Os, ne conbien les maregliers lays y doivent prendre ni esquiex, et s'en est la chartre et la devision et la remanbrance de touz ceuz de l'église qui prenent estacions especiauement des maregliers lays conbien il i prenent ne doivent pre[n]dre ne qui les paie ne par quelle main ni ausquels termez si conme il s'ensuit :
Premièrement, les maregliers lays prennent, par raison de ii estacions, par la main du sergent de chapistre qui a l'ofisse que on apelle grant queu, viii 1. xi s. iiii d. p. chascun an aus termes acoustumés, c'est asavoier à la Saint Remy xl s. et à Nouel xlv s. viii d. et à Pâques xl s. et à la Saint Jehen Baustitre xlv s. viii d.
Item, les maregliers lays prenent par raisons de ii estacions, par la main du sergant du chapistre qui a l'ofice que en apelle geoler de chapistre, iiii 1. viii s. p. et xvii s. p. pour les Os de Noël. Sonme de l'argent que les maregliers prenent par devers le geôlier de chapistre c et V s. p. chacun an aus terme sa coustumés, c'est asavoier à la Saint Remy, xxii s. et à Noël xxxix s. pour les Os et pour les estacions, et à Pâques xxii s. et à la Saint Jehen Baustitre xxii s. Et si prenent les maregliers devant nonméz de touz les sergans ou maires que le chapistre fait nouveaus, par la main du geoler de chapistre devant dit, de chascun xii d., autant conme ii chanoines, et ce apelle l'en le petit vin, et est de l'ordenance des estacions ; et si prenent les maregliers le derain jour de la seurveille de Noël àl'Ostel Dieu, par la main du geoleir de chapistre devant dit, iiii sistrenges de vin autant conme ii chanoienes, et ce apartient et est des ordenances des estacions.
Item, les mareglie[r]s lays prenent pour raison de ii estacions, par la main d'un sergant de chapistre qui a l'office que on appelle le panetier de chapistre, viii^x et xvi pains de chapistre d'une part, et xxxvi pains de chapistre pour les Os de Noël, et à chascun pain des xxxvi, Il gastellés petis ou antoines et iiii oublées. Sonme du pain de chapistre que les maregliers prennent par la main du panetier devant dit ii^ et xii pains et lx et xii' gastellés et vii^x et un oublées chascun an. Et si prennent les maregliers devant nonmés du pennetier devant dit iiii gateaus autant conme ii chanoines à la feste de
