Reprise de la minute française

188 Les Martyre

Interroguée s'elle fist cette saillie du commandement de sa voix, R, Que en la sepmaine de Pasque derrenièrement passé, elle estant sur les fossés de Meleun, luy fut dist par ses vois, c'est assavoir, saincte Katherine et saincte Marguerite, qu'elle seroit prinse avant qu'il fust la Sainct-Jehan, et que ainsi failloit qui fust fait,^et qu'elle ne s'esbahit et print tout en gré, et que Dieu lui aideroit.

Interroguée se depuis ce lieu de Meleun luy fut point dit par ses dictes vois qu'elle seroit prinse, R, Que oail, par plusieurs fois, et comme tous les jours. Et à ses voix requéroit, quant elle seroit prinse, qu'elle fust morte tantoust, sans long travail de prison, et ilz luy disrent qu'elle prinst tout en gré, et que ainsi la falloit faire ; mais ne luy disrent point l'eure ; et si elle Teust sceu, elle n'y fust pas alée ; et avoit plusieurs fois demandé sçavoir l'eure et ilz ne lui dirent point.

Interroguée se ses voix lui eussent commandé qa*elle fust saillie et signifié qu'elle eust esté prinse, s'elle y fust alée, R. S'elle eust sceu l'eure, et qu'elle deust estre prinse, elle n'y fust point alée voulentiers ; toutes voies elle eust fait leur commandement en la fin, quelque chose qui luy dust estre venue.

Interroguée se, quand elle fit cette saillie, s'elle avoii eu voix de partir et faire celle saillie, Jî. Que ce jour ne sceut point [par avance] sa prinse, et n^eust autre commandement de yssir (sortir) ; mais toujours luy avoit esté dit qu'il falloit qu'elle feust prisonnière.

Interroguée se, à faire celle saillie, s'elle passa par le pont, respond qu'elle passa par le pont et par le boulevart, et ala avec la compaignie des gens de son party sur les gens de monseigneur de Luxembourg, et les rebuta par deux fois jusques au logeis des Bourguegnons, et à la

Jeanne d'Arc 189

tierce fois jusques à my le chemin ; et alors les Anglois, qui là estoient, coupèrent les chemins à elle et ses gens, entre elle et le boulevart ; et pour ce se retraîrent ses gens ; et elle en se retraiant es champs en costé, devers Picardie, près du boulevart, fut prinse ; et estoit la rivière entre Compiègne et le lieu où elle fut prinse ; et n'y avoit seuUement, entre le lieu où elle fut prinse et Compiègne, que la rivière, le boulevart et le fossé dudit boulevart.

Interroguée se en icelluy estaindart, le monde est painct, et deux angles (anges), etc., R, Que ouil et n*en eust oncques que ung.

Interroguée quelle signifiance c'estoit que prendre Dieu tenant le monde et ses deux angles, R. Que saincte Katherine et saincte Marguerite luy disrent qu elle prinst hardiement, et le portast hardiement, et qu'elle fist mectre en paincture là le Roy du ciel. Et ce dist à son roy, mais très envis (à contre-cœur), et de la signifiance ne sçait autrement.

Interroguée s'elle avoit point escu et armes, R, Qu'elle n^en eust oncques point ; mais son roy donna à ses frères armes, c'est assavoir, ung escu d'asur^ deux fleurs de Hz d'or et une espée parmy ; et en ceste ville a devisé à ung painctre celles armes, pour ce qui luy avoit demandé quelles armes elle avoit. Item, dit que ce fut donné par son roy à ses frères, à la plaisance d'eulz, sans la requeste d'elle, et sans révélacion.

Interroguée scelle avoit ung cheval, quand elle fut prinse, coursier ou haquenée, R. Qu'elle estoit à cheval, et estoit ung demi coursier celluy sur qui elle estoit, quand elle fut prinse.

Interroguée qui luy avoit donné cellui cheval, R. Que son roy, ou ses gens luy donnèrent de l'argent du roy ;

et en avoit cinq coursiers de l'argent du roy, sans les trotiers (trotteurs) où il en avoit plus de sept.

Interroguée s'elle eust oncques autres richesses de son roy que ces chevaulx, /?. Qu'elle ne demanderoit rien à son roy, fors bonnes armes, bons chevaulx et de Targeot à paier les gens de son hostel.

Interroguée s*elle n'avoit point de trésor, /?. Que 10 ou 12 mille [francs] qu elle a vaillant, n'est pas grand trésor à mener la guerre, et que c'est peu de chose, et lesquelles choses ont ses frères, comme elle pense, et dit que ce qu'elle a, c'est de l'argent propre de son roy.

Interroguée quel est le signe qui vint à son Roy, R. Que il est bel et honnouré, et bien créable, et il est bon, et le plus riche qui soit.

Interroguée pourquoy elle ne voult aussi bien dire et monstrer le signe dessus dit, comme elle voult (voulut) avoir le signe de Katherine de la Rochelle, /?. Que, — se le signe de Katherine eust esté aussi bien monstre devant notables gens d'Eglise et autres, arcevesques et évesques, c'est assavoir devant l'arcevesque de Rains et autres évesques dont elle ne sçait le nom (et mesmes y estoit Charles de Bourbon, le sire de la Trimoulles, le duc d'Alençon et plusieurs autres chevaliers qui le veirent et oîrent aussi bien comme elle voit ceulx qui parloient à elleaujourdhuy), comme celluy dessus dit estre monstre, — elle n'eust point demandé sçavoir le signe de ladicte Katherine. Et toutes voies elle sçavoit au devant (antérieurement) par saincte Katherine et saincte Marguerite, que, du fait de la dicte Katherine de la Rochelle, ce estoit tout néant.

Interroguée se le dit signe dure encore, Jt. < Il est bon à sçavoir, et qu'il durera jusques à mil ans, et

Jeanne d'Arc 191

oultre ». Item que ledit signe est en trésor du roy.

Interroguée ce (si) c'est or, argent ou pierre précieuse, ou couronne, R, « Je ne vous en diray autre chose ; et ne sçaroit homme deviser aussi riche chose comme est le signe ; et toutes voies le signe qui vous fault, c'est que Dieu me délivre de vos mains, et est le plus certain qu'il vous sçache envoyer ».

Item dit que, quant elle deust partir pour aller à son roy, luy fut dit par ses voix : « Va hardiment ; quant tu seras devers le roy, il aura bon signe de te recepvoir et croire ».

Interroguée quant le signe vint à son roy, quelle révérence elle y fist, et s'il vînt de par Dieu : respond qu*elle mercia Nostre-Seigneur de ce qui (qu*il} la délivra de la paine des clercs de par delà qui argûoient contre elle et se agenouUa plusieurs fois.

Item dit que ung angle (ange) de par Dieu, et non de par autre, bailla le signe à son roy ; et elle en mercia moult de fois Notre Seigneur.

Item dit que les clercs de par delà cessèrent à la arguer, quant ilz eurent sceu ledit signe.

Interroguée se les gens d'église de par delà veirent le signe dessus dit, R. Que quant son roy et ceulx qui estoient avec luy eurent veu ledit signe, et mesmes Tangle (ange) qui le bailla, elle demanda à son roy s*il estoit content; et il respondit que ouil. Et alors elle party et s'en ala en une petite chappelle assés près et ouyt lors dire que après son portement^ plus de trois cens personnes veirent ledit signe.

Dit outre que par l'amour d'elle, et qu'ilz la laissassent à interroguer, Dieu vouloit permeictre que ceulx de son party qui veirent ledit signe, le veissent.

Interroguée se son roy et elle firent point de révérence à l'angle (ange) quant il apporta le signe, respond que ouil, d'elle, et se agenouUa et oulta (ôta) son chaperon.