C'EST LI PRIVILEGES DOU BOS DE LE COMMUGXE DE MARCHIENES

Nous, Gilles, par la grasse de Dieu... abbes del eglize saint Roitru de Marchienes (]) et tous li couvens de cel meisme lieu, faisons savoir à tous, ke com debas et descorde fust meute entre nous d'une part et les eskievins et toute le communité de no vile de Marchienes d'autre part, sour chou ke nous disiemes ke nous en tout le bos ke on apiele le commugne de Marchienes, séant selonc le bos ke on apiele le kewe de Tilloit, et s'estent duskes au Pire Croisiet (2), et en revient joingnant à nos bos duskes au ries de le prée (:5), deviesmes avoir pel (4) et verge et tout autre bos pour clore et pour toutes nos besongnes faire, fors ke por no ardoir (5), dedens le marié (?) de Marchienes ; à quoi li eskievin et toute li communités de le dite vile respondirent ke pel et verge nous deviemes avoir en celui bos pour nos besongnes fors pour ardoir dedens le vile de Marchienes. Encor disiemes nous pour nous et pour no eglize ke ce bos devant dit li eskievin et li communités de le ville ne pooit tallier, ne faire tallier fors quant li bos seroit del aage de douze ans ou de treze ans,

(!) Arrondissement de Douai, département du Nord.

(") La Queue-de-Tilloi, la Pierre-Croisée doivent être des lieux-dits.

(3) Le ruisseau de la Prairie.

(4) Pieu.

(3) Excepté pour notre chauffage.