CHAPITRE

Comment la guerre recommença entre les rois de France et d'Angleterre , et furent toutes tresves rompues,

Charles , roi de France , deûement informé que les Anglois faisoient guerre au royaulme d'Ecosse et au roy d'Espalgne ses alliés, et pareillement à ses subjets de la Rochelle , de Dieppe, le tout continuellement, sans rendre ni reparer choses qu'ils faisoient contre icelies trêves, combien que par plusieurs et diverses fois, especialement à cause de la prise de Fougieres, il les eut fait sommer par ses embassadeurs, et ceulx du duc de Bretaigne, tant au Roy mesmes en son pays d'Angleterre , comme à ceulx qui de par lui avoient le gouvernement de Normandie, considérant encore que malgré les tresves, les Anglois de Mante , Yernuell et Laigny, alloient sur le chemin d'Orléans et de Paris desrober, et copper les gorges aulx bonnes gens, et marchands qui passoient leur chemin, et le semblable faisoient les Anglois de Nœuehastel , de Goumay, de Gerberoy, sur le chemin de Paris et Amiens, et avec ce allotentde nuit par le plat pays, prendre, tuer et divertir les gentils-hommes de l'obéissance du Roy, que ceulx qui faisoient cela se faisoient appeler les frais visaiges^ et se vestoient et desguisoient d'habits dissoluts et espouvantables , afin qu'on ne les recognut pas; lesquelles causes estoient refusant de reparer : le Roy délibéra par conseil de leur faire la guerre par mer et par ten*e, et feirent lui et le duc de Bretaigne assembler leurs gens de toutes parts , durant lequel temps les Anglois feirent une saillie sur les gens du duc de Bretaigne, lesquels les reboutterent si asprement qu'il y eut tant prins, que morts, six vingt Anglois.

MEMOIHES DE DU GLEBCQ.