CHAPITRE m

Comment la ville de Vemoeul fut prinse par un molnier et le chastel assiège.

En ce temps un meunier de la vile de Vernoeul , qui avoit son moulin contre les murs d'icelle ville ) fût battu d'un Anglois faisant le guet , pour ce qu'il dormoit ; de despit il alla vers le bailly d'Evreulx , et luy promit naoyennant certaines convenances faictes entre eulx de le boutter dedans la ville, et s*assemblérent messire Pierre de Brézé , seneschal de Poitou , le bailly d'Evreulx Jacques de Clermont et aultres; ils chevauchèrent tant que touts ensemble se trouvèrent le neuvième Jour de juillet Tan 1449, au point du Jour, près des murs de la ville de Vemoeul ; icelui meunier qui faisoit le guet ce Jour là feit descendre les aultres qui estoient au guet plus matin qu'ils n'avoient accoustumé; et pour ce qu'il estoit dimanche, ils se hasterent d'aller à la messe pour desjeuner. Les François à l'aide du meunier, dressèrent les eschellea au droit du moulin , et entrèrent en la ville sans être apperçus. Us estoient dedans six vingt Anglois , dont aulcuns ftirent tuez et prins , les aultres se retirèrent au chastel à grande haste. Le lendemain le meunier ostaune partie de l'eau des fossés du chastel , lequel Ait assailli et deffendu moult valieureusement, mais à la fin fut prins d'assault , ou il y eut moult belles armes faites, et par especial par le seneschal , et là furent morts et prins plusieurs An* glois , les autres se retirèrent en grande haste , en la tour Grise , laquelle estoit moult forte et imprenable , tant qu'il y eut à manger dedans, car elle est haulte et grosse , séparée hors du chastel , bien garnie et environnée de fossés pleins d'eau.

<xx>