CHAPITRE V

Comme le roy de France feii mettre le siège devant le palais de Rouan, et comment le palais lui fut rendu.

Après que le duc de Sommerset se ftit retiré, le Roy commanda mettre le siège devant le. palais, lequel y fut mis du costé de vers les champs où le Roy envoya grand nombre de gens de guerre ; et furent assis les bombardes et canons au devant de la porte du palais, qui ouvre sur la vile, et pareillement de celle qui ouvre sur les champs. Quand le duc de Sommerset apperceut ces approches, il fut moult esbahy ; voyant qu'il a voit peu de vivres, et beaucoup de gens ; considérant aussi qu'il ne pouvoit cstre nullement secouru, il requist à parlamenter. Pour cette raison furent faictes tresves des deux c6tés, lesquelles furent prolongiées de jour à aultre par Tespace de douze jours, pour ce que les Anglois ne voulloient consentir de laisser en hostage le sieur de Tallebot. Se parlèrent par plusieurs fois le comte de Dunois, et ceux du grand conseil du Roy avecq les Anglois; à la fin furent d'accords ensemble que le sieur de Sommerset, sa femme, enfans, et tous les autres Anglois du palais et cbastel s'en iroient où bon leur sembleroit, en leurs pays, leurs corps et leurs biens saufs, réservés les prisonniers et grosse artillerie ; qu'ils paieroient au roy de France cinquante mil escus d'or, et paieroient en outre tout ce que ils debvoient loyalement à ceulx de la ville, l>ourgeois et marchands ; que le gouverneur rendroit les places d'armes de Caudebec, . de Montierviliier, de Lislebonne, Tancarville et Honfleur , et pour seureté de ce baillerolt son scei et lettres ; et demeurerolt en hostage le sieur de Tallebot, jusqu'à ce qu'icelles places fussent rendues, et les cinquante mil escus payés. Que pour les deniers dûs à ceulx de la ville, demoureroient en hostage le fils du comte Donnent d'Irlande et le fils de Thomas Gruel, capitaine de Chlerbourg, et le fils du sire de Roz : et ainsi fut fait; puis fiirent livrés les hostages aulx commis du Roy ; et puis s'en allèrent le duc de Sommerset et autres Anglois à Harfleur, et delà à Gaen. Le duc commist pour faire rendre les places, messires Thomas Hos el le sieur Foucques Etton ; ceux-cy feirent mettre les places en l'obéissance du roy de France , hormis Honfleur, dont estoit capitaine un nommé Courson , qui ne le voulut rendre , et pour ce demeura le sieur de Tallebot prisonnier du roy de I France.

M., T. ui.

nio

MEMOIRFS i)E lU' CLERCQ.